روايتي الأولى : إنتي سماء بدر أكيد يا سوسنة وحي القصيد 2024.

ستكون بدآيه مشاركاتي الجديدهـ في طرح روايتي الأولى على منتدآكم المميز
والتي تتضمن من أحداث مميزهـ بتفاعلكم وتشجيعكم لي لإكمالهآ حتى النهايه
كمآ يسرنـي جداً نقاداتكم وتعليقـآتكم حول روايتـي ، أرحـب بذلك أكيـد ^^

وستكون بـإذن لله 20 جزء كل أربعـآء السـَآعه 9 مسـآءاً
في حآله إني لم استطع إنازلها في الوقت المحدد سيكونْ البارت يوم الخميـس بدون تأخيـر
لإن ظروفـي شويه صعبه هالإسبـوع ، وإن شاءالله إني أكون ملتزمـه في الوقت المُحدد 🙂

نزلت تحت عند غُرفة الطعآم إلي قريبه من آلصاله شويه ،
لقت امها وأبوها وأخوآنها خآلد وسعد قاعدين على الطَآوله ويفطرون .. قربت من عند أمهآ وباست راسها : قووود مورنيق مامي ~
أم خآلد بإبتسامه : أهلين حبيبتي صباح النور اقعدي
وراحت باست راس أبوها : صباح الخير بابا
أبو خآلد بإبتسآمه حنونه : صباح النور بأحلى زهره بالدنيآ
مرت من عند خآلد وسحبت كرسي جنبه وجلست
خآلد يطالعها بنص عين : واحنا مالنا رب ؟ مافي صباح خير ؟
سَوسنْ وهي تاخذ التوست : مو لازم أصبح عليك
خآلد : لاياشيخه ! .. اصلا مو محتاج تصبحين علي من زينك
سَوسن تناظره بغرور : ياشينهم الي حاقدين علي
سعد يشرب كوب حليب : ياخي طنش هالمبزره مايفيد الكلام معها
أم خآلد : وانتوا بعدين معكم ؟ لازم كل يوم على هالموال !! .. الا اقول وين اختكِ يآسمين ليش مانزلت ؟
سوسنْ وهي تآكل : مآدري عنها ، يمكن آلحين جآيه
وفي هآذي اللحظهً نَزلتْ يآسّمين وبصوتْ عالي : صصباح الخير ياعرب
سَوسنْ : مع لجين وجلال خخخخخ
يآسمين : هاهاها مره سخييفه
سَوسن : مثلكِ
طنشتها يآسمين وبآست راس أمها وأبوها وجلست جنب سوسن .. وقربت منها شوي وهمست بإذنها : ترى مانسيت
الي سويتيه فيني بردهآ لكِ قريب ! .. ورجعت على وضيعتها وتفاجئت انو سوسن مُبتسمه وهي تآكل !!! يعني مابان
عليها اي تأثير أو رده فعل !!
خآلد يناظر ياسمين : وش تقولين لها ؟
ياسمين : وش دخلك !!
سوسن تضحك : ههههههههههاااي يلا لقط لقط
يآسمين تكمل معاها : شوف وجهك قاعد يتمشى خخخخ
خآلد عطاهم نظره خلوهم يسكتونْ ~
شوي قآمت ياسمين من كُرسيهآ : الحمدلله ، انا طالعه اخذ اغراضي واروح الجآمعه ..
سوسن وقطعه الخُبز بين أسنانها : لحظه بروح معكِ .. " وبلعت الخُبز بصعوبه وشربت كوب العصير كله بدفعه وحده "
سعد وهو يضحك على شكلها : شوي شوي على عُمرك هههههههههههه
سوسنْ طنشته وركضت بسرعه لغرفتها تاخذ اغراضها وتلبس عبايتها بسرعه .. وهي نآزله : يلا انا رايحه مع السلامه
يآسمين وهي تشيل شنطتها : مع السلاامه
ام خآلد : الله معكم يابناتي الله يوفقكم
أبو خآلد : مع السلامه .. الله يسهل عليكم
قاموأ أبو خآلد وخالد وسعد من الفطور وراح كل واحد منهم على شغّله وسعد راح جامعته
أبَو خآلدْ : " شَخّصية قَويه وحآزمه ومن كُبآر التجار في المدينّه والمَعروف جداً .. طيب وحنون مع ابنائه وزوجته ومع
أخوانه وامّه ، مايرد لهم طلب أبداً لو يطلبون عيونه يعطيهم " ~
أم خآلد : " إمراهـ طيبه جداً وحنونه كثير على عيالها وزوجها تحب الي حواليها وتعطف عليهم ومو مقصره مع أحد "
ً
خآلدْ : " الإبنْ الاكبر .. وَسّيمْ جداً وملامحه جذآبه ~ عصبيً مرهـ .. ورسميّ جداً في الشِغل ~ خفيفْ ظل وطيب
وحنون بالحيل مع امه وابوه وأخواته وعيال العائله كلها ، يحبْ غِروب بس كآتم حُبه بقلبه ومآحد يدري عن هوآ عشقّه و
عمره 24 سنةً "
سَعّدْ : " اصغر من خَآلدْ بشويً .. مزيونْ حيلَّ وفيه شبهه لخالدً .. مَرح كثير ويحبْ عبدالعزيز صديقه وعُمرهـ 23 سنه "
******
في جهه أخرى بجوًآر قصر أبطالنا ~

تَجلّسْ فتآهـً جميله بملآمِحهآ الجذآبه التَي تبلّغ منْ العُمر 19 سنة تُدعى غُروبْ تجلّس على الأريكّه بحمآس وتتآبعْ فِلم على الـ Tv

بَعدْ دقآئق عَديّدهـ .. نزل أخوهآ من غُرفته مستَيقظاً مِنْ نَومهـ .. كآن شكله جميل جداً جداً لدرجه إنه أجملْ شباب
العائله بدُون مُنآزع ~ فِي عينّيه بَريقْ من آلغرور والثقهِ بالنفسّ العاليه .. وفي ملآمحهِ ملامح الجـدّ والحنّآنْ ،
عُمرهـً 23 سنةً ~
وهو نآزل من الدرج شآف أخته غروب منسجّمه على التلفزيونْ
إبتسم على شكلهآ .. ومشى بهدوء وجلس وراها بدون مآتحس
وغُروب منسّجمه بقوهـ وماهي حآسه بالدنيا خخخ .. وهي تتآبع بحمآس جات سيآره سريعه مره تهرب من الشرطه
ومن البطل الي يبغى يمّسكه شوي الا لفت سيارهـ الهآرب بجهه ثانيه بطريقه مُفاجئه !! .. تفاجىء البطل ، وكان
بيلف معاه بس …………………. انقطع الفلم وجاء فاصل اعلاني 🙂 =P
انقهرتْ مَرره وعصبتّ كثيير .. ورمت مخده على التلفزيون بقهر : الله يقطع شيطآنهُم .. مآلقوا الا هآذي اللقظه
يقطعونها افففففف
وتضرب رجلها بالإرض من القهــر .. ماحست الا ببدرْ قاعد يضحك على شكلها
لفت على وراء وشافته جالس قاعد يضحك بسخريه
عصبت منه بقووه وقالت : خيييير ان شاءالله انت الثاني شفيك تضحك ؟
بدر وهو يضحك : هههههههههههههههه أضحك على شكلك وانتي متحمسه
غُروبْ تتخصر بعصبيه : وانت وش عليك ها !! وبعدين من متى وانت هنا ؟
وقف شوي ضحك وعدل جلسته وبسخريه : قبل ماتجي هذيك اللقطه
وببرود ممزوجْ سُخريه : ليش مو رايحه الجامعه ؟
غُروبْ بهدوء : الدكتوره مو جايه اليوم ..
بدر رفع حاجب : ليش ؟
غٌروب : مادري تقول ظروف
بدر بملل : اها ..
قآم بدر وراح جهه المّطبخ شاف امُه تزينْ صحن الحلآ .. : صبآح الخير يمه ..
أم بَدر بإبتسامه : اهلين صباح النُور .. صح النووم الحين 9ونص الصبح وانت حضرتكَ مارحت الشغلْ
بدر وهو يتثآوب بَملل : واذا يعني ؟ راحت علي نومه وانتهينا بعدين مالي نفس أروح احس نفسي تعبآآآآن
أم بدر وهي تزين الحلا بقطع الكَرز : والله من السهره مع عيال عّمك لين 3 الفجر .. شيء طبيعي تحس انك تعبآن
بدر وهو يصب له كوب مويه : شسوي يمه والله من الونآسه ماحسيت بعمّريً ، بعدين مافيها شي اذا مارحت يوم
ماراح يأثر على الشغلْ !
ام بدر : الا يأثر لاتنسى لو درى ابوك بيسوي لك سآلفه
بدر رفع عيونه لفوق وبملل: اوهووو .. يمه خلاص بروح اكمل نومي ولا اشوف لي صرفه اطلع من هالورطه
ام بدر وهي تغلف صينيه الحلا: طيب ماتبغى فطور ؟
بدر : لا مالي نفس بتغدى في الظهر مره وحده
ام بدر : طيب براحتك
بدر وهو يقوم : طيب .. انا طالع غرفتي

وطلع غُرفته .. وجلس يطقطق بالجوال ، شوي مَر على اسم خالد ودق عليه : ألو .. سلااااام
خالد : اهلين وعليكم السلام
بدر : كيفك يادوب ؟
خآلد : دوب بعينك ، بخير وانت ؟
بدر : ههههههه تمام ..
خالد : وش عندك مو جاي الشركه ؟
بدر بملل : ياخي ماشبعت نوم ومالي نفس اروح
خآلد وهو يلعب بالقلمْ : مالك نفس !! طيب لو درى عمي وش بتسوي ؟
بدر : هذا الي خلاني اتصل فيك يالحبيب
خآلد بتعجب : وش اسويلك ؟
بدر يرقرق صُوته : وه ياخلودي أنت تدري اني أحببك واموت فيييك .. " وبدلع مو لايق " : أممموواه وهاذي بوسه
علشانك
خآلد بقرف : الله يقرف عيشتك ياشيخ وععع مو لايق عليك الدلع مالت على خشـتك
بدر بجديه : خآلد تكفى دور لي صرفه 🙁
شوي دخل على خآلد موظف : اقول مع السلامه مشغول الحين .. وقفل الخط !
بدر يناظر الشاشه : والله انه مو كفوو مالت عليه
وقَرر يروح الشَركه .. لبس ثوب وشمآغ وتعطر من عطره المفضل وطلع بسرعه ~

*******
فِي جآمعّـةً البنآتْ ~ ‘

سَوسن بملل : اووف والله ماصدقت انو طلعت هالدكتورهـ .. وتقلد صوتها " واللهي انا من الصبح وانا وائفه بلاشي
كلام فازي وشوشره في القاعه " .. كل شويا تعييد لنا هالموال اففففففف ، لدرجه احس اني في مدرسه مو جامعه
نَدى وهي تضحك : ههههههههههههههه لايق عليك الدور
نُبذه مُختصرهـ عنْ ندى : " بنتْ عَم سوسن ويآسمين .. وهي توأم لأختها هدى ، جميلات جداً وأنيقآتْ مرهـ .. وطيبآت
ومرحآت كثير وعمرهم 19 كُبر سوسن والفرق بينهم قصآتْ الشعر هدى قاصه شعرها أناناس بنفس طوله وندى
شعرها فرآوله قصيرْ وطالعينْ كيووت "
هُدى : هههههههه مره .. على الاقل انتي اشوى مننا ، احنا هندّيه تجيب المَررض مادرت وين الله حاطها
سوسن : ياااااع الله يعيينكم
شوي طلعتْ ياسمين من قاعتها ورايحه عند البنآت .. أشرتْ لهم من بعيييد ، ووصلت عندهم : هاااي
البنات : هآياات
نَدى : غريبه ماتأخرتي زي عوايدكِ .. وش السالفه ؟
يآسمين تطلع الايبود من شنطتها : تقول إنها مستعجله مره .. بنتها الصغيره منومه في المسشتفى
سوسن : الا اقول بنات مو ملاحظين غروب مو جايه اليوم ؟
هُدى : دقت علي امس تقول دكتورتهم عندها ظرف وتظطر تغيب
سوسن : اها أجل نزلت عليهم معجزه هههه .. طيب ياطعمنا بما انو بكرى ماحيكون فيه شي شرايكم تجون عندي ؟
ندى : والله فكره .. اذا رحنا البيت بنكلم امي ونردلك خبر
سوسن : اوكي ~
بعد سآعه منْ الأحاديثْ وآلتعليقاتُ .. إنتّهى وقّتْ الدرآسه وحآن موعد ذهآبهِم إلى بيُوتهمْ ~

إنتهــــى البارت الأول ~

تعليقـآتكم حَول الشخصيـآت .. وعلى بدايه روايتي أكيـدْ