روايتي الاولى:ألين اليوم وفراقك هو الأصعب كرهت الناس حتى صرت أكرهني 2024.

أنا يا سيّد أحزاني .. تعبت : أتعب
أناظر صورتي .. ماعدت أشبهني !

….

جالسه على البلكونه بالقصر الكبير اللي هي عايشه فيه وحاسه فيه ببروده قارصه بروده تخرق جسدها النحيف
برد تعودت عليه ثلاث سنواات الهواء كان يحرك شعرها داخلها كان يبكي بس دموعها جفت من كثر مابكت البكاء
بالنسبه لها صار شبه مستحيل صارت تبكي بداخلها بس من برا ماعاد تعرف شي اسمه دموع الا قليل حركت شعرهها بيددها
وقفت وهي تدخل وتسكر شباك البلكونه وتسمع صوت الباب
ينفتح ورسمت ابتسامه مصطنعه هي تعودت ترسمها وقالت : هلا مشاعل
مشاعل ببتسامه:اليوم حفله ذكرى زواجكم انتي ومحمد عسى الله بهالذكرى يفرحكم بالمولود
هزت راسها وهي تتصنع الفرحه وقالت:ايهه من يصدق اننا كملنا ثلاث سنوات وبنمشي بالرابعه
مشاعل قربت منها وباستها وحضنتها وقالت:ادري بس ناقصك طفل
الله يرزقك كثري دعاء وانا بدعي لك نسيم حنا كلنا ندعي لكم
نسيم ببتسامه :حبيبتي تسلمين امين انا عارفه هالشي وعارفه شكثر تتمنون اني احمل الله كريم ان شاء الله
مشاعل ببتسامه:يلا انا بنزل لاننا جالسين نجهز لذكرى زواجكم
هزت راسها نسيم وهي تقول : اوك
طلعت مشاعل ونسيم قربت لصوره تجمعها هي ومحمد وابتسمت ابتسامه جانبيه بارده وقالت :الكل يعتقد اننا زوجين سعيدين الا احنا عارفين ايش هي الحقيقه
وبيدينها الصغيره لمست وجه محمد بالصوره وقالت:انت اكبر جرح بحياتي انت اكثر انسان اذاني انت اكثر انسان
انا اتمني اغمض عيوني وافتحهم وماااشوفك وسكرت عيونها بقوه وهي تعتصر الالم بقلبها وقالت:وزي كل سنه راح نتصنع
اننا مبسوطين اننا مع بعض اخذت نفس عميق وتنهدت وهي تبتعد عن الصوره وتدخل الحمام عشان تاخذ شور
يريح اعصابها اللي تتلف كل سنه بهاليوم بالنسبه لها هاليوم كابوس مو ذكرى زواج

….

….

….
بنفس القصر الكل محتاس ويجهزون ويتصلون على محلات الحلويات وعلى المعازيم والكل بالنسبه لهم هاليوم لازم يحتفلون فيه ذكرى زواج ولدهم الوحيد
مشاعل بصوت عالي تصرخ:زهور الورد وصل
زهور :اي وصل لاتصرخين كلمي محل الحلويات لايتاخرون والكيكه لاينسونها
مشاعل:اوكي وخلي ورد توزع الورود بالقصر وتضبطه نفس كل سنه
زهور:اوك وترا الكوافيره جايه بالطريق وراحت تكلم محل الحلويات
زهور وهي تمشي بعجله صدمت بمحمد ورفعت راسها وهي تحكه وقالت:عورتني ياخي انت ماتشوف
محمد رفع حاجبه وهو يقول:انا والا انتي طايره
زهور:اي تعرف اليوم يومك انت ونسيم ماعندي وقت بنخلص مابقي شي وتجي الكوافيره وتسوي نسومه
محمد وهو مبتسم:ماتقصرون بس وين الغاليه
زهور بعباطه:مين نسومه
محمد:لاتستهبلين اقصد امي
زهور بضحكه:ادري امزح معك بالمطبخ
محمد:يلا فارقي ومشي وخلاها مصنمه تدور جبهتها خخخ
دخل المطبخ على امه وهو مبتسم وهو يشوفها زي كل سنه تشرف على الاكل والخدامات والاطباق وقال:يعطيك الف عافيه يالغاليه
ناظرته وقالت:محمد زين جيت هالوقت ماتاخرت
محمد قرب منها وباس راسها وقال:انا اقدر اعارض اوامر الغاليه اللي طلبتني اجي بدري
ام محمد ببتسامه:الله يسعدك يايمه شفت حرمتك
محمد :لا ماطلعت للجناح
ام محمد:اجل اطلع جناحك لين نخلص
محمد:ان شاء الله وطلع من المطبخ وتوجه لفوق وصل للجناح ودخل وهو يشوف نسيم تنشف شعرها بالاستشوار بدون مايتكلم دخل وهو يتوجه للحمام
نسيم من دخل الحمام تنهدت وهي تقول:يارب مايكرر كلامه القاسي لي زي كل سنه بهاليوم يارب يرحمني
وظلت تستشور شعرها
طلع محمد وهو يفتح الخزانه وقال :بجامتي وين
نسسيم طفت الاستشوار وقالت:ليش بتنام
محمد رفع حاجبه وبعصبيه قال:انتي وش دخلك انام او الا لا جاوبي على قد السؤال
نسيم وقفت وهي تقول:ان شاء الله
وقربت للخزانه وهي تسمعه وهو يتمتم ويقول:مابقي الا استاذن لابغيت انام
طلعت البجامه وهي تمدها له وقالت:تفضل
سحبها من يده ودخل غرفه التبديل وبدل وطلع وطفي الضوء وهو يشوف نسيم تستشور وانسدح وقال:برا الغرفه يلا
ماستغربت لان هذي هي حركاته معها كل يوم قامت وطلعت من الغرفه وهي تنزل تحت وتشوفهم كلهم مختبين بالحفله
وابتسمت وهي تقول بداخلها:انتم ماتدرون ماتدرون وش الحقيقه اللي نعيشها من ثلاث سنيين يمكن لو تدرون
بتكرهوني زي ماهو يكرهني الحين الحقيقه اللي جالسه تقتلني من داخل تقتل انوثتي تقتل قلبي تقتل مشاعري نزلت دمعه
مسحتها بسرعه وهي تقول:لسه باقي فيك ياعيوني دموع وابتسمت وهي تروح عند البنات وتشغل نفسها معهم عشان ماتفكر بشي
زهور ناظرت بالشغاله وهي معها فستان وقالت:هاه نسيم وصل فستانك
نسيم ناظرت الفستان وابتسمت وهي تقول للشغاله:حياه عطيني الفستان
مشاعل:ليش خليها تطلعه لك فوق
نسيم:لا حبيبتي انا بطلعه
مشاعل:طيب براحتك ترا الكوافيره قربت توصل
نسيم وهي تهز راسها:طيب
واخذت الفستان وطلعت فيه فوق ومع كل خطوه تدعي ربها ان محمد يكون نايم ومايهاوشها لادخلت وازعجته
وصلت للجناح وفتحت الباب بشويش وهي تدخل وتشوفه نايم وتتنهد براحه وتدخل غرفه التبديل وتعلق الفستان جنب فساتينها اللي ماليه الخزانه
وهي تناظره فستان احمر ناعم يمثلها تمام وهاللون هي تدري انه لون محمد المفضل اللون اللي كان يحب يشوفه عليها ابتسمت لذكريات وهي تقول:كان زمان
يانسيم كان زمان مسكت دفتر مذكراتها وهي تجلس على كرسي ف غرفه التبديل وهي تفتح صفحه فاضيه
وتبداء تكتب كل شي تحس فيه بهاليوم اللي ينعاد كل سنه بدت كتابتها باسم محمد
"انا مجرد فتاه لم يحالفها الحظ مجرد فتاه تالمت من سن الثامنه انا فتاه تحطمت من الطفوله انا يتيمه الام يتيمه الاب والاهل
يتيمه الحظ ويتيمه الحب انا يتيمتك رغم وجودك اعيش معك ولكنني اتالم وكانني يتيمه ولا اعيش انت بقربي ولست بقربي
تالمني عباراتك المتكرره انا اعلم ماهو الشي الذي سببته لك ولكنك المتني اضعاف هذا الالم قتلت انوثتي وقتلت
امومتي وقفت عن الكتابه وهي تحط يدها على بطنها وهي تقول:سامحني ماما قتلتك قببل تجي لهالدنيا كانت تحس
انها تتمزق من داخل تبكي من جوا بس دموعها ماتنزل مسكت قلمها وهي تكمل كتابتها "بالرغم من
جرحك وتدميرك لي الى انني لازلت اشعر بك تنبض بداخلي وبنفس الوقت اشعر تجاهك بكره شديد
شعور صعب اوصفه او افسره لنفسي بس انت ودق جوالها وردت على طول عشان محمد مايصحى
على صوت الجوال وهي تقول:هلا مشاعل …طيب يلا نازله .. سكرت جوالها وهي تناظر دفترها وسكرته وحطت القلم عليه
وتركته على اساس ترجع له بعد ماتخلص منها الكوفيره ونزلت لتحت ودخلت لغرفه خاصه بالكوافيره هم مسوينها
وابتسمت وهي تمد يدها للكوفيره:هلا والله
الكوفيره وهي تصافحها:هلا فيك يلا نبدا
نسيم ببتسامه:اوكي
وجلست وهي تسلمها نفسها تماما بعد ثلاث ساعات
نسيم وهي توقف:خلاص اروح اشوف نفسي
الكوافيره:اي تفضلي
نسيم وهي مبتسمه طلعت للمرايا اللي برا وناظرت نفسها كانت جميله جميله جميله التسريحه الناعمه والخصل النازله
والروج الاحمر والفرنسي اللي مبرز عيونها سرحت لثانيه وهي تتذكر كلمه وحده:انتي قمري نسيم قمري لحالي
بسرعه رجعت للواقع وهي تروح للكوافيره وتقولها ببتسامه:يامال العافيه ماقصرتي الفلوس عطاك اياها السايق صح
الكوافيره:ايوا وحنا بالسياره عطاني مشاء الله قمر الله يحفظك
نسيم وهي مبتسمه:الله يسلمك حبيبتي
الكوافيره:يلا انا استاذن الحين
نسيم:حياك الله
طلعت الكوافيره ونسيم طلعت على طول للجناح
وفتحت الباب ومالقت محمد بالسرير دخلت غرفه التبديل وشافته وهو ياخذ الدفتر وصرخت بسرعه:لااا
محمد لف بسرعه وهي يشوفها كيف طالعه تهبل وقال:خير ان شاء الله
نسيم قربت منه وسحبت الدفتر:هذا خاص فيني مو من حقك تقراه
محمد وهو يحرك راسه قال:اوك اساسا كنت راح ارميه بالزباله
نسيم بقهر:اي عادي مابيكون اول شي لي ترميه بالزباله
محمد وهو يناظرها من فوق لتحت:بس قولي الحمدالله اني مارميتك انتي بعد بالزباله
نسيم وهي تمر من جنبه:تسوي خير على الاقل ارتاح منك
محمد سحب يدها بقوه وبعصبيه قال:اساسا انتي تحمدين ربك اني اخذتك وانتي عارفه هالشي والا مين بيفكر ياخذك وانتي وهز راسه وبضحكه قال:خليني
ساكت احسن واحمدي ربك انا عيشتك ف نعمه عمرك ماحلمتي فيها حياه ماتوقعتي تعيشينه قصر وفلوس وعز ومجوهرات
نسيم بلعت غصتها وهي تحاول تفك يدها اللي ماسكها بقوه وقالت:الموت بالنسبه لي ارحم من العيشه معك ادعي ربي كل ليله يريحني منك وياخذني
محمد ترك يدها وهو يضحك بصوت عالي وقال:اللهما امييييين
نسيم هزت راسها وهي تحس بخنقه وقالت:اساسا انا اكره هاليوم لانه يذكرني باليوم اللي تزوجتني فيه واللي صرت فيها حرمتك اكرهه
لاني مجبوره امثل فرحتي بهاليوم وهاليوم هو اتعس يوم بحياتي اتعس يوم
محمد وهو يناظرها:نفسي اصدقك
وطلع من الغرفه وتركه نسيم جلست على الكرسي وهي تاخذ نفس عميق بالنسبه لها الرد على محمد شي
كبير انجاز عظيم سكوتها وصمتها بهالثلاث سنوات هو سبب وصولهم لهالمرحله تنهدت وهي تقول:يارب الهمني القوه اكثر واوااكثر
وقامت وهي تاخذ فستانها وتدخل تلبسه

….
….
….
….

بجهه ثانيه بنفس القصر دخل للغرفه الخاصه فيه الغرفه اللي مستحيل احد يدخلها غيره قفل الباب على نفسه
وشغل الضوء وهو يتنهد بقوه ويناظر لصور اللي ماليه الغرفه اللي كلها صور نسييم كان يناظر لصورها بكل حب
بكل وجع بهالغرفه هو يستسلم لكل شي لمشاعره لحبه لدقات قلبه اللي تدق لها لكل شي يحس فيه تجاه نسيم
قرب لصورها وهو يلمسها هو بس لصورها يقدر يلمسها يقدر يبوسها ويتاملها نزل الصوره وقرب لمكتبه وفتح الدرج
وطلع شالها وهو يشم ريحته بقوه وهو يقول:ليش سويتي فينا كذا ليش خدعتيني والمتيني ليش انا احبك نسيم والله احبك موت
انا عايش عشانك انا قبل مااجرحك اجرح حالي انا وسكت وهو يتذكر نفسه لم نسيم دعت على نفسها وهو قال امين وصار
يستغفر ويردد :ربي خذ عمري قبل عمرها حبيبتي سم الله عليك عسانى اموت قبلك عساني ماذوق حرتك وصار
يشم شالها بقوه وهو يردد عسى يومي قبل يومك عسى يومي قبل يومك

….

….

….

….

الضيوف بدت تدخل للقصر والشموع بالقصر مشتعله والزهور ماليته ورائحه البخور تفوح بكل القصر
والخدم يقدمون التوزيعات
مشاعل وهي تنزل من فوق وشافت بنات خالتها ابتسمت وهي تقرب منهم وتسلم عليهم وقالت:حيالله القاطعات
المعرسات
رشا:والله يامشاعل حنا راعيات بيوت ورانا رجال وبزران موب زيكن عاطلات باطلات
زهور وهي تنط عليهم:كاني سمعت عاطلات باطلات
رشا:اي اي عليكن
زهور:ترا حتى حنا بزي انا دراستي ومشاعل المستشفي
رشا:صح وحنا وخواتي معرسات
نوره:خلاص خلاص لاتطولون بهالسالفه نبي فله
حصه:اي والله يكفينا مغثة رجالنا
مشاعل بضحكه:الله يعينكن يارب نحمدك على هالنعمه

….

….

….

….

بجهه ثانيه
ثنتين يتساسرون
:والله اني مقهوره حرام هالنسيم تعيش بهالقصر
ردت عليها بقهر اكثر:اساس هي مين وبنت مين ومن وين جت
:والله اني كل سنه انقهر مفروض محمد يكون لي انا اولى فيه
ضحكت وهي تقولها:اخ بس كان الحين انتي عايشه بهالقصر
:انا بموت من قهري بموت
حطت يدها على كتفها وقالت لها:ماعليك حنا بتلاقي طريقه وبنطلعها من هالقصر

….

….

….

….

كانت جالسه قدام التسريحه وهي حاسه بكتمه خنقه ماهي مبسوطه هاليوم بالنسبه لها يوم حزنها مو يوم ذكرى زواجهم
كانت تناظر صورتهم وهي تختنق وتردد وتسال له بالصور:بس بعرف حبك لي وين راح ليش دفنتني وقتلتني انا ادري
اني خدعتك واني ماستاهلك بس ماكنت ادري اني بحبك والله ماكنت ادري انا ماكان لي اهل انا مالي ولا اب ولا اخوان ولا خوات محمد
انا يتيمه من طلعت على هالدنيا بهاليوم هذا تحس بضعف شديد تجاه محمد تحس انها محتاجته ومحتاجه يعاملها معامله غير بس هالشي مستحيل كل معاملته
بهاليوم مجرد تمثيل بس هي بهاليوم تكون ضعيفه اكثر من اي يوم ..
سمعت باب الجناح ينفتح وناظرت محمد وهو يدخل ناظرها محمد وهي تلف وجهها عنه وناظرها من فوق لتحت جسمها النحيف شعرها البني الناعم
وفستانها الاحمر الفاتن وابتسم وهو يقول ياليتني ماعرفت اللي عرفته ياليتك ظليتي على نفس صورتك اللي عرفتك فيها اول ماعرفتك اه يانسيم اه
حس بنفسه وراح لغرفه التبديل نسيم كانت وقفته موترتها بس راح تنهدت وهي توقف وتتعطر وتجلس على السرير
تنتظر محمد يطلع عشان ينزلون مع بعض كالعاده زي كل سنه ويتصنعون انهم عايشين احلا حب وانهم مبسوطين مع بعض ومتفاهمين
طلع محمد وهو مرسم وريحه عطره تفوح معاه نسيم لفت على ريحه عطره اللي تعشقها وناظرته وهي تحس ان قلبها راح يطلع من مكانه من قوت مايدق
محمد وهو يشوفها كيف تناظره كان يحس بنفس احساسها
قلبه كان يدق بكل قوته وده يحضنها بقوه ويقولها شكثر يحبها شكثر يعشقها عشق جنوني بس بسرعه حس بنفسه وقال:مطوله
نسيم انتبهت لحالها وهي تشوفه كيف رافع حاجبه وقفت وهي تقول : معليش مانتبهت
محمد ببتسامه جانبيه:مو مشكله يلا ومشي قدامها وهي مشت وراه وهم يطلعون من الغرفه ومحمد يدق على اخته مشاعل
محمد:مشاعل حنا بننزل الحين شوفي الحريم عشان يتغطون …طيب يلا مع السلامه
سكر وناظر نسيم وحاسها متوتره وقال:لو ماكنت اعرفك واعرف انتي ايش بالضبط كان صدقت انك متوتره وانك خجوله
نسيم ناظرته وهي حاسه قلبها بيطلع من صدرها وقالت:ياليت بهاليوم بس تراعي مشاعري
محمد بتريقه:اوه ليش هو انتي عندك مشاعر اساسا
نسيم بضعف وقهر قربت له ومسكت يده وهي تحطها على قلبها وقالت:لو ماكان عندي مشاعر ماكان قلبي دق بهالسرعه لاني بجنبك
محمد ناظر عيونها وهي تناظره بعيون عاشقه وضعيفه للحظه كان بينسي نفسه ورفع يده وهو يلمس وجهها وقال بصوت مشتاق:قمري
نسيم سكرت عيونها بقوه وهي حاسه انها بحلم من زمان ماسمعت هالكلمه منه ومن زمان مالمس وجهها وحست بيده
…كح كح
محمد ابعد بسرعه وهو يشوف اخته
نسيم فتحت عيونها وهي تناظر مشاعل
مشاعل بضحكه:خربت جوكم معليش بس لاحقين على بعض
محمد بجديه:لايكثر وبعدين خلصينا ننزل
مشاعل:اي يلا انا بنزل دقيقه وانزلو
محمد:اوك
نزلت مشاعل ومحمد ناظر نسيم وهو يقول لها:يلا تعالي نكمل تمثيلنا اللي تو
نسيم ناظرته وهي متحطمه يعني هو معتبر اللي سوته تمثيل وقالت :اوكي يلا وقربت له ومحمد حط يده على خصرها ارتعشت نسيم من يده
محمد قرب لاذنها وهي تحس بانفاسه وهمس لها:تمثيلياتك كلها ماتمشي علي يالنسيم
وسمعو صوت الموسيقي تشتغل ومحمد ناظرها وقال:يلا
وبدو بنزلون من على الدرج خطوه بخطوه ونسيم قلبها يدق بكل قوته رفعت يدها وهي تحطها على قلبها وتضغطه بقوه تبيه يهدا بس ماهو راضي يهدا
ناظرت بالضيوف وهي تشوف البنات اللي كاشفات واللي متغطياات كيف العيون كلها عليهم وصلو لتحت والكيكه الكبيره قدامهم
وعليها صورتهم ابتسمت لاشعوريا ومحمد كان يراقب حركاتها ناظرته وهي مبتسمه ومحمد بادلها الابتسامه
قربت ام محمد وهي تردد عليهم:من العين الله يحرسكم وعسى سنينكم كلها سعاده
محمد ونسيم مع بعض:امين يمه
الكل واقفين ينتظرونهم يطفون الشموع
محمد وقف وراء نسيم وهو يحط يده على بطنها وقال:يلا نطفيها حبيبتي
نسيم ابتسمت له وهم يقربون مع بعض وينفخون عليها مع بعض والكل يصفق لهم بحراره
واخذو السكين وهم يمسكونها مع بعض وويقطعون الكيكه والمصوره تصورهم لحظه بلحظه ونسيم اخذت قطعه من الكيكه واكلته
ومحمد اخذ القطعه اللي بقت بيدها واكلها نسيم كانت تحس انها ملكت الدنيا هي تدري ان كل اللي جالس يصير مجرد تمثيل
بس بالنسبه لها هالتمثيل اجمل تمثيل هي تعيش فيه قرب منها محمد وباس خدها وقال:الله لايحرمني منك يازهرة سنيني
نسيم ظلت تناظره وهي ودها تبوسه بس ماهي قادره تخاف من ردت فعله بعد مايطلعون فوق
مشاعل وهي تقرب منهم:يلا الساحه لكم ترقصون ياحلوين محمد ابتسم وعيونه على نسيم اللي حاسه بتوتر وسعاده كبيره ومسك يدها
وسحبها له وصدمت بصدره وهي تناظره بسرعه وابتسمت له وهو يشدها بيده اللي وراء ظهرها اكثر
ونسيم شبكت يدها على يده الثانيه وهي تحس انها بتدخل داخل صدره الكل كانو معجبين فيهم كل الحريم يتمنون لبناتهم واحد
مثل محمد وكل البنات يتمنون حظ مثل نسيم
محمد قرب راسه من اذنها وهو يتنفس بقوه وقال:تدرين وش اتمني
نسيم وهي تحس بانفاسه قالت وعارفه انه بيكسر فرحتها :تكفي مابي اعرف
محمد كان مستمتع وهو يشم ريحتها بس مايبيها تحس بهالشي ضعفه تجاهها مايبيها تحس فيه وقال:اتمني ان الزمن يرجع لوراء وماكون عرفتك
نسيم اختفت ابتسامتها وقالت له بصوت هامس:انا بس تمنيت اموت ولا اكون زوجتك قتلتني يامحمد الا متى
محمد وهو يسكر عيونه بقوه وخر عنها وناظر اخته وهو يقولها :احنا بنطلع فوق يكفي
مشاعل وزهور بضحكه:الله معكم
ورود:حفظكم الله
ام محمد:الله حافظكم يايمه
محمد سحبها من يدها وبس طلعو على الدرج وماحد يشوفهم سحبها بسرعه ونسيم رفعت فستانها
وهي تركض بكعبها وتقول:محمد بطيح لحظه محمد شوي شوي محمد تعورني
بس محمد ماكان يرد عليها لين وصلو للجناح ودخلو ودفاها على السرير
نسيم لفت عليه وهي تمسك ساقها تحسها المتها وقالت:شفيك انت انجنيت
محمد وهو ياشر لها باصبعه بعصبيه:ان سمعتك تقولين اتمني اموت ولا اكون تزوجتك باخليك تندمين يانسيم والله
نسيم ضحكت وهي منقهره وقالت:اكثر من كذا ندم بتخليني اندم ماعتقد
محمد ماقدر يمسك نفسه وقرب منها وسحبها من يدها وهو منفعل وقال:مو كافيك انك ضحكتي علي مو كافيك
نسيم وهي تتالم من مسكت يده قالت له:انا بس ضحكت عليك بس انت وش سويت فيني هاه انا اجبرتني
انت اعتديت علي وقتلت ولدي قتلته وماكفاك هالشي انى بعد
محمد حط يده على فمها وهو يقولها:بس اسكتي بس مابي اسمع شي اسكتي.
نسيم وهي تناظر شكله وخرت يده وقالت له:والله غريبه واخيرا حسيت وتالمت على الاقل تحس زيي نفس احساسي تحس فيه الحين
حس بوجعي حس بكل شي قتلته بداخلي انا مت بهالقصر اندفنت انت دفنتني هنا بهالمكان اللي ماحس فيه الا بالبرد
محمد يناظرها وهي منفعله بس ماشاف ولادمعه نزلت منها قال:اول لما كنتي تتضايقين مني كنتي تبكين بس الحين ماشوفك تبكين
نسيم بنفعال:جفت دموعي على كثر مابكيت انت اساسا ماتستاهل دمعه وحده من عيني بالاول عمي والحين انت كلكم قضيتو على حياتي كلكم حتى تانيا معكم
محمد بسرعه قاله:لحظه لحظه عمك وش سوا لك وتانيا مو تكون صديقتك
نسيم دفته عنها وهي تقوله:مالك شغل ماسمعتني بالاول وانا مابقولك شي الحين
محمد وهو يقرب منها:نسيم والله ان
نسيم قاطعته صراخ:اللي تبي تسويه سواه ماعاد انا خايفه منك برافو عليك نسيم القديمه نسيم اللي عرفتها ماتت
اللي موجوده الحين نسيم اللي ماعاد تحس بشي نهائيا ومشت للحمام
ودخلت وهي تقفل الباب وتجلس على البانيو وهي تستسلم لدموعها اللي تحس انها تخنقها كل اللي كان يتردد باذنها صوت الطفله اللي تصرخ:بااااااااباااا باااااباااا
حطت يدينها على اذنها وصرخت بصوت عالي :بااااااااااااااااااااااااااااابااااااااا

……