روايتي الاولى : لاجلك ابي انسا 2024.

[/size][/size]ر1
السلام عليكم ورحمة الله ..
احم احم ماعرف من وين ابتدي صراحة ..
هذي اول رواية لي واللي هي لأجلك ابي انسا ..
ولقبي ذكرى السنين روايتي تتحدث عن اللقطاء ..
ابطال القصة هنادي وسلطان .. للمعلومية روايتي من نسج الخيال
هنادي بنت شابه عمرها 18 سنه آيه من الجمال وجهها بريء بيضاء عدساتها زرقاء عيونها واسعه فمها صغير وردي ..
اللقطاء كثير .. ولكن لقطاء ك هنادي قليل عانت كثير..
وتعبت وتعذبت .. ليه تعذبت؟ لانها تدافع عن نفسها في دار الايتام ..
هنادي بنت عانت من صغرها الين ماكبرت..
قصتها .. امها وابوها جابوها بالحرام .. امها رمتها بالقرب من النفايات بينما هي تصرخ مغلفة بقماش..
تبكي جائعه .. تبكي برداً .. تبكي على ماسيحدث لها بالحاضر .. تبكي وتبكي ..
هنادي "تبنوها" عائلة حبوها .. اعطوها الحنان اللي فقدته .. عاشت معهم سنين وسنين .. تعرفت عليهم وارتاحت لهم ..
راح اعرف لكم عائلة هنادي ..
مزنه : عمرها 42 سنه تحب هنادي جدا وتعاملها كأنها بنتها الحقيقيه ..
سليم : عمره 49 سنه يحب هنادي جدددددددا ..

* الـــــــــــبــــــــــــارت الاول ~
الفــــــــــــــصــــــــــــــل الاول *
فـــــي الــســيــاره …
مزنه : هنادي يابنيتي ناوليني المويه
هنادي تضحك: ماما وش ناوليني ههههههه قولي اعطيني ..
مزنه : هي كلها نفس بعض
هنادي : طيب مامتي
سليم : هنادي بنتي محتاجين شيء ؟ انا جوعان وانتم؟
هنادي : لا يُبه شبعانه اكلت بالعافيه عليك
مزنه : انا جيب لي ..
سليم : وكم عندي مزنه
هنادي تضحك : الله عليكم تتغزلوا ببعض قدامي ههههههههههههههههههههههههههه
مزنه منحرجه : هو مايتغزل
هنادي : لا ياماما لانضحك على بعض ..
بعد ساعتين وهم لسا بالسيارة هنادي نايمة وسليم تعبان جدا ويحس انه بيدوخ بأي لحضه
فــجـــأة .. السيارة تتلفت يمين شمال ولين ماصدمت السيارة مزنه طارت من السيارة و طاحت
اما سليم فهو في حاله حرجة جداً..
اتصلوا الناس على الاسعاف وصراخ وحاله ..
في المستشفى .. هنادي كانت حالتها مستقرة .. ولكنها بغيبوبه اما سليم فهو في العناية المركزة لانه بين الحياة والموت ..
**********************************
**********************************
فـي الـقـصـر الفـخـم ..
العايلة مجتمعه على العشاء ..
قبل كل شيء اعرفكم على العائلة الثريه ..
ابو سلطان : تاجر كبير جدا جدا .. عمرة 48 حنون جدا دايم يسافر لاشغاله .. وجودة في البيت قليل ..
ام سلطان "درعا" : عمرها 41 تحب عيالها .. بس انها حقوده ..
سلطان : الاخ الكبير عمره 27 .. هيبه بكل ماتعنيها الكلمة من معاني .. جميل جدا جدا بشرته بيضاء عيونه وساع عسليه .. معضل خاقين عنده البنات .. معروف بالمملكة له سلطة في البيت هو يمشي اخوانه على مزاجه كلمتة تمشي حنون ويحب اهله ويدير شركة ابوه
سعود : عمرة 24 معضل ابتسامته جميلة ووسيم ولكن مو زي سلطان ..
خالد : محشش يحب يناقر سمر اخته لونه برونزي وذا اللي مخليه جميل ..
اسماء : 21 تحب الثقافه ودافورة جداً بيضاء شفايفها ورديه
سمر : جميله بيضاء عيونها وساع جسمها جميللللل جسم عارضات
..
ابو سلطان وهو ياكل دق جواله : الو
صديق ابو سلطان بحزن: ياهلا والله يا بو سلطان اخبارك يالقاطع ..
ابو سلطان : ياهلا فيك كيفك انت وشفيك
قام ابو سلطان من الططاوله وراح على غرفته ..
صديق ابو سلطان : اه انت سمعت الخبر .
ابو سلطان : لا والله خبر ايش ؟
صديق ابو سلطان : سليم صار له حاددث
ابو سلطان شهق بصوت عالي : انت اش قاعد تقول تتبلى عليه بالموت؟
صديق ابو سلطان : سليم ما مات اللي مات زوجته .. وهو الحين حالته حرجة
ابو سلطان بحزن فضيع على صديقه اللي مات : وبنته اللي تبناها وش صار لها
صديق ابو سلطان : مالها الا دار الايتام
ابو سلطان : مستحححيل ترجع لدار الايتام ابي اسم المستشفى ..
صديق ابو سلطان : لا تخاف انا امرك
ابو سلطان : لاتتأخر ..
ابو سلطان تنهد لما عرف عن رفيق دربه وعن صديقه اللي وقف معه وقفات لاتنسى ..
فـي المستشفى …………………..
دخلوا على غرفته سليم ..
سليم شكلة يبكي حوله اسلاك كثيره وحالته مرا حرجة بين الحياة والموت ..
جلسوا عنده ساعتين وهم حزنانين عليه وعلى بنته اللي بغيبوبه لكنها سليمة..
فــجــأه يسمعون صوت .. ماشافوا الا الدكاترة حول سليم وهم منفجعين طلعوا ينتظرون وهم في قلق ..
طلع علهم الدكتور منزل راسه ..
ابو سلطان بصراخ : شفيه
الدكتور : الله يرحمة
ابو سلطان بصراخ :كذاب انت عارف وش تقول
حاتم "صديق ابو سلطان" يهدي ابو سلطان : خلاص يابو سلطان هذا قضاء الله وقدرة
ابو سلطان : لا حول ولا قوة الا بالله
راحوا على غرفة هنادي .. وحزنوا عليها .. صاروا يزورونها كل يوم .. وابو سلطان تدور فكرة في راسه ..
ابو سلطان : يعني هنادي بتروح وين
حاتم : مالها الا دار الايتام
ابو سلطان باندفاع : لا تقول كذا لاني باخذها معي
حاتم بصدمة : والله مافي مثلك يابو سلطان
ابو سلطان يتنهد : هذا الغالي احب اللي يحبه
حاتم : بس احسك متعلق في سليم كثير ليه؟
ابو سلطان : والله ياحاتم سليم وقف معي وقفات مستحيل انساها .. اه الله يرحمة
حاتم : يابو سلطان سليم مايبي اهاتك يبي دعواتك بس هذا اللي بيفرحة وتراها بتكون هدية بتعجبه
ابو سلطان : الله يرحمة ويثبته عند السؤال ..
**************************************
بعد اسبوعين ..
سمر بحزن : تتوقعين ابوي للحين حزنان على صديقه ..
اسماء : اكيد اه ابوي قطع. قلبي احس هموم الدنيا كلها فوق راسه .
سمر : الله يرحمة
اسماء: امين ..
فجأة ماشافوا الا خالد عندهم : شفيكم تتساسرون؟
سمر تتأفف : وانت شدخلك فينا ؟
خالد رما سممر بالمنديل : احسن
سمر تلحقه : ياحمار ياحمار تعال والله لاخذها منك
ام سلطان : شفيكككككم ازعجتوني
سمر : يمه حيوان شوفيه ضربني بالمنديل
ام سلطان : يوه ياخالد ماتترك حركاتك
دق التلفون سمر نطت للتلفون وسبقت خالد ..
سمر : الو
سلطان : هلا
سمر بفرحة : واو تو تفكر تكلمنا ياحمار اخبارك
سلطان ابتسم على هبال اخته : بخير بس ابوي انا اكلمة مايرد ليه ؟؟
سمر : صديقة مات
سلطان بدهشه : مين صديقه؟
سمر : مدري بس ابوي مو ع بعضه مرة حزين
سلطان : الله يرحمة
سمر : امين
سمر : واتخيل ابوي يبي يجيب بنتة تسكن عندنا ..
سلطان : لا ابوي شفيه يمزح
سمر : والله تحزن وتبكي زرتها بالمستشفى كانت بغيبوبة!
سلطان بصدمة كبيرة : بغيبوبه ؟
سمر : ايوه
سلطان : لاحول ولا قوة الا بالله .. عطيني امي
سمر بصوت عالي : يمه سلطان يبيك
نط خالد للتلفون
سمر : قال امي مو خالد
خالد طنشها : هلا طوني
سلطان معصب : هيه ترا باذبحك لاتقول طوني
خالد يضحك : اخبارك
فجأة ام سلطان سحبت التلفون من خالد
ام سلطان : تخيل ياسلطان ابوك يبي يجيب غريبه عندنا اففففف مو ناقصين احنا
سلطان : افففا يمه ليه ماتبينها ؟
ام سلطان : اجل ايش وش ابي بغريبه
سلطان : يمه عيب عليك والله الذنب مو ذنبها وبعدين اكيد بتحبينها .
ام سلطان : لا مستحيل
سلطان : يمه وش مستحيل .. مافي شي اسمه مستحيل
ام سلطان تتأفف : متى بترجع من السفر؟
سلطان :يالغاليه بارجع بعد يومين تماما ..
ام سلطان : ياهلا والله اجل باجهز حفل
سلطان : لاتكلفين يمه
ام سلطان : وشوله سلطان ولدي ماتكلف عليه والله لاسويها من احلى الحفلات
سلطان : مشكور يمه .. باي انا وراي شغل
ام سلطان : الله يوفقك
***************************
اعرفكم على الشخصيات كلها عشان ارتاح .. !
عائلة ابو عامر
ابو عامر رجال كبير بالسن عايش برا السعوديه مايدري عن احوال بناته ابداً ولاقد سأل عنهم
ام عامر وام سلططان اخوات يحبون بعض مرة ام عامر حسوده وحقوده بشكل فضيع ماتحب الخير الا لها ولبناتها .. !
عامر اسمر ودايم برا البيت ! بس يدوج بالشوارع
العنود حقوده مثل امها جميلة شوي تكشف عند سلطان وهو ولد خالتها ! تحب سلطان عشان كذا تحاول تغريه عشان يتزوجها !
رحاب اخت العنود تسمع كلام اختها
@@@@@
عائلة ابو راكان
ابو راكان دايما في الاستراحة حقت ابو سلطان راعي سواليف وبلوت يحب عياله
ام راكان : كبيرة بالسن وحنونة مررررررة
راكان متزوج حنان يحبها حب شديد ,,, جميل جدا
هوازن حبوبه ناعمة بيضاء عيونها وساع ابتسامتها تدوخ
نوير عكس هوازن دفشه وراعية نكت وتضحك جدا جريئه وصريحة
حنان زوجة راكان تحب راكان بعد للاسف هي عقيم ماتقدر تجيب عيال ! ومع ذلك راكان ماتخلى عنها
"@@@@
عائلة ابو حنان
ابو حنان متوفي
ام حنان حنونه وعايشه حياتها مبسوطة مع بنتها اشراق
اشراق بارة بامها ولا قد عصتها تحبها
وطبعاً هذولا عائلة حنان وللمعلومية حنان و اشراق اخوات سلطان بالرضاعه
@@@@
ابو عبدالرحمن حنون سفراته كثيرة اكثر شيء يحبه عياله ويحب يفرح فيهم
ام عبدالرحمن حنووننننه وتضحك
ملاك ناعمه وقصيرة بيضاء شفايفها توتيه تخقق من حولها
عواطف متزوجة عندها بنت اسمها عهد
عبدالرحمن محشش ويحب يبهذل ملاك جميل مررة معضل
سارة مخطوبه لعمار جميلة كيوت مرة
@@@@
**********************************
هنادي استفاقت وهي منهارة
الدكتورة : ارتاحي ياهنادي
هنادي بصراخ : اهلي وين ليه ماتجاوبيني ليه حرام عليك حرقتي قلبي!!!
الدكتورة : طيب حبيبتي ارتاحي شوي وراح اقول لك
دخل ابو سلطان وشاف هنادي تبكي وتصرخ وتسأل عن اهلها
ابو سلطان : يمه هنادي لاتبكين يكفي ادعيلهم
هنادي بصدمة : لاتقول ماتوا
ابو سلطان نزل راسه : الله يرحمهم
هنادي بصراخ : لا انت كذاب كذاب كذاب كذاب لاتكذب علي
طلعت الدكتورة عشان تتركهم في حالهم
ابو سلطان : يمه هنادي انا باعوضك عن اللي فقدتيه عيالي بيحبوك متأكد
هنادي تشاهق وتصرخ : لالا ماحد بيحبني كثرهم مستحييييييل …
ابو سلطان : مو مستحيل عيالي يستنوك وعندي بنت كبرك مستانسه ان فيه احد كبرها بيجي
هنادي تبكي ومسكرة فمها بيدها تمنع شهقاتها لاتطلع
ابو سلطان ضمها له : بتسكنين عنندي
هنادي : بس مابيك تكون ابوي
ابو سلطان : ليه ؟
هنادي : لان ابوي مات ! خلاص اعتبرني يتيمه
ابو سلطان : اللي تبينه
مر اسبوع كامل وهنادي منهارة مرة !
هنادي: عمي
ابو سلطان بفرحة : هلا
هنادي: متى راح اطلع من هنا احس انخنقت
ابو سلطان : بسم الله عليك انا رايح اسأل الدكتور
هنادي : مشكور عمي
ابو سلطان : مابيننا شكر ياهنادي
راح ابو سلطان عند الدكتور
ابو سلطان : سلام يادكتور .. بنتي متى تطلع
الدكتور : اليوم اذا تبي لان بامكانها الخروج
ابو سلطان : شكرا الله يعطيك العافيه
الدكتور : اللعفوا
دخل ابو سلطان على هنادي بفرحة
ابو سلطان : هنادي حبيبتي اليوم تطلعين
هنادي بفرحة : وناسه يعني باطلع من الجو الكئيب
ابو سلطان : يلا يابنتي جهزي
هنادي : اوك بالبس عبايتي واجي
طلعوا ووصلوا البيت مجرد مادخلوا هنادي انصدمت من الحديقة والعز سليم ماكان بيته فخم ولا هو قصر
شافت قصرين كبار فخمة وحديقة وواضح انهم اغنياء وعايشين بعز
هنادي : واو هذا بيتك ياعمي
ابو سلطان : ايوا ياهنادي
وصلوا البيت هنادي لابسة تنورة لتحت الركبة سترتش لون بيج عليها بلوزة عودي حاطة روج عودي وكحل وبلاشر ولابسة جاكيت مخليتها بيضاء شعرها اشقر طويل رافعة ذيل حصان شكلها كان كيوت مرة ومنزله راسها من الاحراج
ابو سلطان : سلام
الكل وعليكم السلام
ابو سلطان : تفضلي هنادي ليه منزله راسك ارفعيه
هنادي رفعت راسها الكل انصدم من الملاك اللي قدامة خالد مانزل عينه منها سمر قرصت خالد وقالت بهمس: استح على وجهك
خالد انتبه لنفسه وغض بصرة
ابو سلطان : سمر نادي اسماء وسعود
سمر : تامر امر يبه
سعود : سلام
الكل : وعليكم السلام
سعود : ياهلا يا ..
هنادي : هنادي
سعود : ياهلا ياهنادي تو مانور البيت
هنادي : منور بوجودك
اسماء صافحتها : هلا هنادي كيفك
هنادي : بخير
ابو سلطان : هنادي انا خصصت لك غرفة واثثتها شوفي اذا ماعجبتك غيرت اثاثها
هنادي : لا شدعوه تغيرها ياعمي كل شي منك حلو تسلم
ابو سلطان : سمر ودي هنادي غرفتها عشان ترتاح ..
سمر : اوك يبه
راحت سمر وهنادي دخلوا الغرفه وجلسوا يسولفون ويسولفون وتعرفوا على بعض مرة
سمر : كل الملابس اللي بالدولاب انا اشتريتها لك ايش رايك فيهاى
هنادي : تجنن والله ذوق
سمر : اهم شيء اعجبتك قولي هنادي لاتستحين اذا ماعجبتك نروح السوق
هنادي : لا وربي اعجبتني والله تسلمين ياقلبي
******************************
في بيت ابو عامر
العنود وهي تحط مناكير : سمعتي اخر خبر ههههههههههههههه
رحاب : وشو وليه الضحك
العنود: ابو سلطان جايب بنت صديقة اللي توفى
*معلومه* ماحد يدري ان هنادي لقيطة سوا سلطان وابو سلطان*
رحاب : ياحليله حنون
العنود : وش ياحليله الا من الهباله الزايدة اللي ذابحته يجيب غريبه في بيته وعند اولادة
رحاب : وين الهباله بالمووضوع ؟ على العكس طيب وحنون الله يوفقه
العنود : اصه بالله مسويه نفسك طيبه
رحاب : انتي مريضه مرة
العنود تغير السالفه : امممممممم جاتنا ددعوه لحفلة سلطان
رحاب : فرحانه؟
العنود : اكيد دامني باقابل حبي احبه يارحاب بس مايعطيني وجه
رحاب : اكيد مستحقرك
العنود بعصبيه : ليهههه ؟
رحاب : لانك تلبسين فاصخ وتطلعين له وماتتغطين منه
العنود : ابيه يحبني
رحاب : مو كذا يحبك ، تستري يحبك
العنود : تستهبلين؟ اذا كذا مادرى عني
رحاب : والله هو مادرى عنك وانتي فاصخه وش عاد يدري عنك وانتي متسترة يعني افهميها سلطان بكل الحالات مو داري عنك
العنود رمت رحاب بالمخدة : كلي تبن وطفي النور وقفلي الباب وراك وجع
رحاب ضحكت وقالت في نفسها : لمصلحتك يااختي والمشكلة لو اقول لامي بتقول وش فيها امي تبيك له عشان العز بس والا مو حب في سلطان
رحاب : يمة
ام عامر : هلا
رحاب : يمة ليه العنود ماتتغطى من سلطان ترا محرم عليها تكشف عنده
ام عامر : وانتي وش ددخلك فيها ؟ والله انا وعجزت اخليها تتغطى
رحاب بداخلها : واضح والله ولا فتحتي فمك اصلا
دخل عامر : يمة سلطان بيجي اففففففففف منه !
ام عامر : طيب رد السلام ؟
عامر : سلام
رحاب : انت ليه تكرهه
عامر : مغرور ويمشي كلمتة على الكل تخيلي اذا جا الكل يوقف له وانا والله ولا بزر وقف لي
رحاب ماتت ضحك : هههههههههههههههههههههههههههههههههههههههههههههههههه
عامر : وش اللي يضحك
رحاب بضحكه: غيران منه ؟
عامر : وعوه اغار ليه ؟
رحاب : مدري عنك
قامت رحاب لغرفتها وراحت تنام
عامر : يمه من الحين اقولك لاحد يأذي سارة
ام عامر تتأفف : انت مالقيت تحب غير هاللي ماتنتسمى !
عامر بعصبيه : يمه قلت عشاني !!!
ام عامر : اففففف
عامر : يمه وش السبب اللي يكرهك فيها
ام عامر : بس تفشل بناتي وتسبهم
عامر : وهذا سبب ؟ يمه لاتكونين بزر هذي مشكلة بين اخواتي وبينها وفترة ويتسامحون
ام عامر : اقوم احسن لي
**********************************
في الصباح في حديقة ابو سلطان الكبيررررررة اللي مليانة خضرة وزهور واشياء جميلة
كانت هنادي جالسه ومعاها سمر كل وحدة حبت الثانيه وصارت بينهم ميانه مرة
سمر ماسكة وردة : اشراق بنت عمي بتجينا
هنادي : حلو يعني باتعرف على اقاربك صراحة متحمسه
سمر بابتسامة : انتي تدرين عندي اخو ثاني بس مسافر بيجي قريب
هنادي بدهشه : والله ماكنت ادري ماشاء الله انتم كثير الله يحفظكم
سمر : اممم تصدقين حبيتك كثير
هنادي : وانا كمان والله انك عسل ..
جات اسماء ومعاها كتاب : شتسوون ياحلوين
سمر: الله عليك اذا بتقولين هالكلام المعسول اجل باجلس مع هنادي دايما
هنادي ضحكت : يعني تجلسين معي مو لله
سمر : لالالا انا امزح ترا ههههههههههههههههههههههههه
اسماء : الله الله وانتي مصدقة اني اقول الكلام لك ههههههههههههههههههه
سمر: وبعدين ليه دايماً ماسكة كتابك؟ الكتب ذي ماكل مخها
اسماء : هذي كتب حب ياغبيه
هنادي بضحكة : الله عليك يالحب يانزار قباني هههههههههههههههههههه
سمر : لالا اختي مو طبيعية ذابحها الحب
اسماء : ياسامججينن انا رايحة
جاهم خالد : اسمع صوت ضحك شالسالفه
سمر : الحين شدخلك جاي تتليقف
خالد خبط سمر على راسها : مسوية باعطي على الجبهه
سمر : اه اه اه اه الله ياخذك اخذ عزيز مقتدر وجع
خالد : تستاهلين , اخبارك هنودة عساك مرتاحة ؟
هنادي : الحمدلله
سعود :تعالوا على الغداء ابوي يبيكم كلكم
قام الكل وراحوا لصالة الطعام
ابو سلطان : ها هنادي كيف مرتاحة
هنادي : الحمدلله ..
ابو سلطان : ابي راحتك يابنتي
هنادي : مشكور ماتقصر ياعمي
راحت هنادي على غرفتها اخذت شور ولبست فستان اسود ضيق عليها قصير من ورا سحاب من فوق لين نص الظهر لون ذهبي ورافعه شعرها ذيل حضان
ولبست وتكشخت حطت قلوس عودي وبلاشر خوخي وكحل وحطت ربطة من قدام بشعرها و لبست ساعة من جس شكلها كان يجننننننننننننن مرة
طبعاً مانزلت لانها تستحي احد من الاولاد فيه جات اشراق لين غرفة هنادي
اشراق سلمت على هنادي و سمر
اشراق : الله الله عليك وش جاب الملاك هنا ؟ اخبارك هنودة
هنادي انحرجت : الحمدلله وانتي؟
اشراق: بخير
دق جوال سمر وردت كان سلطان
سمر : هلا
سلطان : هلا سمور كيفك
سمر مبوزة : مو قلتلك لاتطلعني بذا الدلع الخايس
سلطان : ههههههههه احسن
سمر : الزبدة كيفك طونني
سلطان: وجع لاتدلعيني كذا
سمر: ايوا حس فيني زي ماتدلعني بدلع خايس , الزبدة متى بتجي
سلطان : بكرة
سمر بفرحة كبيرة : كككككذ ا ا ا ب
سلطان : هه والله بكرة
سمر : اممم الوناسه يلا باي اجل استناك ..
اشراق سحبت التلفون من سمر : سلطان سلطان متى بتجي؟
سلطان : هههههه بشويش بشويش ردي السلام اول
اشراق : طيب متتتتى ؟ اشتقنا ياحلو
سلطان حب يطنش سؤالها يبي يحرق اعصابها :وانا اشتقت لكم ،
اشراق : سسسسسلللللطططططططططاااااانننننن ياااحمممماار قلت متى ؟
سلطان بضحكة : بكرة
اشراق نطت لها سنة ماشافت اخوها : الله واو ياويلك تنسى هديتي من الحين اقولك اشتر لي هديه
سلطان : حاضر مدام وش تبين بعد؟
اشراق تكرة كلمة مدام : قول لي ماما ولا تقول مدام
سلطان : يلا ضفي وجهك ازعجتيني ..
اشراق : باي يامُز وسلم لي على الشقر هناك
سلطان : هههه باي يابنت اللذينا تأخرت
هنادي : سلطان بيجي ؟
اشراق : ايوة بكرة
جلسوا 3 ساعات سوالف واكل وضحك راحت اشراق بيتها بعد ماتعرفت على هنادي وصاروا مثل الاخوات

************************
************************
اشراق : سلام ياهل البيت
ام اشراق : ياهلا يابنيتي
اشراق حبت راس امها : اشتقت لك مامي
ام اشراق : وماسرع اشتقتي لي؟
اشراق : المهم يمة تعرفت على هنادي عسسسسسسسسسسسسل مرا
ام اشراق : والله يمة ابيك تعاملينها زين وانتي عارفه هي كيف حالتها ..
اشراق بفرحة : تصدقين سلطان بيجي بكرة ؟
ام اشراق: تو الناس انا جايتني دعوة للحفل من زمان وانتي توك تدرين ؟
اشراق : اما يمة ؟ معقولة يعني سمر وهنادي مايدرون ؟
ام اشراق : الله يعلم
اشراق : سلام يالغالية انا رايحة انام تبين شي ؟
ام اشراق : لا يمة سلامتك
اشراق : الله يسلمك
راحت اشراق على غرفتها .. تذكرت نواف ولد خالتها كان مفحط كانت تحبة وهو خطبها ووافقوا يوم قرب زواجها ويصير له حادث بسبب التفحيط ويموت بكت اشراق وكان ودها تموت ولاتسمع ذا الخبر هذا الحكي صار قبل 6 شهور
تنهدت وقالت بنفسها : اه يانواف كيف ابا انسا ؟ الله يرحمك يالغالي احبك يانواف ليه تركتني ليه فحطت انت عارف انك لو مت فيه انسان بيموت وراك تعب .. الم .. عذاب .. وا ا ا اه يانوا ا ا اف الله يرحمك ياحبيبي
امها دقت الباب : يمة اشراق سلطان يدق
اشراق : الو
سلطان : هلا بالغاليه كيفك ؟
اشراق : ياهلا فيك الحمدلله وانت
سلطان : بخير الحمدلله الا كيفك مع الجامعة
اشراق : كالعادة جايبة العيد رسبت بمادة وبعدين تعال تعال انت مو اولا مكلمني وتقول مشغول
سلطان: ايه كان ودي اكلمك اولا بس كنت مشغول ,
اشراق : يازين هنادي عسل عسل
سلطان : هنادي مين ؟
اشراق مستغربة : ماتعرفها ؟ الغريبة اللي تقولها امك الله يهديها
سلطان : الله يهدي امي , كيف تعامل امي معها
اشراق : والله الصراحة مدري بس احسها تكرهها من نظراتها لها وتعطيها من النظرات هذيك اللي تحسسك انك شيء مقزز الله يعين ..
سلطان : امي ليه تكرهها؟
اشراق : انت ادرى
سلطان : اها عرفت ليه عشان ام هنادي كانت لها مشاكل مع امي يكرهون بعض مرة كل وحدة ودها تقتل الثانية معقوله امي بتحقد عليها عشان ام هنادي ؟
اشراق : والله هنادي طيبه وبنت ناس صراحة زوجة سليم جابت ملاك
سلطان في نفسه : الله يعين يااشراق انتي ماتدرين انها لقيطة اه بس الله لايوفق اهلها ولايسعدهم !
اشراق : سلطان اوووو وين وصلت ؟
سلطان : ابد بس يلا باي وراي طيارة بعد ساعة
اشراق : الله يعينك وتوصل بالسلامه ياخيو ~
سلطان : مع السلامة سلميني على امك وحنان
اشراق : يوصل
اشراق حطت راسها على المخدة وجلست تفكر بهنادي وتقول في نفسها : الله يعينك ياهنودة ماتعرفين عمتي اذا حقدت والله لتقلب حياتك وتجيب لك الجلطة وكل الامراض , الله يحفظك ويبعدك عن الشر
:*** ************************
عند هنادي اللي متقطعة بكي
اه اه يمة اه اه ليه تركتيني؟ انا الحين ببيت ناس ماتعرفينهم غريبين يايمه ترضينها انا ماتخيل يمه انك اللحين متزوجة وعايشة حياتك مع اولادك مبسوطة ومعطيتهم الحنان اللي محتاجته انا وانا االحين بين نارين نار قهر ونار اللم اه يمة اه مستحيل وين الرأفة والحنان اللي بقلوب الامهات وين يمة ؟ انتي مو ام ومستحيل تكونين ام ومو بعيدة عنك تتركين غيري دامك تركتي فلذة كبدك انا يمة انا, ا ا ا ا اه بس
جلست تفكر لين ماغلبها النوم ونامت
**************************
جلس خالد يقلب في القنوات حس بطفش راح عند غرفة سعود لقى سعود جالس على جواله ويطقطق عليه
خالد : شتسوي
سعود : وش شايف بالله؟
خالد ابتسم
سعود : وش ورا هالابتسامه ؟
خالد : سلطان بيجي بكرة
سعود : ههههههه ياحليلك انت وسمر اخر من يدري في البيت
خالد : ليه وانت من متى تدري؟
سعود : من قبل اسبوعين
خالد : ابن اللذينا ماقال لي غير اليوم , سبحان الله اخر من يدري
سعود : سلطان ركب الطيارة
خالد : اجل انت كنت تكلمة
سعود : ايه
دخلت سمر وفتحت الباب بقوه : شتسوي ؟ اوه خلود هنا ؟
خالد : وش شايفه بالله
سعود : ماخذها مني ؟
خالد : مافي غيرك بهذي الدنيا يقولها
سمر : اعوذ بالله كانكم بزران
سعود : باللهي؟
سمر : اممممم سلطان بيججججججييي اليوم
سعود : داااااررري والله دااري ازعجتوني داري لي اسبوعين
سمر : يعني الحيوان ماخبرني الا اليوم ؟
سعود ابتسم : مو بس انتي حتى خالد .. هيههه خلود وينك مسرح فيه؟
سمر : اللي ماخذ عقلك يتهنا به
خالد : …. هاا ؟ لا بس من بيستقبل سلطان ؟
سعود : مايبيلها سؤال اكيد انا
خالد : وانا ؟
سعود : انطق في البيت
خالد : لا والله ؟ بروح معك
سعود : طيب
راح الكل على غرفته ينتظرون ومن كل قلبهم اللحضه اللي تجمعهم بسلطان الحنون .. ومع ذلك العصبي والمسيطر الا ان الكل يكن له الاحترام والحب والتقدير لانه ابوهم الثاني .. سلطان ممكن يقتل الكل الا ان احد يغلط على امه وابوه وبنفس الوقت اذا عصب مايشوف اللي حوله ولا يدري من امه ومن ابوه ..
************************************************** ************************************************** ************************************************** **************************************************

ابي رايكم عشان اكمل ..

جمــــــيـــل جداً
امممم ابدعــتـي بأنتظااار البارت الجاااي
واصصلي واعتبريني من متابعينك

بس لو تكبري الخط شويتين

ومتى موووعد البارت الجاااي

لك ودي ي قميله

شكرا يا ادمنتها فـ رحلت اسعدتيني صراحة
من عيوني انا الحين قاعدة اكتب البارت وممكن ما انزله الحين لاني بروح ..
♡

شكرا يسعدني انها اعجبتك ..

[color="rgb(255, 0, 255)"][color="rgb(255, 0, 255)"]البــــارت الاول
الـــــفـــــصـــــل الــــثــــانـــي … [/color][/color]
قامت اشراق من النوم حست بتعب شديد راسها مصدّع اخذت لها شور ونزلت تحت قابلت حنان في طريقها حضنتها بقوة
اشراق : ياهلا بحنو وينك اشتقنا يابليدة
حنان تبتسم : اش بليدة هذي انا … حامل
اشراق تصيح بفرحة كبيرة: كذذذاااااببه وناسه بروح ابشر امي
حنان : امي تدري من زمان
اشراق :وماقلتوا لي؟؟
حنان : قبل اسبوع دريت
اشراق : اذا بنت سموها غلا واذا ولد سميها مشاري ..
حنان : لا على كيفك ؟ امشي بس
حنان وهي تمشي مع اشراق : بتجين حفلة سلطان
اشراق : طبعاً اجل ايش؟
حنان : انا بروح بعد تبين امرك معي ؟ والا تروحين مع السواق
اشراق : لا والله فشلة مابي ارووح مع راكان
حنان : عادي مافيها شيء
اشراق : لا اروح مع السواق احسن وامي معي بعد
حنان : على راحتك
نزلوا تحت ..
اشراق : هلا يمه
ام حنان : هلا يابنيتي وينك فيه من اول نايمة؟
اشراق : وش اسوي يمه ماقومتيني
ام حنان : ماعليه بس صبي قهوه والله ان بنات فاطمة صسنعات يقومن بدري وينفضن البيت نفض
اشراق : اول مرة اسمع عن فاطمة ذا منو؟
ام حنان : ماتعرفينها وحدة من صديقاتي
اشراق وحنان ضحك
اشراق : احلى يمة حركات عندك صديقات
ام حنان : تضحكن علي وش اللي مضحكن؟
حنان : لا ابد يمة يالغاليه ولا شي هذي وحدة راسلة بي سي يضحك على البي بي
اشراق بهمس : زين عرفتي ترقعينها
حنان : امشي البسي بس وانتي ساكتة
اشراق : طيب طسي لبيتك والبسي وانقلعي
حنان : عييييب يمة شوفي بنتك قليلة الادب ماتستحي ترد على اللي اكبر منها
ام حنان : ماتعلمت الا منك
اشراق فاطسه ضحك : ههههههههههههههههههههههههههههه ابانشدك عن جبهة غدت يم باريس
حنان : وياليتني طرت مع جبهتي لباريس بس ترا ماتضحكين
اشراق : لاوالله ماظن بتعيشين بدون راكان
ام حنان : اشراق روحي البسي انا بالبس وباجي ولو اتاخرتي والله لتنطقين بالبيت
اشراق : حاضر مامي مايصير الا اللي يرضيك
راحت اشراق غرفتها تلبس والفرحة مو سايعتها .. اختها حامل واليوم بتقابل اخوها سلطان الحنون اللي كان اكثر من اخوها ..
**************************************
فـــي القــصــر الـــفــخـــم ..
هنادي قامت من النوم راسها مصدع من البكي قامت اخذت لها شور لبست فستان طويل مخصر على جسمها لون بيج فيه فتحة من تحت الركبة لين تحت لبست لها زي سلسال ماسك على رقبتها فيه على جنب السلسال وردة لون اسود ولبست لها كعب اسود سوت بشعرها فير بخصل صغار .. كان شكلها قمة في الجمال حطت كحل وماسكارا وقلوس والخ …
نزلت تحت انصدمت البيت منقلب فوق تحت ابتسمت كل هذا عشان اخوهم ..
قابلت ام سلطان قدامها .. ام سلطان كانت تطالع في هنادي نظرات احتقار استغربت هنادي قالت في نفسها : شفيها ذي ؟ قالبة علي
هنادي : هلا خالة بغيتي شي
ام سلطان : مابي شي وخري عني!!
هنادي عاقدة حاجبها
ام سلطان : قلت وخري ماتفهمين عربي؟
هنادي : حاضر !! بغيتي شي ثاني ؟ !
ام سلطان رافعه حاجبها : لا مابي شيء ثاني !!
راحت هنادي تطق الباب على سمر
فتحت سمر وكان شكلها جميل لابسة فستان لون عودي ضيق لين الخصر وبعدها منفوش الكم حق الفستان حيران مخليها بريئة مرة فردت شعرها وحطت قصتها على الجنب وعلى شعرها ربطة عوديه ..
هنادي : الله الله وش ذا الجمال ؟
سمر : احم احم وخروا عن الملاك اللي قدامكم
هنادي : والله ياشكلك بريء جنان
سمر : ادري من زمان
هنادي : الثقة ذابحتك
سمر : امشي ننزل
هنادي : لا انزلي انتي انا مابي
سمر : ليه ؟
هنادي : انا نزلت وشفت كل شي حلو انا باطلع غرفتي
طلعت هنادي فوق ونزلت سمر قابلت امها كانت امها منفسه سمر عرفت ان امها ضايقت هنادي
سمر ببرائه : يمه شفيها سمر متضايقه ؟
امها بنفخه : وانا وش دراني عنها تسأليني ليه ؟
سمر : يمه طيب اعصابك انا ماقلت شي يخليك تنفخين علي كذا؟!
طلعت سمر غرفتها وخلت امها تحس بالذنب
*************************
عند بيت ام عامر اللي طايرين فرحة
العنود وهي تحط مناكير : اه وننناسسهه الفرحة مو سايعتني باقابل حبيبي
رحاب : من متى ياحظي صار حبيبك
العنود : انتي انطمي مالك دخخخخخخل وجع بس تبي تنكد
رحاب : عنود باسألك سؤال
العنود : اسألي الله يستر من سؤالك
رحاب : ماتستحين من سلطان يوم تطلعين له بلبس فاصخ
العنود : عادي انا تربيت معاه في بيت واحد وتعودت على انه اخوي
بغت تقتل نفسها على اخر كلمة وتندمت ندم عارفه ان رحاب مارح تسكت وراح تبهذلها
رحاب : طيب اخوك ليش حاطته في بالك ؟
العنود تركت المناكير : انقلعي برررا ابي البس
رحاب : ماجاوبتي على سؤالي ؟
العنود : جاوبت على سؤالك الاول وهذا يكفي ويلا برا
راحت رحاب غرفتها لبست ونزلت
ام عامر : وين العنود تاخرت ؟ الحين عامر معصب
رحاب باستحقار : تتمطع دامها بتقابل حبيبها
ام عامر : ياقليلة الادب هو ماصار خطيبها عشان تقولين كذا
رحاب : طيب يوم انه لسا ماصار خطيبها ليش ماتتغطى؟
سكتت ام عامر ماعرفت ترد مستغربه ليه رحاب ضد الفكرة ذي؟
جات العنود : هلا يمه
ام عامر : وينك فيه من اول يلا عامر معصب
العنود : طيب طيب بالبس عبايتي
نزلوا في السيارة
عامر : يُمة ماتخليني اقابل سارة ؟ تكفين يمه خططي
ام عامر : مجنون انت ؟ انت عارف ان سارة ماتحب لانها تستحي امش امش بس
عامر بيأس : طيب هي زوجتي خلاص
ام عامر : وانت قلتها هي زوجتك اصبر وبس
العنود : مدري وشتبي فيها ؟ والله انك خياس
عامر : قسم بالله لو ماتسكتين لابكف .
سكتت العنود وهي محروقه ودها تشب النار في سارة .. تكرهها وتحقد عليها لانها جميلة ولانها دايم تعطي العنود ورحاب بالجبهه دايم تحس بالنقص لما تجلس في جلسه فيها سارة .. اجل وش بتسوي بهنادي ؟ وهنادي اجمل من العنود وسارة
***************************
في الحفله..
الكل كان جالس الا هنادي
البنات متجمعين وضحك وهبال وسواليف الا اسماء اللي تعشق العنود تعشقها وماتحب احط يغلط عليهم اسماء ماتشوف اغلاط العنود ورحاب ابدا ماتشوفها تشوف انهم صح في كل شيء اسماء كانت جالسه جنب رحاب والعنود
نزلت هنادي وقلبها بيطير من مكانه الكل لحضة صمت …
سلمت هنادي على الكل ونادتها سمر راحت هنادي تجلس مع سمر وصار الكل مايسمع الا
: ماشاء الله ذي هنادي ؟
: ياسبحان اللي خلقها ملاك فعلا
: ياجمالها شكل امها من الشُقر
اما العنود تحس بقره وببغض ودها تدفنها وهي حيه لان الاضواء مسلطة على هنادي
العنود في نفسها : معقوله تذبح والله وشكلها بتاخذ سلطان مني ؟ لالا اعوذ بالله انا احلى طبعاً
اسماء : هيييييي العنود مزهريه انا ؟ وينك فيه ؟
العنود : …….. ها ….. معك معك كملي
اسماء : يلا وش قلت ؟؟
العنود : بنت هنادي كم عمرها.؟
اسماء : اووه بالك بهنادي صح ؟ شرايك فيها مو تجنن ؟
العنود بغرور :لا والله عاديه
اسماء : يازينها والله بس
العنود : كل واحد وله رأي !
فــــي الــجـــنــــب الــثـــانـــي .. عـــنــد هـــنـــادي
هنادي تعرقت على البنات وحبتهم جدا خصوصا اشراق اللي تعتبرها اختها .. مع انها تعرفت عليها امس بس سرعان ماحبتها .. حست كل وحدة اطيب من الثانيه لكنها مارتاحت للعنود لان العنود تعطيها نظرات احتقار وكره وماتدري ليش .. يمكن عشان انا لقيطه ؟ لالالا .. بس انا مالي ذنب باللي صار
هنادي حست بضيقة وسمر حست فيها
سمر : هنننود وينك حبيبتي شفيك
هنادي : مافيني شيء بس باطلع اكلم افراح اشتقت لها ..
سمر : اوووك خذي راحتك
طلعت هنادي فوق
ملاك : بنات وين هوازن ماجات ؟
نوير "اخت هوازن" : تعبانه وقالت لي اعتذري منهم
ملاك : الله يشفيها ياقلبي
نوير : بس صراحة هي كانت متحمسه للحفله عشان هنادي بس انقهرت انها ماتقدر بالنهايه هذا قضاء وقدر رب العالمين.
حنان : عاد هنادي شيء ثاني قمه من الجمال
العنود بانفعال : وعع من زينها
البنات مانصدموا عارفين غيرة العنود ووقاحتها
سمر تبي تستفز: ابد والله بس الناس منسخطين عندها
العنود : المكياج له دور
سمر تستفر العنود : انا جالسه معها وانا اللي خليتها تحط مكياج بالغصب بس هي ماكانت تبي
العنود سكتت وهي مو عاجبها الحكي
جات عهد بنت عواطف تجري : ياعمة سلطان جا
ام سلطان : طيب طيب جاية
ام سلطان : ياناس اللي يبي يسلم على سلطان شوفوه جاء في المدخل
قاموا عمات سلطان وخالاتها يسلمون عليه وقاموا سمر واشراق
سمر تحضن سلطان من قلبها : سللططططاااننننن حبيبي اشتقت لك
بكت سمر وضمها سلطان : بس بس الحلو يبكي ليه؟
سمر تبتسم بوسط دموع الفرح : اخبارك والله اشتقنا
جات اشراق سحبت سلطان من سمر وتضمه بقوه
سلطان : اعصابك هههههههههههههه
اشراق : وجع صدق ان الاشتياق لشي قاتل
سلطان : لا وتعرفين تعبرين بعد وخري باسلم على امي ماسلمت عليها
سلم سلطان على امه وباس راسها : اخبارك يمه
ام سلطان : الحمدلله اخبارك ياوليدي والله اشتقنا لك والله يعلم شقد حنا فرحانين بجيتك
سلطان: الحمدلله يمه وانا اشتقت لكم بعد
جات اسماء معاها العنود
اسماء حضنت اخوها : اخبارك طوني
سلطان : ترا باذبحك وجع
اسماء : هههههههههههههههههههههههههههههههههههههههههههههههههه
العنود : اخبارك سلطان عساك طيب ؟
سلطان منزل راسه من وقاحتها لابسه فاصخ وكاشفه عنده : الحمدلله والله انتي اخبارك
العنود بدلع مصطنع : بخير الحمدلله دامك بخير
جات حنان : ياهلا سلطان
سلطان حضن حنان بقوه : كيفك
اشراق تبعد سلطان عن حنان : وخر لاتطيح ولدها ماطمعنا انها تحمل
سلطان بصدمه : …… حامل
حنان باحراج : ايوه
البنات انصدموا بدو يباركون ويزغرطون بفرح من كل قلبهم الكل عارف انها كانت تبي الحمل من زمان بس ربي ماكتب وتعالجت طبعا والحمدلله هي الحين حامل حاسين بفرحتها وهذا جزاة صبرها لانها صبرت سنتين
راحوا المعازيم كلهم الا ام عامر وبناتها رحاب كانت فوق عند سمر والعنود كانت جالسه مع سلطان وام سلطان وام عامر واسماء ..
نزلت هنادي وهي مو داريه ان سلطان جاء
انصدمت انربط لسانها مو قادرة تتكلم ومو قادرة تتحرك نزلت راسها
اما سلطان جلس يناظرها والعنود كانت مشتغله برج مراقبه وحست بقهر فضيع لانه يطالعها باعجاب
سلطان : اشفيك واقفه تعالي اجلسي
هنادي بربكة : لا …. لا بس يا ام عامر اذا ماعليك امر خلي رحاب تنام عندنا الليلة …
ام عامر باحتقار : مابيها تجتمع بأي احد ماتربى
هنادي رفعت عينها بصدمة والكل انصدم
هنادي بابتسامة جانبية دوخت سلطان : ومو اي احد انا
سلطان : خليها علي ياهنادي روحي فوق واعتبريها بتبات
هنادي : لا شكراً عادي على كيفها ,
طلعت هنادي فوق وخلت العنود محروقه ومستانسه بنفس الوقت محروقه من سلطان اللي لبّا طلبها ومستانسه من رد امها
سلطان بقهر : الله يهديك ياعمة وش ذا الحكي ؟!!
ام عامر : صار اللي صار
ام سلطان : انت شفيك تدافع عنها
سلطان بعصبيه : ابد بس مو حلو تضايقونها !! وانا اتحدا ان كنتي انتي وياها ترضونها على بناتكم
قام سلطان وخلى وراة انسانه مقهوره محروقه تشتعل النار داخلها حست بقهر من دفاعه لها وتوعدت انها تكره سلطان في هنادي
راح الكل على بيته ودخل سلطان غرفته نام نوم عميييييييييييق لانه جاي من طيارة وتعب وكذا
************************************************** ********************

انشاء الله البارت الجاي بكرة او شوي اذا فضيت ♡

حـــــــــــــــلـــــــــــــــــــــــــــــــــ ـــوووووووووو
مررررررررررررهـ
ابدععـــــــتـي

ي ريت تقوولي لنا عن مووعد البارت

لك ودي

والله ياقلبي اول شيء شكرًا ربي يسعدك
ثاني شيء ممكن اكتب البارت الجاي بعد ساعه او ساعتين يعني ارتاح شوي واكملها ..
مرورك اسعدني ..