ويش عذرالرجل ليحب بنت جامعيـه
مغرم في حسنهـا واسلوبهـا وبفلسفتهـا
ويش عذر الشاعر اللي حب بنت شاعريه
كل نغمـة حـب فينـي لحنتهـا واعزفتهـا
ياصدى وهج المشاعر والحسـن والجاذبيـه
يامراويـح الغيـوم الممطـرات وهفهفتـهـا
يازهـور العطـر ياكـل الـورود البابلـيـه
ياحلاة الكون ياهمس الحـروف وصفصفتهـا
ياغـلا قيـس الملّـوح للهنـوف العامريـه
ياحياة العشـق ياحكـي القلـوب وسالفتهـا
ساعبي تحت الضلـوع وغـردي بالسامريـه
رفرفي بين الحنايـا العـوج يامـن شرفتهـا
وانقذيني مـن همومـي والعنـا والعسكريـه
وانقذيني من هموم اكثيـر وانتـي عارفتهـا
فلسفي دنيـاي واغتالـي عصـور الجاهليـه
بددي ذيـك الحيـاة اللـي همومـي غلفتهـا
واشرقي ياشمس عمري في الليالي السرمديه
واغرقيني في زوابع روحك وفي عاصفتهـا
واحلمي بي لاغفيتي فـي المنامـات الهنيـة
وانطقي باسمي مع كذب الحلـوم وهذرفتهـا
واعصفي بالقلب ياريـح الغـرام الموسميـه
واجلي ارياح الهموم اللي رياحـك خالفتهـا
وانقشيني وسط قلبـك كالنقـوش السومريـه
وارسميني صوره ماكل الانظار اكشفتهـا
للجمال أملوك ياتاج الحسن واجمـل صبيـه
وللحياه احساس لاصرتي الحيـاه وعاطفتهـا
لا مصر لا الشام لا كـل البـلاد المغربيـه
لا الخليج ولا العراق ولا صفه تشبه صفتهـا
هي كنوز أرض اليمن هي عرش بلقيس الغنيه
هي ذهب قارون هي زنوبيا فـي عجرفتهـا
هي طغا فرعون هي هامان في ظلمه وغيـه
هي دها مـرت العزيـز ومثلهـا وبنقرفتهـا
هـي كيلوبتـرا بطلتهـا الجميلـه والبهـيـه
وشجره الدر بحلاوة خدهـا وايضـاً شفتهـا
هي قصايد طرفه ونبض الحروف البحتريـه
هي بحور الشعر لافاضت وهاضت واعسفتها
هي رسم بيكاسيـو هـي مدرستـه الواقعيـه
هـي نغـم بيتهوفـن ومقطوعتـه ومولفتهـا
ماحوت الارض الوسيعه وصفها بين البريـه
احمد الله واشكره يومـن وهبنـي معرفتهـا
مع تحياتي:
Amaar
ما له عذر اخوي Amaar قصيدة في قمة
الروعة صح لسانك وتسلم يمناك على كتابتهاا
اتمنى لك المزيد من الابداع..
مع تحياتي لك
فعلا
ابيات جميله
تشكر اخوووي
وتحيااااااااتي