لمحة بصر / روايتي من الدوحه – قطر 2024.

لمحة بصر
الدوحه – قطر
للكاتبة / Athree.M3ay

كنت ومازلت قارئة ، وها أنا الآن اخطو اول خطواتي في مجال الكتابة ، فبحر الكتابة يحمل الكثير من الامواج ، وتتنوع التعابير كتنوع الاسماك . روايتي ، تحمل المعقول من واقعي ، والكثير من مخيلتي ، والأكثر مما يحلم الجميع به ، سنتعايش مع بعضنا البعض وسنواجه الكثير من الافراح والاحزان ، الواقعي والخيالي ، الفجأه واللحظه ، التوتر والقلق ، البسمة والضحكة ، التواضع والغرور ، الحقد والبغض ، الحب والحنان ، والكثير مما نواجهه في حياتنا . قد تجدون قرائي الأعزاء بعض المقاطع التي قد تتشابه مع روايات أخرى ، ولكن ، لكل كاتب ٍ اسلوبه الخاص .
أعزائي ، اتقبل نقدكم البناء طوال مشواري الكتابي لـ " لمحة بصر " ، فــكما تعودنا نحن البشر ، كل من يذكر لنا "سلبياتنا " نسعى لتغييرها للأفضل ، ومن يذكر لنا " ايجابياتنا " نسعى لوصولها الى القمة .

الإسم : لمحة بصر
تاريخ الولادة : 15/12/2009
مكان الولادة : الدوحه
الجنسية : قطرية

البارت الأول

منطقة الخليج الغربي
السادسة والنصف صباحا
صباح الخميس

في أحد القصور الكبيرة ، القريب من الكثير من السفارات في قطر ، قصر اتسم بالرقي والفخامه ، امتزجت الوان دم الغزال والاوف وايت في احدى صالات هذا القصر ، كان جالسا يشرب قهوته كعادته كل صباح ويتطلع في احدى ملحقات جريدة الراية القطرية فإذا بعينيه تذهب الى الـ "elevator" الذي اصدر صوت وصوله للطابق الارضي ، خرجت منه امرأة بعبائتها السوداء المطرزة باللون المووف الغامق ، حامله معها شنطة Chloe المووف المربعه ، مع حذاء باللون الاوف وايت من Dior . ممسكة بأطراف أصابعها التي يعلوها زخرفة دقيقة باللون الذهبي على اظافرها ذات القصة المربعه نظارتها الشمسية من D&G .
مظهرها يضفي انطباعا لا يخفى على المتأمل انها متسلطه ، ذات جبروتٍ طاغ ، وطولها الفارع الذي يضفي هيبه على كل من يراها .
جبر : على وين ان شالله
غاليه : السلام عليكم ، صباح الخير ، عالدوام ، تريقت ؟
جبر : وليش كل هالمكياج ؟
غاليه بصدمه : مكياج ؟ اي مكياج الله يهديك ؟ ماحاطه ولا شي بوجهي ؟
جبر : شكلج حاطه من بعيد المهم انا مب جاي عالغدا
غاليه : اوردي صار لك فوق ال 9 شهور ماتغدى فالبيت ، مب شي جديد ، انا يمكن اروح اتغدا فبيت ابوي
جبر وقف وقط الجريده من يده وبدا يصارخ : وبعدين معاج انتي ؟ من تكونين عشان تعاتبيني ؟ حيالله زوجتي
غاليه : حيالله زوجتك ؟ جبر انا بتوكل ابرك لي وانت ماقول غير الله يهديك
جبر راح وجرها من يدها وهو يصارخ : مينون قدامج الله يهديني ؟ قسم ماينزل الارض فيج خير داومي اليوم
غاليه بصدمه : جبر ، مب كل يوم مزاجك مب مروق تقولي مافي شغل ، انا مديرة قسم ، كل يوم والثاني بتقولي مافي دوام ، قسمي بينزل مستواه بسبب هالحركات وانـ…
جبر يقاطعها وهو ينزل يدها ويتوجه للباب الكبير : اظن قلت مافي دوام ، جربي تكسرين كلمتي
ورضخ الباب بقوه وهو طالع
بدأت دموع غاليه بالنزول ، فمن يرى هيبتها وتأنقها ، لايتوقع انها في كثير من الاوقات تعانـــي ، فسلاحها الوحيد لمواجهة واقعها المرير هو الدموع
توجهت لجناحها بالطابق الثالث ، التي يضفي عليه اللون الابيض الممزوج بالكحلي والنقوش الفضيه جمالا ورونقا ساحرا ، بدأت غاليه بالتضرع لله في صلاتها بعد ان توضأت ، وبعد ان انتهت ومازالت جالسة على سجادتها البيضاء ، التي تعكس بياض قلب غاليه مع دموعها المتلئلئه : يالله انك حاس فيني ، وحاس بالضيقه اللي بقلبي ، يالله انك شاهد على نيتي مع هالزوج ، يالله تبرد حرقة قلبي وتصلح لي زوجي ، يالله انك تجمعني بضالتي ، يالله تبين لي كل شي غافله عنه ، يالله تهديه وتهديني وتسخره لي ، يالله ترجع لي جبر الحنون الطيب يا ارحم الراحمين
واستمرت غاليه فالدعاء طالبة من المولى عز وجل ايضاح اي صورة كانت السبب في تغير زوجها عليها منذ سنة تقريبا ً

غاليه / 28 سنه ، تشتغل رئيسة قسم الموارد البشرية فإحدى الشركات الكبرى بالدولة ، انسانة محترمه واجتماعية ، جمالها حاد ، انسانه مرموقة فالمجتمع ، طولها وبشرتها البيضا مع عيونها وانفها الحاد ماعطينها هيبه ، امها متوفيه من سنه ونص بسبب جلطه وماعندها الا اخت وحده اسمها دانه ، واختها عايشة عند ابوها المبتلى بــ " الشلل النصفي " من بعد وفاة امهم تقريبا .
جبر / 36 سنه ، انسان اجتماعي وجدي بنفس الوقت ، كان متزوج بس طلق زوجته راعية الطلعات واللي قاطه عيالها على الخدم وماترد الا آخر الليل ، وعنده منها 4 ابناء ، وبداية زواجه بغاليه كانت من اروع مايكون ، لكن من سنه تقريبا تغير تغيير ملحوظ معاها فقط .

الناصرية
في أحد أشهر المناطق في قطر ، التي تضم مجموعة من اعرق الجامعات الامريكية ( المدينة التعليمية ) ، التابعه لمؤسسة قطر للتربية والعلوم .
(الجسر الاكاديمي) LAC building / Academic Bridge Program
التاسعه صباحا

دانة : مواز حياتي one Latah please وبسرعه ، عندي كلاس بعد 10 minuets
موزة وهي تفتح شنطتها Hermes السودا وتطلع بوك Hermes الأسود : علايه babe ماتبين شي ؟
عليا : لا مشكورة شربت لي فرابتشينو مساعه
دانه : مواز بتقومين تطلبين ولا شلون ؟ اقولج عندي كلاس بعد شوي
موزه : OMG من متى انتي تحضرين كلاساتج عالتيم ؟ الا قولي متى حضرتي ؟ شاطره تسوين skip وتروحين حق الربع ب QU ولا تفترين باللاند واللؤلؤة ، من عطوج هالليسن وهالسياره وانتي أبد ماقريتي
دانة : ااخ فديت الليسن وفديت الرنج ههههه ، تصدقين مشروع ماحضر واقوم اتريق بالرتز ولا مني مناك ، تجون ؟
موزة وهي رايحه لستار بكس : مالت عاللي يعطيج فيس بس ، قالت نورث ويسترن قالت
عليا : صج كلام مواز ، هاي ويهي اذا قبلوج نورث ويسترن مع ريبورتاتج المنتهيه
دانه : لحوووول ، وبعدين يعني ، لوعتوا جبد امن جابتني ، ماراح يقبلونج وماراح يقبلونج ، اصلا يحصلهم وحده مثلي ، الشيخه دانه بكبرها تدرس عندهم ، صدقيني كبيرة
عليا : هههههههه انتي مب صاحيه روحي افتري بموترج وايد ابرك ، وانا الله يخلف علي وعلى ابوي ، ان شالله عقدته تفج واخذ الليسن واصيع نفسج شوي
دانه : صياعه قالت ، من البيت لين الجسر ، من الجسر لين البيت ، ايااا علي بس
مواز وهي جايبه اوردرها واوردر دانه : ياكبرها عند الله يادانووه ، انتي بس هاي مشاويرج ؟ راجعي نفسج اقول
عليا : مواز ماعليج منها وقولي لي يور نيل بولش يجنن ، من وين ماخذته ؟
موزه : هاي سلمج الله ، بتااااع الجوري ، كنت قاعده برومها البارحه هي تغازل الحب ع الفون وانا احط لي منه
دانه : شخبارها ؟ شمسويه ؟ علوم تجهيزاتها ؟
عليا : اي صح شصار عالتأجيل ؟
موزه : جوفي هو تأجل لأن اخوه طلعت له دوره فجأه شي جي بأمريكا ، وماراح يرد الا بعد 5 مادري 7 شهور ، وهو مصر ان اخوه يحضر العرس مع ان الكل لزم عليه يعرس وبلابلابلا شي جي ، وجوريووو عادي عندها اذا تأجل سو ، ماخذه السالفه ايزي ، والمحترق الاول والاخير نواف ريلها
عليا : هههههه مسكيين ، يالله ان شالله سهالات
دانه وهي تشرب اللاتيه وقايمه : ياحليله ، انزين اقول صبايا ، انا بروح كلاسي الزفت و فور شوور بجوفكم بعدين ، باي guys
عليا و موزه : باي حياتي
موزة : علايه بقولج ، جفتي الهنوف بنت سعود الــ …. !!
عليا : اي شبلاها ؟
موزه : يقولج امس رواض بنت عمي جافتها باللؤلؤة ، شتتوقعين مسويه ؟
عليا : شمسوية ؟
موزة : cosmetic surgery ، رافعه حواجبها ، ونافخه شفايفها
عليا مصدومه : نو وووووي ، لتقولين
موزة : اي انا انصدمت البارحه لما قالت لي ، اوردي هنفوو جميله ، ماتحتاج هالخرابيط
عليا : وي الحمدلله والشكر ، السالفه صايره حلاوه عند الكل
مرت عندهم وحده مع الثنتين بكلاس ال IT : بنات جفتوا رشووود شمسوي بروحه اليوم ؟
عليا باشمئزاز : رشووده ذي مو رشوود ، اللهم لاشماته ، شمسوي بعد
: لابس لج سكني جينز مع توب فوووشي ولابس كاب هههههه ، شنو مأساة ، لا ولايفوتج كفر البي بي ماله وردي ، يعني مطقم (البي بي / بلاك بيري )
موزة : ترى والله حليو الولد بس هو gay لانه دلوع امه
عليا : شدراج انتي ؟
موزه : من فتره سمعت وحده من البنات تسولف عنه وتقول انه جي لانه اخر العنقود ودلوع امه ، والمشكله خواته مشجعينه عالوضع اللي هو فيه ، بس جد طيووب الولد وحليوو
: اللهم لاشماته .. وراحت البنت
عليا : OMG موااااز ، عمره طويل ، كاهو جاااي ، بيسلم ، اووووف
راشد وهو جاي من بعيد وكل الشباب والبنات بستار بكس يطالعونه " وكلن ونظرته له "
راشد : هاي موزاااا شخبارج !! شمسوية ؟
موزة : I’m good , what about U ?
راشد : دومز ، انا بخير ، واووو حلووو لون يور نيل بولش
عليا : هههههه
موزه : هههههه ، توها سالتني عنه علايه ، تبيه ؟
راشد : اها ، لا شدعوه وين تبيني احطه !!
عليا بتطنز : ينحط عالاظافر ، ليش عادي حط ولاتبي حد يحط لك!!
راشد : اعصااابج علايه ، just kidding babe
عليا : عليااااا ، اسمي عليااا
راشد : اوكي سوري عليااا ، يالله سي يااا بنانا
موزه : باااي
عليا : يالله صباح خير
موزه : ههههههه والله كيوت هالولد
عليا : حلفي عاد الشيخه ؟
موزه : روقي يا روحي روقي على هالصبح
: معقوله !! كان الجسر مظلم وتوه منور !! اهلا وسهلا بوجودي
موزه لفت وراها ولقت طلال
عليا : ياااربي ، خلصنا من ذاك جانا ذي
طلال يسحب له كرسي ويقعد : شمسوي لج انا ؟ ماكل حلال ابوج ولا امج ؟ لالا اخوج احسن ؟ لا قولي حلالج بعد !! اوهوو اذيه انتي ، اقول مواز شفيج مولعه من بعيد ؟
عليا : ياربي عليك ، طلال ابلع العافيه ، مب ناقصتك
طلال : ها يالموزة مارديتي علي ؟
موزه : ههههه شفيكم قطو فار
عليا : ماعليج منه شارب له شي قبل لا يجي
طلال : يعني انا سكران ؟ معقوله ؟
موزه : تعال وشو مولعه من بعيد
طلال : يدج مب قادر اجوفها باطه عيني ، شهاللون اللي حاطته على يدج
موزه : ايوااا الحين هاللون مب حلو ؟ اكرمني بسكوتك لو سمحت
طلال : بسكوتي ؟ شنوع البسكوت ؟ مالح ولا سكر ؟
عليا : مواز قومي عندنا كلاس
موزه وهي قايمه : وي صح ، زين مافهيت
طلال : اسخف اسخف اسخف ، انتي اوردي مفهيه وشو زين مافهيت ؟
عليا ضربت طلال بالشنطه وهي قايمه وراحت وموزه لحقتها
طلال : النعال تنطرج يالعله

• الجسر الاكاديمي عبارة عن سنة تأسيسة ماقبل الجامعه ، يتم دراسة كل من اللغة الانجليزية ، الرياضيات ، العلوم ، والحاسب
دانه / 18 سنه ، تدرس بالجسر الاكاديمي ، ناوية تدرس communication بجامعة نورث ويسترن بالمدينة التعليمية ، ملامحها صارخه ، حبوبه وتفرفش الواحد معاه ، دبدوبة شوي وطولها حلو ، رفيجة عليا وموزة من ايام الثانوي ، اخت غاليه ، عايشة عند ابوها اللي عايش ومب عايش .
عليا / 18 سنه ، فالجسر الاكاديمي ، طموحه بشكل كبير ، ستايلها راقي ، ناوية تدرس international politics بجامعة جورج تاون بالمدينة التعليمية ، اجتماعية ، مزاجية ، تميل للقصر ، جسمها ضعيف شوي ، رفيجة دانه وموزة من ايام الثانوي .
موزة / 18 سنه ، كشيخه درجة اولى، طويلة وجسمها مرتب ، بشرتها مخملية شعرها قصير وبني غامج ، open minded ، فالجسر الاكاديمي ، ناوية تدرس interior design بفرجينيا (VCU) ، ورفيجتهم من ايام ثنوي .
طلال / 19 سنه ، طالب فالجسر الاكاديمي ، يحب الوناسه والسوالف ، انواع الاستهبال ، مامخطط وين يدرس لحد الحين ، اسمراني شوي ، طوله عادي يميل للقصر ، وسيم .

بانتظار تعليقاتكم قرائي الأعزاء ،،

في حفظ الله

اقتباس:

المشاركة الأساسية كتبها الزعيـ a.8k ـمه ,’ بسم الله و عليكم السلآم و الرحمــة بدآية رآئعة يعطيك العـآفية موفقة إن شــآء الله القوانين ، تحديث جديد ؛ ,’

كل الشكر لج عزيزتي

ويوفق الجميع يارب