رواية :اه يا دنيا ليه تقسين ما ذقت طعم السعادة إلا معه/للكاتبة:دلال الحربي 2024.

اهلا , كيفكم؟ اتمنى تكونو بخير ..
حبيت انزل اليوم إحدى روايات صاحبتي : دلال الحربي ..

إن شاء الله الروايه تعجبكم و اتمنى تكتبو ردودكم .. اسعدوها !
بنزل الروايه زي ما كتبتها من دون تعديل ..

اسم الروايه :{ آآه يا دنيا ليه تقسين … ما ذقت طعم السعاده إلا معه }

ابدأ بإسم الله ..

" البارت الاول "

كانت تتمشى بأحد شوارع الدمام وهي تتذكر احداث الليله الماضيه ..
نرجع شوي <<< كانو كل عائلتها مجتمعين …
الاب بعصبيه : وينها الكلبه وينهااا ؟؟
الام تهديه : هدي يا ابو الوليد هدي !
ابو الوليد بصراخ : جواااان ! جوانووههه يا الكلبه تعالي هنا بسرعه!..
جوان جت تركض وهي تلهث : هلا يبه ايش فيه؟
ابو الوليد : كلي تراب شنو مسويه بالصاج و القاز ؟
جوان نزلت راسها : والله مو قصدي يبه و ..
قاطعها ابو الوليد : لا تقولي يبه! ماني ابوكِ , انتي هنا مثل الشغاله و بس فاهمه؟
جوان : بس..
قاطعها ابو الوليد : لا بس ولا شيء .. انتي هنا راح تكونين شغاله و راح تدرسين و تجيبين نسبه حلووه , فاهمه؟ " قال بصراخ" سوسن!
سوسن : هلا يبه ؟
ابو الوليد : روحي جيبي المقص من الغرفه !
جوان ارتجفت و كانها عرفت ليش
سوسن بحزن : حاضر يبه و تناظر اختها جوان بحزن و راحت … جابت المقص و اعطته لأبوها ..
سوسن : تفضل يبهه !
ابو الوليد اخذ المقص و مسك اكتافها بعنف و لفها و صارت معطيته ظهرها , مسك شهرها الاسود اللي يوصل لخصرها و قصه إلى رقبتها و قال : من اليوم و رايح بتكوني مثل الاولاد يعني إذا جوو رجال راح تضيفينهم و ترحبين فيهم و بدور لك شغل من الساعه وحده الظهر إلى اربعه العصر .. و بعدها تجين تشتعلين بالبيت و تسوين الفطور و الغداء و العشاء و قهوه العصر و الشاي بعد الغداء , و راح تدرسين بنفس مدرستك فاهمه ؟ و مثل ما قلت النسبه فوق الـ95% "وبزمره"فاااااههههمممه؟؟
جوان و شفايفها ترتجف : إيـــه يــ ـبـ …
ابو الوليد بعصبيه : شنوووو ؟ اييش هااااهه ؟
جوان : حااضر طالـ ـلل عـ ـمرك ..
ناظرت اخوانها الوليد و سامي و هم ناظروها بعد بس حزنوا عليها و صرفوا انفسهم
(للمعلوميه : الصاج هو شيء سطحي دائري .. يسوون عليه الخبز وبس ..)
صحت من هالذكرى على شيء حاااار حاااار احرق خدها دموع ..مسحت دمعتها و هي تمشي مع الشارع الساعه 8 الصباح يوم السبت..
(بخلي الدوامات من الاحد إلى الخميس)
كانت تتمشى على الرصيف مع شعرها البوي اللي قصه ابوها و لابسه بنطلون سكيني اسود و تي شيرت كم طويل بس رافعته للكوع (المرفق) لونها رصاصي عليها كتابات بالاسود و الابيض و جاكيت خفيف اسود و شوز (وانتو بكرامه) اسود و ابيض و رصاصي .. و كان فيه بالطريق دوريه شرطه , عشان اللي يقطعون الاشاره و كذا و الشرطي كان متكي على سيارته و يطالع الرايح و الجاي و شاف جوان تمشي و طاحت عينه بعينها و ظلو يناظرو ببعض و الشرطي رفع حاجبه يعني خير فيه شيء؟ جوان ما سوت شيء كملت مشي وهي عينها بعينه ولما تعدته ابتسمت هذيك الابتسامه اللي طيرت عقله و لما شاف ابتسامتها فز و عدل وقفته و راحت وهو يناظرها لما اختفت و راحت مشي لبيت صاحبتها "صمود" وصلت و دقت الجرس فتحت الباب الشغاله : مين انتا؟
جوان بصوت خشن و بحه : انا ابغا استاذ حيدر!
الشغاله وهي خاقه عليه : إن شاء الله (وابتسمت)
جوان ابتسمت لـ الشغاله و بانت غمازاتها , دخلتها الشغاله للمجلس وهي جلست تنتظر حيدر و طلعت الجوال حق امها اللي سرقته و طلعت من البيت اخذته و دقت على صاحبتها صمود و بعد الرنه الثانيه ردت و بصوت مبحوح كله نوم صمود : ألوووو؟
جوان ضحكت بنعومه : ألو ههههههه .. قومي يا خيشه النوم !
صمود انصدمت و بعدين : هههههه .. والله دايخه شسوي ؟
جوان ابتسمت : يالله صحصحي عندي خطه جهنميه ههههه.. انزلي انزلي انا بالمجلس و.. "سمعت خطوات و بهمس" فيه احد جاي .. باي
ما قفلت الخط …لما لفت شافت الخدامه راجعه ناظرت وراها ما فيه احد , جوان : ؟؟؟؟؟؟
نرجع قبل خمس دقايق لما راحت الخدامه لجناح حيدر <<< كانت بتفتح الباب بس تذكرت ان حيدر بيسألها مين الشخص اللي بالباب و يبغاه على هالصباح . فجلست تتذكر يمكن يكون قال لها اسمها ولما ما عرفت نزلت ..
الخادمه بحرج : انا اسف" وناظرته و خقت " ايش اسم مال انتا؟ " ابتسمت بغباء"
ابتسمت جوان حتى بانت غمازاتها : انا " و بتتذكر سريع" ياسر
الخادمه : اوكي " وراحت"
جوان قعدت تضحك و ردت التلفون لاذنها و صارت تخطط هي و صاحبتها صمود لحد ما جاء حيدر بعد ربع ساعه ..

انتهى البارت***
الاسئله:

صارت جمانه تخطط مع صمود لما جاء حيدر بعد ربع ساعه .. السلام عليكم
جوان : و عليكم السلام *مدت يدها* .. اخبارك؟؟
حيدر : الحمد لله بس مين انت يا اخوي ما عرفتك؟ *_o
جوان : امممم ! .. انت ما شاء الله سمعتك حلوه هنا و كل الناس تعرفك و انا ماني من هنا من خارج السعوديه منشان كذا سمعت عنك و قلت لهم دلوني على بيته و هذاني وصلت لك !
حيدر و هو يبتسم : هلا فيك و الله بس ما عرفتك مين تكون ؟
جوان : انا لي اسمين واحد عربي و الثاني من بلادي , انا ياسر
حيدر : اتشرفنا يا ياسر ..*و تذكر* حياك حياك البيت بيتك خذ راحتك , بروح اقول يجهزون القهوه و الشاي ..
جوان ابتسمت : خذ راحتك فديتك .. ااءءء -_-
حيدر خقق للحظه حس كأنها بنت .. *و راح *
لما راح على طول ادخلت بعبايتها و الشيله على كتفها و بسرعه قربت من جوان و ضمتها بقوه ..: كيفك يا قلبي اشتقت لك *و تشد عليها زود * شصار معاك ليش قصيتي شعرك ؟
جوان ابتسمت بألم : روحي نطريني برا بصرف الاستاذ حيدر و اجيك
سمعو صوت احد جاي صمود بسرعه راحت طلعت برا تنتظر جوان تجي لها
*عند جوان *
دخل حيدر ..وو
نعرفكم بالشخصيات ""
حيدر : شاب وسيم له عيون ناعسه عسليه بشرته برونزيه نحيف معضل يسوي عوارض و خشمه حاد واقف له هيبه و سمعته طيبه و حنون و كل شي عنده اخته ما في اعلا منها بحبها لحد الجنون و عنده شركات كثيره و هو متعاون بمشروع م ابو الوليد(ابو جوان ) الزبده انه غني ما شاء الله .. اممم و بس عمره 28 سنه
صمود: بنت حلوه مره بس مو احلى من جوان و هي صاحبه جوان الروح بالروح طبعاً من اول كتوسط , بيضا عينها مثل اخوها شعرها اسود سواد الليل مثل اخوها و انفها بعد مثله وجه استهبال مثل جوان فمها صغير و مليان توتيه اخوها كل شي بحياتها
ام حيدر توفت قبل 5 سنين فحادث مع ابو حيدر و ابو حيدر دخل بغيبوه 4 اشهر و بعدها مات *الله يرحمه*
نورح لمقهى الـ…… في الراشد
…: لا حول شايف شسوي ابوك بالله عليك هذا ابو والله مو ابو كيف يقول لها تطلع مثل ولد و يقص شعرها , و كل ذت عشان صاج اوووف قول شي يا سامي شنسوي بابوي ؟؟
سامي : يا الوليد هدي ليش انت مو عارف شسالفه هذا الصاج .. مو عاارف ؟؟؟
الوليد بإهتمام : لا والله مو عارف ليش شسالفه ؟
سامي : هذا يا طويل العمر الصاج حق جدتي عطته ابوي من بين كل عماني و قالت له يا ولدي خل هذا الصاج عندك لا يجيه شي اعتبره اهم شي بحياتك لا يصير له شي لانا كانت باخر ايام حياتها قالت حافظ عليه كانه اغلى من روحي و انت اعرف بابوي يا اخوي يتأثر حيل قال والله هو من اليوم اغلى ما في حياتي و بعدها بيومين توفت جدتي و ابوي عايش على هالصاج و هذي هي السالفه يا طويل العمر
الوليد : طيب السالفه ما توصل .. انه يخليها تطلع !
سامي : يا اخوي شنسوي ابوك عنيد الراس
الوليد بحزن على حال اخته و هو يرجع شعره لورا : الله يعينها
سامي : جميعاً ان شاء الله !!!

نعرفكم على عائله ابو الوليد """
الوليد : جمييل جمييل لحد الجنون شعره اسود مرررهه و وجهه حلو و خشمه شامخ سله سيف عيونه وساع حيل و حلواات مرره لونهم ازرق دخاني دائماً مسافر الشغل عنده بكل دوله فنادق شركات و جامعات و غني حييل مشاء الله و عنيد ما في اعند منه ,إذا امر يتنفذ و هو يأمر ما ينأمر عمره 30 سنه و يغار على محارمه و هو متزوج مسيار و كل شهر وحده و ما تطول عنده .. واذا طولت حدها شهرين بس محد يعرف ولا يعلم احد و ما يبي احد يدري يحب اخوانه و اخوه سامي يحمله كل شي .. امم .. معروف بكل بقع الارض و الكل يخق عليه هههههههه بصراحه صااروووووخ
سامي : عمره 27 سنه جميل و حلو يخقق بس الوليد غير , حبوب طيوب كثيير , ممسكه الوليد وحده الشركاته وهو يديرها بنفسو و مسؤول عنها
سوسن : 25 سنه ابوها يقول لها تشتغل وهي مو راضيه , حلوه و تهبل ملامححها انثويه و كيييوت جسمها مخصر , شعرها لتحت اكتافها بني غاامق و مدرجته .. عيونها بنيه و رموشها طوييله و كثيفه , شفايفها تغيره توتيه .. بشرتها بيضا
ام الوليد : (الجوهره) 56 سنه بس اللي يشوفها يعطيها في الثلاثين او اصغر , محافظه على جسمها و بشرتها وهي دكتوره في الجامعه , حنونه و طيبه و تحب عيالها بالحييل ..
ابو الوليد : 58 سنه من رجال الاعمال الكبار , و من التجار المعرفين , و من هوامير البورصه و الاسهم , طيب بس يخفي طيبته بعض الاحيان , بس إذا عصب راح اللي قدامه فييها له قصه مع (جوان )
بطلتنا جوان : 16 سنه ما تتغطى عن عيال خوالها و عيال عمانها وهي مررره استهبال مع اي احد حتى لو ما تعرفه , فيها عربجيه و صرقعه , بس وقت الجد جد .. و ذكيه و فيها دهاء مثل اخوها الوليد , و تفهم لغه العيون مررره .. امممم شكلها , عيونها عسلي مرره واضح طالع على اصفر بشرتها بييضا , شفيفها ما في فرق بينها و بين الفيروز .. رموشها كثيفه و طويله عيونها وساع , شعرها اسود سواد الليل .. كان لخصرها , اللي يشوفها و يكلمها تدخل قلبه بسرعه , عقلها يوزن بلد .. شباب العايله يتهاوشون عليها بس ما تبي احد منهم , مستهبله لحد الجنون .. و فيها عناد و راسها يابس , مثل طباع الوليد مرره .. لها قصه بعدين تعرفونها

نروح الرياض في فله حلووه .. و حولها حديقه مليانه بالورود بجميع الوانها , في الصاله .. جميع العائله مجتمعين
.. .: مامي بروح بكرا لـ السوق
امها : ليش!! و بعدين توك من اسبوع رايحه السوق
… : لا مامي لاني باشتري ملابس الشغل الله يخيك ..
امها : على ما اعتقد ان كبتك مليان ملابس *رفعت حواجبها*
…: لا لا مامي *بدلع* هذول قديمات مررره ابي فريش جديد و بشوف اللي نازلات من السوق , و بروح المشغل بصبغ و اسوي تنظيف بشره , و بروح للخياط عشان يفصل لي عبايه , و كمان برووح..
..: ول ول ول جنانوووه وش انتي بالعه هالصبح ؟.. تقول راديو بطارياته بتخلص هههههههه!
الكل : ههههههههههههههه!!
ما عدا جنان بقهر : جنااادووه الكلب والله لاوريك .. هيين
الاب : باسم الله عليك يا بنتي تعالي بحضني يا قلبي ..
جنان تقهر جناد و تسوي الحركه باصابعها حرره .. : وهه بس فديت ابوي بعد عمري ..
و تجلس بحضنه و تبوس خده : مووواااهه و الله احبك بابي !
… بمزح : هيييه ترا فيه ناس تغار
و يأشر بعيونه على امه و الكل فاطسين ضحك ..
الام انحرجت : هييين يا عزيز ان ما وريتك الشغل ما اكون نوران
و قامت و مطاردات بالنعله (وانتو بكرامه)
و تطارده و هو يدور على ابوه و اخوانه على الكنب متسدحين ضحك
نعرفكم بالعم ابو عبد العزيز
ابو عبد العزيز : 57 سنه طيب و حنون يحب عياله و زوجته اغلى ما عنده , يحب الخير لكل الناس و معروف و عنده شركات و ادارات و مصانع اسمه (عبدالله)
ام عبد العزيز : حنونه و تحب عيالها مثل اي ام في الدنيا عمرها 56 لاسنه تشتغل مع ام وليد وهي اختها ام الوليد اسمها (نوران)
عبد العزيز : هذا صاحب الوليد الروح بالروح , كل اسرار الوليد عنده و كل اسراره عند عبد العزيز .. حلو مره و جسمه معضل بشكل وااااو جمييل شعره اسود لحد رقبته و نازل على عيونه , عيونه سودا تهبل .. بشرته برونزيه مغزلجي تقريباً كل بنات الشرقيه (الدمام) يعرفونه , عمره من عمر الوليد 30 سنه , يسوي سكسوكه و عوارض
جناد : عمره 27 سنه , صاحب سامي مرره , جميل يشبه عزوز كثير بس شعره بني غامق و عيونه كمان بس تذبح عيونه , يشتغل بشركه ابوه
جنان : عمرها 16 سنه , اخت جوان بالرضاعه , مثل طباع جوان كثير عيونها نفس عيون جوان و تشبهها كثير لدرجه بعضهم يقولو انهم اخوات شعرها لاخر ظهرها اسود , تدرس اول ثانويكانت بالدمام بس نقلوا عشان شغل ابوها فيها دلع عفوي مثل جوان