كيفـــــكــــم يً أحــــــلى آعضــــــــآء..؟!
اليــــوم بأنــزل لكم روآيتي الآولى بعنوان..
{فــي دآخلي آحسآس آجهل معآنيه}..
لي انــــا آلحـــــآن..
آتمنـــــى آنهـــــا تعجبكــــم..
وآني آلقى تفـــــآعــــل منــــــكم..
وطبعا اتقبل آرائكم وآنتقاداتكــم..
واللي يبي ينقل وربي عادي بس لازم يذكر ان الكاتبه آلحآن..
دقـــــآيق وينـــــزل البـــــآرت الآول..
مستشفــى آل………..
في غرف الولاده..
ما بين الالم والتعب والجهد..
تممت الولاده..
الام الاولى والام الثانيه رزقتا بمولودتان متعافيتنان وبصحه ممتازه..
فــــي الممر..
الممرضتين تجران المولودتان..
وكـــان قدامهـــم ممرضه ثانيه..
اللممرضه اللي قدامهم من التعب والارهاق اغمـــى عليها..
ومافيه حل الا ان الممرضتين يروحون لها مسرعات..
حاولو يقومونها لكن مافيه فايده واضطرو انهم ينادون ممرضات ثانيات بينما هم ياخذون المولودتين الى الحضــانه..
وهنــــــا حدثت الكــــــارثه..
الممرضه الاولى اخذت المولوده الغلط..
والثانيه نفس الشئ..
بالغلط..
غرفــــه الام الاولــى..
دخل لها زوجهـــا..
طلال..:آبشرك يا الغاليه جتنا بنت مثل القمر..
ابتسمت له ندى بارهاق..:الحمد لله..
طلال..:الحمد لله على سلامتك حبيبتي هاه ايش بنسميها..
ندى..:الله يسلمك..والله خاطري من زمان باسم ارين..
طلال..:اســـم حلـــو ارين بنت طلال آل…….
ندى..:طلال وين راكان..؟
طلال..:عند اهلي..دقايق وتجي امي وامك لا تحاتين..
………………………………………….. .
غرفه الام الثانيه..
رنا تتكلم بتعب..:ايش جاني..؟
احمد ابتسم لها..:الحمد لله بنت..
رنـا ابتسمت..:سميها انت انا سميـــت الهنوف انت دورك..
احمد..:معجبني اسم ريهاف..
رنا ..:كثير حلو..
احمد ابتسم لها وطلع من الغرفه..
بعد ســـــاعه تقريبا..
دخلو ريهاف على امها الغلط..
رنا ابتسمت وشالت هالجسم الصغير جدا..
باست يدها بحنان وبدت ترضعها..
دخل احمد ومعه عياله سعود والهنوف..
سلمو على امهم وباسو ريهاف ويراقبون الحركات البطيئه للكائن الصغير اللي قدامهم..
الهنوف..:ماما مين هادي..؟<ماما مين هاذي..
رنا..:هاذي اختكم ريهاف حبايبي..
سعود..:مرره صغيره..
الهنوف..:ايه..
ضحك احمد لهم لانهم متفاجئين ان جات لهم اخت..
…………………………………..
بعد 10 سنوااات من الاحداث..
كبرو ارين وريهاف وكل وحده بدى يبين شبهها ..
ريهاف الكل مستغرب من جمالها الغير طبيعي ..
ابدا ما تشبه امها او اخوانها بشعرها البني الغامق الحرير وبياضها الجذاب وعيونها الواسعه وشفايفها الصغيره ..
بعكس اختها الهنوف بشعرها الاسود وببشرتها الحنطاويه وعيونها السوداء المتوسطه..
يعني فرق الارض عن السمــاء..
نرووح للطفله الثانيه ارين..
ملامحها ناعمه بس مو جميله او جذابه مثل راكان..
حتى بنات عمها اجمل منها..
ما تشببه لاحد فيهم ابد..
يعني الموضوع يشكك شوي..
ياترى ايش بيصير مع ارين وريهاف..
انتضر ردودكم وتوقعاتكم..
وانتضروني في البارت الجاي..
محبتكم آلحآن..~
في سوق ال ………
راكان ماسك يد ارين ويمشيها..
وسعود ماسك الهنوف وريهاف..
راكان واقف من الصدمه يحاول يركز بالوجه شبه فضيع التفت لاخته سبحان الله كانهم توآم شبه فضييع بين الهنوف وارين..
سعود يشوف هالولد كيف يطالع الهنوف وشك بشئ راح يبي يكلمه بس وقف لما شاف البنت اللي معه..
راح عنده وسحب البنت..:الهنوف ليش واقفه مع الرجال..
ارين خاااااايفه ..
راكان عصصب..:لو سمحت اترك اختي لا يجيك شئ مايرضيك..
سعود استوعب ان هالبنت اصغر شوي من الهنوف والملابس غير..
سعود..:آسف اخوي بس حسبتها اختي..
راكان..:عادي حتى انا انصدمت من الشبه..
سعود اخذ خواته والوسواس يتلاعب فيه والافكار تاخذه وتجيبه ونفس الشئ راكان..
………………………………………….
فيصل..:مو كان هاذا راكان ومعه ارين..
فهــد ..:الا هم..
فيصل صوت له ..:راكان هنا تعال..
راح لهم راكان وهو سرحان..
وبعدين قال لهم كل السالفه.
وهم يحسبون انه يتهيا..
……………………………………..
دخل سعود للبيت..
سعود ..:يممه يممه..
ام سعود..:هلا يمه نعم..
سعود ..:اليوم وانا في المول شفت واحد يطالع الهنوف وشكله منصدم …………………………………………آل خ..
ام سعود..:عادي ياوليدي تتهيا بس يخلق من الشبه اربعين..
………………………………………
بعد 5 سنوات..
ارين..:تكففى ركوون الله يخليك وديني..
راكان..:لا عجزااااان..
ارين بوزت وجلست..
راكان كل شوي ياخذ لها نظره وفيه الضحكه على شكلها..
ارين بتروح حفل تخرج بنت عمها من الثانوي وتبي تاخذ لها هديه وما تطلع مع السواق لحالها وتبي راكان يوديها وهو ما يبي..:عجوووووز..
راكان مطنشها .
ارين بدى سلاحها الوحيد (الدمووع) وبدت تبكي..
راكان رحمها…:خمس دقايق اذا ما شفتك جاهزه مافيه هديه..
ارين على طووول ركض..
………………………………………….. …………..
البنات كبرو ودخلو مرحله المراهقه..
ريهاف كل يوم عن يوم تزيد حلاوتها ويكثرون محبينها..
وارين نفس الشئ بس مو بجمال ريهاف..
……………………………………..
ريهاف وسعود رايحين محل الهدايا علشان يشترون للهنوف هديه بمناسبه تخرجها من الثانوي..
ارين منشغله تشتري وريهاف واقفه..
فجـــــــــــآه..
صقعت ريهاف بارين ..
ارين ..:آسفه اختي..
ريهاف..:عـــــــ ……….."ما امداها تكمل كلامها الا وتشوف وحده تعرفها
ريهاف..:الهنوف ايش جابك هنا..
ارين..:عفوا اختي ما فهمت..
ريهاف دققت اكثر ..:معليش حسبتك اختي..
ارين..:لا عاااادي..
ومشـــــــــو الثنتين وكـــآن شئ لم يحدث..
………………………………………….. ..
حفــــــــــــل تخرج الهنوووف..
الكل بدا يقدم هديته وسوالف وونـــاسه..
ريهاف راحت وشغلت الدي جيه ..
وبدو يرقصون..
………………………..
عند الرجال..
ابو صقر يصير اخو ابو سعود..
ابو صقر..:اضن ان خلاص الهنوف كبرت وما يستر المره الا الرجال..
ابو سعود مستغرب من اسلووب اخوه داايم ابو صقر ما عنده اسلوووب..:والمطلوب يا اخوي..
ابو صقر..:ابي اخطب الهنوف لصقر ولدي..
ابو سعود..:وهاذي الساعه المباركه ومارح نلقى احسن من صقر بس انا باستشير البنت قبل..
ابو صقر..:على راحتك ..
…………………………………………..
انتهــــــــــــــى..
الهنوف بتوافق على صقر..؟
ايش بيصير في ارين و ريهاف هل بيتقابلون من جديد..
توقعاااتكم حبايبي..
وآسفه آذا كان البارت قصير شوي..
ودي..
آلحآن..~
آنقضى اليوم على خير..
بس..
ابو سعود ما قال للهنوف شئ..
واليوم مقرر انه يقول لها..
بيت ابو راكـــــان..
الكـــــل مجتمع على الفطور..
ابو راكان + ام راكان + راكان + ارين..
ابو راكان..:عندي لكم خبر..
راكان رفع حاجبه..:بشرنا يبه..
ارين نقزت لانها حست ان الخبر حلو..:بابا ايش الخبر..؟
ام راكان مبتسمه تنتضر الاجابه..
ابو راكان..: احنا وعمانك بنجتمع في مزرعه جدكم وبنام فيها ثلاث ايام..
ارين استااانست مره ومن زود الحماس صارخت ..:ونااااااااااسه..
الكل ضحك عليها
راكان..:الحمد لله والشكر كانت مو امس شايفتهم
ارين.:مالت عليك يا هادم اللذات وش عليك انت جالسه على راسك مثلا..؟
ابو راكان..:ارين عيب تكلمين اخوك كذا..
ارين نزلت راسها..:اسفه بابا..
راكان..:طيب متى بنمشي..
ابو راكان ابتسم..:بعد بكره ان شاء الله..
ارين على طول طيران لغرفتها مو مصدقه راحت تتصل على كل بنات عمانها..
اتصلت اول شئ على فجر..
وبعد خمس رنات ردت عليها فجر بصوت كله نوم..:هاه
ارين ..:قومي جعلك النقم سمعتي الخبر…؟
فجر..:وجع يالله صباح خير اي خبر..؟
ارين..:بنروح كلنا لمزرعه جدي وبنجلس فيها ثلاث ايام..
فجر..:هاهاها امزحي بعدين مو ناقصتك تونا شايفين بعض امس يعني بلا مقالب مكشوفه..
ارين عصبت..:وقسم بالله قووومي بسرعه واسالي ابوك او احد اخوانك..
فجر فززت وسكرت المكالمه بوجه ارين وعلى طول على الحمام..
اخذت شاور سريع وصلت ونزلت تحت…
لقت فيصل اخوها على طول جلست جمبه..:فصوووول حبيبي صدق اللي سمعته..
فيصل التفت لها بنص عين..:اي خبر..
فجر..:بنروح لمزرعه جدي..؟
فيصل لف عنها وجلس يقرا بالجريده وببرود..:ايه
فجر ..:يـــس وناااااااااااسنه..
فيصل طنشها وهي قامت منه..
على طول اتصلت على ايلاف..
ايلاف..:هلا والله..
فجر..:هلا بك يا قلبي سمعتي الخبر..
ايلاف ابتسمت..:المزرعه..
فجر..:يب والله مبسوووطه..
ايلاف..:حتى انا وريم..
فجر..:يوووه تلقينها الحين مغبره وحالتها حاله…
ايلاف..:لا لان ابوك اليوم ارسل عمال ينضفونها..
فجر..:يالبى قلب ابوي بس..
ايلاف..:طيب امي تناديني باروح اشوفها..
فجر..:اووك باااي..
ايلاف ..:باي..
ريم..:من هاذي..
ايلاف..:فجر مستانسه مره على هالخبر..
ريم..:ايه والله خبر يونس..
………………………………………….. ………….
باعرفكم الحين على العوائل..
عائله العتيبي..
طلال + فهد + حمد..
عاااائله فهد..
حمد { الاخ الكبير بين طلال وحمد والحين يتراس شركه العائله صبووور درجه اولى وطيب مره على عياله بس احيانا يكون قاسي عليهم علشان يتعلمون من هالحياه يتلقب بـ آبو فيصل عمره 49 سنه }
منــــال {زوجه فهد ربه منزل ناجحه تحب عيالها ومحد يقدر على زوجها الا هي تحبه بشكل فضييع ولا ترضى بالغلط وتحب تاخذ حقها دايم و فارضه احترامها على الجميع عمرها 44 سنه }
فيصل { 19 سنه انســــان فاارض احترامه وهيبته على الجميع ناادر ما يتكلم بس اذا تكلم كلامه من ذهب مثل ما يقولون مو مثل هالشباب.. همه في هالدنيا يرضي امه وابوه عصبي واذا عصب تحتد ملامحه.. طيب بشكل فضيع وحنون بعد بس ما يبين لاحد نجي لشكله حنطاوي البشره وعيون واشعه برموش كثيفه خشمه طويل بحده السيف وبشفايف مرسومه له وسيم وجذاااب وتحليه غمازته اللي بالخد اليمين اذا ابتسم له اسنان بيضاء ومرتبه جسسمه رياضي }
فهد { 18 سنه حبوووب وطيب ابتسامته ما تروح من وجهه "عكس فيصل " يحب المززح كثير ونادر ما يزعل ابيض من فيصل بشوي بس ملامحه مو حاده مثل فيصل يميزه غمازه على خذه اليسار "عكس فيصل" يمتلك جسم رياضي وطموحه انه يصير دكتور…}
فجر { 16 سنه طيوووووبه وملامحها ناااعمه شعرها اسود ويوصل الى كتفها عيونها واسعه ومالها غمازات مثل اخوانها بشرتها بيضاء وشفايفها مليانه ومرسومه رسم خشمها صغير وحاد وما ترضى بالغلط ابدا}
عااااااااائله طلال..
طلال..{ الاب طيب وحنون يشتغل دكتور لانه ما يحب يشتغل بالشركات صبوور وكلمته مسموعه عمره 48}
ندى {الام طيوووبه وحبوبه دكتوره تعرف عليها طلال بالمستشفى وحبها وتزوجها عمرها 44 سنه}
راكان { 19 سنه ولدهم الكبير طيييب وحبوب ماخذ من ملامح فيصل الكثير بس فيصل ملامحه احد شعره بني غامق له غمازتين يبانون اذا ابتسم
جسمه رياضي }
ارين {15 سنه سمراء بس سمار جذاب عكس بنات عمها اللي مو هم بنات عمها عيونها متوسطه الاتساع شعرها اسود والى نص ضهرها اذا عصبت عصبت وتاخذ حقها بلسانها}
عااااائله فهد..
فهد { الاخ الثالث دمممه خفيف عكس اخوانه اللي اكثر طابعهم الرسميه بس اذا عصب عصب يحب زوووجته وعياله ويشتغل مع اخوه حمد في الشركه..عمره 46..}
نوف { الام تصير اخت ندى {ام فيصل } حنوووونه و حساسه وما تحب تشوف زوجها متكدر ابد }
محمد { 19 سنهولدهم الكبير طيب ورسمي شوي بس حبوووب فيه عاده انه يحب يحرج اللي قدامه تميزه ابتسامته وفيه من طبع ابوه اللي هي خفه الدم}
خالد{ 18 سنه نسخه من ابوووه في الشكل والطباع جسمه رزه ويحب خواااته بشكل فضيع}
ايلاف { 16 سنه ثقيلـــه ومحترمه هااديه وملامحها ناااعمه شعرها بني فااتح والى تحت كتفها بشوي..}
ريم { 15 سنه كيوووت ومرجوجه شوي تحب تطرح الميانه بسرعه عكس اختها الثقيله ملامحها تشبه ايلاف بس ريم اقل جاذبه وشعرها قصير وقاصته فيكتوريا}
………………………..
برررررررررررررررررررررررب
عــــــائله الشهراني..
احمد + راشد + جاسم..
عاااائله احمد..
احمد { الاب طيوووووووووب بس له هيبه محترم وله كلمته عمره 49 سنه ويشتغل مدير لاحد البنوك}
رنا { الام متوااااضعه وحبوبه تخاف على عيالها وربه منزل ناجحه عمرها 44 سنه}
سعود { ولدهم الكبير طيووووب ومتفهم وما يحب يجرح مشاعر احد يغااار على خواته وقدوتهم بادبه واخلاقه عمره 19 سنه}
الهنوف { 18 سنه طيوبه وهاديه يهمها مستقبلها اكثر من اي شئ شعرها اسود وبشرتها حنطاويه وتغااار شوي من جمال ريهاف}
ريهاف {15 سنه خجووووووله وكيوووووت شعرها ناااعم وطويل لونه بني غاامق عكس العائله تتميز بغمازاتها واكيد عكس العائله عيونها واااسعه ورموشها طويله وكثيفه شفايفها ممتلئه وصغيره وحاده خشمها صغير وحاد وتتميز ببياض يعني موضوعها يشكك شوي}
عاااائله راشد..
راشد { 48 سنه هاااادي ومثقف وثقيل فخوور بعياله وعيال اخوانه ويستانس اذا سمع ان فيه تطور بالبلد او بشباب البلد يحححب زووجته حيل..}
نوره { 43 سنه طيوووووبه ومثقفه مثل زوجها ثقيله شوي وتحب راشد كثير}
طلال { 20 سنه ولدهم الكبير اخلااق بكل ما تعنيه الكلمه بشرته سمراء بس جذااابه طوله مره ححلو}
لجين { 18 سنه هي والهنوف مثل الخوات الروح بالروح محترمه وهاديه صوتها يالله ينسمع ملامحها جذااابه..}
نجود {16 سنه منفتحه على العالم جريئه بس باحترام تاخذ حقها وتكره الرسميات ملامحها ناعمه}
عاااائله جاااسم..
جاسم{ ماعنده اسلوووب ابدا في الكلام بس طيووب مره وعلى نياته ويحب ان كلامه يتنفذ واللي يامر به يصير عمره 46 سنه}
ناديه {طيووبه ومتحمله عصبيه زوجها لانها تعرف انه طيب عمرها 42 سنه}
صقر { 25 سنه طيوووووب وحبووووب يحب الهنوف ويتمناها وسيم وصااامت دائما يشتغل في شركه ابو فيصل}
مـــي { 15 سنه بااارده ومفهيه وذووووق اذا عصبت عصبت وحساااسه بس ما تحب احد يشوف دموعها }
…………………………….
هاذي ابرز الشخصيات..
…………………………..
بيت ابو فيصل..
فجر في غرفتها على النت..
دق دق دق < صوت الباب..
دخل فهد ..:سلام يا الحلو..
فجر تاكل مالتيزر..:وعليكم السلام وش عندك..
فهد..:مليت لحالي بالبيت قلت اتسلى معك..
فجر ترجع للاب..:مو فاضيه انا..
فهد ررفع حاجب..:ليه ان شاء الله كنت باقول لك تعالي نروح مطعم او ملاهي بس مالت عليك وجاء بيطع بس فجر فزت ..:لالالالالالالا تعالي يا حبيب قلبي وين بتروووح يله يا عيوني مشينا
فهد ضحك..:نو نو باروح مع محمد انتي اللي جبتيه لنفسك..
فجر بدت تدمع ..:فهوود تكفى الله يخليك
فهد كسرت خاطره..:طيب خمس دقايق لو ما جهزتي باسحب عليك..
فجر بااست خذه ..:خممس دقايق" وعلى طول على دولاب الملابس"..
ضحك عليها وطلع لغرفته يبدل هدومه..
وفي طريقه دق التليفون..
فهد..:الو
…..:السلام عليكم
فهد..:وعليكم السلام
……:فجر موجوده..؟
فهد..:اكيد انك ام قرون
{ فهد يسمي ريم بنت عمه ام قرون وهي متعقده من هالاسم}
ريم عصبت..:ام قرون في وجهك فهييد عجل علي ابي فجر..
فهد رفع حواجبه وابتسم بشر..:ماافيه ويله مع السلامه
ريم..:فهد فهد تعووذ من ابليس ونادي لي فجر.
فهد..:معليش يا ام قرون انا واياها بنروح الحين مطعم صيني كلميها بعدين باااااي..
ريم..:اففف ياربي يا كرهي لك زين زين باي..
فهد انجرج شوي من ياكرهي لك بس طنش..وسكر السماعه..
نزلت فجر..:من هاذي اكيد انها ريم معد يلعوزها غيرك..
فهد ضحك..:ايه ام قرون يله بسرعه..
وراحو للمطعم..
…………………………………..
بيت ابو سعود..
في المكتب..
ابو سعود مع الهنوف..
ابو سعود..:يا الهنوف يا بنتي انتي عارفه ان الزواج ستر وغطى للبنت والبنت مالها الا بيت زوجها..
الهنوف ناغزها قلبها.:اي يبه
ابو سعود..:متقدم لك واحد وبصراحه ونعم الرجال ادب واخلاق ودين لو نلف الكون ما نلقى له مثيل..
الهنوف بدت ترجف وضلت ساكته..
ابو سعود..:يا بنتي متقدم لك صقر ولد عمك وهو رجال ونعم الرجال بصراحه وهو تربيتي يا بنتي هاه ايش قلتي..؟
الهنوف …:يبـــــه انــــــــــــــــــــا……………………… …….
انتهى البارت..
حبايبي توقعاتكم وردودكم ..
ايش بيصير في المزرعه..؟
وايش رد الهنووف..
لو رفضت ايشش بيسوي صقر وهو يموت عليها..
توقعاتكم وارائكم وانتقاداتكم
ع
الرواايه بداييه مررره جنااان
الهنوف..: يبــــــه انــــــا توني متخرجه من الثانوي ما لحقت اذا خلصت جامعه ان شاء الله افكر بهالموضوع..
ابو سعود..:بس يا بنتي من وين بنلقى رجال مثل صقر ولد عمك..
الهنوف في نفسها ( مالي الا اقول له الصدق)..: يبه باقول لك الصراحه والصدق..
ابو سعود..:ايـــش يا بنتي وش يك صاير فيك شئ فيك شئ سمعتي عن ولد عمك شئ..
الهنوف نزلت عينها للارض..:يبه طريقه واسلوب عمي راشد ابدا ابدا ما يعجبوني وحتى حركاته متشدد وعصبي وما ابي اتزوج واحد مثله.
ابو سعود..:وانتي بتتزوجين عمك والا ولده صقر ماشاء الله عليه رجال ونعم الرجال ما فيه مثله ابد..
الهنوف..:يبه لو سمحت ممكن افكر شوي..؟!
ابو سعود ..:ما عليك يابنتي خذي راحتك بس عمك مستعجل بالرد..
الهنوف (اف من هالعم)..:ان شاء الله يبه
وراااااااااحت..
……………………………
فـــي المطعم الايطالي..
فجر تاكل..:وااي فهود اكلهم مره حلو..
فهد..:بالعافيه..
فجر (الله يخلي لي هالاخو)..:الله يعافيك..
عند الباب..
دخل مع اخويائه للمطعم لانهم يبون ياكلون اكل ايطالي..
محمد..:فيصل مو كان هاذا فهد اخوك..
خالد..:الا هو بس من معه ..؟
شاف اخوه مع وحده معطيته ضهرها خاف انه يغازل او يلعب على بنات الناس بس ما حب يضلم اخوه راح لهم بس ما انتبهو عليه ابتسم لان البنت اخته..
فيصل ابتسم ابتسامه صغيره..:يا الخاينين تتعشون ولا تقولون لي ولا كاني اخوكم الكبير ولا شئ..؟
فهد وفجر حممرت وجيههم يعني عيب يطلعون من دون ما يقولون له..
فهد..:العذر والسموحه يا اخوي بس ما لقيناك وكنا طفشانين بالبيت وقلنا نطلع نغير جو.
فجر..:حيااك يا الغالي اجلس..
فيصل جلس مع اخوانه وطننش الشباب ولا عليه فيهم..
خالد..:شف فيصلووه سحب علينا..
راكان ضضحك..:اكيد انهم اخوانه..
محمد..:اكيد شوفو سحب علينا واكل معهم..
خالد وراكان..:ابــن اللـــذين..
………………………………………….. .
منســدحه على السرير شابكه سماعات الباك بيري في اذنها وتسمع اغنيه عيــار
ريهاف..:وعيار كانو يسموني كلهم يعرفوني مالي انا والحب..
ما دار في بالي الخالي اتعلق بغالي واضيع انا في الدرب..
وش صار وشـــ………
قطعت عليها اختها الجو وسحبت السماعات منها..
الهنوف..:ريهافوه صار شئ فضيع..
ريهاف حست من تعابير وجه اختها ان فيه شئ…:خير ان شاء الله..
الهنوف..:انــا انخطبت..
ريهاف قات تنطط وترقص وتصفق..:ومباركين عرس الاثنين ليله ربيع
الهنوف مسكتها وجلستها..:اصكتي فضحتيني بس فيه شئ..
ريهاف..:ايـــِش..؟ الا صحيح منو اللي خطبك….؟!
………………………………………….. …….
ارين جالسه في غرفتها..
تاملت وجهها في المرايه..
امي وابوي وراكان كلهم شبه واحد ليش ما اشبههم كلهم فيهم غمازات الا انا ليش يا ربي..
لا يكون انا مو بنتهم ..
اعوذ بالله اعوذ بالله بس من هالتفكير..
وضحكت على تفكيرها ونـــــــــــــامت..
………………………………………….. ………………….
الهنوف..:صقر ولد عمي..
ابتشمت ريهاف..:والنعم والله وربي انه ما فيه مثله مؤدب ماشاء الله..
الهنوف صقعتها من راسها..:قصري صوتك يَ الهبلا..المشكله اني خايفه انه يكون مثل عمي..
ريهاف..:لالا حرام والله انه هادي ومؤدب ومافيه مثله..انتي استخيري وان شاء الله خير..
الهنوف طلعت بدون ولا كلمه..
………………………………………….. ……………
رجعت فجر واخوانها من المطعم..
فيصل راح لغرفته وفهد نفس الشئ..
وفي نفسها (يا زيين فيصل لما يعطيني وجه ويضحك ويسولف مو مثل العاده اعوذ بالله منه بس ويا قلبي على فهد الله يوفقهم ويخليهم لي ويارب انك تحنن قلب فيصل علي ويعطيني وجه)
يمكن تستغربون من ان فجر متعقده ان فيصل ما يعطيها وجه واليوم طايره من الفرحه انه كان يسولف معهم هاذا هو فيصل اذا تناسى جرحه يصير مافيه احلى منه ..
ياترى ايش صار من قبل وخلى شخصيه فيصل تكون جاده في كل شئ وايش الموضوع اللي جرحه..؟!
تـــــابعوني في البارتات الجايه وتعرفون..
و اريــن وتفكيرها اللي صحيح ميه % ايش بيصير معها هل بتتناسى الموضوع والا بتفكر فيه مرارا وتكرارا ويتحول الى وسواس وعقده عندها..؟!
الهنوف بتوافق على ولد عمها والا لا..
الشخصيات الجديده اللي ما ذكرتها ايش بيصير فيها..
وريم وفهد معقوله يكون بينهم حب مثلا..
تــابعوني..
بكره بيروحون للمـــزرعـــه..
ارين جالسه في غرفتها ترتب شنطتها..
دق جوالها..
ارين بدون ما تشوف الرقم..:الــو..
…..:اريـــن اشتقت لك..
ارين انصدمــت صنمت في مكانها تحاول تتذكر هالصوت اللي من زمان ما سمعته..
……:الـــو عرفتـــيني..شكلي غلطــانه ..
وسكـــرت المتصله…
اريـــن تركت الجوال..:مستحيـــل هاذي مـــي ما غيرهــا..
……………………………………
بيـــت ابو صقر..
مــي تركت الجوال ..:ياربي ليش ما ردت يمكن هاذا مو رقمها..
صقر..:ايش فيك..؟!
مــــي..:صديقتي اللي بالابتدائي دقيت عليها وردت بس سكتت بعدين اشتقت لها مره ما ادري ايش فيها..
صقر..:هاذا اللي مضيق صدرك..دقي عليها بعدين مره ثانيه..
مــــي..:ان شاء الله بس بعديــن..
صقر حلس على الكنبه بتعب وفي نفسه (ياربي يا الهنوف ليش تاخرتي بالرد كذا معقوله ما توافق والله لاجن واقوم الدنيا ولا اقعدها هاذي حب الطفوله ومستحيل اضيعها)وقــام لغرفته..
……………………………………
بيت ابو محمد..
ريــم ..:ايلاف جهزتي شنطتك..؟!
ايلاف سكرت الكتاب اللي معها وردت بهدوء..:ايه جهزتها..
ريــم جلست جمبها..:اف ياربي ما عرفت ايش احط اخاف هناك يكون برد او حر ما ينعرف..
ايلاف..:انا اخذت الثنين لان الحين ربيع وما ينعرف الجو..
ريــم ..:طيب تعالي ساعديني..
قامت ايلاف..:يله..
وراحو الثنين يجهزون ملابس ريم ..ايلاف ساعدتها كثير..
ايلاف بتطلع..
ريــم…:شكرا ايلاف..
ايلاف ابتسمت..:عادي انا اختك الكبيره مافيه شكر بيننا..
وطلعــــت..
………………………………………….. …………
بــــيت ابـــو طلال..
لجيــن على جوالها تسولف مع صديقتها..
نجود جلست..:ياربي بس ايش هالروتين الممل وربي مليــت ايش هالعيشه بس..
لجين..:احمدي ربك عيشتك يتمنونها ناس وش كثرهم..
نجود كشرت..:انتي وش عليك الحمد لله والشكر اجلسي عند جوالك لا تموتين بس ..
وقــــامت..
لجين ابتسمت على وقاحه اختها وفي نفسها (مراهقه ماردها بتعقل..)
دق جوالهــا..
لجين…:هلا الهنوف.
الهنوف..:اهليـــن كيفك..؟
لجين..:بخير الحمد لله وانتــي.؟
الهنوف..:محتاره ..
لجين..:استخرتي..؟!
الهنوف..:ايه وكــاني مرتاحه بس انا مو صغيره…؟!
لجيــن..:الحمد لله..لا مو صغيره انتي وافقي وخلي العرس بعد سنه او على راحتك..
الهنوف..:ان شاء الله طيب ايش اقول لابوي ترا انا ما اعرف لهالاشياء..
لجين..:روحي له وقوليي انك موافقه بس بشرط انك تكملين دراستك ..
الهنوف..:اوووك يله باي ..
لجين.:اشوفك على خير..
وسكـــرو الثنين..
الهنوف جلست ترتب في راسها ايش تقول لابوها وكيف بتبدا..
شافت ريهاف..
الهنوف..:رهوف رهوف تعالي..
ريهــاف وقفت..:نعم..
الهنوف.:انا موافقه وبعد شوي باقول لابوي..
ريهاف ابتسمت ابتسامه واسعه وحضنت اختها..:مبروك هنوف والله بافقدك..
الهنوف دمعت عينها..:وجع ان شاء الله ما بعد قلت لابوي وبعدين مارح اتزوج الحين بعد سنه ان شاء الله..
ريهاف..:الله يكتب اللي فيه الخير..
وراحت لغرفتها..
………………………………………….. .
عنــد نجود..
اخذت عبايتها و شنطتها ونزلت تحت..
تاكدت ان مافيه احد..
لبست بسرعه بس وهي طــالعـــــه..
لجين كانت توها طالعه من المطبخ مسويه لها كافي انصددممت من اختها.:نجود…..!
نجود التفتت لها..:خير.
لجين..:وين رايحبه..
نجود..:تونا الساعه 8 ونص رايحه للفيصليه اجيب كم غرض..
لجين..:امي تعرف.؟
نجود تتافف..:افف انتي وش عليك لجوون والله مليت من هالروتين بطت تسبدي ارحموني بصراحه باطلع انا وصديقتي للفيصليه تبين تجين حياك الله..
لجيــن خايفه من فعايل اختها.:لا روحي انتي بس بليز الساعه 10 تعالي مو معنى ان امي مو في البيت تاخذين راحتك..
نجود ابتسمت..:لا تخافين على الساعه 10 وانا منزرعه قدامك باي..
وطلعت..
لجين تنهدت ودعت لاختها بالهدايه..
……………………………………….
الهنــوف..:يبه انا ابي اكلمك شوي..
ريهاف مبتسمه وعارفه اختها ايش بتقول..
سعود منشغل بالاكل وصقر مزعجه بالرسايل يقول وش فيها اختك ما ردت علينا وسعود طلع الشيب من راسه وقرر يتجاهل الموضوع ..
ابو سعود..:طيب تعالي لمكتبي..
راحو الاثنين للمكتب..
الهنوف متوتره وعينها بالارض..:يبــه انــا
ابو سعود..:شوفي يا بنيتي اذا انتي مو موافقه على صقر قولي عادي انا باقنع عمك..
الهنوف..:لا يبه انا موافقه..
ابستم ابو سعود بارتياح ..:الف مبرووك يا بنتي الله يوفقك ويكتب لك اللي فيه الخير..
الهنوف ابتسمت بحياء وراحت لغرفتها..
اتصل ابو سعود على اخوه جاسم..
ابو سعود..:هلا يا اخوي..
ابو صقر..:اهلين هاه بشرني..
ابو سعود..:الف مبروك ..
ابو صقر ابتسم..:زييييين الله يبارك فيك احلى خبر والله..
ابو سعود ابتسم..:هاه بشر ولدك لا ينفجر علينا..
ابو صقر..:ان شاء الله..
سكرو الاثنين..
…………………………………….
انتهى..
يا ترى كيف بتكون رده فعل صقر لما يعرف انها وافقت..
ايش بيصير مع نجود..
ارين ومـــي اللي هم صاحبات بس بالحقيقه بنات عم ايش بيصير معهم..
وايش بيصير في المزرعه كل هاذا بتشوفونه في البارت الجــاي..
تـــــــآبعوني..
……………….
معليش حبايبي ان البارت الرابع كان مره قصير وما شفت ردود عليه..
اتمنى ان يعجبكم هالبارت واشوف توقعاتكم..
فـــي المول..
تمشي بكل شموخ مع صديقتها العبايه مخصره ومفتوحه من تحت ولابسه بنطلون سكيني اسود ومتحجبه وطالع جزء من غرتها..
نجود..:اختي نشبت لي يالله خلتني اطلع..
مشاعل.:ياربي اختك احسها معقده..
نجود عقدت حواجبها..:بسم الله عليها مو معقده ولا شئ بس هي محافضه شوي وخوافه…
مشاعل رفعت حاجب..:يمكن..
دخلــو محل وبدو يتسوقون ومرره ناسين الوقت..
طلعو وطلبو لهم شئ ياكلونه..
……………………………………
بيـــت ابو صقر..
لجيــن جالسه على اعصابها الساعه 12 الليل واختها مارجعت..
مسكت الجوال تتصل عليها بس ما ترد..
ترددت تتصل على صقر او لا..
تهز رجلها بتوتر فضيع وفيها الصيحه..
رمت الجوال وطلعت برى في الحديقه..
جلست على الكرسي وتستغفر وتدعي ان اختها مافيها شئ..
انفتـــــح البــــاب الكبيـــــر..
قامت مسرعه للباب وفجـــــــــأه..
………………………………………….. …
ريهــاف جالسه في غرفتها..
ياربي ملــــل فضيــــــع افففففففف ..
سعود طالع مع ربعه..
والهنوف في غرفتها مو رايقه لي..
طيب انا وش اسوي ياربييييييييي..
تـــاففت بملل ونزلت تحت عند التلفزيون..
قلبت بالقنوات وما لقت شئ..
انسدحت على الكنبهث وطلعت جوالها وجلست تسمع اغنيه سكر العيون..
وتردد معه بصوت ولا اروع..:اذوب بعيونك الحلوه وسكرها وحتى الدنيا انساها ولا اذكرها
انا اللي سكر عيونك يذوبني دخيلك لاتذوبني وسكرها
انا ادري ذوبتهم نظره عيونك وصارو من حلاوتها يحبونـــ….
قطعت عليها امهــــا..
:ريهافوه وش فيك سكري الاغاني الله لايعاقبنا بس..
طلعت السماعات من اذنها..:يمممه مليييت طقت تسبدي
ام سعود..:بسم الله عليك روحي نامي بس..
ريهاف جلست جمب امهــا وحطت راسها على كتفها..:مافيني
ام سعود ابتسمت..:فديتك ..وين الهنوف..
ريهاف..: في غرفتها ..
ام سعود..:اهــا اوك..
…………………………………..
بيت ابو صقر..
انفتح الباب وقامت مسرعه وفجـــأه..
دخلت سياره ابو صقر هنا لجين ماتت من الخوف لان امها وابوها رجعو وش بتقول لهم..
ابو صقر فتح دريشه السياره..:بسم الله عليك وراك تراكضيك كنك مهبوله..
لجين ترقع..:هاه لا مافيه شئ بس شفت هاذا الجو ححلو قلت اطلع برا
ام صقر..كوش فيك مو طبيعيه انتي..
لجين تركض وتضحك هي ميته من الخوف..:والله الجو حلو وطلعت العب..
ابو صقر..: انتي مو صاحيه وين نجود..
هنا لجين ماتت من الخوف وبدت تعرق..:هاه في غرفتها نايمه..
ام صقر..:غريبه مو من عادتها تنام هالوقت اكيد فيها شئ انا رايحه لها..
لجين تتنافض..:ييممممه هي قامت مبكر اليوم اكيد بتنام مبكر لا تزعجينها وهي نومها خفيف..
ام صقر تحس فيه شئ..:طيب..
ودخلو داخل الا لجين جلست بحجه ان هنا الجو حلو وهي تكذب لان الجو حار..
…………………………………
فـــي المــول..
نجود تشوف الساعه وشهقت..
مشاعل …:وش فيك..
نجود..:تاخر الوقت مره ياويلي "وقامت وحطت الحساب على الطاوله..
وطلعت برا وهــي مسرعه..
ركبت السياره مع السواق وهي ميته من الخوف الوقت متــآخر ومع السواق لحالها <<تستاهلين يا نجود
وصلت للبيت ونزلت بسرعه ونست مشترياتها في السياره..
دخلت وصادفت اختها..
لجين من العصبيه ما قدرت تسوي شئ الا انا تعطي نجود كف..:وينك فيه الا هالوقت امي وابوي جاو وسالو عنك وانا ميته خوف خليتيني اكذب عليهم حسبي الله عليك..
نجود تبكي..:والله اسفه والله مارح اعيدها ..
لجين..:روحي لغرفتك بسرعه ومثلي انك نايمه هاذا اذا ما اكتشفو انك مو بالغرفه..
نجود خايفه..:لا انا مقفلتها لاتخافين "وراحت بسرعه..
فصخت عبايتها وركض لغرفتها فتحتها بهدوء ودخلت ..
اخذت بجامه ولبستها ونامت ..
………………………………………….. ….
اليوم الثاني..
الكل متحمس للمزرعه..
بيت ابو راكان..:ارينووه وين شنطتك..؟!
ارين..:هنــا..
اخذها راكان وحملها في السياره..
ارين لبســــت..
مع جاكيت ابيض كت وطبعا الجزمه (وانتو بكرامه )مو كعب …
سعرها الاسود ليســـته وحطت طوق وردي..
لبســت عبايتها واخذت اللاب والبي بي ولفت الطرحه وركبت..
راكان لابس..
بلوزه صفرا من اديداس مبينه عضلاته..
وبنطلون جينز ازرق..
وبوت ابيض واصفر من اديداس..
ونظاره شمسيه سوداء..
……………………………………
بيت ابو فيصــل..
فجــر تشيك على الحلى..
دخل فيصـــل..:جاهزه..
فجر تنحت..:واااي فيصل شكلك رهيب..
فيصل ابتسم لها..:مو احلى منك..
كـــان لابس..
بلوزه سوداء ماركه بولو مبينه عضلاته وبنطلون جينز ازرق وبوت اسود..
وشعره الاسود سبايكي..
طالع شكله جنااان..
أمـــا ارين لابسه..
مع جاكيت كت اسود..
وشعرها الاسود اللي يوصل الى كتفها فيرته بس تفيير خفيف وسوت بوف صغير..
آمـــــا فهد..
كان لابس بلوزه سماويه من سبورت وبنطلون ابيض وبوت ابيض وسماوي ……
ابو فيصل..:يلله اركبو..
راحــو بسيارتيــن..
السياره الاولى يسوقها فيصل معه ابوه وامه والخدامات..
والثانيه يسوقها فهد معه فجــر والاغراض..
………………………………………
بيت ابو محمد..
ايلاف لبســــت..
وشعرها البني ربطته ذيل حصان..
آمــــــا ريم..
لبست مثل اختها بالضبط وشعرها القصير ليسه..
وحمد وخالد لابسيت بلايز رصاصيه وبناطيل سوداء..
………………………………………….. ……..
توقعاتكم
كل العوائل ركبو بسياراتهم..
ابو فيصل وام فيصل والخدم بسياره..
وفيصل بيلحقهم بالليل..
وفهد وفجر بسياره..
فجر تزن على راس فهد..:تكففى فهوود السوبرماركت بلييييز
فهد..:خلاص اقعدي بنروح خلاص
فجر باسته من خده..:الله لا يحرمني منك
فهد توجه للسوبرماركت وفجر ماخلت شئ الا وخذته..
سياره محمد..
فيها ايلاف وريم..
هو كان يبي مشروبات مثل بيبسي وبربيكان وهولستن فوقف عند السوبر والبنات نزلو معه ..
وقف عند المشروبات وتوه بايخذ الا وجسم يصتدم فيه..
هو على طول مسكها قبل لاتطيح
رفع عينه..:فجر صار فيك شئ
فجر تررجف..:آسفه ما انتبهت
وقفها محمد..:لا عادي انتبهي مره ثانيه ونزل يجمع لها اغراضها اللي طاحت
هي نزلت معه وما امداها تاخذ شئ الا هو مد يده عليه وحست ان شحنه كهرباء صعقتها اخذ سلتها ومدها لها
فجر باحراج وقلبها يدق طبوول..:والله شكرا محمد صدمتك وانت اللي شلت اغراضي آسفه
محمد يبتسم بمرح..:شدعووه يابنت عمي احنا اخوان
فجر رنت في اذنها اخوان اخوان اخوان..وراحت عنه بدون ولا كلمه
حاسبت على اغراضها وركبت مع فهد وهو يكلمها وهي بعالم ثاني
فهد انقهر منها وعلى طول ضغط فرامل بقوه وهي حسبت انه حادث وصارخت وفهد فاقع عليها من الضحك هي لامه يدينها على صدرها ومغمضه عيونها فجاه استوعبت اللي يصير فهد يضحك اكيد مقلب من مقالبه..صارخت..:وجع ان شاء الله انا احسب اني باموت وانت تضحك "وبدت تدمع"وقف ابي امي وقف
فهد..:وش فيك فجوره انا من زمان اكلمك وانتي مو يمي قلت خليني اصحيك من احلامك شوي
فجر هدت شوي وسكتت وقامت تفكر في محمد ..
ياترى ليش فجر تاثرت هالكثر بكلام محمد.؟
محمد مشغل اغنيه ادعولي لفهد الكبيسي والبنات طربانات معه..
ريم تصفق..:ادعولي الله يلين قلب محبوبي ويحس دايم علي ومايزعلني
ايلاف تضحك على اختها المطفوقه..:اقول اركدي بس
محمد في عالم ثاني يفكر بفجر وكيف كانت ذوق معه بالكلام ابتسم لطاريها وكمل سواقه..
………………………………………….. ……………
سياره راكان..
ابوه جمبه وامه وارين ورى
ارين لاهيه بالبلاك بيري تسولف مع صديقتها
ام راكان..:وجعووه ارين سكري الجوال انعمت عيونك
ارين..:مامي تكفين اصبري عندنا سالفه مهمه
ام راكان..:والله ذا البيري بيري ماخذ عقولكم الحمد لله والشكر
الكل ضحك عليها
راكان..:يمه اسمه بلاك بيري
ام راكان ..:اللي هو ما ادانيه ولا احبه
………………………………………….. ….
وصلــــو كلهم للمزرعه ماعدا
(فيصل
فجر وايلاف وريم وارين بغرفه
وفيصل وراكان ومحمد بغرفه
وفهد وخالد بغرفه
والشيبان في غرفه والحريم في غرفه..
دخلت ارين ونزلت شنطه يدها على السرير
""على فكره ابو فيصل ارسل خدم علشان ينضفون المزرعه ويرتبونها""
فجر فصخت عبايتها وفتحت البلكون ودخل هواء بارد
ايلاف..:الله وش هالجو يخقق
ريم..:قولي ماشاء الله لا يقلب علينا
ايلاف..:اقول طسي بس
ارين انسدحت بعد ما فصخت عبايلتها..:بنات تعبانه
فجر قربت منها..:خير وش فيك يا حظي
ارين..:مصدعه من يوم ركبت وعيني على الجوال وتعرفون المطبات وما عرفت اقرا زين واحس الحين راسي يدور فيني..
فجر انسدحت جمبها وتفكر في محمد..
ايلاف دخلت تاخذ لها شاور يريحها وريم طلعت لها ملابس وراحت تلبس..
…………………………….
على الساعه 2:30 الظهر..
نزلو البنات من بعد مارتبو اغراضهم بالغرفه..
امــا الشباب نــايمين..
ارين لبست بلوزه نص كم بيج وطويله الى نص الفخذ مع بنطلون اسود وجزمه طويله بيج وشعرها الاسود جعدته وحطت ربطه لونها اسود ومنقط ببيج..
فجر لبست بلوزه كم طويل لونها كحلي وبنطلون ابيض وجزمه طويله كحلي وشعرها القصير ربطته ذيل حصان..
ايلاف لبست بلوزه نص كم لونها ابيض وبنطلون بنفسجي وجزمه طويله ابيض..
وريم لبست نفس اختها بس بدل البنفسجي تفاحي..
طبعا البنات لبسو كذا لان المزرعه فيها خيـــول..
البنات جلسو يتقهوون مع اعمامهم الا فجر طلعت برى تتمشى.
حست بجسم يمشي جمبها التفتت وانصدمت
محـــــــــــــــــــــمد…!!!
ابتسم لها محمد..:كيفك بنت عمي
فجر..:بخير "وسكـــتت"
محمد يطالعها ويطالع جمالها الرباني ابتسم لها من جديد
وفجر ولعععت من الحيا
:ما تلاحض انك تمشي جمبي وانا بدون عبايه
محمد..:تكفين يعني تراني خااابرك من وانتي هالقد "وياشر لين ركبته"
فجر سكتت وكملت وطريقها ومحمد يمشي جمبها..:لا يكون زعلتي اني امشي معك
فجر انقهرت..:لا عادي مو احنا اخوان
محمد عرف انها انقهرت من هالكلمه بس ما عرف ليش.:يمكن
فجر تركته وراحت تركض للبيت..
………………………………………….. ……….
على الساعه 6 المغرب وصل فيصل
وبدى الجو يبرد البنات اخذو جاكيتاتهم وجلسو مع اعمامهم واللي تتغطى من عيال عمها ترفع غطاها عليها..
………………………………………….. ………..