رواية بنام ياتنهيدة الصدر تكفين فكي ازارير التعب وارحميني 2024.

[SIZE="6"]
روايه * بنام يا تنهيدة الصدر تكفين ،،، فكي ازارير التعب وارحميني*

من اين ابدء
وكيف انتهي
حياتنا
واقعنا
افراحنا
احزاننا
احداث من واقعنا
قد تشبه الخيال قليلا
لااعلم كيف اصوغها
سردتها لكم في روايتي
بنام يانتهيدة الصدر تكفين فكي ازارير التعب وارحميني
قد تكون قريبة من الخيال وقد تكون واقع قد لامسناه هكذا هي روايتي
اناس فقدو لذة السعاده
واخرون نعمو بها ولم يقدروها
اناس فقدوا الحب والاهتمام
واخرون نعمو به
لاكن لكل صابر فرج ولكل قفل مفتاح
فاين مفاتيح ابطالي ؟!
مدخل

‏‏‏‏‏‏‏‏‏‏‏‏‏‏ي ـــاإبوي☇ ‏‏‏لآإ تقول ليَ ː مآعآش منھۆ* يبكَيگ !
عآشوآ..

شفھمَ بآلحگيَ ː*" يجرحوني*

كان يجرها من شعرها والدموع منسكبه على خدها اللي حمر من الكفوف
غرزت اضافرها بيده على امل ان تعوره ويتركها لاكنه كان جلمود بدون احساس كل مازادت في غرز اضافرها
زاد بشد شعرها
……وهي تئن : اه تكفى اتركني اه يمه وينك يمه
بقسوه لف ايدها على ضهرها وصر على اسنانه : لااسمع لك نفس * رماها ع الارض بقوه * يلا انقلعي دارك ولااشوف رقعت وجهك فاهمه
حضنت كفينها بصدرها وقالت بهمس ماسمعه ::اه ربي ينتقم منك يالظالم
__________________
نزلت الدرج ركض والدنيا مو واسعتها من الفرحه واول شخص شافته ضمته
عبداللرحمن ابعدها عنه : اوه ي تبن كتمتيني
فتون وهي تدور حول نفسها : وافقوا وافقوا
عبدالرحمن رفع حاجبه وحط ايده تحت ذقنه : مين اللي وافقوا ي حظي
فتون ضربته على ضهره : تقلع مو فاضيتلك الحين * وراحت تبشر كل اللي بالبيت *
عبدالرحمن رفع يدينه ويدعي ان الله يثبت عقلها
_________________
ناظرته بسرعه ورجعت تكلم بالجوال
سطام يناظر من الدرج ع الدور الارضي : يمه يمه
ام سطام بصوت عالي : وش تبي
سطام راح لامه ركض باس راس امه : يمه شفتي تيشيرتي الابيض اللي عليه صورة نمر
ام سطام وهي تقلب بالقنوات وعيونها مثبته ع التي في : مادري تضيع اغراضك وتجي تسالني
نزلت وهي تدندن والمسجد ياذن
سطام وهو يرقي الدرج : الملائكه تلعنك
ساره بصوت مضحك ينقال تقلده : الملائكه تلعنك طير زين
___________________
قفلت الباب بقوه ورمت جسدها الصغير ع السرير سحبت جوالها وجلست تقلب عليه
شوي وينفتح الباب بقوه
شوشتها طايره وووجهها احمر وعروقها باينه : وين لابتوبي
لمار ناظرت اختها وكملة تقليبها بالجوالبدون لاتعطي اختها أي اهتمام
ميرال سحبت الجوال من اختها وكملت بصراخ : لما اكلمك ناضريني
لمار رفعت حاجب وبهدوء يذبح : نعم اختي
________________
دخل مكتبه وهو معصب دق الجرس اللي بجنب مكتبه
جا مسااعده
احمد عروقه باينه من العصبيه : وين الملف اللي كان ع الطاوله
ياسر خاف من شكله بس مابين : جا استاذ غازي واخذه
احمد بقس مكتبه بقوه : باي حق ياخذه مو انا امرت مااحد يدخل مكتبي
ياسر بتوتر : بس هوا عطاني ورقه مكتوبه بخط ايدك اني اعطيه الملف
احمد قام بسرعه ومسكه من ياقته : انت ماتفهم
ياسر حاول يفكه بس ماقدر
احمد ترك ياسر وتعوذ من الشيطان ورجع على مكتبه : خلاص تقدر تروح
ياسر انسحب بسرعه بدون لايقول شي
احمد ضرب ايدينه ببعض: ماانتهى حسابك ياغازي الايام بيننا
____________
دخلت ايدها تحت مخدة اخوها وسحبت جوالها كانت تمشي على اطراف اصابعها حست بشي مسك كتفها
كانت تقرئ بنفسها لفت ضهرها وهي مغمضه عيونها
فتح ايدينه ورفعها عند وجهها : هاتي الجوال
شهقت وحطت ايدها على صدرها من الخوف: ءءءءءا
ناظر وجهها وهو كاتم ضحكته عشان ماتخرب هيبته : هاتي الجوال اللي اخدتيه
بلعت قصتها وناظرته ببرائه : بليز يعني بليز ابي الجوال شوي
اشر ع الساعه بالايد الثانيه : انتي شايفه الساعه كم
نزلت دموع التماسيح وضمت كفينها بحركة ترجي :الله يخليك بس شوي
سحبها من فنيلتها وطلعها من الغرفه سحب الجوال من ايدها وقفل باب داره بسرعه
كانت تضرب الباب بقوه ودموعها على خدها: افتح ي حيوان افتح ابي جوالي اهئ اهئ
_____________
اليوم التاني الساعه 8 الصباح
دخل الغرفه وشافها لسه نايمه راح لعندها ورفعها من شعرها
فزت بخوف كانت تبعد ايده عن شعرها ودموعها بد تاخد مجراها المعتاد :اه ابــ..عـ..د اه أيــ..دك يا الظــــا..ل..م
غازي تركها وهو ياشر ع الساعة اللي بايده :الساعه كم دحين
رفعت نظرها للساعه الل بالحيط وشهقت وبخوف من اللي حيصير:ااااسفه بببس راحت علي نومه
ضحك بصوت عالي اللي بامريكا ممكن يسمعه *تشبيه* اخذ نفس كبير وزفر وقال ببرود : انا وين اصرف اعذارك *وبصراخ وهو يضغط على ايدها : * وين
سحبت ايدها بقوه وقامت بسرعه رككض للمطبخ حتى بدون لا تمسح وجهها طلعت الخضروات والصحون بتطبخ
جلس ع الطاول وهو يقلب جواله : ابي شوسي
وهي تقطع الطماطم بانسجام : ماعندنا روبيان ولا سمك م
بدون اهتمام : اتوقع كلامي واضح
لفت بسرعه واشرت بالسكين عليه وبصراخ : انت ماتفهم اقولك مافي روبيان *تخصرت* من وين اجيب لك طيب
وقف بهدووء واخذ السكيين من ايدها وحط ايدها ع الطاوله وجرح ايدها وهي تحاول تبعد ايدها وتصرخ بس لارد طبعا جرحها جرح مو كبير : ابعد ابعد عني ايدييي يووووووووووماااااااااااااااااااااه
ضغط على فكها بقوه : اسكتي ولا بتشوفي الموت
طنشته ضغط ع ىالجرح بقوه والدم انتشر بتيشريته الابيض بس ماهتم
رواح تتكلم وهي دايخه من كثر ماصاحت :اه الله يخليك اتركني ابعد طلقني ارمني بالشارع تكفى
اخد ملح ونثره ع الجرح رماها عالارض بقسوه وببرود : ثاني مره اقولك شي تسمعين كلامي
كمل بهدوء :ارجع والاقي الغدا جاهز
______________
في بيت ابو عبدالرحمن
ام عبدالرحمن بابتسامه تريح اللي يشوفها : أي وبعدين شصار
فتون وهي متربعه من الحماس : خاله سعاد قالت لها وبعدين معاكي انا كل ماقلت لك شي قلتي عند صاحبتي ولا بالسوق
قالتلها رواح خلاص اسفه اممي محا اطلع الا باذنك *انقلب شكل فتون * بس
ام عبدالرحمن خافت من انقلاب بنتها : بس ايش
فتون والدموع متحجره بعيونها : كدب عليهم وقال لهم انها طلعت معاه ووسوت شي مو حلو وووعم محمد ضربها ضربها بقوه وتبرا منها
ام عبدالرحمن بققت عيونها : ماتوصل لكدا
فتون وهي تصيح : والله والله يااومي ماسوت شي حنا طلعنا ويا بعض وماصار شي من اللي قاله
ام عبدالرحمن ضمت بنتها وهي تمسح على شعرها : انتي اعدي لها يمكن الله يوفقها بدا الشي وتعيش حياه حلوه
قالت كلمتها ع دخول دحوم : وانتو ماتملوا من الحش
وباس راس امو
ام عبدالرحمن : هلا والله بدحوم كيف سويت بالمدرسه
عبدالرحمن حك راسه بغباء وابتسم ابتسامه واسعه : ها أي المدرسه
عدلت فتون جلستها ومسحت دموعها وناظرت عبدالرحمن بنص عين : قول لها انك ماعرفت وريح بالك
عبداللرحمن يناظر فتون بتهديد ولف لامه ابتسم ابتسامه غببيه : ها أي يمه امتحاني اليوم جميل
فتون وهي تناظر التي في : أي ماشاء الله عليك يخزي العين
_________________
في الجامعه
المحاضره الاخيره هذا اليوم كان راسها يعورها غمضت عيونها وحطت راسها ع الطاوله ع امل يخف الالم
الدكتوره تقول بالاسماء : ميار فهد ال…
رفعت ايدها : موجوده
:ميرال فهد ال….
لارد
:ميرال فهد ال…
بعد لارد
الدكتوره :ميرال موجوده لو لا
كان بجنبها غنج تهز كتف ميرال: ميرال ميرال الدكتوره تناديك
ميرال وهي لسا ضابه راسها رفعت ايدها
عنج تغير صوتها : مووجوده
ميرال فتحت جوالها وكانت تقلب فيه جتها رساله من رقم غريب
*اهلا مي مي *
ردت
*هلا والله
المجهول/ه
*كيفك حبيبي*
ميرال*تمام وانتي*
المجهول/ه *انا تمام *
المجهول/ه *امممم ميرال في رساله عندي لك من شخص *
ميرال ابتسمت :اول شي مين انتي
المجهول/ه : انصحك ماتسئلي بس اللي بالرساله حتلقيها في حوش بيتكم
ميرال : ههههههههه ياي حماس اخيرا بيصير ثل اللي بالافلام
المجهول/ه :ههههههههههههههههههههه بس محا تحبي نهاية الفلم يلا باي
ميرال : هي هي تعالي باقي اقلتي لي مين انتي
_________________-
عند غازي ورواح
رد البيت باليل ونسى سالفة الطلعه فتح الباب شم رائحه جميله والليتات طافيه شوي وبدئت اضواء صغيره بالارض تبان سوت طريق بالارض مشا وهو مقطب حواجبه باستغراب لما وصل نهاية الطريق كان فيه ورقه ع الباب مكتوب فيها دق الباب ثلاث مرات قبل تدخل ولاول مره ينفذ اللي يامره احد دق الباب ثلاث مرات وصله صوت يئذن له بالدخول ويوم دخل الغرفه شاف كاتو كبيره ع االطاوله على شكل 25 وحولها شموع وانواع الاكل كل مالذ وطاب كان موجود
ابتسم على خفيف وقال بنفسه * هههه سوت كل هذا لي ياسخفها حسبالها رح يشفع لها عندي *
سمع صوت من وراه : Joyeux Jour chaque année et vous êtes bien
بعصبيه : Qui vous a permis
رجعت على ورا بخطوات خفيفه : Je ne savais pas que vous derange
غازي سحبها من رقبتها بقوه واخذ الكاتو وحطها بوجهها : بتسمميني ههههه لاحبيبتي مرح اموت بضل كابوسك لما اقتلك بايديني
عيونها صارت حمرا من الالم وتحاول تفك ايدينها بس فشلت محاولتها يوم حست ان روحها بتطلع استسلمت للظلام تركها وطلع غرفته ينااام بعد يوم طويل وشاق بالشغل
_______________
كان يلعب بحماس ويصارخ وماادري عن اللي حوله
ام عبدالعزيز بصراخ : عزوووز ياولد
عزوز ولا يدري عنها
ا معزوز بصراخ اقوى : ياولد
فز عزوز ورمى ايد البلاستيشن من ايده وهو يتعوذ من الشطان :بسم الله يومه لو كان كافر وسمعك اسلم
ا معزوز وهي تلوح بالملعقه : لي ساعه اكلمك
عزوز بابتسامه :شبغيتي امي
ام عبدالعزيز :روح جيب البقاله
على دخلت غنى :بتروح السوبر بروح وياك
ام عبد العزيز تناظر بنتها : ماعندنا بنات يهيتون بالشوارع
غنى :افا يمه انا اهية بالشوارع ماهقيتا منك
ام عزوز : ابعدي عني بس
عزوز يللعب بحواجبه وعيونه يرفعها وينزلها ويسوي يده بحركة تغشيش
ضربت الارض بقوه برجلها : اوف
ا م عزوز طنشتها وطلعت دارها
غنى بصراخ :هي ترااا بقتلك
راحت عند اخوها ومزعت اذنه بهمس :بابو
عزوز كاتم الضحكه :موتي حره يلا تقلعي انا طالع افحط وانتي انثبري بالبيت
غنى بصراخ اللي باخر الارض يسمعه :يمااااااااااااااااااااااااااااااااااااه عزووووووووووووز بييييييييفففففففخط *وشددت على كلمة يفحط *
جتت ام عزوز تركض وايدها على قلبها : يقلبي على وليدي يفحط هات مفتاح سيارتك طلعه من البيت مافي
عزوز يعطي غنى نظرات ذابحك ذابحك: يمه مو من صجها انا مااافحط بس عشان احرها
ا معزوز مدت ايدها : عطني مفتاحك منت طالع
عزوز بقلة حيل : يوه يمه ترا والله ماافحط
__________________
جالسين في غرفة المعيشه
ام الريم :هههههههههه أيه والله ككانت جميله بالحفله
اميره بغيره واضحه : بس مو اجمل منك
على دخول سلطان صفر :فيوووووووووف مااقدر ع الثقه
الريم ماكنت حولهم تسولف ع الواتس
فتحت المحادثه الاولى الثانيه الثالثه بس جذبها رقم كان مميز ماتدري شاللي جذبها له
الطرف الاخر : سلام
الريم :وعليكم السلا
…..:كيفك
لريم: تمام وانتي
….: دوم
……: انا بخير
الريم: الله لايغير
….: ولا عليك
الريم : امممم شسمك ,يس يحك راسه بغباء ,(كانت كاتبه فيس يحك راسه بغباء بالرساله يعني للي مافهمت )
……..: حلوه هههههههههههههه
……….: ي ريمي
…….: انا وحده تحبك
الريم عبثت بحواجبها : تمام
الريم : انتي لولي *فيس مستحي *
…….: لا وحده تحبك
الريم بغباء :مافي ولا ووحده تحبني باحط اسماء من راسي واللي هو يجي
……..: الا انا
الريم : عويش زوز اميره غلا لميس
……: نو لميس ولا رفيف
الريم : ينقال تنكتتين
………: امزح ياااخ وحده تحبك وبس
الريم :مي ندي اللي داعيه عليها امها بليلة القدر حبني
الالريم:اقصد داعيه لها
…..: انا رحيل
الريم ابتسمت ابتسامه واسعه وتربعت حق حماسها : وربي لو انك رحيل اللي فبالي ياان بلعن سابع ففراملك لانك اختفييتي ي تبن
الريم عدلت جلستها : ولو وحده ثانيه ياهلا والله فيس مستحي
…..: هههههه متوحشه بس احبك
الريم ضحكت بصوت عالي كل اللي بالغرفه لفو عليها
لفت على اهلها وقطبت حواجبها : نعم في شي
سلطان سحب الجوال من ايدها وقرء المحادثه بقق عيونه : ايش ذا
الريم خافت من شكل اخوها اللي انصبغ وجهه :ااايش وش
سلطان بعصبيه : ايش اللي مكتوب هنا
الريم قرئت اللي مكتوب وانفجرت ضحك
__________________
تكوي توبه وهي قرفانه
جلس عالقنفه اللي جنبها والاب توب قباله والحب منثور حوله والشيبسات بكل مكان ومشروبات الطاقه علب فاضيه بكل مكان باختصار حوسه : حجزت لديره
تركت المكوى على التوب ولفت عليه من الوانسه جلست تنطط
غازي بهدوء:اجلسي لااكوفنك
من الوانسه ماعرفت تثمن كلامها : لو انت رجال جرب
مسكها من ياقتها ورفعها لانها اقصر منه وخفيفه قدر يرفعها وهو يصر ع اسنانه :شقتلي
خافت وقالت بربكه : ل لو انت ر رجال ج
ماكملت علمتها الا وايده رسمت خطوط عحمراء على خدها الابيض
حاولت تكون قويه : هه الرجوله ماتكون بانك تمد ايدك على بنت ونعم الرجوله
حاول يتحاشى النظر لها عشان مايثور فيها وسكت
رواح بلعت ريقها وكملت : ههه ليه القطه بلعت لسانك ياحبيب امك
غازي واعصابه ثايره : ثمني كلامك شكل الكف ماينفع معاكي هه
رواح جلست رجل على رجل على الطاوله اللي عليها الاب : شبتسوي تترا خلاص *اشرت على قلبها * هذا صار ماعاد يحس لو تذبحني ترا خلاص جسي تعود
شوي ويشمو ريحة شي
غازي باستنكار :وش ريحته ذا
رواح فزت بسرعه : يومه نسيت المكوى ع التوب
غازي بقق عيونه : توبي انحرق
رواح رفعت التوب وكان محروق من الوسط ابتسمت ابتسامه واسعه بينت ضروسها : قدر الله وماشاء فعل
_______________________

كانت نازله بكل زينتها العطر واصل لاخر محل بالمول
والشباب عليها مثل الذبان ع الحلاو المكشوف بمكياجها الكامل وعبايتها المطرزه بلون ذهبي اللي بارزه جمالها ولا عدساتها الرماديه ولا لثمتها اللي مطلعهه نص وجهها ولا شعرها اللي كله برا ولونه الاسود الداكن كانت فتنه بكل ماتعنيه الكلمه
جاشاب من وراها نقزها من خصرها وهي شهقت
وبدلع ماصخ : يومه ارعبتني
الشاب : فديت المرعوبين انا
جت بنت من بعيد تركض شدت ثوب الشاب وببرائه : بابا بابا ماما تدول عليت *بابا ماما تدور عليك *
الشاب ابتسم تسليكه : هههههه هذي بنت اختي تناديني ابوي
ساره تتمايل بغنج : هههههههه ياحلوها فديتها قربت من الولد اللي ماسك البنت وباستها ومسحت على راسها
ساره بضحكتها الرنانه : يافديتها تشبهك
جت حرمه باين انها بالعشرين :محمد مين دي انا انا تخوني
محمد بربكه : هند مين قالك هي جالسه تتحرش فيني انا مستحيل اخونك
اميره والدموع بعيونها سحبت بنتها : طلقني
وراحت تدور تكسي
وهو يممشي وراها ويحاول يفهمها بس رفضت تسمع لان كل شي ضده
يم وصلت عند بوابة المول صرخت بقووه : شووووووووفوووووه يتحرش فيني
التمو عليه الرجال ولعنوا سابع فرامله وهو يحاول يقنعهم انه زوجها بس ماعطوه مجال اخدوه الهيئه وعرفو انه زوجها وكادا بس استغربوا سبب كدبة زوجته
وحاولو يفهمون القصه بس قال انها اسرار عائليه ومايصير ومن دا الكلام وتفهموا الموضوع
______________________________
رد البيت كانت مقفه الباب وحاول يفتحه بس عيا
اميره من ورى الباب وبصوتها الصيحه : روح روح للعاهره روح شوفها رح تغنيك عني وعن بنتي
طلقني وفكني منك طلقني
محمد :اميره انتي طاااااااااالق بالثلاث وورقة طلاقك بتوصلك بيت اهلك
______________
ومرت الايام والشهور سريعه
واخيرا جا اليوم بدئت الاختبارات النهائيه والطلاب ايدهم على قلبهم وكل واحدد خايف من اليوم التاني وكل واحد يدعي ربه يجيب درجات حلوه
________________
في بيت ابو عبدالرحمن
كانت ممدده ع الارض ورجلها ع الكنبه وتحت ذقنها مخده ولابسه نظارتها وفمها مليان :باي راد شرطه على 6 يعني ان
عبد الرحمن حاط اصبعه باذنه :خلااااااااااااااااااص اسكتي يامال الصلاح فقعتي اذوني
فتون انقلبت على ظرها ورفعت الكتاب بالهوا بهدوء:اممممم دحوم
عبد الرحمن قطب حواجبه باستنكار: اشبك
فتون :تتوقعها مرتاحه
عبدالرحمن فهم قصدها : اكيد مرتاحه لو مو مرتاحه كان صارت علوم
فتون حطت ايدينها على عيونها : خايفه عليها
عبدالرحمن رمى عليها المخده:لابوك من بنت وراك امتحان ذاكري
فتون تربعت:توك تقول خلااااااااااااااااص اسكتي يامال الصلاح فقعتي اذوني جعلها الفقع
دخل زياد على ازعاجهم :اثكتو لااعلم عليتم ماما
فتون اخذ الشبشب وصكته بنص جبهت زيود: انقلع اطلع
_____________________
لبست صندلها بسرعه وعبايتها بايدها والشنطه ماسكتها بفمها وبالايد التانيه تاشر على ميار عشان تستعجلها :ام ا هام بخقهلا*ينقال تتكلم وبفمها الشنطه *
ميار بشمئزاز :الله يقرفك سيبيها والبسي بعدين خديها واطلعي
ميرال :بخهاقبخرهن
ميار ضحكت بصوت عالي :تحضرين جن *ومسكت شنطة ميرال * أي شكنتي تقولين
ميرال بصراخ :السواااااااااااااااااق راااااااااااااح
ميار مسكت اذونها :اح يحيوانهه لاتصرخي تراني هنا مو بالصين
ميرال بعصبيه : جعل صينيه تضرب ذا الراس
طلعت ميرال الشارع ركض مالقت السواق حاولت تدق مارد وقفت تاشر تكسي
_________________
اخذت منديل وكانت تمسح العرق اللي يتصبب من جبهته
لف ايده على رقبتها وطبع بوسه رقيقه على شفايفها السودا
ساميه بدلع ماصخ : حبيبي لاتقلق كل شي بيصير تمام
احمد حط يده على راسه :كيف بيصير تمام قوليلي كيف وهالحيوان واقف بطريقي
ساميه جلست بحضنه :وانت قلقان منه حبيبي تقدر تتخلص من الحشرات ب بيف باف
احمد ابعدها من عليه طاحت ع الارض : مو وقتك تتريقي
ساميه بمكر : ومين قال اني اتريق
احمد طالعها وقطب حواجبه :مافهمت
ساميه جلست وحطت رجل على رججل :انا اقولك كيف
اشر احمد على رجله يعني تعالي اجلسي هنا وقوليلي هي ماصدقت على الله وراحت
ساميه بدلع ومكر : ………..
احمد بقق عيونه من دهائها : كيف ماخطر على بالي والله انك داهيه
ساميه بثقه : اعجبك ترا
___________________
رافع رجله ع الطاوله ويشرب قهوه تركيه ويقلب القننوات وهوا سرحان
جت من وراه وسوت له مساج ع كتوفه قربها منه وباس راسها وقفل عيونهه صارت بحضنه حط راسه عند رقبتها يشم شعرها براحه وهدوء وامان ماعمره حس فيه استسلمت له خوفا من يرجع لها الجلمود ويقتلها بعد خمس دقائق ابعدها عنه بقوه : قرف
رواح ناظرته بخوف :انا كن كنت
غازي ونطره مثبت ع التيي في مو فاضي لك انا
رواح قالت ببسرعه وهي مغمضه عيونها : خالتي تقول تبيك تحت
شوي تسمع رنين ضحكته يتردد باذنها : افتحي عيونك
عدل جلسته : جهزي ملابسي بسرعه عشان ابيك تنضفين لي رجولي
رواح : بس
غازي وقف : شكل انتي ماتفهمين الا بالضرب
رواح انطلقت للغرفه تجهز ثيابه
غازي رجع راسه لورى : ناس مااتجي الا بالعين الحمرا بس انا اعرف اربي هالاشكال اقذره
شوي ويرن جواله
رفعه ناظر الشاشه ورده مكانه رجع يرن ثاني بالمره السادسه رد بعصبيه : نعم ايش في
الطرف الاخر : استاذ احمد يبيك ووجهه مايبشر بالخير
غازي ببرود : قوله يحلم على قده
وقفل الجوال
رواح جت : ايش فيه عسى ماشر
غازي عطاها نظره مرعبه : خليك في حالك
__________________
في الجامعه اليوم اخر يوم امتحانات والبنات كل وحده ضامه صديقتها ودموع وبكى كانهم محا يشوفو بعض تاني
ميرال اخذت اغراضها بدون لاتودع احد :ميار انا طالعه جا السواق
شهد من وراها ضمتها : ماتبي تودعيني
ميرال ابعدتها عنها بهدوء : ابعدي لو سمحتي
شهد طقتها على راسها : مكروهه ماتحب تودع احد تعالي ميار بحضني
ميار ضمت شهد ودموع ومحزنه
الحارسه : بطاقتك
طلعتها ميرال
الحارسه : تفضلي
طلعت ميرال عالشارع العام تشوف إذا فيه السواق او لا لان دايم يوقف ع الشارع الثاني ماحست بروحها الا في الهوا
______________
جالس على مكتبه بدوء يقلب صفحات الملف …فتح الباب بقوه ووجهه احمر وعيونه بتطلع من مكانها من القهر والعروق بارزه مسكه من ياقت بلوزته : شسويت انت
ببرود الدنيا كلها قال: ماسويت شي
احمد وهو يهزه : ليه ليه حرقته
غازي عدل بلوزته ببرود ورفعت حاجب:يهمك
احمد وهو يحاول يهدي اعصابه : لاتلعب مع
غازي كمل قلبت االملف:هه اطلع منها يا *وبدلع * حمودي
غازي ببرود : شي ماتطوله لاتقوله حبيبي
غازي وقف :ممكن دحين تشرفنا
احمد ناظره : ماكسبتها صدقني ماكسبتها وموتك على ايديني
غازي بستهزاء:اوه صرنا نقول كلام كبار
احمد عطاه اخر نظره وداخله يغلي وده يفجر الدنيا على راسه بس مابيده شي قفل الباب بقوه وطلع
شوي ويرن تلفون
غازي ناظر التلفون كان مكتوب النشبه
قفل الجوال ومااهتم
________________
في السياره
ميار : ابراهام ودي انا هدا كون زون ابغى عسكريم
ميرال : ترا عادي تقولينها بدون لاتخليها معاقه
ميار تربعت : الله يلعن هالمكان مو واسع *وهي تحاول ترفع جولها * انتي شدخل ابوك ي خي ماودك تموتين وتفكينا
ميرال رفعت ايدها : امين ي اوخيتي الود ودي بس باقي ماجا يونا
ابراهام : ماما هذا في طريق كلو سياره ماافي ادخل انا
ميارا عصبت : انا مالي صلاح قلت ابي كون زون يعني ابي كون زون
ابراهام يقفل على ادونه : ماما ممافي لازم صرخ انتا انا في اسمع
ميارا : وماشاء الله ترادد اقول دبر لي حل وانت ساكت
ميرال ارتفع ضغطها : خلاص انا بروح
ميارا لفت بسرعه : مو من جدك تشوفي المحل في الطريق التاني بالله لاتكثري هرج وخنشوف حل
ميرال بنفاذ صبر : ميلت انا طالعه أي نكهه تبين
ميارا بتفكير :احب التوفي ومقلم التوت بس التوفي الذ لا مقلم التوت
ميرال قفلتت الباب بقوه ثم ردت فتحته :بجيب لك على ذوقي وقفلت الباب اقوى من اول
ميارا تصارخ : تعالي يتبن تعالي هنا لفت انتباهها سياره مسرعه فتحت الباب وركضت بتنقذ ميرال بس مامداها لان ميرال كانت بنص الطريق على الشارع التاني والسياره سرعه
ميارا صرخت باقوى ماعندها : ميراااااااااااااااااااااااااااااااااااال
لفت ميرال بتشوف ايش بها اختها ماحست بروحها الى طايره بالهوا وستسلمت للظلام
نزل مسرع من سيارته يشوف قطعت سواد حوالينها بركة دماء اخدها بسرعه وطلعها السياره وميارا تركض مثل المجنونه ورا السياره والرجال من الخرعه ماقدر يوقف يتحرك لااراديا والسواق صار يشتغل في السياره على الهزاز وميارا افترشت بالارض تنوح وتضرب على راسها اجتمعو الشباب عليها
الرجال باصوات متفرقه : عساه خير ياختي .. ايش صار .. كيف .. متى .. لاحول ولاقوة الا بالله .. اهدي يااختي مايصير ادعي لها .. وهو مايشوف اعمى
شاف الناس متجمعين دخل بينهم حاول يدقق النضر مو غريبه عليه :انتي مي ميرال
ميارا رفعت راسها والددموع بعيونها : انقذنني ميرال ماتت اهي اختي ماتت
____________________-
فتحت الاب تشوف ايش صار متى اخر مره دخل
دخلت بنك ملاذ
شافته موجود استانست وجلسة تناقز ثم استنشقت هواء
ودخلت خاص
ملاذ :السلام عليكم
كلام ماتطوله انصحك ماتقوله : اهلا وعليكم السلام
كلام ماتطوله انصحك ماتقوله : وينك اختفيتي
ملاذ :اسفه كنت ادرس للامتحانات بس الحمدلله كملت
كلام ماتطوله انصحك ماتقوله : ملاذي فيك شي
كلام ماتطوله انصحك ماتقوله :اقصد ملاذ

ملاذ رجعت راسها لورى وتنهدت بضيق :لا استاذ مافيني شي
كلام ماتطوله انصحك ماتقوله : متاكده
ملاذ :مثل ماني متاكده اني اكلمك
كلام ماتطوله انصحك ماتقوله : اجل طسي لابوك لابو اللي يكلمك اجل تكدبين علي
ملاذ بققت عيونها : انا شسويت ي حظي
كلام ماتطوله انصحك ماتقوله : اجل توك مكمله الامتحانات وامس وانا مكلمك
ملاذ انصدت : شتقول انت متى كلمتني
كلام ماتطوله انصحك ماتقوله حك حواجبه توهق : انا اقصد اقصد
ملاذ : لا انت مخرف رسمي ههههههه حتى انت جاك زهايمر
كلام ماتطوله انصحك ماتقوله : ليه مين عنده زهايمر كمان ههههههه انتي من زمان مو شي جديد
ملاذ : الله اكبر الحين انا عندي زهايمر ياابن الايه
_________________
كان الممر مزدحم بالناس وهوا جالس بعيد عنهم وفي الزاويه بعيده شوي مفترشه ع الارض وحاطه ايدها على راسها وتصيح باسم ببنتها وبنتها ضامتها وتمسح على ضهرها وتحاول تهديها وقدامهم بشوي بنت جالسه تكلم بالجوال وبعيد عنهم بمسافه رجال كبير جالس ع الاب توب ومايدري عن هوا دارهم وبجنبه شاب تقريبا 16 او 15 سنه يهاوشه رجع الشاب راسه لورى وهو يحكم على كل شخص اييش ممكن يقرب للبنت اللي موجوده جوا الساعه 5 تماما رفع الشايب ايده يشوف كم الساعه لم اغراضه وطلع من المستشفى ومااعطى الناس اللي وراه أي اهتمام والشاب راح عند البنت الكبيره وسحب الجوال من ايدها ورماه بقوه وهواشها ماادري ايش يقولون بس اتوقعت انه يهاوشها لبرودها واستهتارها ههههه ايش فيني اليوم احكم على الناس بكيفي اوف بجد اني فاضي بس غريبه ليه داخلي مو قلق هههههههههه من ايش اقلق اخيرا الام هدية ياقلبي رحمت البنت دي تعبتها امها ماشاء الله عليها باره *لف راسه للولد والبنت شاف البنت نايمه ولا تدري عن الشاب ضحك بداخله * غريبه ليه تاخر الدكتور انا وش علي رفع ساعته يشوف الساعه كم شهق نسيت مرضاي شسوي هني
________________________
رفعت السماعه بسرعه :هلا وعليكم السلام الحمدلله وانتي الله لايغير وش تبين ايه كيف ليه ومتى جد احلفي اجل مع السلامه
مجد بقلة صبر : قولي لخالتي ا نامي تبيها بالمستشفى
فتون طاح قلبها : ايش ايش فيه
مجد :فتون انا مو فاضيلك
فتون راح بالها بعيد :عمي صار فيه شي
مجد بتحلطم :ياريت
فتون بققت عيونها : شتقول انت جنيت رسمي
مجد قفل الخط
فتون راحت ركض عند امها وضرت فرامل : اييييييييييييييئ *ينقال تفحط*
فتون لفت حول امها : يمه تدرين ان خالتي ام ميرال تبيك
ا م فتون: امس وانا عندها غريبه ماقالت شتبي
فتون طنشت اللي قالته امها وكملت : وتدرين ان عمي ابو ميرال بالمستشفى
ا م فتون :مو رايقه لكدبك انا
فتون قربت راسها من امها : افا يمه انا اكدب
ا م فتون :وحيريفه كمان
فتون ناظرت الارض والدموع تجمعت بعيونها : بس يمه هالمره جد عمي طاح
ا م فتون ناظرت بنتها تتاكد ادا صادقه او لا يوم تاكدت راحت ركض لدارها تلبس عبايتها واتصلت ع السواق وطلعوا
____________________
جالس يلعب بالسبحه وهو سرحان
جلست بجنبه وحطة ايدها على كتفه : غازي خالتي تبيك
غازي مااهتم لكلامها لان اسساسا مايدري هي شتقول : ايه طيب طيب
قامت تكمل ترتيب اغراضه لانه بيسافر بعد خمس دقائق جت تبي ترتب الصاله تشوفه لسى موجود شهقت : انت لسى هني
اخترع وناظرها بعصبيه : انا كم مره اقولك لاتشهقين جعلك الماحق
رواح بهمس : اللي يمحقك ياحيوان
غازي شد شعرها : قلتي شي
رواح حطت ايدها على فمها : لا ماقلت شي ماقلت شي
غازي رخى ايده : حسبالي
غازي وهو طالع عند الباب رجع على ورى : اجي الحمام جاهز وملابسي
رواح : بس خالتي
غازي : انتي خدامه عندي مو عند امي يلا انقلعي
رواح نزلت راسها : انشاء الله
شوي يسمعون دق على الباب : يا غازي ياغازي
رواح جت بتمشي وقفها غازي : انا بروح انتي سوي اللي قلت لك عليه ولا اشوفك اليوم عند امي الا لما اقولك
رواح :انشاء الله
__________________
: امي امي انا اتصلت ع السواق بروح بيت ضديقتي
اميره : عشتو ودحين تقولين لامي
الريم عطتها نظره : يوه يومه وش تسوي المطلقه ببيتنا
اميره قامت بسرعه عطت الريم كف والدموع تحجرت بعيونها : يومه سمعتيها وش تقول
الريم تكابر : ايه وطايحه بكبدي ي خي احفظي باقي كرامتك ورجعي لرجلك
اميره بصراخ :انا ببيت اهلي مو فوق راسك بعدين انتي شعليك
ام سلطان : احترموا وجودي انتي وهي وانتي يالريم من متى صرنا نرفع صوتنا ع اللي اكبر منا ونرادد ها من متى*لفت على اميره * وانتي انقلعي خذي عيالك واصعدي دارك
الريم : يومه
ام سلطان :لاتناقشين
الريم بحلطمه : اه وينك يبه لو انه موجود كان وداني الله يرحمه
دمعت عين ام سلطان ومسحتها بسرعه
____________________
مجد بصدمه مو مستوعب شي : انت انجنيت شتقول هههههههه اختي ماتشوف انت تكذب
الدكتور فرك ايدينه ببعض : اسف قدر الله وماشاء فعل ودحين تقدرون تتروكوها تترتاح وفي الصباح تقدرو تزوروها
ام ميرال تضرب على راسها : ياويلي على بنتي
ميار: خلاص امي واللي يسلمك خلاص
ميرا بعدم اهتمام : كثير ناس صارو عمي جت عليها اف جد مزعجين
ميار : انتي من ايش مصنوعه الله ياخدك ويفكني منك
ميرا: امين امم مجودي تقدر توصلني البيت ولا اروح مع السواق
مجد طنشها
ميرا : شفيكم نفسكم بخشمكم الحمدلله والشكر
فتون عضت ميرا على كتفها
ميرا مسكت كتفها : اح ي حيوانه يعور وربك لو اننا مو في مكان عام كان لعنت جدفك
فتون : استغفر الله العظيم
ا م فتون جالسه تهدي بام ميرال : خلاص خل دحين نرد البيت والصباح رباح نجي من اول النهار
ام ميرا ل : بنتي والله مااتركها بجلس هنا لما الصباح
مجد : يااومي وربك جلوسك هنا محا يفيد
ميار : انا بنتظرها انتي ردي البيت وانا بجلس
فتون : لاكلكم بتروحون
ميار : لا محا ارد يلا امي تكفين ارتاحي بكره تحتاجك بجنبها لازم تكوني مرتاحه
ام فتون : عين العقل هذا الكلام اسمعي مني يااوخيتي وردي بيتك
فتون : أي خالتي
مجد : يلا انا بروح اتصل ع السواق يوصلكم
ميار : وانت مابتجي
مجد : لاعندي كم شغله بكملها واجي
___________________
مرت الايام سريعه مافي شي جديد
كل اللي صار
رواح
ساكنة ببيت اهل غغازي
غازي
مسافر شغل ودحين كمل اسبوعين مسافر واليوم راد من السفر
ساره
مازالت هيا البنت الهايته من شارع لشارع ومن مول لمول ومن شاب لشاب والله يستر من النهايه
اميره
تمت ببييت اهلها وكل يوم هواش مع الريم
سلطان
ماتغير نفس روتينه من الشغل للبيت ومن البيت للديوانيه ومن الديوانيه للشغل وتستمر الحياه
احمد
مازال يعمل على الخطه
ساميه
مازالت على وسخ الدنيا و…انتو ادرى بالباقي
سطام
تغيرت كثير اشياء بحياته وحتعرفوها قريب
ميرال
صارت عميا بس مااثر على شقاوتها
ميار
تمت هيا اللي تساعد اختها بكل شي
ميرا
ماتهتم لاحد
____________________
ماسكة تيشيرتات بايد والبناطيل بايد ورافعه رجل ع الطاوله والرجل الثانيه واقفه عادي وتصارخ بكل صوتها :: يومااااااااااااااااااااااااه مينا حلى دي ولا دي
ميرااال : امي هنا مو بامريكا
ميار : اقول ميرال مينا حلى دا ولا دا
ميرال ضربت ميار على ضهرها : بلا بشكلك ينقال ماتدري اني مااشوف
ميرا وهي تقلب الجوال: هه قطه بسبع ارواح اعوذ بالله
ميرال : تف تف تف دي عين ماصلت ع النبي
ميار سحبت ميرال ن كتفها وتربعو ع الارض: ماعليكي منها عجوز النار
ميرال : ههههههه حرام عليكي ظلمتي عجوز النار
ميرا وقفت تاشر على نفسها : انا عجوز النار
ميرال بدون اهتمام: في احد غيرك هنا
ميرا : قد اللي تقوليه
ميرال وهي تتحسس اللي حولها : وقدود بالله طيري زين رايقتلك انا
ميرا ينقال بتقهر ميرال جلست تقلب التي في : اقول ميرال شوفي شوفي الفلم دا يجنن اوه اسفه نسيت انك عميا
ميرال تكتفت : هههههههههه ينقال ماتدري
_________________
سطام كان يركض بسرير المريض وانواع الصياح من الحريم
جته ممرضه تركض : دكتور دكتور
سطام والعرق يتصبب وجهه احمر ولاول مره تجيه حاله مثل ذي وقلقان وخايف يفقد اللي بايد
وذي همها الملفات فاضي لها هو دخل قسم العمليات
المريضه : يوه دكتور وربي مايحتاج
سطام بابتسامه لطييفه : شنو الللي مايحتاج خلاص بس انظف لك بطنك وبعدها تردي البيت
المريضه : تكفى دكتور مااحب العمليات
سطام يفرك ايدينه ببعض:لاتخافي محا يصير شي
المريضه : دكتور واللي
ماكملت كلمتها الا وهي موب وعيها ابتسم سطام وبدا شغله
خارج الغرفه
الممرضه الاولى : ياقلبي تحزن
الممرضه2 :أي وربك سمعت انه خطء طبي
الامممرضه 1:ياقلبي على سطومي بيتعب اليوم من عمليه لعمليه والحين مو وقت دوامه
الممرضه 3: احد قالكم انكم كثيرات كلام ولا انا اول وحده
الممرضه 2:أي شننو قصتها شلون خطء طبي شفتي الدم
الممرضه 1: اسكتي اسكتي شوفي كيف امها ماتدري عنها
الممرضه 2 :وين ابوها مو فيه
الممرضه 1 :اسكتي لحد يسمعك دي بنت الـ…..
الممرضه 3: استغفر الله لهم المظاهر بس
الممرضه 1 : ليه مايودوها مستشفى اهلي
الممرضه 2:تغير
_______________–
حطت ايدها على فخذ رواح وبابتسامه لطيفه : يلا يااومي روحي تزيني شوي ويجي غازي عاد ها ابيك تبيضين وجهي
رواح وقفت وباست راس خالتها : افا خالتي وجهك ابيض ابشري لك اللي تبين ودا غازي حبيبي توصيني فيه
حست بشي حاوطها وشد عليها وبهمس كله شوق ووله : حبيبك ها
شوي وقلب الصصوت لعصبيه وبهمس : اصعدي دارك وانا اعلمك شلونا صير حبيبك
ابتسم غازي وباس راس امه : هلا والله بالغاليه
ام غازي مدت البوز : أي زين كان لاتذكرتني اهم شي حبيبتك وانا بالاخرين
غازي باس رجل امه : شدعوه يمه
ام غازي غمزة لرواح فهمتها رواح وطلعت دارها ركض
غازي بعد سوالف استئذن من امه وصعد داره
________________
بالمطار يتنظرون متى يعلنون عن رحلتهم ومثل ماهو معروف عندنا يوه لازم يجون قبل الرحله بساعتين ع الاقل جالسه ع كرسي الانتظار مجد كان يضبط الاوراق وكدا وامهم طلعت تصلي ميرا تتمشى وميار راحت تشتري عصير ميرال جالسه ع الكرسي شوي وهي حس بشي يشد ملابسها عرفت انه طفل صارت تطلع اصوات تخوف وتقرص الولد وهو يشد شنطة امه وامه لاهيه بجوالها والولد مرعوب ميرال شدت شعر الولد :اااااااااااااااااااااه ماما سوفيها
الام : شمسويه لولدي انتي
ميرال ببراه : شسويت انا ماسويت له شي شوفيه شمسوي هو
الام : وتتبلين على ولدي
ميرال : طيري زين فاضيتلك انا
______________________
في نفس المكان شلة شباب واقفين
فهد يهزه من كتفه : عزوز عزوز
عبدالعزيز وهو لاهي بجواله : همممممم
فهد ضغط على كتف عبدالعزيز :يحيوان
عبدالعزيز :ياابن ال….. نعم خير شبغيت
فهد يناظر على البنت اللي قداه : شوفه البنت
عبدالعزيز ياشر عليها : تقصد دي
فهد شد شعر راسه : يلعن …. لاتاشر جعل ايدك الكسر
عبدالعزيز بدون اهتمام : نعم شفيها
فهد : مو كان من اول ماجينا وهي ماشالت نظرها عنك
عبدالعزيز : تلقاها وحده من بنات الشوارع تنتظر الرقم ماعليك ككمل شغلك بس
فهد تنرفز : زين زين محد يقولك شي
عبدالعزيز :كل تبن وطس عن وجهي فاضيلك انا
______________
رفع سماعة التلفون اللي ازعجه من كثر الاتصالات : الو_ايه _زين _زين _لاتتصل الا لو كان شي ضروري _ماعليك كلام بزران اليوم يهدد وبكره نشوف وشبيسوي
ياسر : تكفى انا ماابيك تتاذى وانا حذرتك
غازي يكتب ع الاب بدون لايعطي كلام ياسر اهتمام :اوك في شي ثاني
ياسر بقلة صبر : بس
غازي ضحك من قلب :هههههههههه قوله اعلى مافي خيلك اركبه ويلا باي لاتتصل الا لو كان شي مهم
ياسر :انشاء الله مع السلامه
غازي : مع السلامه
رمى الجوال بقووه : اوف ناس فاضيه
جلست تسويله مساج : اممممم
غازي فهم عليها وبدون لايلتفت : اخلصي شبغيتي
رواح ابتعدت عنه بمسافه كبيره او بالاصح راحت بجنب الباب:غـ..غـ.. غــازي انا ..انا منو بنته منو انا ليه مااذكر شي من ماضيا مااعرف مين اهلي من وين جيت
غازي طالعها باهتمام وببرود قاتل : مي نقالك عن كدا موضوع
رواح ولاول مره تتجرا رفعت صوتها : خلاص غازي حرام عليك انا تعبت تعبت مابي منك شي اتركني اعتقني لوجه الله مابقيت فيني شي سالم تراني مجرد حطام انت ليه كدا ليه ماتحس عذبني اقتلني انت حر بس ابي اعرف انا مين انا مين بنته انا من وين جايه كل اللي ذكره انت وانت بس من فتحت عيني وانت بس الللي اذكره ليه مااذكر شي عن حياتي
*سكتت شوي تبلع غصتها والدموع بعيونها *
غازي رفع رجله ع الطاوله وبهدوء: كملتي
رواح : انت انت بدون احساس لو
قطعها :عدم معرفتك افضل لك صدقيني
رواح ناظرته نظرت رجا : تكفى علمني قول
غازي رفع ايده يشوف الساعه : اوه تاخرت المهم اليوم ابي انقل لشقه جهزي اغراضنا لما بيتنا يجهز
رواح : انـ ..انشا.انشاء الله
قام اخذ مفتاح سيارته والجوال مشا لما عندها بعثر شعرها : عفيه دوم ابيك تسمعين الكلام نصير حلوين احسن لنا كلنا يلا باي
رواح : موت الله لايردك
_________________
:يمه
ام عبدالرحمن :هلا يمه بغيت شي
عبدالرحمن: يمه انا ابي ابي
ام عبدالرحمن : اخلص شتبي
عبدالرحمن : يمه انا ابيك تخطبين لي
فتون جت على طارري الخطبه :كلووووووووووويييييييييش واخيرا واخيرا *مسكت على قلبها * اه احس بتجيني جلطه * وبطريقه مسرحيه * ومن هي تعيسة الحظ اوبس اقصد سعيدة الحظ
عبدالرحمن لف لفتون ث رد يناظر امه :وانتي مين كلمك ملقوفه
فتون شهقت وحطت ايدها على صدرها : يرضك يمه يرضيك يقول عني جذي صدق اخر ززمن تقول عن اللي اكبر منك كدا
عبدالرحمن بتافف : اوف ااسكتي واللي يرحم والديك اكبر مني بكمل دقيقه مسويتلي محاضره
فتون جلست تناقز :اهم شي اكبر منك
___________
كانت تتافف مو عارفة وش تلبس طلعت كل اللي بالدواليب وكانت ضايعة بين ملا بسها وفي الاخير لبست تنوره قصيرة تحت الركبه بشوي ماسكة على جسمها فيها بلون بحري ولبست بلوزة اسورية بنفس لون التنوره بحري وجاكيت عشبي باكمام طويلة وبنهاية الجاكيت فيونكة بلون بحري ورفعت شعرها المتبعثر بتوكة عشبية وولبست صندل عادي واطي عشبي لونة (اعرف مافي تنسيق بالبس بس كذا كانت لابسه وطالع شكلها خطير عاد انتو تخيلو )
طلعت من غرفتها ماشافت امها بالصالة راحت المطبخ وهي تغنني وتدن دن
شافت امها تنظف المواعين غنج راحت لها وهي مبوزة و اخذت الطاسه من ايد امها وبنبره تانيب : يمه كم مره اقولك لاتشتغلي لا تشتغلي يا يمة ي حبيبتي ناديني وانا اللي بنظفهم عنك وبعدين وين الخدامه عنك .
ام عبد العزيز : لايمه انتي روحي ار تاحي شوي والخدامه عاد كاسره خاطري تقول اشتاقت لطفالها عاد عطيتها اجازه تسافر
غنج: يومه مو من صجك تحجين
ام عبدالعزيز : يلا روحي شوفي اختك جت ولا لسى
غنج ماحبت ناقشها حطت الطاسة على الغسلة ومسكت امها من كتفها وطلعتها من المطبخ وقالت لها لا اشوفك يم هالباب روحي ارتاحي ي الله ودخلت وقفلت باب المطبخ ورها غنج تهز راسها وهي تضحك : هههه الله يهديها ماتقدر تجلس بدون لاتسوي شي اخاف زعلت مني ي الله وشمرت اكمامها وراحت تنظف
وبسرعة كملت ووطلعت عدلت شعرها وحطت مكياج مرا خفيف ا كتفت بروج وكحل وفرند
_____________________
طلع من العمليه والحمدلله مشت تمام ضلت 8 ساعات كانت اصعب واطول عمليه يسويها بحياته سجد شكر لانه انقذ هذي الروح البريئه فتح جواله يشوف ايش اخر شي فتح الواتس : يوه من زمان مافتحت الواتس عليه غبار
كان في اكثر من 500 رساله
اول شي بالقائمه كانت ثلاث رسائل من رقم مجهول
الاولى* سطام الحق *
الثانيه*سطام راقب اختك*
الثالثه * سطام اختك ضاعت*
انصبغ وجه سطام من العصبيه ماعاد يشوف قدامه سواد سواد وفقط سواد
____________________
في كان اخر
كاسات مرمية بالارض طاولات مكسره موسيقى قويه اختلاط وريحة الخمر فايحة وحشيش باختصار شقة #######
جالسه مثل الفرنسيات لمت رجلينها ولفتها مااعرف اووصفها بس انا فاهمه اللي قصدي اياه المهم كانت لابسه فستان قصير نص فخذها لونه احمر اكمامه طويله مففتوحه وتتوسطه فيونكه كبيره بالون الابيض والصدر حروف عربيه بالذهبي ومفتوح على شكل سبعه واطرافه مبروم *وصفي ابو كلب * وصندل ذهبي رافعه شعرها باعواد كان شكله جميل جدا حاطة ميك اب اوفر بالون الاسود وتدرجاته وروج احمر صارخ وبلشر * انتو ادرى بدي الاشياء ماعندي خبره*
جا ثمل يتمايل :تعالي اقصي معايا
ساره بدلع : نو انتظر حبيبي
منال دزتها وابتسمت للرجال : أي زين يصير ارقص ويا كانا
الرجال :فيغرف فوق فاضيه نرقص هناك احسن
منال ابتسمت وباست الرجال على خده : اوك حبيبي
مسكته من ايده وجت بتمشي شوي ويداهون المكان هيئة الامر بالمعروف والنهي عن المنكر
_________________
في المطار
اختفو الشباب اما عن بطلاتنا اعلنوا عن الررحله مسكت ميارا ايد ميرال تركتها ميرال :احد قايلك مااشوف بمشي بروحي
ميرا : يوه ناس تهنا وناس تمنا
ميارا مااهتمت لميرال ومسكتها من ايدها وطلعوا لطياره الترتيب
ميارا بجنب النافذه وبجنبها ميرال وراهاام ميرال وعبدالعزيز من الجهه الثانيه ميرا و مجد وفهد نسي جواز سفره فالغى الرحله الا وحجز رحله تانيه بنفس اليوم بس الا ولايه تانيه قريبه يقدر يسافر بالقطار او السياره حتى الا واشنطن
طارت الطياره هم دحين مستقرين بالهوا كانت ميرال كل ماامسكت شي اختر ب وكانت كل شوي تسال عن امها كل جت ميرا
ميرا : ميارا ابي كتابي اللي اعطيتك اياه
ميارا وهي نص نايمه : عند ميرال
ميرا بصوت عالي : نعم شموديه عند دي العميا
ميرال وقفت ومسكت ميرا : ايه عميا مو انا اللي اخترت العما هو اللي اختارني
عبدالعزيز قرب منهم شوي بيسمع االسالفه
ميرا دفت ميرال ع المقعد : اقول اجلسي بس اوف بجد ثقيلة دم ززود اننا متحملينك على كدا تهاوشين احمدي ربك ماقطيناك بالشارع
ميرال حزت بنفسها : هه ماااكل واشرب من خيرك وانا راضيا اني عميا لاتعايريني
طبعا ام ميرال نايمه ولاكان قلبت الدنيا
جا مجد : اسكتو فضحتونا شنقول للناس الله يتولى العدو انقلعو كل واحد على مقعده وانتي لو اسمعك مره ثانيه تعايري اختك اشوف حسابي وياك
ميرا تخصرت : وش بتسوي ي حظي وبعدين لاتسوي فيها انا الرجال وانا ال… على اخرطي
مجد بقق عيونه : انا اخرطي اوك انا اخرطي بس بعدين حتحتاجين الاخرطي واحلمي تشوفيه
ميرا : ابركها من ساعه يوم تموتون
عبدالعزيز رجع راسه على ورى
• اه بجد انا ظلمتها حكمت عليها ياقلبي عليها كانت عميا وانا كنت اضنها استغفر الله ان بعض الظن اثم بس دحين بعد ايش الندم طعنت بشرف البنت ماشاء الله عليها على مرضها وتعبها وانها ماتشوف انها باره بامها هذيك عمتها ولا ايه حطه دوبها من دوب هالمسكينه يوه شعلي منهم ماعلي المهم بنام تعبان ياقلبي ي فهيدان ههههه راحت عليك الرحله تستاهل ماتسمع الكلام *

______________
جالسه تسوي كيكة بالمطبخ
ام غازي بحنيه : يمه
رواح ابتسمت : هلا يمه بغيتي شي
ام غازي : سيبي الخدامه تكمل الكيكه وتعالي نطلع نشتري اغراض للزواج
رواح رفعت حاجب بستغراب: زواج مين
ام غازي اخدت الخلاص من ايد رواح : زواج مريم بنت شيخه
رواح :مين دي مااعرفها
ام غازي ضربت راسها بخفيف: يوه نسيت ان ماتعرفيهم دي بنت جارتنا اللي قبل كم يوم قلت لك رادة من البعثه
رواح :ماشاء الله انخطبت
ام غازي : أي والله
رواح : ان شاء الله امي احطه بالفرن واتجهز
دخلت الكيكه الفرن وباست راس ا غازي وطلعت دارها تجهز نفسها وهي مقرره ماتقول لغازي عن طلعتها ابد عشان مايمنعها
كانت تمشي و :ااااااااااااااااااااااااااااااه

مخرج
الـعقل نعمہْ لو تشوف المہآبيلـ ••
والغدر نآدر في زمآن الذيآبـہ

_____________
انتهىى البارت الاول
اسئله
-ايش اللي كان مكتوب في جوال الريم وهل رح ياثر هذا في علاقتها باهلها
– مين البنت اللي كانت تكلمها ميرال في الجامعه
– هل رح ينتقم احمد من غازي وايش سبب الكره اللي بينهم
– رواح ليه غازي يعاملها بقسوه وليه ماتذكر شي من ماضيها باختصار ايش ماضي رواح
– مين البنت اللي يحبها عبدالرحمن
توقعاتكم لابطالنا
[/size]

افا لاردود ولا مشاهدات

رهيييييييييييييييييبه الروايييه وربي ابدعتي
استمري وانا من متابعينك وان شاء الله تكمليها للنهايه
كمان ياليت تترجمي الكلمات الانقلش ^^
ودي لك <3

اهلا شوشو
شكرا ع التشجيع
انشاء الله حنزلها كامله
والترجمه حنزلها مع البارت الجاي انشاء الله
ومشكوره ع المرور
اسعدتيني

جججججججججججججمممممممممميييييييللههههه

هههههههه مشكوره عيونك اجمل

ما ادري حسيت اني ضعت في البارت يمكن عشاني ما قريته متواصل ..

بس احس فيه اشياء ما فهمتها ولا ادري ويش صلة الابطال ببعض ..

عبدالعزيز بيحب ميرال و يمكن يتزوجها و يعالجها..

لكن الشخص اللي كان واقف ويراقبهم بالمستشفى اللي فهمته هو نفس الشخص اللي صدمها و جابها للمستشفى شلون يروح كذا من غير لا احم ولا دستور طيب يقدم اعتذار ينتظر الدكتور يطلع يتطمن..

بعدين انتِ كتبت انها طالعة من الجامعة و حست نفسها بالهواء بعدها بشوي كتبتي انها بتنزل تشتري ايس كريم..؟!؟!؟!؟

رواح و غازي هم اكثر شيء حبيتهم.. بس قصة غازي ما احمد ما فهمتها.. رواح اكيد لها اهل بس ايش اللي صار معاهم ما ادري..

ميرا جعلك الماحي ان شاء الله .. الشكليات السطحية هاذي اللي ودك تنسفينها من على وجه الارض..

سطام حسيتة طيب و حبوب خسارة تكون سارة اخته..

ننتظر البارت الجاي و ان شاء الله يكون اووضح عشان نربط بس الاحداث.. لاني حسيت اني مو فاهمة بعض الاشياء و انا اقرأ..

ان شاء الله ما يزعجك ردي..

موفقة باذن الله..

ضحكة قهر..

ههههههههههههههههههه
حق الجامعه بالغلط كنت بعدله بس شكلي نسيت
الابطال بينهم صله وفي البارت الجاي حتفهمين لقصه صح ههههههه
والشخص اللي كان يراقبهم ماكان اللي صدمها هو شخص ثاني
غازي واحمد قصتهم دحين حتعرفيها بس انتظري البارت الجاي وحتفمهي كل الحكايه
لاابد احب اللي يشجعوني اكمل وبنفس الوقت يتنقدوني احس اني مسويه شي عظيم
هههههههههه مشكوره ع المرور