عدت لكم بعد غياب طويل من بعد روايتي الأولى: حياتي قصيده هو شاعرها
.
.
روايتي الثانيه ان شاء الله حتكون مختلفه
واتمنى انكم ستمتعون فيها مثل ما انا استمتعت بكتابتها
*البـــــــــارت الأول*
جلست من النوم كالعاده غيرت ملابسها خلصت شغلها ونزلت
ليان: يما؟…يما؟ يما انتي هنا؟
ما ردت عليها امها
ليان: ليناااا لينا؟ فينكم؟
استغربت انه مافي فطور عالطاوله
مما خلاها تشك انه في شي
اتصلت على امها ما ترد عليها خافت ليان واتصلت على اختها
ليان: لينا فينك؟
لينا: ليان مقدر اكلمك دحين انا بالمشفى
ليان: ايش!! ليه؟
لينا: امي تعبانه شوي واكلمك
ليان: لا ليناااا انا دحين جايه المشفى القريب من بيتنا؟
لينا: يلا بسرعه
ليان: طيب
غيرت ملابسها ليان عالسريع وركبت مع السايق وراحت للمشفى
دخلت وشافت امها عالسرير نايمه
ليان: لينا امي ايش فيها؟
لينا: ارتفع ضغطها وجبتها هنا
ليان: طيب كالعاده ولا زايد هالمره؟
لينا بدت تبكي
ليان: لينا في شي انا ما اعرفه؟
لينا بين شهقاتها: يقولوا لازم نوديها علاج بالخارج
ليان ضمتها
ليان: لينا ان شاء الله ما فيها الا الخير فين الدكتور ابغى اكلمه
لينا شارت على غرفه الدكتور
ليان كلمت الدكتور وقال لها انه علاجها بالخارج وراح تتكفل فيها الدوله وانهم كلموا المشفى اللي بلندن وقالوا عن حالتها وانه العلاج عندهم
ليان: طيب دحين ايش؟
الدكتور: تحجزولكم اقرب طياره للندن وان شاء الله كل شي بيكون تمام
مد لها الدكتور رقم المشفى والدكتور اللي حيعالج امها
ليان: شكرا
من بكره راحوا ليان، لينا وامهم للندن
وصلوا لندن كان الجو جدا بارد ومطر
اخذوا امهم وعلى طول للفندق
حجزولهم غرفتين مع بعض
لينا: ماما كيفك دحين؟
ام لينا: الحمدلله
لينا: ماما احنا دحين في لندن وان شاء الله بكره حنروح للمشفى وحتنامين عندهم كم يوم تمام؟
ام لينا هزت راسها
ليان: لينا حبيبتي يصير تجلسي عند ماما شوي ابغى استكشف المكان
لينا: ليان احنا ما عندنا رجل معنا ما يصير لا
ليان: بس حول الفندق والله ما اروح مكان بعيد
لينا: الناس بتفكر انك طفله وتكذب عليك وتاخدك
ليان: عمري 17 مو طفله
لينا: إلا طفله وما تفهمي
ليان: انتي كمان طفله ليلوووو
لينا: طيب لا تتأخري لك ساعه بس
طلعت ليان من الفندق وكان في كافيه جنب الفندق طلبت لها كوفي، اخذته وطلعت تتمشى بأرجاء لندن
دخلت مجمع(سلفردجز) واشترت لها وللينا ولأمها كم شغله
وهي طالعه صادفت عائله خليجيه معهم بنت تقريبا بعمر ليان البنت ابتسمت لليان وراحت صوبها
البنت: السلام عليكم
ليان: هلا وعليكم السلام
البنت: ما نشوف خليجيين كثير في هالوقت من السنه فحبيت اسلم معاك ساره
ليان: هلا ساره معاك ليان، احنا هنا علاج لأمي
ساره: انتي ساكنه قريب من هنا؟
ليان: ايوا(وشارت لها عالفندق)
ساره: حلو انا الفندق الي جنبكم
ليان ابتسمت
ساره: اشوفك ان شاء الله مع السلامه
ليان: باي
رجعت البيت ليان ومعها اكياس كثيره
شهقت لينا
لينا: ليان!!!!!!!!!
ليان ابتسمت: والله اسفه كل شي حلو وما كنت ابغى اترك شي بخاطري
لينا: وتلوميني ليه ما اطلعك لوحدك؟
ليان ضحكت: ما اعيدها خلاص
ام لينا ابتسمت: اتركيها على راحتها يا لينا
ليان ضمت امها: بكره ان شاء الله يشوفك الدكتور يا حلوه وان شاء الله مافيك الا العافيه
ام لينا: ان شاء الله
لينا: ماما فيه كافيه قريب من هنا ابغى انزل اجيب لنا عشا واصعد طيب؟
ام لينا: طيب
ليان: اي في اشياء كثير لذيذه ابغى (كلوب ساندويتش)
لينا: طيب
نزلت لينا للكافيه وقفت تنتظر طلبها
ساره شافتها ابتسمت وراحت لها
ساره: وكمان تحبي تتعشي من هنا؟ حلوه الصدفه
لينا: عفوا؟
ساره: بسرعه نسيتيني؟ انا ساره
لينا: انا اسفه لكن ما اعرفك او يمكن نسيت
ساره: ما صارلي ساعه من شفتك
لينا ابتسمت: ههه لا انتي غلطانه هذي اكيد اختي ليان
ساره: ههههه اسفه بس ليان انا مو غبيه
لينا: لا جد احنا توأم لهالدرجه نشبه بعض
ساره: من جدك؟
لينا: هههههه ايوا
ساره: ما شاء الله نسخه انا اعرف كثيير توائم بس يفرق فيهم اشياء انتو كثييير مثل بعض
لينا ابتسمت
ساره: مدري ليه احس تضحكي معي
لينا: ههههه لا جد ان شاء الله نشوفك على يوم مع بعض
ساره ابتسمت: طيب خذي رقمي واكلمك ان شاء الله
صوت شخص من بعيد: ساره يلا حنتأخر
ساره: اسفه بس اخوي يناديني اكلمك بعيد بااااي(وراحت لإخوها)
ساره: جراح موب عيب تصرخ كذا تناديني؟
جراح: مين ذي؟
ساره: وحده تعرفت عليها قول بعد تبغاها والله موب كيفك كل بنت شفتها قلت ابيها عيب عليك
جراح مسك ساره من يدها بقوه: انا اخوك الكبير انتي ليه ما تستحي على وجهك؟
ساره همست: اااه جراح انا اسفه خلاص
جراح تركها: عيدي هالكلام وشوفي ايش يصير فيك
ساره: حتى لو فكرت فيها باين عليها مؤدبه موب عند سوالفك
جراح: ايوا صح
صعدت لينا للغرفه ومعها الأكل
لينا: ليان مين ساره؟
ليان: وحده غثيثه وسخيفه ليه؟ ايش عرفك فيها؟
لينا: حرام عليك حبووووبه شفتها بالكافيه هي واخوها باين عليها بنت ناس
ليان: لا تصدقي كل شي هذي الأيام يا طيووبه
ام لينا: ليان حبيبتي عيب هالكلام
ليان: يما شكلها من النوع اللي ما تفك عنك ابد
لينا: اعطتني رقمها
ليان: شفتي!!!!!! دحين ما حتهدك
لينا ابتسمت
وهذي هي نهاية البارت الأول
ان شاء الله عجبكم ادري قصير لكن هذي فقط البدايه البارت الجاي ان شاء الله حيكون يوم الجمعه وشكرا
ي هلا فيك في عالم الروايات .. موفقه في روايتك ..
اسم روايتك الصصراحه لفت نظري و حبيت ادخل ..
ما اتضح لي شي ابدا لكن في ثغرات تخرب الروايه ..
اول شي الاعتماد على الحوار ..
لاحظة ان روايتك تحمل كم كبير من الحوار و تغلب على الوصف ..
حبيت اقولك ان هذا الشي غلط و يمكن ممو مرغوب فيه لان الوصف السرد يحمل مضمون و عناصر الروايه الاساسي ..
ي ليت تكثفين ووصف سردي للمكان و الزمان موقع الحداث تحركات الابطال ..
مثلا تححدين ملامح الوجه * معصب – رايق – عادي – غباءء الخخ *
تحددين الشعور مثلا * خاف – فرح – زعل – حسي بفضول – بغيره – بتسال *
هذي االاشياء تجذب القراء جدا ..
موفقه في روايتك و ان شاء الله تشوفين تفعال ..