روايتنا الاولى : ماذا بعد الفقد ! هو ان تصبح فارغاً حتى من ذاتك ان ترتجف اطرافك حنينا و يبكيك اي شي 2024.

بسم آلله آلرحمن الرحيم

سلام اخباركم بنات ان شاء الله بخخير
اليوم حبينا انا وصديقتي الصدوقه الهنوف ننزل اول كتابه لنا بمنتداكم القميل
اتمنى من كل قلبي تتفاعلون معنا لانو ججد تعبنا ببدايتها
*
*
روايتنا الاولى : ماذا بعد الفقد ! هو ان تصبح فارغاً حتى من ذاتك ان ترتجف اطرافك حنينا و يبكيك اي شي

طبعا كلها من نسيج خيالنا
قرينا كثير من الروايات وحبينا نجرب ونتعمق ونكتب وانتو ان شاء الله ما راحح تخخذلونا وبتتفاعلون معنا ان شاء الله
(وذا ترتيب نتزل الروايه الهنوف اول بارت وانا الثاني والهنوف الثالث وهكذا …. وكلنآ بنفس الحساب )

بدايت البارت راح تعرفكم الهنوف وش الزبده من الروايه

ملآحضه : ارجوا ان الروايه ما تشغلكم عن طاعة الله وتاخير صلاواتكم ..

وان شاء الله تنام اعجابكم

البارت الاول بقلم : al.hanouf hamad
اختكم : Lmeesh khaled

البارت الاول ..
*
*
(ماذا بعد الفقد ! هو ان تصبح فارغاً حتى من ذاتك ان ترتجف اطرافك حنينا و يبكيك اي شي)

قبل 10 سنوات
ابو سعود بعصبه : المانيه يا سعود المانيه اطلع اطلع وانت لا ولدي ولا اعرفك
سعود بصدمه : ليهه يبه والله المره اسلمت
ابو سعود بصراخ : قلت لك اطلع انت مو ولدي ومتبري منك ليوم الدين

الكل انصدم من كلامه وطبعآ زوجته مافهمت شي الا قليل لانها تعرف سعودي متكسر

سعود : خلاص انا طالع بس قبل ما اطلع حبيت أذكرك ان عندي سلمان ولتين

وأول ماطلع اغمى على ام سعود من الي صار

ركضو لها عبدالعزيز وعبدالله اخوان سعود واسعفوها للمستشفى
‘
‘
نفض افكاره الي صار لها 10 سنه واهو مع ابوه وامه عند ناس اول مره يشوفهم وتعوذ من الشيطان وصار يتمشى في شوارع المانيا يفكر في عملية ابوه والاطباء قالو ان نسبة نجاح العمليه 30% زفر بقوه وبصوت واضح رفع راسه ولقى نفسه قدام النادي دخل ضل يتدرب ساعتين

بعد التعب رن جواله ورد
سعود بصوت واضح وخشن : هلا والله وينك فيه
سطاان بتعب : في النادي
سعود : اها اجل احتريك نتعشا لا تتاخر
سلطان : ان شاء الله تامر على شي ثاني يبه
سعود : لا سلامتك مع السلامه
سلطان : مع السلامه
( سلطان شاب عايش مع ابوه في المانيا لعلاجه من الشلل ، جميل له عوارض جسمه رياضي عيونه رماديه على امه ، بشرته بيضى ، شعره اسود وكثيف عنده شركه عالميه ومشهوره كانت لامه الالمانيه الي توفت بمرض السلطان قبل 3 سنوات وبعد ما ماتت كتبت كل املاكها لسعود وولدها سلطان واخته توئمه لتين ، ما يرفض لابوه طلب كل شي و لا ابوه يفرغ عصبيته بطريقه غريبه شوي في انه يدخل ديسكو يقلب الدنياء عليهم حتى انهم يعصبون عليه بس ما يقدرون يسون شي مع الاحداث بتتعرفون عليه اكثر عمره 21 سنه
لتين .. بنت جميله بشرتها بيضى وصافيا شعرها اسود طويل لين نهاية ضهرها ناعم عيونها رماديه زي سلطان على امهم جسمها كعارضة الازياء نسخه من توئمها سلطان متعلمه الكارتيه )

————

دخل لقصره بعد رجعته من فرنسا

… شافته وبصراح : السلام عليكم دادي
التفت عَ بنته وحضنها بقوه وقال : ها شلون دلوعة ابوها
لين بضحك : هههههههههه بخخير
نزل ناصر مو الدرج ووصل لهم : وخري خليني اسلم على ابوي
لين تضم ابوها اكثر : لا مابي اوخر
ناصر : بتوخرين و??
لين بعناد : لا
ناصر دفها وصلم عَ ابوه وحب راسه
ابو فيصل واهو يجلس : ناصر ولي يعافيك جب لي كاس مويه
ناصر : ان شاء الله يبه
ابو فيصل : هاه وش سويتي يا بنيتي لين في غيابي
لين : دادي و لا شي طفش من دونك
دخل فيصل : السلام عليكم
ابو فيصل ولين : وعليكم السلام
فيصل : هلا يبه الحمدلله على سلامتك متى جيت
ابو فيصل : الله يسلمك توني واصل
ناصر جاء وعطى ابوه المويه وجلس
دخلت ام فيصل : هلا والله الحمدلله على السلامتك كيفك يابو فيصل
ابو فيصل : الله يسلمك بخخير
دخل اركان وراكان للبيت مع بعض وفصخو جزمهم وذبوها ومعها شنط المدرسه : السلام عليكم يَ قوم
ضحك عليهم ابوهم : ههههههههههههههه وعليكم السلام
على طول اركان وراكان راهو طايرين عند ابوهم سلمو عليه وحبو راسه : يبه الحمدلله على سلامتك
اركان : مره ثانيه خذنا معك
راكان : لا تنسى
الكل ضحك عليهم
ام فيصل تقوم : يلا حبايبي الغدى
الكل قام على غرفة الطعام

( آلاب عبدالعزيز يحب عياله وزوجته حنون وطيب عليهم مع انه شاد عليهم شوي اخوه سعود مَ شافه من 10 سنوات بسبب تبري ابوه من سعود
الام سهى حنونه وطيب عَ زوجها وعيالها
فيصل عمره 26 سنه يشتغل في شركة العائله ابوه وعمانه يعتمدون عليه في كل شي يحب اخته لين ويموت فيها
ناصر 19 سنه مشاكس راعي ضحك ووناسه يدرس في جامعة النفط والبترول
لين البنت الوحيده مدلعه مره ومعروفه بالعائله ان محد يقدر يسوي فيها شي مدام اخوانها عندها خاصه فيصل عمره 17 سنه
اركان وراكان توائم محد سلم من مقالبهم عمرهم 15 سنه )
————
في مكان ثاني جالسين على طاوله الطعام
أم عبدالعزيز : ها ي وليدي مالقيتوا سعود
عبدالله يكره طاريه : لا يمه مالقينه عبدالعزيز يدور عليه
أم عبدالهزيز دمعه عينه : وشلون مالقيتوه يعني وين
عبدالله : آفا يمه تدمع عينك وانا حي
ام عبد العزيز : أبوك مات من 3 سنين وما لقيتوه الى الان
عبد الله : مايصير في خاطرك الا الطيب اتوقع انه في المانيا بلد زوجته
أم عبد العزيز تمسح دمعهها بيدها وتدعي لسعود
————

في ألمانيا
دخل القصر لقاء ابوه واخته في الصاله
سلطان : السلام عليكم
سعود ولين : وعليكم السلام
لين : هاه ماجعت
سلطان : الا حدي شوي وبموت من الجوع
سعود ابو سلمان ولين : قم يله على الغذا
قام سلطان ودف ابوه على كرسي المتحرك (مشلول بسبب حادث له من مده واليوم عمليته)
سبقتهم لتين : وصلت قبلك سلطان ههههههه
سلطان ببتسامه : لا والله عش مايصير انا ادف ابوي وانتي تجلسين قبلي
لين وهي تجلس : مشكلتك انك دفيت ابوي ما خليتني ادفه
سعود ضحك على عياله : يله ي سلطان هذا اخر خساره لك بكره انا بروح بنفسي
جلسوا و غرففت لهم الخدام
لتين : بابا بتحضر بكره حفل تخرجنا
سعود : اكيد
سلطان : اجل انا بجيبك
سعود : متى ينتهي الحفل
سلطان : على الظهر
لتين وهي تحرق الملعقة في الهوى : بابا العملية المغرب صح
سعود : صح
كلموا اكلهم

————

بعد الغدا
جلست العائلة على الشاهي
ابو فيصل : تجهزوا بكره بنورح الشاليه مع عمكم عبدالله وامي
استانسو مره
ركان : وناسه أخيرا نطلع
أركان : لا بعد معنا عمي عبد الله اقطع ابو الوناسه
لين : دادي عادي انادي بنات خالي خالد وخالتي هند
ابو فيصل : ايه يَ بنتي عادي
ام فيصل : متى نمشي
ابو فيصل : بكره الصبح
قام فيصل : اجل عن اذنكم لين روحي رتبي شنطتي
لين : ان شاء الله
اركان بتسائل : طيب كم بنقعد
ام فيصل : 3 ايام
ام فيصل ل فيصل : وين رايح
فيصل : بروح عند خويي زياد ( صديقه الروح بالروح)
ام فيصل : الله يحفظك
فيصل : أمين
ركان وأركان قاموا : يله بنروح نجهز الشنطه
لين : بروح أكلم هنادي والبنات
ام فيصل : بروح أكلم أختي واجهزا الاغراض
ابو فيصل : انا بكلم خالد
خذ جواله وعلى طول كلم خالد

ابو فيصل : السلام عليكم
خالد : وعليكم السلام
ابو فيصل : هاه تخاوينا
خالد : على وين
ابو فيصل : الشاليه مع الاهل
خالد : خلاص تم
ابو فيصل : تم
خالد : متى اجل بتمشون
ابو فيصل : بكره الصبح
خالد : اجل خلاص
ابو فيصل : مع السلامه
خالد : مع السلامه
————
الجده : هاه ي وليدي جهزت اغراضك
عبدالله : ايه يمه
الجده : اخوك ماقالك متى بيمشون
عبد الله : الا يمه قال الصبح
————
… : صدق لين ماني مصدقه واخيرا بنروح مع بعض وناسه
لين : ليه مانتي مصدقه هههههههه
هنادي : مدري من زمان عن الوناسه وككيذا
لين : الا وانتي صادقه بسكر بروح أرتب شنطتي
هنادي : باي
لين : باي

هنادي سكرت من لين ونزلت تحت بسرعه و صقعه في اخوها سعد : اي خشمي عورتني
سعد : هههههههه عن الطفاقه شوي شوي وش معجلك
هنادي : بكره عمتي سهى وعيالها بيرحون الشاليه
على جملتا نزلة مها اختها : هذيك قلتيها عمتي سهى يعني مو احنا
هنادي : بس لين قالت لي ان احنا بنروح معهم
مشت هنادي وخلتهم راحت عند أمها وابوها
هنآدي : ماما بكره بنروح مع عمتي سهى
خالد ضحك عليها : وانتي من وين جايبه العلم
هنادي بكل ثقه : أحم من لين
ام سعد : يله روحي جهري اغراضك مدامك بتروحين
*دخلوا مها وسعد
التفتت عليهم ام سعود : انتي وياه رحو جهزوا أغراضك، وش تسون هنا
مها وهنادي رقوا يجهزون الاغراض
خالد يوجه كلامه لسعد : وين اخوك جاسم
سعد : في الاستراحه
ام سعد : ياربيه متى هذا الولد يحس جالس يلعب و موسع صدره أف
وطلعه على غرفتها تخطط خطط شريره وشلون تخلي جاسم ياخذ لين

أعرفكم على العائلة

(*ابو سعد خالد أخو سهى طيب ويحب اخواته ومايطيق عبدالهزيز يشتغل في أرامكو
*ام سعد حقوده وطماعه تبي كل شي لها و علشان كيذا تبي تستغل جاسم وتزوجه لين تكره سهى
*سعد حبوب وطيب عمره 28 يشتغل في العسكرية خاطب بنت عمته هند ، امل
*جاسم طائش مره في حياته بس مع الدراسه شاد حيله يدرس مع ناصر في البترول عمره 19 دائم أفكاره خبيثه
مها نفس أمها و جاسم تفيرها خبيث وشريره ماتطيق لين تحب بنات عمتها هند
————

المغرب في ألمانيا
جالسين على اعصابهم لين وسلمان دخلوا ابوهم في غرفه العمليات كل شوي يناضرون الساعه سرح ويتذكر ابوه وش كان يقول له

سعود : ي ولدي انتبه زين على نفسك وعلى لتين وإذا صار لي شي
سلطان قاطع ابوه وبحده : يبه انت وش قاعه تخرف ان شاء الله تقوم بالسلامة
تنهد سعود : اسمع انا قلت لك اذا صار لي شي روح عند عمانك و جدك و جدتك في السعوديه
أشر بيده على تحت السرير. تحت السرير تلقاء صندوق دور بين الأوراق راح تلقاء رقم إخواني و بيت امي وأبوي روح لهمو
سلطان منصدم ويردد في عقله انا عندي عمان و جد وجده في السعوديه
كمل سعود : عمك واحد اسمه عبد اللعزيز والثاني عبد الله
رجع من سرحانه على صوت اخته التوائم
لتين : سلطان بابا تاخخر بغرفة العمليات
سلطان يضم اخته الوحيده مَ بقى له الا الله ثم هي : لا ما تاخرو هدي انتي بس

‘
توفعاتكم تهمني
هل تتوقعون راح تنجح عملية ابو سلطان ولتين ؟؟
وش مخبيه الاقدار لسلطان ولتين يا ترا ؟؟!
هل تتوقعون راح يلقون اخوهم سعود ؟؟
وش راح تسوي ام خالد وخططها الشريره ؟؟
وش راح يصير بروحتهم للشاليه ؟؟

انتهى البارت ان شاء الله ينال اعجابكم
و? تنسون التوقعات
بقلم : al.hanouf hamad

ربي يحفظكم ..

تسسسلمين حبيبتي
وانرتي روايتناا وربي 3> 3>
ان شاء الله راح ينزل بككره (‘

ابششري ع هالخسم وراح اكتب رايي $$$’
اننرتي ممره ثانيهه 3>

Lmeesh khaled

السلام عليكم غلاتي انتي والهنوف ∩__∩
الروايه باين حلووه بس عندي ملاحظات وياليت تتقبلونها بصدر رحب
اول شئ حاولو تجيبون افكار جديده فكرت ان الابو يتبرى من ابنه متكررره كثييير في الروايات والكل مل منها وحفضها تقريبآ
انتبهو من تكرير الافكارو وحطو افكار جديده تلفت النضر
ثانيآ حاولو ماتعتمدون ع الحوار في السرد
وبسسس الباقي كله حلو ومنضم
ويارب تنجح الروايه
تقبلي مروري اختك جذابه
وياليت تشرفيني في روايتي رواية )حتى الكره فيني يحبك وشكرآ

بدايه ججميله ..

بانتظار البارت الججاي

السلام عليكم .. صباح الكادي .. موفقه في روايتك .. حبيبي صح ان فكرة روايتك ان الاب متبري من ولدو .. لكن انتي ما ححدتي لنا شي .. يعني المفروض تحددين لنا ليه سوا كذا مو معقوله كذا فجاءه الاب بتبرا ممن ولدو .. البارت مافي اي شي يجذب ي ليت تنزلين البارت التاني .. حولي تححدي لنا المكان و الزمان .. اوصفي الموقع الحدث المكان تحركات الابطال اشكال الابطال .. موفقه مرا تانيه و ان شاء الله تشوفين تفعال ..

S5a2

وعليكم السلام
هلا فيك جذابه
مششكوره على الملاحظه
وكلامك صحيح
اممين يا رب
انرتي روايتنا
ابششري 3>

انتي الاجمل وربي
راح ينزل اليوم ان شاء الله
انرتتي روين

وعليكم السلام
تسسلمين
لا هو تبرى منه لانه تزوج المانيه والاب ما رضاء
راح ينزل البارت الثاني اليوم وان شاء الله يجذبكم للقراءه
امممين
انرتي حروف راقيه 3>