–
مثل النجمه و القمر كبر حبنا و اشتهر
اتمنى ما الاقي ردود سطحيةة مثل – نبا بارت – وين البارت طولتي – يسلمو ع البارت , ويآليت لو بطيتت شوي تقدرون الظروف . . آي نقد او تعليق على الروآيه ! عندكم الرسآيل آلخآصه + آلزوآر آو حتى هني ف نفس صفحه الروآيه تعلقون =) انشاءالله تعيبكم وآشوفف التفاعل وعند نقل الروآيهہ يرجى ذكر اسم الكآتبهہ *ولا غيره سكن قلبي *
– وملآحظهہ : *لا تلهيكم الروآيهہ عن الصلآهہ وطاعهہ ربكم =)!*
البارت الاول
: افففف بعد هذا الأسبوع بنسير دبي اففف ما ابا أسير ( ارمس في التلفون )
: شهووود عاااد لا تتدلعين لازم أتين
انا : هيووو عااد ما ابا أسير ابا أسير العزبه ما ابا أسير دبي
هيا : انزين ( عقب تفكير ) انزززين شو رايج نسير الحين نسير العزبه و يوم الجمعة نسير دبي ؟؟
انا : ( أفكر ) اووكي انزين يلا بسكر باي
هيا : باي ( وسكرت )
شهد : بنت حلوه واايد عمرها 19 سنه قزومه و هي اكبر إخوانها عندها غمازتين الكل حاسدها عليهم شعرها لنص ظهرها و لونه عسلي و لون عيونها بني فاااتح
هيا : بنت خال شهد و هي اقرب وحده حقها و توامها الروح بالروح عمرها 19 وهي اكبر عن شهد ب 6 شهور وهي بعد حلوة نفس شهد عيونها بني غامج و طول شعرها نفس طول شعر شهد و لونه بني
انا : ( اطلع لي ثياب … شوووي جان يدخلون علي كل اخواني )افففف نعم شو تبون ؟
ناصر : والله ما نبا شي بس نبا نطمن على اختنا صح يسوف ؟؟
يوسف : هيه صح و لا فيها شي !؟
انا : ( ابتسمت ) و أنتو حبايبي شو تبون ؟؟ ( أشار على ندوي و حصوص )
ندى : لا والله ما نبا شي بس نبا نطمن على اختنا صح حصوص ؟؟
حصه : هيه صح و لا فيها شي ؟
ناصر و يوسف : ( في نفس الوقت ) لاتقلدوون افففف و بدؤوا يتضاربون كالعادة انزين خلوني أعرفكم على اخواني
ندى : ثاني وحده من اخواني يعني عقبي عمرها 17 سنه حلووة بس مب أحلا عني انا و هيو خخ المهم عيونها بني غامج و شعرها لنص ظهرها ( أهلنا ما يخلون البنات يقصون شعرهم عشان جي نص بنات العايله شعرهم لنص ظهرهم ) و لونه بني و عندها غمازه وحده
حصة : ثالث اخت من عقبي انا و ندوي عمرها 14 سنه شعرها لين جتفها ( شعرها لنص ظهرها لان هي اوونه بعدها صغيره وجي ) عيونها بني و قزومه و عندها غمازتين
ناصر و يوسف : اصغر اخواني و هم توام عمرهم 12 سنه و اثينهم أقزام .. ناصر شعره ناعم عيونه بني غامج نفس لون عيون ندوي و عنده غمازتين .. يوسف بعد شعره ناعم عيونه نفس عيون حصوص و عنده غمازتين ( انا و اخواني كلما عندنا غمازات لان اميه و أبويه عندهم غمازات يعني وراثه )
انا : اففففف خلاص صدعتوا برأسي طول الوقت تضاربون اففف توم و جيري
ندوي و حصوص و نصور و يسوف : ( ضحكوا )
انا : ( ابتسمت ) انزين شو تبون من الاخر ؟؟
ندى : شهووود الله يخللليج الله يخللليج
حصه : ( تكمل وياها ) الله يخليج الله يخليج
انا : اففففف قولوا شووو ؟؟
ناصر و يوسف : نبا نسير وياج العزبه بليييييز
انا : بس !!
ندوي حصوص نصور يسوف : هييييه
انا : انزين ( ابتسمت )
ندوي و حصوص و نصور و يسوف : يسس يسسس ( و يوا حظنوني و باسوني ، بما ان العيد عقب أسبوعين أهلنا قرروا يسيرون دبي عشان يخلصون وجي بس كاان قرارهم خطاا لان الجو كااان غراااام فقلنا حق الأهل ان نحنا ما نبا نسير دبي نبا نسير العزبه و قلنا لهم عادي يعني يوم الجمعة بنسير دبي ووفقوا بعد حن على رأسهم .. يلست ارتب السنطة حق العزبه لان عقب ما يردون الأهل من العزبه بيون الأهل كلهم .. اذن الظهر سرت تسبحت و توضيت و صليت و لبست و حطيت مكياج خفيف عقب ما خلصت سرت عند ندوي أشوفها خلصت و لا !؟)
انا : ندووووي يا الخايسه قووومي الحين بيون قوم هيوي
ندى : اففففف ( تتثاوب ) قومي لااااه خليني ارقد
انا : بل بل عليج شوي شوي شفطينا
ندى : حسد أعوذ بالله بسير عند اميه يخليها تقرا علي ترى أخاف على عمري ترى عيونج بسم الله
انا : تراج وايد تتكلمين على فكره
ندى : أقول طلعي برع ترى عطيتج ويه وااايد
انا : رقدي رقدي نومت أهل الكهف ( و طلعت من الغرفة و سرت عند حصوص و لا أشوف الأخت … ) أعوذ بالله شو مسويه بعمرج
حصة : انزين شو أسوي ؟
انا : تعالي تعالي بسويلج ( يلست أعدلها و اكشخها و طلعت قمر … وجان تتدخل ندوي ..)
ندى : شهوود ابااا .. ( منصدمه ) منوو هاي !؟
انا : بعد منو حصوص ( ابتسمت )
ندى : منو سوا لها جي ؟؟
انا : انا سويتلها شرايج ؟
ندى : حلووو سويلي انا بليييز
انا : بسويلج و امري لله ( و سويت لها و طلعت قمر خلصت جان أسير غرفه ناصر و يوسف و جان اشوفهم عافسين الحجره عفاس ) بلاكم جي عافسين الحجره
يوسف : ما نعرف شو نحط في الشنطة
انا : انا برتب لكم الشنطة أنتو طلعوا برع عشان أحط على راحتي !!
ناصر : نطلع برع ! ليش ان شاء الله ؟!
انا : لا تخاف ما بسوي شي ..
ناصر : انزين ( و طلعوا )
انا : ( يلست ارتب الشنطة و حطيت لهم ثياب حلوه وجي و حطيت لهم عطور ريحتهم حللوه عقب سرت عند الكبت عشان اطلع لهم لبس يلبسونه الحين ) نصوور يسوووف
ناصر و يوسف : ( دخلوا ) هلا ؟؟
انا : تعالوا خلصت البسوا هذا ( أشر على اللبس اللي على السرير ) وهذا العطر ( أشر على العطر اللي في ايدي ) تعطروا فيه عقب حطوه داخل الشنطة الصغيره بس تحملوا لا تخربون الشنطة
يوسف : ان شاء الله في شي ثاني ؟!
انا : هيه تسبحوا و صلوا لا تنسون و اللي ما بيصلي ما بيسير
ناصر : زين زين
انا : ( طلعت سرت غرفتي عدلت شكلي شوي شليت الأيفون أشوف اخر الأخبار مافي شي جان افتح البلاك بيري جان ادخل محادثة هيو شفتها مسويه لي بنق )
ولا غيره سكن قلبي ( انا ) : هلا ؟
الله يا مكبر غلاك ( هيا ) : شهود عرفتي اخر خبر ؟!
ولا غيره سكن قلبي ( انا ) : اي خبر بعد !؟
الله يا مكبر غلاك (هيا ) : شباب العايله كلهم بيون العزبه ..
ولا غيره سكن قلبي ( انا ) : اففف لزقه أكيد نصور و يسوف قالوا لهم
الله يا مكبر غلاك ( هيا ) : احمدوه لو درا عادي ما يخلينا نسير
ولا غيره سكن قلبي ( انا ) : احمدوه خليه علي انا
الله يا مكبر غلاك ( هيا ) : هيه انتي قوليله انتي الوحيده اللي يسمع منج
ولا غيره سكن قلبي ( انا ) : انزين
احمد : يكون اخو هيو عمره 21 سنه شعره لنص رقبته و لونه بني غامج و لون عيونه بني غامج محطي تقويم و عنده اخت توام اسمها شوق و انا اكثر وحده يسمع لي
شوق : توام احمد عمرها 21 سنه شعرها لنص ظهرها وهي صابغتنه لون بني فاتح على عسلي عندها غمازه وحده لون عيونها بني
انا : ( دخلت القروب شفت البنات يالسين يسولفون جان اكتب ) : هلا بنات شحالكم ؟
: اهلين شهود الحمدالله تمام وانتي ؟!
ولا غيره سكن قلبي ( انا ) : دووم يزوي .. الحمدالله بخير دامج بخير ..
برنسيسة (اليازيه ) : ويااج .. دووم
ولا غيره سكن قلبي ( انا ) : تدووووم ايامج .. عيل وين البنات !؟
برنسيسة (اليازيه ) : ما ادري توا كانوا يسلفون وياي ( شوي جان تكتب ) …
: اهلين الحمدالله تمام و انتي ؟!
ولا غيره سكن قلبي ( انا ) : دووم فطوم .. الحمدالله تمام
فاطمة : وياج ..
ولا غيره سكن قلبي ( انا ) : فطوم تعالوا العزبه بلليز بس لا تيبين قوم ميره بس انتي و شواخ تعالوا
فاطمة : ما ادري بشوف اميه عقب بقولج ..
ولا غيره سكن قلبي ( انا ): زين
اليازيه : تكون ربيعتنا 6 سنوات عمرها 24 سنه شعرها لنص ظهرها و لونه أسود ولون عيونها بني غامج
فاطمة : تكون بنت خالة اميه عمرها 17 سنه شعرها لنص ظهرها و لونه بني عندها غمازتين و لون عيونها بني
شيخه : تكون اخت فطوم و عمرها 15 سنه شعرها لنص ظهرها و لونه بني و عندها غمازتين و لون عيونها بني غامج
ميرة : تكون اخت فطوم و عمرها 10 سنوات شعرها لين جتفها و لونه بني غامج و لون عيونها بني
عائشة : تكون اخت فطوم و شواخ و ميره عمرها 9 سنوات شعرها لين جتفها و لونه أسود و لون عيونها بني غامج و عندها غمازه وحده ( شووي و دخلت علي ندوي )
ندى : شهود تعالي قوم هيو و الشباب كلهم يوا ..
انا : حمدان موجود ؟
ندى : هيه ( ابتسمت )
انا : يسسس ( ابتسمت )
ندى : هيه حبيب القلب موجود أكيد بتستانسين ..
انا : انزين يلا أنسير ( نزلنا تحت و لا نشوف الدنيا معتفسه فوق تحت اللي يصارخ على الخدامه و اللي يسلم على هذاك و اللي و اللي ) السلام عليكم ( ابتسمت )
الكل : و عليكم السلام
انا : (سرت صوب حمدان و حظنته )
حمدان : هلا باختي وينج ما تنشافين ؟
انا : ( ابتعدت عنه ) انا اللي ما انشاف و لا انت اللي ما تزورنا ؟؟
حمدان : سوري ادري اني كنت مقصر
احمد : يلا بحطي لحن حزين و بنصيح كلنا ( ابتسم )
الكل : ههههههه
انا : حمدان بي وياك انزين ؟
حمدان : أنزين حبيبتي
حمد : احمدوه انته خذ ندوي و حصوص و خواتك و انا بأخذ وياي يسوف و نصور و سلوم و جسوم بياخذ وياه ربيعه خلوف و سعيد
احمد : انزين
انا : يلا حمدان
حمدان : يلا يلا ( اكيد تقولون منو هذا )
حمدان : اخوي بالرضاعة عمره 26 سنه و هو اقرب واحد لي من عقب هيوي شعره لنص رقبته و لوونه بني و لون عيونه بني فاتح و عنده غمازتين
حمد : ولد عمي عمره 27 سنه شعره لنص رقبته و لونه اسود لون عيونه بني غامج
سعيد : اخو حمد عمره 25 سنه شعره شعره قاصنه ولونه بني غامج و لون عيونه بني غامج
جاسم : ولد عمتي عمره 24 سنه شعره قاصنه نفس سعيد و لونه بني و لون عيونه بني غامج
خليفه : ولد عمتي و ربيع جاسم الروح بالروح كل شي يسونه ويا بعض عمره 23 سنه شعره كيرلي و لنص رقبته لونه بني غامج و لون عيونه بني
سالم : اخو فطوم عمره 21 سنه شعره لنص رقبته و لونه بني و لون عيونه بني فاتح ( وركبنا كلنا السيارة و توجهنا الى العزبه )
[size="5"]تتوقعون شو بيستوي في العزبه ؟ [/size]
هلا بك أختي.. انتي بالأول نزلي الروايه و. بعدها انتظري التفاعل. .
هالشروط والقوانين تبع طريقة الردود معروفه وموجوده في المواضيع المثبته،، فوق
بالتوفيق لك..
|
المشاركة الأساسية كتبها شخصيه خياليه
 السلام عليكم..
هلا بك أختي.. انتي بالأول نزلي الروايه و. بعدها انتظري التفاعل. . هالشروط والقوانين تبع طريقة الردود معروفه وموجوده في المواضيع المثبته،، فوق بالتوفيق لك.. |
وعليكم السلام ..
اهلين فيج ..
اوكي
اميين .gif "Graaam (76)")
( في الطريج )
انا : ( يالسه ارمس فطوم ) ها شو قالت ؟
فاطمة : تقول ما تقدر اتيبنا
انا : خلاص نحنا بنمركم
فاطمة : لاا شو فشله
انا : لا فشله و لاشي يلا اجهزوا بنمركم
فاطمة : اوكي يلا باي
انا : باي ( و يلسنا نحوط لين ما يخلصون ، و شوي و رن تلفوني و المتصله )
فاطمه : السلام عليكم
انا : و عليكم السلام ها خلصتوا ؟!
فاطمة : هيه خلصنا
انا : يلا الحين بني
فاطمة : اوكي يلاا باي
انا : بااي ( ومرينا بيتهم و ركبوا و في الطريج قلت حق حمدان يودينا الدكان لان يمكن عقب نيوع و لا شي عشان جي اشترينا و شوي و و صلنا العزبه طبعا كنا اخر ناس )
انا : ( انزل من السيارة و أسير صوب حمدان ) حمدان شو تبا غداء ؟!
حمدان : ابا مجبوس ( كبسه )
انا : ان شاء الله الحين بسير و بسويلك
حمدان : ( تقرب مني و باسني على خدي ) فديت اللي بتدخل المطبخ عشاني
انا : تفداك والله ( ابتسمت )
هيا : شهووود ؟؟
انا : هلا ؟
هيا : تعالي
انا : انزين ويت ( سرت صوب حمدان و بسته على خده ) بااي اشوفك بعدين
حمدان : باي
انا : ( سرت عند هيا و فاطمه ) يلا تعالوا نسير الحجره نرتب ( و سرنا نرتب عقب ما خلصنا سرت انا و هيوي المطبخ و فطوم سارت ترقد دخلنا المطبخ و يلسنا نسوي الغداء ، و انا يالسه اقص السلطة جرحت ايدي بالغلط ) اخخح
هيا : شهوووود شوو سويتي ليش جيي ؟
حمد كان بيمر بسير عند الشباب و سمع هيا ) شهوود بلاها أيدج ؟؟ ( يطالع أيدي و يتقرب )
انا : ما ادري كنت اقطع السلطة و جرحتها بالغلط
حمد : أبا اعرف وين عقلج وين !؟اذا ما تعرفين تقصين لا تدخلين مره ثانيه المطبخ !! ( معصب )
انا نزلت رأسي )
هيا : خلاص خلها انته ياي تداوييها و لا تزيدها هموم !؟
انا : ( رفعت رأسي و شفته عين بعين ) ما ابا احد يداويني (طلعت من المطبخ و انا طالعه شافني حمدان )
حمدان : شهوود بلاها أيدج ليش تنزف !؟
انا : ( سرت صوبه و حظنته بالقو و يلست أصيح )
حمدان : شهود بلاج ليش تصيحين ؟
هيا و حمد : ( توا كانوا يايين من المطبخ و انصدموا يوم شافوني )
حمدان : ( يصدلهم ) بلاها ليش تصيح و لييش … ( ما كمل لان اغمى علي ، حمدان شلني ) لا تقولون حق ان شهود اغمى عليها قولوا اني انا طلعتها
حمد و هيا : انزين ( و سرنا )
حمد : ( يصد حق هيا ) افففف كل مني
هيا : خلاص اللي صار صار و لا تنسى لا تقول حق حد السالفه انزين !؟
حمد : تخيلي شهود تقول حق حمدان والله يذبحني !!
هيا : لا ما بتقوله و بتشوف
حمد : و انتي شدراج !؟
هيا : بنت عمتي و اعرفها عدل
حمد : والله انتي الادري
هيا : انزين يلا بسير عند البنات
حمد : انزين ( كانت بتسير بس ردت )
هيا : (كانت بتسير بس ردت ) اذا اتصل لك حمدان خبريني أنزين
حمد : انزين
(في المستشفى )
الدكتور : ( طلع )
حمدان : خير دكتور شو فيها ؟؟
الدكتور : والله البنت فيها فقر دم و من الجرح اللي فيها فقدت دم واايد
حمدان : فقر دم !؟
الدكتور : هيه
حمدان : انزين دكتور اقدر ادخل عليها !؟
الدكتور : هيه تقدر بس رجاء لا تزعجها.. انت زوجها !؟
حمدان : لا انا اخوها .. شكرًا دكتور
الدكتور : العفو ( سار )
حمدان : ( اتصل على حمد ) آلو
حمد : آلو ها شو قالوا ؟!
حمدان : شو أقولك طلع عندها فقر دم
حمد : فقر دم !؟
حمدان : هيه .. و الدكتور قال ان الجرح اللي فيها خلها تفقد دم وايد
حمد : ( في خاطره : كله مني لو عالجتها جان ما خسرت هذا الدم كله ) حمدان !؟
حمدان : هلا !؟
حمد : انا و هيو الحين بنيكم
حمدان : لاا خلكم بعدين بيشكون في السالفة
حمد : لاا بني يلا بسكر بااي
حمدان : بااي
حمد : ( سار عند قسم البنات ودق الباب و فتحت الباب و هيا فتحت )
هيا : شو اتصلت لهم
حمد : هيه ..
هيا : شو قالوا ؟
حمد : قالوا ان عندها فقر دم
هيا : فقر دم !؟
حمد : هيه ( يفكر ) ألبسي عباتج بنسير لهم
هيا : ( تفكر )
حمد : لا تخافين ما بسويلج شي
هيا : أخاف احمدوه يشوفنا
حمد : لا تخافين ما بيشوفنا
هيا : اوكي ( سارت لبست عباتها بسرعه و سارت له و ركبوا السياره و انطلقوا للمستشفى )
( في المستشفى )
حمدان ( كان يفكر : اففف شهود ليش كانت أيدها مجروحة و ليش كانت تصيح في شي في السالفه )
انا : ( فتحت عيوني )
حمدان : الحمدالله على السلامة أختي
انا : ليش شو استوالي ؟؟
حمدان : ترا انتي يوم كنتي تصيحين في حظني اغمى عليج
انا : ( أفكر ) هيه صح صح
حمدان : شهود بسألج سؤال و جاوبيني بصراحة !؟
انا: أسال !؟
حمدان : ( ما كمل لان الباب اندق سار فتح الباب و طلع حمد و هيا )
حمد : شو قامت !؟
حمدان : هيه قامت يلا ادخلوا حياكم
حمد : هود هود
انا : ( اعدل وقايتي ) هدا هدا
حمد : السلام عليكم
انا : ( منزله رأسي ) و عليكم السلام
حمد : شحالج و شحال أيدج الحين !؟
انا : الحمدالله تمام ، و أيدي احسن عن اول ( رفعت راسي و ابتسمت )
حمد : ( يشوف أيدي بحزن )
انا : حمد ترا انته ما يخصك
حمد : والله أسف ع اللي سويته و على اللي قلته ( ينزل رأسه )
انا : عادي حمد انته اصلا ما سويت شي .. ( اكمل ) شكلك ياي بروحك !؟
حمد : لا يبت بنت خالج وياي
انا : بنت خالي !؟ قصدك هيوي !؟
حمد : هيه
انا : وينها عيل ما أشوفها !؟
حمد : ( يسير عند الباب و يرد ) محد
انا : يمكن حمدان خذها
حمد : تفكرين باللي أفكر فيه !؟
انا : لا ما أتوقع ما أتوقع ( شوي و نسمع حد يفتح الباب )
حمد : ( يسير عند الباب ) وين كنت !؟
حمدان : كنت في المريخ
انا : حمدان تعال تعال وين كنت !؟
حمدان : ( اي عندي ) بلاكم علي حتى ما قلت بسم الله
هيا : ( توا دخلت ) السلام عليكم ( تشوف حمدان )
انا : و عليكم السلام ( أشوف حمدان و هيا )
حمد : ( يتقرب مني و يهمس في أذني ) تشوفين اللي أشوفه
انا : هيه
حمدان : انته نعم ياي عند أختي شرايك تيلس في حظنها بعد !؟
حمد : انزين أعصابك ( ابتعد عني و سار يلس على الكرسي ) ها ابتعدت ارتحت الحين !؟
حمدان : لا
انا : ( يالسه أطالع حمدان و هيي عقب صديت شفت حمد ياشر لي ان في شي جان أشر له اني بسأل هيا و هو يسال حمدان ) حمدان و حمد اطلعوا شوي برع
حمد : ( طبعا حمد فهمني بس يبا شوي يستهبل ) افففففف طردة محترمة يلا حمدان خل نسير عن تأكلنا
انا : ( اطالعه و ابتسم )
حمدان و حمد : ( طلعوا )
انا : هيوي تعالي اهنه ( أشار على السرير )
هيا : ( يت و يلست )
انا : هيوي بلاج شو مستوي اتضاربتي ويا حمدان !؟
هيا : ( تصيح )
انا : هيو خلاص مب لازم تقولين بس اهم شي لا تصيحين ( احظنها ) خلاص حبيبتي خلاص
هيا : انا والله ما احبه والله ( اتصيح ) والله ..
انا : ( ابتعدت عنها ) انزين هيو قوللي السالفه عشان أساعدج
( نرجع شوووي عند يوم حمد و هيا يوا )
( عند الباب )
هيا : السلام عليكم
حمدان : و عليكم السلام
هيا : شحالك حمدان !؟
حمدان : ( منعجب بجمالها ) الحمدالله تمام و انتي شحالج !؟
هيا : عساه حالن مديم .. الحمدالله تمام
حمدان : تدوووم ايامج .. دوووم
هيا : تدوم لغاليك
حمدان : ( يفكر ) امم هيو ابا اسألج عن شي !؟
هيا : تفضل اسأل
حمدان : لا عاد مب اهنيه تعالي وياي الكافيتريا
هيا : ( تفكر )
حمدان : لا تخافين ما بسوي لج شي
هيا : اوكي يلا ( و مشوا حمدان و هيا ووصوا الكافيتريا )
حمدان : ( ياشر على الكرسي ) تفضلي ايلسي
هيا : ( تبتسم ) ثانكس
حمدان : ولكم ( سكت شوي ورد كمل ) هيو ابا اسألج سؤال !؟
هيا : تفضل !!
تتوقعون حمدان شو بيسال هيا ؟؟ و ليش هو كان معصب جي ؟؟
( في المستشفى )
( عند حمدان و هيا )
حمدان : شهود ليش كانت ايدها مجروحه جي ؟
هيا : لانن .. ( ما كملت لان سمعت صوت تعرفه )
: اوووه هيووو الحب شحالج !؟
هيا : ( تصد ) حممود ( تقوم و تسلم عليه ) متى رديت من السفر !؟
محمد : والله تبين الصدق من شهر ياي
هيا : اوونه ..
محمد : انزين ليش يايه اهنه عسى ما شر عموه فيها شي !!؟
هيا : لا ما فيها شي بس شهود تعبت شوي
محمد : وويه سلامات ما تشوف شر ( صد يطالع حمدان و رد يطالعها ) سوري شكلي يت في الوقت الغلط !!
هيا : لا عادي .. أعرفك هذا حمدان اخو شهود حمدان هذا ولد عمتي
محمد : (مد أيده حق حمدان ) تشرفت بمعرفتك
حمدان : (اطالعه بنظره احتقار وصد الصوب الثاني )
محمد : ( يهمس ) و لا يخصه في شهود .. شهوود غير بواايد
هيا : خله خله يمكن متضايج من شي ..
أعرفكم على محمد : يكون ولد خاله هيا عمره 27 سنه كان مسافر أمريكا عشان يدرس وجي شعره لنص رقبته و لونه بني و لون عيونه بني فاتح
محمد : يلا انا استأذن
هيا : إذنك معاك ( وسار )
هيا : ( ردت يلست ) بلاك حمدان !؟
حمدان : شكللللج وااايد تحبينه ( معصب )
هيا : ما احبه
حمدان : امبلا تحبينه و هو بعد يحبج عيل ليش قالج آووه الحب !؟
هيا : عادي حمود ولد عمتي و انا متربية وياه وجي و انا اعتبره اخوي الكبير
حمدان : انا ما أصدقج انتي جذابة انتي تحبينه و وايد بعد ( وسار و خلها بروحها )
( نررد عندي انا و هيا )
انا : خلاص هيو لا تصيحين انا بفهمه السالفه
هيا : ( تمسح دموعها ) صدق بتقوليله !؟
انا : هيه حبيبتي صدق ( شوي و يندق الباب )
هيا : ( تقوم و تسير تفتح ) شهود حمد عند الباب اخليه يدخل ؟
انا : ( اعدل وقايتي ) هيه خليه يدخل
حمد : ( يدخل و يطالعني )
انا : عقب بقولك
حمد : اوكي .. يودي احمدوه يبا يرمسج مب مصدق ان نحنا مطلعينج
انا : عطني عطني ( ارمس احمد ) آلو
احمد : آلو السلام عليكم
انا : و عليكم السلام
احمد : أنتو ويننكم وليش طالعين بدون ما تخبروني !؟
انا : ماشي والله طالعين .. انا قلتلهم لا تقولون له صدعه هذا وايد يتكلم
احمد : انا الحين صدعه و أتكلم وايد اوكي اوكي .. انزين وين أختي !؟
انا : هاذي ويانا ..
احمدد : انزين يلا مع السلامه
انا : مع السلامه ( أعطي حمد التلفون ) حمد قول لهم ابا اطلع ما ابا أتم والله لاعت جبدي
حمد : انزين ( سار و سوا لي خروج و طلعت )
انا : ( تنهدت براحه ) و اخيراً طلعت
حمد : حسستيني طالعه من السجن !؟
انا : هيه سجن ، انزين يلا أبا اسير سيده العزبه ما أبا اسير لا يمين و لا شمال
حمد : انزين ، بتركبين وياي و لا ويا حمدان ؟؟
انا : لا وياك ( ابتسمت و غمزتله ) هيوي انتي سيري ويا حمداني
هيا : ( تنهدت و صدت صوب حمدان ) انزين ( ركبنا السياره )
( في سياره حمد )
انا : قلتله السالفه كلها
حمد : شفتي ما قتلج يحبها ما صدقتي !؟
انا: ما توقعت يحبها
حمد : هيه و انا بعد بس لازم انصالحهم
انا : هيه لازم ( ووصلنا العزبه ، أسير عند هيا ) يلا هيو تعالي خل نسير عند البنات
هيا : يلاا ( وسرنا و اول ما دخلنا )
فاطمه : يا خايسات وين كنتوا ( تشوف أيدي ) بلاها ايدج ؟
انا : مساعه يوم كنت أقص السلطة جرحت ايدي بالغلط و عقب اغمى علي و سرت المستشفى
ندى : عيل احمدوه قال لنا ان أنتو طلعتوا !؟
انا : ترا نحنا قصينا عليه عشان ما اي المستشفي وجي
ندى و فاطمه : اها
فاطمه : يلا عيل بنخليكم تريحون ( ترمس ندى ) يلا ندوي خل نطلع
ندى : يلا ( عقب ما طلعوا سرتت بدلت و سرت طحت عدال هيا و رقددت في سابع نووومه)
( اليوم الثاني )
انا ( قمت من النوم شفتها الساعه 6:30 سرت تغسلت و توضيت و صليت بعدين سرت لبست و حطيت جحال و قلوس ، سرت عند سرير هيا اقومها عشان تصلي ) هيووو ؟؟؟ قوممي صلااه يلاا
هيا : انززين انزين ( تتثاوب ) يلا الحين بقوم
انا : ( اسير عند سرير ندى ) ندوووي قوومي صلاااه يلاا بسررعه قومي
ندى : انزين ( تتثاوب ) الحين بقوم
هيا : ( قامت و سارت الحمام اكرمكم )
انا : يلااا بسررعه
ندى : انزين انزين
انا : (أسير عند سرير فطوم كل حين وحده ) فطوووم فطووم يلا قومممي صلااااه
فاطمة : ( تتثاوب ) اوكك الحين بقوم
انا : ( اسير عند شيخه اخت فاطمة) شواخي حبيبتي قومي صلاه
شيخه : ( تفتح عيونها ) انزين شهود الحين بقوم بصلي
انا : ( اسير عند شوق ) شواقي حبيبتي قومي يلا
شوق : انزين ( و قومتهم كلهم ساروا صلوا عقب ساروا كلهم ينخمدون طلعت برع يلست امشي ووصلت عند المريحانه و يلست عليها ) افففففف
حمد : ( اي من وراي ) بلاه الحلو زعلان ؟
انا : الله يابك يا حمد ايلس ايلس
حمد : ( يلس على المريحانه اللي عدالي ) ليش شو السالفة !؟
انا : ماشي والله بس ملانه البنات صلوا و ردوا رقدوا
حمد : انزين .. ( يطالع ايدي ) شحال أيدج !؟
انا : الحمدالله تمام .. صح حمد لازم نصالح هيو و حمدان ..
حمد : دووم ، هي صح انزين اسمعي … ( عقب بتعرفون )
انا : ( ابتسمت ) اوكي حلوه فكرتك ، أقول حمود شو رايك نتمشى ؟؟
حمد : ( ابتسم ) اوكي يلا ( و يلسنا نمشي لين ما وصلنا عند الند و يلسنا هناك و طبعا حمد الاهبل طول الوقت يضحكني )
انا : انزين يا الاهبل
حمد : انا اهبل اوكي اوكي ( سار و رد و كان وياه جلب اسود ) انا الحين أهبل !؟ ( رافع حاجبه )
انا : هيه ( ابتسم )
حمد : ما عليه ما عليه ( و هد الجلب علي و الجلب يلس يركض يركض لين ما وصل عندي )
انا : ( احظنه ) حبيبي بلاكي كبرت
حمد : ( منصدم ) كيف تعرفينه ؟!
انا : ههههه صدق انك أهبل اصلا قبل ما نيبه العزبه بلاك كان في بيتنا
حمد : اووويه صدق اني أهبل
انا : ههههههه عشان تصدقني
حمد : يلا تعالي خل ننزل
انا : اوكي .. ( ارمس الجلب ) يلا بلاكي .. ( يمشي وياي )
حمد : شكلهه واايد يحبج !؟
انا : ( أحط عيني بعينه ) ما ادري أساله ..
حمد : ( نزل عند بلاك و سأله ) تحبها !؟ ( قام حمد من على الارض ) قاال يحبج و يموت فيج بعد ( ابتسم )
احمد : ( يا من ورانا ) منو اللي يحبها و يموت فيها !؟
انا : ( أطالع حمد ) بلاك ( أصد أطالع احمد و ابتسم )
احمد : هيه اوكي ( مب مصدق )
انا : ( ارمس احمد ) حمدان قام !؟
احمد : هيه قام
حمد : شهود يلا خل نسير له ( يغمزلي )
انا : يلا ( ابتسم )
حمد : ( و سرنا عند غرفة حمدان طبعا كل الشباب فيها ) لا تتدخلين
انا : ( اطالعه ) لييش !؟
حمد : الشباب كلهم داخل أوقفي منه بنادي حمدان و برد
انا : انزين ( وسار و شوي .. )
سالم : هلااا بشهووووود و اخيراً ما بغينا نشوفج
انا : هههه هلا فيك شفت عاد
سالم : انزين و شحالج !؟
انا : الحمدالله تمام وانت !؟
سالم : دووووم .. انا الحمدالله بخير
انا : تدوم أيامك .. دووم
سالم : تدومين لغاليج ( و طلع حمد )
انا : ( أطالع حمد و ابتسم بعدين صديت لسالم ) امين
حمد : ها شو السالفه ؟َ!
سالم : ماشي والله بس يالس اسلم ع شهود و لا حرام بعد !؟
حمد : هيه حرام
حمدان : ( اي من ورأي و يودني من خصري ) شو اللي حرااام !؟
سالم : ولد عمك هذا يقول حرام اسلم ع شهود ..
حمدان : هيه حرااام ( يغمز حق سالم ) عقب بقولك السالفه
حمد : ( يبتسم ) سللوووم يلا سير نبا نرمس حمدان شوي
سالم : انزين ( وسار)
انا : ( اجابل حمدان ) حمدااان خلنا نمشي مب حلوه واقفين اهنه
حمدان : انزين .. وين تبون ؟
انا و حمد بنفس الوقت : الند ( صدينا لبعض و ضحكنا )
حمدان : أنتو شاربين شي ؟
انا : ههههه هيه ماي
حمد : هههههه .. المهم خلنا نسير الند يلا عدنا سالفه مهمه صح شهود ؟!
انا : هيه صح حموود
حمدان : ( يطالعنا ) حموود وسالفه مهمه شو شسالفه !؟
انا : ماشي سالفه .. بس خلنا نسير ع الند
حمدان : انزين يلا ( ووصلنا ) يلا تكلموا
انا : ايلس ايلس
حمدان : شكلنا مطولين ( و يلس بيني انا و حمد ) يلا قوولو
ا انا : حمدان ترا هيو ما تحب ولد خالتها والله
حمدان : ( يقاطعني و يقوم ) اذا جي سالفتكم خلني أقوم احسن
حمد : ( عصب ) انزززين ايلللس خل البنت تخلص كلامها
حمدان : انزين ( ورد يلس )
انا : اول ما يت هيوي كانت تقول السلام عليكم و تشوفك تدري و لا !؟ و تدري أنها طول ما هي يالسه تشوفك و حتى كانت شوي و بتصيح تددري و لا ؟! و تدري اني طلعتك انت و حمدان عشان أشوف شو السالفه ويوم سألتها تمت تصيح تدري و لا !؟ و تدري انها بس كانت تردد هاذي الكلمه انا ما احبه والله ما احبه تدري و لا ( اتنهد ) والله انك ظالم البنت
حمدان : ( كان منصدم من اللي قلته ) شهوود انتتي شو تقولين !؟
حمد : حمداان انته لازم تسير و تعتذر له
انا : حمدان بس أسالك سؤال واحد انته ليش سويت جي ؟
حمدان : شو اسوي احبهااا والله احبهااا ماا قدرت امسك نفسسي ما قدررت
انا و حمد : ( منصدمين )
انا : ( احظنه ) ما عليه حبيبي هيو قلبها كبير و اكيد بتسامحك
حمدان : الله يسمع منج
حمد : يلا خلونا ننزل
انا و حمدان : يلا ( و نزلنا و يوم نزلنا شفت احمد و ندى و فاطمه و سعيد يتريقون )
انا : صباح الخير
سعيد : ( كان منزل رأسه و يوم سمعني رفع راسه و ابتسم ) صباااااح النووور
حمد : غريبببه اليوم قايم من وقت شسالفه !؟
انا : ( أهمس ) اكيدد يحب و شوف بعد
سعيد : الحب و ما يفعل
انا و حمد: ( نضحك )
انا : ( ارمس حمد ) ما قتلك !؟
حمد : ابا افهم انتي كيف عرفتي !؟
ندى : أقولك حمد هاذي جنية كل شي تخيل مره كنا سايرين المول انزين جان نشوف واحد ويا حبيته يالسين جان تقول الحين بي اخوها و بتشوفون بعد جان أتي وحده من ربعنا و قالت : انا أتحدى شهود ان اخوها مابي و ان الحرمة و الريال متزوجين جان تقول شهود : انزين اوكي بنشوف و شوي و اي اخو البنت نحنا عرفنا لان هاذي البنت انتقلت مدرستنا و شهود قالت الا تستوي ربيعتها و استوا ربع وااايد واايد وعقب شهود سألتها عن السالفه قلتلها البنت ان اللي كان وياها ولد خالها و هم كانوا يحبون بعض و جي و اخوها شافهم ويا بعض و عصب ههههه عاد البنت اللي تحدت شهود راحت جبتها
حمد : هههههههه الله يخس بليسج يا شهوود
احمد : ههههههه مشكله اللي عندهم حاسه سادسه
انا : اسكتوا اسكتوا صدعتوا برأسي ( أكلم فاطمه ) فطووم وين هيوي !؟
حمد : شو تبين فيها امج هي و انا ما ادري !؟
حمدان : حمدد خلها ع راحتها ( ابتسم)
حمد : اهاا جي السالفه انزين انزين قولوا من البدايه ( ابتسم )
انا : ( ابتسم .. ارمس فطوم ) انزين ما قلتلي وين هيوي !؟
فاطمه : ما ادري سيري شوفيها يمكن في الغرفه..
انا : انزين ( سررت بس ما حصلتها رديت نزلت تحت و سرت عند حمد و حمدان ) تعالوا شوي ابا أقولكم شي !!
احمد : دقيقه قبل لا تسيرون وين هيوو !؟
انا : ها ؟ هيو ؟ اااء بعدها راقده
احمد : هيه اوكي
انا : يلا حمد و حمدان تعالوا .. ( و طلعنا ) يوووم سررت الغرفه ما حصلت هيووو
حمدان و حمد : شوووو !؟
تتوقعون هيا وين ؟ و هل بتسامح حمدان على اللي سواه ؟
( في العزبة )
انا : ما ادري وين سارت ( افكر ) هيييييييه صح تذكرررت ( وركضت )
(حمدان و حمد يطالعون بعض عقب استوعبوا السالفه و ركضوا وراي تمينا نركض لين ما وصلنا الإسطبل و يوم و صلنا شفناها واقفه عند حصانها )
انا : ( اسير عندها و احظنها ) يا الخايسه خوفتيني عليج
هيا : ( تبتعد عني ) يعني تدرين ان يوم كل ما أكون زعلانه و لا فرحانه اي اهنيي ..
حمدان : و انتي الحين فرحانه و لا زعلانه ( يطالعها بحزن ) هيووو تراااني والله ما كنت اقصد والله
انا : ( اسير عند حمد و أهمس له ) خل نطلع عشان يأخذون راحتهم
حمد : هه يلا ( و طلعنا )
انا : حممدد احس اني بطييح ( و مسكت أيده و اغمى علي )
حمد : شهووود شهوود ( يدق ويهي ) قوممي ( يشلني ) حمداااان حمدااان
حمدان : ( يا هو و هيا ) هلا !؟ ( شافني ) بلاااها !؟
حمد : ما ادري ما ادري هيو بسرعه سيري يبي عباتها ..
هيا : اوكي ( ركضت )
حمد : ( ركض لين وصل عند سايرته و حطني وراء )
هيا : ( يابت العباة ) قوم انا بلبسها ( لبستني )
حمدان : ( يا وركب وراء ) يلا حممممد اركب
حمد : انزين .. ( ووداني المستشفى و كان يسووق بسرعه جنونيه )
حمدان : حمد خف السرعه خف
حمد : ( طاااف )
(ووصلنا المستشفى بسلامه و يوا و شلوني وودوني داخل …. شوي و طلع الدكتور )
حمد : ها دكتور شو فيها !؟
الدكتور : انت اخوها
حمد : لا ( يياشر ع حمدان اللي كان واقف عداله ) هذا اخوها
الدكتور : البنت شكلها مب مأكله شي من امس عشان جي اغمى عليها
حمدان : اوكي دكتور مشكور
حمد : نقدر ندخل عليها !؟
الدكتور : هيه تقدرون بس رجاء لا تزعجونها ..
حمد : ( ما اصدق سيده سار )
حمدان : شكرًا دكتور
الدكتور : العفو هذا واجبي ( وسارر )
حمدان : ( يتصل ع هيا ) آلو ندوي
ندى : آلو
حمدان : ندوي وين هيوي !؟
ندى : يالسه ويا الأهل
حمدان : عطيني إياها
ندى : ما اقدر .. انزين قولي شو أقولها !؟
حمدان : ( قال لها ان اغمى علي و قال لها تقول لها ان اغمى علي عشان هي مب كانت مأكله شي من امس وجي )
ندى : اووويه حراام يلا بااي بسير اميه تزقرني
حمدان : انزين يلا باااي ( وسكر )
( عندي انا و حمد )
حمد : ( يطالعني و يفكر بصوتت ) افففف انا ليييش خائف عليها جي ليكون .. لاا لاا ما أتوقع احبها .. ( انصدم ) هيه احبها
انا : ( كنت واعيه و سمعت كل شي قاله )
حمد : ( طلع من الحجره و سار يلس ع الكرسي اللي برع )
حمدان : ( يسير عند حمد ) بلاك !؟
حمد : ها .. لا و لا شي ( و طلع من المستشفى بكبره )
حمدان : بسم الله بلاه هذا !؟ خل اسير عن شهود احسن ( و يا عندي )
انا : ( عقب ما سار حمد فتحت عيني بصدمة و اللي في بالي كيف و متى و ليش حبني !؟ ) آه
حمدان : سلامتج من الآه حبيبتي .. بلاج شو مضايقنج !؟
انا : ماشي … ( في خاطري : شو أقولك يا حمدان ! )
حمدان : انتي و حمد فيكم شي اليوم !؟
انا : ليش شو فيه حمد !؟
حمدان :ما ادري من طلع من الغرفه و شكله منصدم من شي عقب يوم قتله شوفيك قال ماشي ماشي و طلع من المستشفى بكبره
انا : انزين عطني تلفونك برمسه ..
حمدان : انزين ( و يتصل حق حمد )
حمد : آلو
انا : آلو
حمد : شهووود !! ( منصدم )
انا : اففف هيه حمدان عدالي ياخي جامل شووي ههههه سيده في الويه ( انا كنت أتكلم جي عشان حمدان ما يشك في شي )
حمد : شهوود !؟
انا : ( ارمس حمدان ) اممم حمدان ؟
حمدان : ادري تبيني اطلع اصلا كنت بقولج اني بطلع
انا : ههه حبيبي حمدان دومك تفهمني
حمدان : هههه ( و طلع )
انا : هلا حمد ؟؟
حمد : ( يكلم ربيعه ) أقولك ما احبها ما احبها افهم أحب غيرهاا
انا : ( منصدمه )
حمد : ( يرمسني ) و انتي الثانية شو تبين !؟ ( معصب )
انا : لا بس كنت ابا اطمن عليك
حمد : ما اباج تطمنين علي خليني في حالي ( و سكر في ويهي )
انا : ( منصدمه منه اول مره يرمسني جي تميت أصيح قسم بالله ما تحملت )
حمدان : ( يدخل علي ) شهوود ؟ ( شافني يوم انا أصيح ) ليش تصيحين !؟
انا : حمدان الله يخليك طلعني من ها المكان .. ( أصيح )
حمدان : ليش شو السالفه ؟ ( عاقد حياته )
انا : ماااشي .. بس ابا اطلع والله ما اقدر أتحمل ( احظنه )
حمدان : انزين حبيبتي خلاص بطلعج ( يمسح ع ظهري )
انا : ( ابتعد عنه ) صدق بطلعني ؟
حمدان : هيه ( يمسح دموعي ) خلاص ما اباج تصيحين
انا : ان شاء الله حبيبي
حمدان : يلا بسير بسوي لج خروج و بي ( سار و رد ويا النيرس يت النيرس و بطلت اللي في ايدي و طلعنا من المستشفي )
انا : اخخ و اخيراً طلعت
حمدان : حسستيني تامه سنه في المستشفى
انا : ههههه بس والله المستشفي يلووع ( اكمل ) انزززين حمدان ابا اسير ..
حمدان : ( يقاطعني ) البحر ( و يبتسم )
انا : كيفف عرفففت !؟
حمدان : أختي و أعرفج عدل !!
انا : انزين حمدان يلا خل نسير بسرعه يلا
حمدان : زين ( يطالعني )
انا : ( كنت قاعدة على أعصابي أبا أوصل بسرعه .. ووصلنا و انا كل شوي اقول حق حمدان سير يمين و سير يسار لين ما حمدان قال )
حمدان : بوديج مكان حلوو و بعيد عن الناس
انا : ها ؟ اوكي اوكي
حمدان : ( و وداني المكان الحلو ع قولته )
انا : حمدان وقف وقف خلاص بنزل
حمدان : ( في نفسه : اكيد تحبه ) انزين ( ووقف )
انا : ( انزل من السيارة و اسير عند الشخص اللي يالس )
: آه
انا : سلامتك من الآه
: ( يطالعني بصدمه ) شهووود !!! كييييف و ليييش طلعتتتي ؟
انا : ( بس ساكته و أطالع البحر )
حمد : ( يقوم ) لييش ؟ تكلمممي ؟؟
انا : ( ادمع ) ما ادري ما ادري
حمد : ( يرد يلس ) اوووووف
انا : ( كنت بسير وقفني صوته )
حمد : شهووود ! لا تسيرين الله يخليج والله محتاج لج
انا : ( أصد له .. و أصيح ) اصلا ما اقدر اسير و أخليك قلبي ما يطاوعني
حمد : شهوود لا تصيحين !! امسحي دموعج والله دموعج تقطع قلبي ..
انا : ( امسح دموعي ) ان شاء الله ( ابتسم ) يا خايس كله منك اكيد الحين شكلي مثل الجنيه
حمد : لا والله حلووو شكلج ( يبتسم )
انا : ( اتذكرت ) حممود يلا خل نسير ترا الأهل في العزبه
حمد : عادي عادي بقول لهم كنت اتمشى ويا زوجتي المستقبليه ..
انا : هههههه وحليلي بعدني صغيره ( اضحك )
حمد : يلااا خل نسير عند الأهل يا زوجتي المستقبليه
انا : ههههه جب انزين ( و يوم صديت ) اوووه حمدان نسيتك حبيبي
حمدان : هيه هيه أكيد بتنسيني دام حبيب القلب وياج
انا : ههههه جب انزين
حمد : انزين شهود عادي أتين وياي ؟
انا : ما ادري اسأل حمدان !؟
حمد : حمدان عادي شهود أتي وياي !؟
حمدان : ماااشي مااااشي اختتي أباها
حمد : حمداااان عااااد
حمدان : انزين بس بشرط
! حمد : شو شرطك ؟
انا : ما شاء الله و يتشرط بعد
حمدان : ( يرمسني ) ههههه كيفي .. ( يرمس حمد ) مااا تقرررب من اختتي تفففهم ؟!
حمد : شو اقررب منها .. استغفر الله .. هيه هيه افهم ( يرمسني ) يلا خل نسير
انا : يلا ( و ركبنا السيارة )
( في السيارة )
انا : حمد !؟
حمد : عيونه ؟
انا : تسلملي عيونك .. ( أفكر ) اممممم !؟
حمد : قوللي !؟ ( يطالعني )
انا : منو البنت اللي تحبها !؟
حمد : ( يفكر ) تدرين منو ؟ ( يطالعني )
انا : ( اطالعه ) لا؟
حمد : انتتتي
انا : اناا !؟؟
حمد : هيه احبج انتي
انا : ( ابتسمت و انزل راسي ) انزين .
حمد : هههههه يستحون بعد هههه فديتهم
انا : هههههه انزين .. شكلنا ع هاذي السرعه ما بنوصل
حمد : هيه تبين الفكه مني انزين دقايق و بتفتكين
انا : لاا انا ما كنت اقصد جي والله .. والله كنت استهبل
حمد : هه ادري ادري بس أشوف شو بتقولين ..
انا : ( اطالعه و ابتسم )
حمد : انزين شهود ( و شوي و وصلنا العزبه )
انا : يلا انا بسير أتحمل على عمرك انزين !؟ ( ابتسمت)
حمد : ان شاء الله من عيوني و انتي بعد اتحملي على عمرج ( يبتسم )
انا : باااي ( و نزلللت و جااان اسييير بسرعه غرفه البنات و كلهم يوا و هجموا علي )
البنات يحظنوني : سلااامااات
فاطمه : حياااتي شهووود سلاماااات
هيا : ( تحظني ) فديييتيج حبيبي سلاماااات
ندى : فدددديتج اختتي سلامات ما تشوفين شر
انا : ههه فديتكم حبايبي و الله يسلمكم .. ( اكمل ) انزين و شو استوى في غيابي ؟
هيا : تدرررين شووو استوى !؟؟
انا : يلااا قولوا !؟
فاطمه : فييي وحدددده استوت تييييكن
انا : منوووو !؟
فاطمه و هيا : ندووووي
انا : اووويه أختي استويتي تيكن .. انزين ما قلتولي منو و كيف وجي
نرجع لقبل يوم ندى كاااانت تكلم حمدااان
سعيد : ( كان بسير عند الشباب بس سمع ندى و هي تكلم حمدان )
ندى : فدييتج اختيه ما تشوفين شر
سعيد : ( يسير عند ندى ) لييش بلاها اختج و منو كنتي توا تكلمين !؟
ندى : ما بلاها شي .. و منو أكلم ما يخصكك
سعيد : ندووووي !!!
ندى : نععععم شووو تباااا ؟؟؟
سعيد : ماشي يلا انا ساير بااااي
ندى : بااااي
هيا : ( كانت يايه حق ندى و سمعت كل اللي ندى قالته ) ندووووي ؟
ندى : هلا !؟
هيا : ليش تصارخين على الريال شو سوالج !؟ والله حرااام عليج
ندى : والله حق شو يتسال !؟ نعم يعني ولي امري و انا ما ادري ؟
هيا : والله حراااام عليج
ندى : ( ندوي اصلا طيبه بس ما أدري ليش جي سوت .. شوي و ردت لها الحاسيه) اووويه حرااام انا شو سويت ؟
هيا : توا تحسين ؟
ندى : هيووو تدرين وين سارررر ؟
هيا : ( تبتسم ) يمكن سار الإسطبل ..
ندى : اوكي يلا بااي ( و سارت الإسطبل .. يوووم وصلت شافته تمت وااقفه و سرحت فيه )
سعيد : اخخخ ياربي من تحس هاذي البنت ..
ندى : ( سمعته ) يمكن هاذي البنت ما كانت تقصد
سعيد : ( صد وراء و يوم شاف ندوي انصدم ) ندووووي ؟
ندى : سعيد انا أسفه ما كنت تقصد والله .. (ردت نزلت راسها مره ثانيه )
سعيد : عادي يا بنت العم .. و انا بعد أسف لآني ادخلت في شي ما يخصني .. ( ينزل رأسه )
ندى : ( رفعت راسها ) لا عادي .. و عن اللي سالتني ( ردت نزلت راسها ) اممم شهود اغمى عليها لانها ماكلت شي من امس و اللي كنت اكلمه كان حمدان
سعيد : سلاماااات ما تشوف شر !!
ندى : الشر ما ييك
سعيد : اممم انزين شو رايج نسير ع الند ؟
ندى : ( تبتسم ) اووكي ( و ساروا ع الند و يلسوا هناك )
سعيد : اخخخخ
ندى : ( تطالعه ) خير ولد عمي شو فيك !؟
سعيد : اممم عادي اقولج شي !؟
ندى : هيه عادي قول !؟
سعيد : بس لا تزعلين انزين ؟
ندى : هيه عادددي
سعيد: اممم احببج
ندى : ( انصدمت ) اممم اها شسمه هذا بسير عند البنات
سعيد : ( عاقد حياته ) اوكي
ندى : ( و سارت الغرفه و سيده طاحت على السرير و تمت تفكرر في سعيد )
( نسير شوي عند سعيد )
سعيد : ( طبعا ما انصدم و لا شي لان كان متوقع هذا الشي و سار تحت و يوم نزل شاف هيا )هيووو؟
هيا : ( تصد ) هلاا !؟
سعيد : تعالي شووي !
هيا : ( سارت عنده ) هلا ؟
سعيد : (قال لها السالفه )
هيا : اووووب اووووب ولد عمي خطييير
احمد و جاسم و خليفه : ( شافوهم ويا بعض و ساروا لهم )
احمد : شو السالفه ؟
هيا : ولد عمك يحب
جاسم : ما شاء الله و منو هاذي حزينه الحظ !؟ ههههه اقصد سعيده الحظ
خليفه : يلاا هيو قوللي منوو ؟
هيا : ( تطالع سعيد و ترد تشوفهم ) امممم ندووي
احمد : لا لا ما اصدددق ندووووي عاااد !!
سعيد : ياريتني ما قلت لكم !! ( و سار )
هيا : انزين عيل وين حمدان و حمد و شهود !؟
جاسم : ما ندري نحنا اصلا ياين نسألج !
هيا : ( تفكرر ) هيه صح خلاص تذكرت ( كانت بتسير بس وقفها صوت احمد )
احمد : وين ساروا !؟ ( عاقد حياته )
هيا : ساروا المستشفى .
احمد : لييش !؟
هيا : شهود اغمى عليها عشان من امس ما كلت شي
خليفه : انزين حمد ليش ساير وياهم !؟
هيا : ما ادري المهم بسير عند ندوي بشوفها ( و سارت )
( نرد عند ندى )
ندى : (في نفسها : يحبني كيف و متى افففف انزين انا ليش أفكر فيه !؟ احبه لا لا ما اتوقع !! لا احبه اووويه احبه !! … قطع تفكيرها صوت الباب )
هيا : اووووب اووووب مب هين سعيد
ندى : يعنى صدق يحبني مب جذب ؟
فاطمه : ( طلعت من الحمام .. كانت تسبح ) منو اللي يحبج !؟
هيا : الله يسلمج .. ( قالتلها السالفه ) وجي السالفه
فاطمه : اووووب اووووب انزين انتي تحبينه !؟
ندى : ( تطالعهم و تبتسم ) هيه
فاطمه و هيا : شووووو ( يصارخن ) و اخيرا و أخيرا
سعيد : ( سمعهم و يا يركض عباله ندى فيها شي يدق الباب ) شو السالفه !؟
هيا : ( تفتح الباب ) سعيد بقولك خبر ما بتصدق
سعيد : شووو قولي !؟
هيا : ندووي تحببك
سعيد : شووو ؟؟
( نرد عندنا )
انا : خطير ولد عمي
( يندق الباب .. سررت عند الباب جااان اشووووف !؟؟)
تتوقعون شهد منو شفت !!؟ و تتوقعون هل شهد بتحب حمد و لا ؟
( في العزبة )
انا : ( ابتسم و اطالعه )
حمد : شهوود سمعتي اخر خبر !؟
انا : اي خبر !؟
حمد : عن ندوي و سعيد ( يبتسم )
انا : هيه سمعت والله فرحت لهم من الخاطر
هيا : شهوود منو عند الباب ؟؟ ( يت عندنا ) آووه حمد .. سمعت اخر خبر !؟
حمد : اي خبر ؟ اللي عن ندوي و سعيد ؟
هيا : هيه ( تبتسم ) انزين ادخل حياك !؟
انا : بناات حمد بيدخل !!
ندى و فاطمه : حياااه
حمد : ( يدخل ) شهوود اي وااحد سريرج ؟!
انا : ( أشار على السرير ) هذاا
حمد : ( يبتسم و يسير يلس ) انزين بنات سمعتوا اخر خبر !!
فاطمه : اي خبر ؟
حمد : ترا انا بعد مب سنقل ( يطالعني و يبتسم )
انا : ( استحيت لان اعرف انه يقصدني ) بسير اشرب ماي و برجع ( أطالع حمد و ابتسم و سرت شربتت ماي و يوم كنت بسير فوق سمعت صوت في الصاله الكبيره و يوم دخلت شفت الشباب كلهم ) السلام عليكم
الشباب : و عليكم السلام
سعيد : و اخيرا شفتج يا اخت حبيبتي
حمد : ( يا من وراي ) مب بس اخت حبيبتك بعد حبيبة اخوك ( يبتسم )
سعيد : اووووب اووووب يعني مب بس انا اللي أحب ( يبتسم )
انا : هههه بعد في ناس يحبون بس الله يستر عليهم ( كنت اقصد حمدان )
جاسم : يالله اعترفي منو !؟
انا : ناس ناس اللي يستر عليهم ههه
احمد : انزين مب بس انتو اللي تحبون انا بعد بس الظاهر ان اللي احبها تحب غيري ( يطالعني و ينزل راسه )
حمد : احمدوه والله سالفتك مؤثرة والله كنت شوي و بصيح
احمد : جب جب
انا : هههههههه
حمد : ( يهمس ) دوم الضحكة
انا : ( أهمس ) انا ما اضحك الا يوم انت وياي ( ابتسم )
خليفه : احممممم ترا في ناس اهنه سنقل
حمد : ( يطلع لسانه ) احسسسن
انا : هههههههه ( ارمس حمد ) والله انك أهبل
حمد : وهذا الاهبل يحبج واايد
انا : ( اقرصه و أهمس بخجل ) انزين مب جدامهم
حمد : ( يهمس ) انزين انتي تحبيبني ؟ عادي اذا ما تحبيبني قوليي ؟؟
انا : انا ما احبك ( سكت شوي و رديت كملت مرة ثانية ) انا أموت فيك
حمد : ( منصدم )
انا : ( ابتسم و اطالعه ) يلا عيل بخليكم بسير عند البنات
سالم : تعالي لنا عقب انزين !؟
انا : ان شاء الله ( و سرت عند البنات و اول ما فتحت الباب )
شوق : أوب أوب حبيبة حمد يايه .. ( تبتسم )
انا : ( اطالعها ) كيف عرفتوا ؟
شوق : حمد خبرنا
انا : ويت ويت ( ابطل وقايتي و امسك أيدها و ايلسها ع السرير ) قولي قولي شو قال ؟
شوق : سر ما نقول حق حد
انا : ايييه عاااد قوللي !!
شوق : قال لنا ان هوو مب بس يحبج يعشقج ( يندق الباب )
انا : ( أهمس ) شوووقوا الله يخليج اذا كان حمد قوليه اني محد أنزين ؟
شوق : ( تبتسم ) ان شاء الله من عيوني كم شهود عندي ؟
انا : شوقو لا تتناذلين و تقوليله .. ( ابتسم )
شوق : لا لا ما بتناذل و لا شي ( و سارت عند الباب )
انا : ( سرت الحمام و قفلت ع عمري الباب .. طبعا شوق و حمد كان صوتهم عالي فاسمعتهم )
حمد : شووق شهوود داااخل ؟ ( يقصد داخل الغرفه )
شوق : هيه داخل تفضل حياك ( تبتسم )
انا : ( أكلم نفسي : افففففف شو أسوي الحين خل اطلع و امري لله ( تذكرت ) صحح ما عندي وقايه كيف اطلع ؟ )
شوق : ( ادق علي الباب ) شهوود اطلعي حمد يباج
انا : انزين ياا الخايسه بطلع بس ابا وقايه .
. شوق : انزين الحين بيبلج ( سارت يابت لي وقايه و كانت خاشه شنطة المكياج في الوقاية بس ما كانت يبين لانها خاشتنه عدل ) يوودي زين
انا : ( سيده فهمتها ) انزين ( فتحت الباب و خذت عنها الوقاية حطيت جحال و مسكرا و روج و بلشر خفيف ما حطيت بودره لان أصلا بيضا و سرت عند الباب اتنهدت و طلعت ) السلام عليكم ( ابتسمت )
حمد : و عليكم السلام
انا : ( أطالع شوق و ايلس ع السرير مجابل حمد ) خير ولد عمي ؟
شوق : شسمه هذا انا بطلع بسير عند قوم هيوي شهود اذا تبينا نحنا في الإسطبل
انا : انزين
شوق : ( طلعت )
انا : خير ولد عمي ؟ فيك شي ؟ مريض ؟
حمد : لا لا تخافين ما فيني شي و مب مريض بس ياي اسألج عن ..
انا : ( اقاطعه ) اذا ياي تسألني عن اللي قلته مساعة انا ما كنت اجذب ( ابتسم )
حمد : ( يبتسم ) يعني صدق تحبيني ؟
انا : ( أهز رأسي ب هيه و ابتسم )
حمد : فدييتج يلعني افداااج
انا : عيببب
حمد : آسف آسف من الوناسه قلت جي ( يبتسم )
انا : ان شاء الله دوم مستانس ( ابتسمت )
حمد : انزين شهود تغديتي ؟
انا : لا ما ابا شيي
حمد : يلا قومي قومي لازم تاكلين و لا كل يوم بتسيرين المستشفى
انا : حمد والله ما ابا
حمد : عشان خاطري قومي كلي لج شي
انا : ( قمت و ابتسمت ) عشان خاطرك بس
حمد : (ابتسم )
انا : ( حسيت بدوخه مسكت راسي و رديت يلست )
حمد : ( اي صوبي ) شهود بلاج ؟
انا : حمد من فضلك يبلي ماي
حمد : ان شاء ( ركض ياب لي و رجع ) يودي ( يعطنيني الكوب )
انا : ( شربت شوي و عطيته الكوب ) بس خلاص
حمد : (حط الكوب على الطاولة و يا صوبي ) شهود يلا قومي
انا : ( اطالعه ) ما اقدر أقوم
حمد : تعالي انا بيودج ( مد لي أيده )
انا : ( اطالعه و أطالع أيده تنهدت و قمت )
حمد : ( مسكني من ايدي زين ) يلا
انا : ( و سرنا المطبخ يوم دخلنا شفنا حمدان و هيا و ندى و سعيد )
حمد : ما شاء الله الحبايب كلهم منه شو السالفه ؟
ندى : ماشي والله بس الأهل برع
حمد : اها
حمدان : بلاها أختي ؟
انا : ( أطالع حمد )
حمد : ( يطالعني عقب صد طالع حمدان ) ماشي بس كان بيغمى عليها
حمدان : ليش ماكلت شي ؟
حمد : لا .. انا يايبنها عشان تأكل
ندى : بالعافيه اختيه .. يلا انا بسير عند الأهل
انا : الله يعافيج اختيه ( ابتسمت)
ندى : ( سارت )
سعيد : اففف انا بسير ( و سار )
انا : ( ايلس ع الكرسي اللي مجابل حمدان ) بلاهم ؟ ( اقصد ندى و سعيد )
حمد : ( يحط لي عيش ) هيه بلاهم ؟
هيا : ماشي بس سعيد معصب على اختج لان عقب يوم بيون قوم حمده هي بتلبس تنورة قصيرة
انا : انزين عادي شفيها ؟ ويتت منو اللي بي عيدي عيدي ؟
هيا : قوم حمده
حمد : ( ايلس حذالي ) و اخيرا ما بغوا أيون
انا : ( أطالع حمد و أحط ايدي على خدي ) انزين !؟
حمد : ( يطالعني و يبتسم ) آووه تغارين ؟
انا : هيه أغار عندك مانع ؟ ( ابتسمت )
حمد : ( في نفسه : فديتج والله .. و يبتسم )
انا : هيووو يعني زيوووود بي ؟؟
هيا : للأسف هيه والله بصيح
انا : ( أكل ) عيل انا شو اقول ؟ أنا احس ان بتستوي مشكلة و قولوا ما قلت ؟
حمد : ( يطالعني ) ليش شو فيها؟ ( عاقد حياته )
انا : ( بدون ما اطالعه ) زيوووود واحد لزززقه و مغروررر و ما ادري ع شوو شايف عمره من زينه و من زين ويهه استغفر الله العظيم تدري ان لو شافنا ويا بعض عادي يسير يقول حق الأهل اصلا هو يباها من الله و من يشوفوني يلس يلاحقني … اففففف مالت عليه
هيا : هيه والله ماااالت
حمد : ( قاااام و طلللع بررع )
انا : ( اطالع هيا و حمدان ) بلاه ؟ ( خليت الأكل و سرت له شفته واقف ويا احمد تميت واقفه اطالعه و هو يرمس و شعره يحركه الهواء )
(عند حمد و احمد)
احمد : بسم الله بلاك ؟
حمد : الخايس زيوود يحب شهوود تخييل ؟ اكييد هي بعد تحبه ؟
احمد : توا الناس حموود من متى والله و كل مره يوم اي ايلس يضايقها و أمه كل شوي تقول شهد حق زايد و زايد حق شهد
حمد : ع كيفها هاذي عيوز خيبر ما عليه بتشوف بتشوف
احمد : اقول حمد انت توا قلت ان شهود تحب زيود صح؟
حمد : هيه
احمد : اذا كانت تحبه حق شو لاحقتنك و ليش جي تطالعك؟
حمد : ( يصد و يطالعني )
انا : ( اطالعهم و أرد ادخل المطبخ و اكمل أكل لدرجه اني غصيت ) كحح كحح
حمدان : ( يعطيني الماي ) اشربي اشربي
انا : ( اشرب الماي و يوم خلصت يلست أشوف هيا لان بدون ما أقولها تفهمني ) انا بسير الحجره (وسرت الحجره اول ما سرت طحت على السرير و يلست أصيح .. ليش اصيح ؟ ما ادري )
أعرفكم على زايد : وااحد مغرور واايد و اونه يحبني و يبا يتزوجني مالت بس المهم و هو ولد خالتي عمره 22 سنه لونه عيونه سوداء شعره كيرلي لنص رقبته و لونه بني غااامج
حمده : اخت زايد نفسس زايد في كل شي حتى الحركات عمرها 21 سنه لون عيونها سوداء و شعرها لنص ظهرها و لونه بني
سلطان : اخو زايد و حمده غيرررر عنهم بواايد حبوب و طيييييييب شعره لنص رقبته و لونه بني ولون عيونه بني فاتح محطي تقويم و عنده غمازه وحده و عمره 20
اسماء : اخت زايد و حمده و سلطان ( اخر العنقود ) .. و هي نففس سلطان طيبه و حبوبه و بسرعه تدخل القلب عمرها19 سنه كبري انا و هيوي شعرها لنص ظهرها و لونه بني و لون عيونها بني غامج و عنده غمازة
( عند حمد )
احمد : حمد سير لها
حمد : لا خلها بروحها بتيني و بتشوف
احمد : كيفك
( عند حمدان و هيا )
حمدان : بلاها ؟
هيا : اكيد حمد قال لها شي ..
حمدان : اممم سيري لها ؟
هيا : اصلا كنت بسير ( قامت و يوم وصلت عند الباب وقفت و صدت حق حمدان ) اممم حمدان ؟
حمدان : ( يصد يطالعها و يبتسم ) هلا ؟
هيا : امممم ( تبتسم ) احبببك ( وشردت )
حمدان : ( في نفسه : هيوو تحببني !؟ ما اصددق !! … )
( في غرفتنا )
انا : ( اصيييح )
هيا : ( فتحت الباب بقوه و سكرته بسرعه و قفلته ) احببه قسم بالله
انا : ( ارفع راسي أشوفها و دموعي على خدي و اعدل يلستي لآني كنت طايحه ) هيوو ما احبه والله ما احبه ..
هيا : منو اللي ما تحبينه !؟ حمد ؟ ( منصدمه )
انا : زيوووود ما احبه والله أكرهه والله ( اصيح )
هيا : ( أتي صوبي و تحظني ) انزين انتي ليش تصيحين ؟
انا : حمد على باله اني أحب زايد تخيلي ؟
هيا : اوووويه قوللي والله؟
انا : والله ( اكمل صياح )
هيا : شهوود لازم تسيرين تفهمينه ..
انا : ( امسح دموعي ) عقب بسير الحين راسي يعوررني .. هيه صح صح منو هذا اللي تحبينه اعترفي ؟
هيا : ( تبتسم ) اخووج !!
انا: ( أفكر ) اخواني صغاار ( تذكرت ) تحبين حمدااان ؟
هيا : ( تبتسم و تهز رأسها ب هيه )
انا : ( احظنها ) و اخيراااااا
هيا : ( تبتعد ) جب جب ( تنزل رأسها )
انا : ( اصفق ) اووووب اووووب يستحون بعد
هيا : جب انزين
انا : هههه المهم انا بسير بتسبح عشان اتنشط شوي
هيا : اوكي بس خلصي بسرعه انا بدخل عقبج
انا : ( سررت طلعتلي فستان أيده طويله لونها برتقالي و طلعتلي لبس حق عقب يوم بيون قوم اسماء بلبسها .. شليت الفستان و سرت عند هيا ) هيوو ؟
هيا : ( ترفع رأسها ) هلا ؟ ( تطالعيني و تطالع الفستان )
انا : شو رايج في هذا الفستان؟
هيا : حلوووه .. بس ما قلتليلي مال منو هذا الفستان ؟
انا : يعني مال منو ! اكيد مالي ..
هيا : مالج ؟
انا : هيه
هيا : متأكده ؟
انا : هيه متأكده
هيا : اووول مرره في التاريخ تلبسين شي لونه برتقالي ..
انا : هههه شفتي عاد
هيا : يلا سيري اتسبحي عشان نسير عند الأهل
انا : اوكي ( سرت تسبحت بسرعه و غسلت ويهي و توضيت و طلعت و دخلت هيا عقبي صليت و فتحت الأيفون ما كان فيه شي عقب فتحت آلبي بي شفت ان في حد ضايقني شفت البن ، هذا البن اعرفه بس مال منو ما ادري ، المهم قبلت و يوم قبلت )
ٺعبٺ بعيون آلخلآآيڨ “آشوفك ( مجهول الهويه ): هلا
ولا غيره سكن قلبي ( انا ) : اهلين
ٺعبٺ بعيون آلخلآآيڨ “آشوفك ( مجهول الهويه ): شحالج ؟
ولا غيره سكن قلبي ( انا ) : تمام التمام .. بس انت / ي منو ؟
ٺعبٺ بعيون آلخلآآيڨ “آشوفك ( مجهول الهويه ): افاا ما عرفيتيني ؟
ولا غيره سكن قلبي ( انا ) : لاا
ٺعبٺ بعيون آلخلآآيڨ “آشوفك ( مجهول الهويه ) : انا ولد خالتج
ولا غيره سكن قلبي ( انا ) : زايد ؟
ٺعبٺ بعيون آلخلآآيڨ “آشوفك ( زايد ) : هيه
ولا غيره سكن قلبي ( انا ) : نععععم خييير شو تبا ؟ ( فريييت آلبي بي بعصبية على السرير ) اففففففففف
هيا : ( طلعت من الحمام ) بلااااج ؟
انا : الخااايس زيوووود ضافني في آلبي بي
هيا : ( أتي صوبي ) قوووولي والله ؟
انا : والله افففففف مالت مالت مالت
هيا : مالت عليه
انا : خل اسير عند الأهل احسن
هيا : اصبري اصبري بي وياج
انا : انزين ( سرت عند الجامه تحجبت عدل و زيدت الجحال و المسكرا .. صديت أشوف هيا اذا خلصت و لا ؟ كانت تحط اللمسات الاخيرة .. طبعا هيا لبست نفسي ) خلصتي ؟
هيا : ويت بلبس الكعب (و طلعت الكعب و يلست تلبسه )
انا : انا بعد بلبس ( و طلعت لي كعب و يلست البسه )
هيا : ( توقف ) خلصت
انا : ( اوقف عدالها ) و انا بعد خلصت ( امسكك أيدها ) هيوو احس في شي بيستوي
هيا : ( تضغط على ايدي ) و انا بعد احس نفس الإحساس
انا : تعالي خل نسير ( فتحنا الباب وقفنا عند الدري و هدينا أيد بعض و تنهدنا و نزلنا تحت )
احمد : الله عليج يا بنت عمتتي غاااويه
انا : ( ابتسم ) بعدك ما شفت شي يا ولد خالي( سرت عند الحريم سلمت عليهم كلهم و كانت اخر وحده اميه بست رأسها و يلست عدالها ) شحاالج اميه !؟
اميه : الحمدالله بخير و انتي اميه شحالج ؟
انا : دوووم ( أهمس ) بنتج تحب يا اميه تحب ( ابتسمت)
اميه : هههههه يا اللي ما تستحين ( و تضحك )
انا : خل أقوم عن تضربني ( أقوم و ايلس عدال هيا )
الكل : ( يضححكون علي )
هيا : ( تهمس ) اييه انتي المستخفه شو قلتيلها !؟
انا : ( اهمس ) تخيلي شو قلتلها؟
هيا : شووو ؟
انا : قلتلها ( أهمس ) بنتج تحب يا اميه تحب
هيا : ( تشهق )
ام هيا : بسم الله بلاج عن تموتين علينا
انا : ههههههه خالوا حرااام عليج جبهتها
هيا : ( تقرصني )
انا : ( اقوووم ) اييييي يعوووور ( أكلم ام هيا ) خالوه شوفيها قرصتني ؟
ام هيا : انا ما اقول غير الله يعين ريلها عليها أظنيه بتكرهه حياته
هيا : ( احممرت )
انا : هههههههه طاعوا الويه كيف استوا خخ انا بسير عند أبويه احسن لي ( مشيت و يوم وصلت عند حمد )
اميه : سيري سيري على الأقل شوي تفكينا من حشرتج
انا : أفا يا اميه انا حشره بس اصلا عادي ( و يوم كنت بسير صديت شفت حمد عطيته نظره و سرت عند أبويه و يوم وصلت بسته على رأسه ) شحالك أبويه ؟
أبويه : الحمدالله تمام وانتي اميه شحالج ؟
انا : ( ما ادري ليش دمعت عيوني قلت و انا خانقتني العبره ) تمام أبويه .. استأذن ( وطلعت برع سرت الإسطبل وقفت عندي خيلي و دموعي على خدي يلست أفكر شو بسوي لو فقدت اميه و أبويه و لو فقدت هيا و حمد )
احمد : ( يا صوبي ) ما بتفقدينهم إن شاء الله
انا : ان شاء الله ( امسح دموعي ) بس كيف عرفت باللي أفكر فيه ؟
احمد : والله اعرف اللي فيج من عيونج يا بنت عيونج تفضحج .. وصح يوم عطتي حمد هاذيك النظره كل الحريم شافوج حتى قالوا : شهود متضاربه ويا حمد !؟
انا : احسسن خل يعرفون .. احمدوه احس زييود يوم بي بيسوي مصيبه
احمد : هيه انا بعد احس نفس الإحساس
انا : احمدوه الله يخليك يوم بيون تم وياي لا تسير لا يمين و لا يسار انزين ؟ عشان اذا استوى شي تكون انت الشاهد
احمد : اوكي .. يلا خل نسير داخل عند الأهل
انا : يلا ( كنت بسير بس تذكرت شي و صديت حق احمد ) احمد قول حق سعيد اي الإسطبل بس خله يطلع من الباب مال المطبخ
احمد : لييش ؟
انا : عقب بتعرف ( سررت بعيد شوي عن احمد و اتصلت حق ندى ) آلو !؟
ندى : آلو .. هلا شهود بغيتي شي اختيه ؟
انا : تعالي الإسطبل بسرعه
ندى : ليش ؟
انا : تعالي بسرعه
ندى : انزين يلا باي ( و سكرت )
احمد و سعيد : ( يوا )
سعيد : خير بنت عمي ؟
ندى : ( شوي و يت ) هلا شهوو ( ما كملت لانها شافت سعيد )
سعيد : ( شافها ) انا بسير
انا : سعيدد تعال لا تسير ..
سعيد : ( وقف )
انا : ( اسير صوب و يوم وصلت وقفت ) سعيد شفيها لو لبست ندوي تنوره قصيره ؟
سعيد :شوو بعد شفيها ( يصارخ ) كل الحريم بيشوفنها و انا أغار عليها
انا : ( ابتسمت ) تغار عليها ؟
سعيد : هيه
انا : وايد وايد وايد ؟
سعيد : هيه
انا : ( أقوله بصوت ما يسمعه غير سعيد ) داامني موجوده ندوي ما بتلبس شي قصير اصلا تخسي تلبس شي قصير ( ابتسمت )
سعيد : صدق ؟ ( ابتسم )
انا : هيه صدق ( ابتسمت ) و سير عاد راضها ترا ما يهون أشوف أختي مضايقه
سعيد : ( يبتسم ) افاا عليج ( و سار )
انا : يلا احمدوه دورنا انتهى ( ابتسمت )
احمد : يلا ( و طلعنا برع )
انا : احمدوه خل نسير عند الأهل
احمد : اوكي يلا ( و سرنا عند الأهل و يلسنا نسولف ويا الأهل لين الساعه 6 يعني شوي و بيون قوم حمده )
انا : بناات ؟
البنات : هلا ؟
انا : يلا خل نسير نلبس شوي و بيون قوم حمدوه
البنات : يلا ( وسرنا ويوم وصلنا فاطمه قفلت الباب عشان محد يدخل علينا .. كلهم بدلوا الا انا )
انا : ( كنت واقفه عند الجامه اطالع الشخص اللي كان واقف يرمس حد )
( عند حمد )
حمد : ( يرمس سعيد ) اييه ليش سرت الإسطبل ؟!؟
سعيد : ( قاله السالفه كلها )
حمد : ( رفع رأسه بالغلط و يلس يطالعني )
انا : ( قمت من عند الجامه ويلست على السرير و مسكت راسي )
فاطمه : ( شافتني ) شهود بلاج ؟
انا : راسي يعوررني واايد واايد ( اصلا كنت اجذب عليها عشان ما أشوف زايد.. تبون الصدق قلبي اللي كان يعوررني )
فاطمه : انزين حبيبتي طيحي ارتاحي
انا : انزين أخاف يقولون ما تستحي و ما ادري شو ؟
فاطمه : لا تخافين انا بفهمهم وجي
انا : انزين ( سرت عند هيا عشان أقولها وجي ) هيووو ؟
هيا : ( تصد لي ) شهووود ليييش ما لبستي ؟؟
انا : تعبااانه والله ما اقدر انزل .. المهم مب هاذي سالفتنا لو حمد قالج وين شهود ؟ قوليله ماتت انزين ؟
هيا : ايييه شهووود لا تقولين جي
انا : حبيبي هيو انتي بس قوليله أبا أشوفه شو يسوي ؟
هيا : انزين
انا : ( سرت عند ندى عشان أشوف شو لابسه ؟ ) هيه شاطرة جي اباج
ندى : ( كانت لابسه فستان طويل و أيده طويله و كان لون الفستان بنفسجي البنات كلهم كانوا لابسين نفس الشي )
انا : يلا انا بسر اريح ( و سرت رقدت في سابع نومه )
تتوقعون شو بيستوي ؟
انا : ( قمت من النوم شفتها الساعه 9 الفليل يعني بعدهم ما ساروا سرت بدلت بسرعه و تمكيجت مكياج خفيف و تحجبت عدل و نزلت و يوم نزلت شفتهم كلهم يطالعوني و يبتسمون سرت عند هيا )
هيووو ؟ شسالفه ؟
هيا : زايد خطبج
انا : شوووو ؟ لا لا ما اصدق ؟ ( من كثر الصدمه يلست عقب قمت و يوم كنت بصعد الدري اغمى علي )
حمد : ( يركض صوبي ) احمدوووه ( يفرله مفتاح السيارة ) شغللل السيارة بسرعه
زايد : ( يدخل هو اصلا ما يدري شو السالفه يوم شافني بسرعه ركض صوبي ) بلاها ؟
هيا : ( سارت له ) و لك عين تسال بعد ؟
زايد : ( يوقف ) ليش انا شسويت ؟
هيا : ( صفعته من الخاطر ) انا استوى شي حق شهوود بتكون انت السبب ( تصيح )
فاطمه : ( أتي عند هيا ) خلاص هيوو
هيا : شوووو خلاص شهوود فيها فقر دمم تعرفين شو يعني فقر دم ؟
الكل : شووو ؟
هيا : تذكرون يوم كنا نسير بدون ما نخبر حد كنا ويا شهود في المستشفى تدرون و لا ؟ ( تصيح )
حمد : ( يشلني و يوديني السيارة و ركض جدام بسرعه و ركب وياه احمد و حمدان .. كان يسوق بسرعه جنونيه )
حمدان : ( كان يالس وياي وراء و مخلني أطيح على ريله و كان يرش على ويهي ماي )
انا : ( افتح عيوني و أرد أغمض و رديت مره ثانيه فتحتها عقب مسكت أيد حمدان ) حمداان الله يخليك قول لهم اني ما ابا اتزوجه الله يخليك ( اصيح )
حمد : ( وقف عند محل من المحلات و صد يطالعني )
حمدان : اذا ما تبينه خلاااص ما بتتزوجينه ( يحظني ) خلاص لا تصيحين
انا : هيه ما أباه ما أباه ( امسح دموعي و أقوم من حظن حمدان و اسير عند حمد ) انزين حمد ما ناوي تتحرك ؟ ( ابتسم )
حمد : ( يصد يطالعني ) شهود لا تتزوجينه ؟ ( يمسك ايدي ) الله يخليج
انا : ( ادمع ) كيف أتزوج واحد و ف قلبي واحد ثاني ( اللي اقصده كيف أتزوج زايد و انا ف قلبي حمد )
حمدان : ( يحط أيده على جتف حمد ) دامي حي محد بيتزوج أختي غيرك
حمد : ( يحظن حمدان و نزلت منه دمعه )
انا : ( امسح دمعه حمد اللي طاحت و رديت يلست مكاني و خليت دموعي تنزل بهدوء .. اطالع احمد، ترا احمد نفس هيا بس اطالعه يفهم انا شو ابا )
احمد : ( يكلم حمد ) حمود ودانا البحر ؟
حمد : انزين ( و سرنا البحر و يوم وصلنا حمد نزل بسرعه )
حمدان : ( لحق حمد )
انا : ( ارمس احمد ) احمدوه قول لهم اني ما أباه الله يخليك
احمد : ( يصد لي ) انزين .. سيري شوفي حمد
انا : ( امسح دموعي ) انزين ( كنت بنزل بس تذكرت شي ) مشكور ولد خالي ما تقصر ( ابتسم ونزلت سرت عند جان أشوف حمدان حاظن حمد ) افففف حمدان ليش حاظن حمد ؟
حمدان : ( يصد لي لان كان عاطني ظهره ) اووه سوري نسيت انج موجوده ( يبتسم )
انا : ( ابتسمت ) مره ثانيه لا تنسى ( سرت عند حمد اللي كان عاطني ظهره ) حبيبي حمد بلاك !؟
حمد : ( يصد لي ) بياخذج مني تعرفين شو يعني بياخذج مني ؟ ( يقصد زايد )
انا: ( اصارخ ) و تعرف شو يعني ما احبه ما أباه و تعرف شو يعني أكرهه ؟ ( و نزلت دموعي ) انتو ليش ما تفهون اني ما احبه ليش ما تفهمون اني أحب غيره ؟
حمد : ( يصد لي بعصبية و يمسك أيدي بقوه ) منو هذا اللي تحبينه ؟
انا : ( في نفسي : لهاذي الدرجه يشك فيني )
حمد : ( يضغط على ايدي بقوه ) شهووود قوووولي
انا : ( اطالعه ما اعرف شو أقوله )
حمد : ( يضغط على ايدي و يصارخ ) قوووولي ؟
انا : ( انزل راسي ) عادي زيد زيد لان ما يعوررني كثر ما يعوررني هذا ( أشار على قلبي )
حمد : ( هد ايدي و صد الصوب الثاني بعصبية )
انا : ( اركض عند حمدان و احظنه بقوه ) حمدان خل نسير العزبه و لا أتعذب اهنه
حمدان : انزين ( يصاررخ ) حممممد ؟
انا : حمدان بسير السيارة ( وركبت السياره )
احمد : عندي خبر لج ب مليون ؟
انا : ( تحمست ) قوول ؟
حمد و حمدان : ( يركبون السياره )
احمد : لا لا ما يتسوي المليون أول .. ( يمد أيده ) يلاا
حمدان : شسالفه؟
احمد : توا اتصلت حق الأهل ( ينزل رأسه )
حمد : احمدوه قوول شو قالوا ؟
احمد : للأسف ( ينزل رأسه و يسوي عمره حزين ، شوي و رفع رأسه و ابتسم ) نحنا مب غاصبينها تتزوجه
انا : شوو ؟ قول والله ؟
احمد : والله !
انا : ( احظن حمدان ) و اخيرااااا
حمد : ( حظن احمد )
احمد : ( يبتعد عن حمد ) خلاص عااد انتهت السالفه ( يرمس حمد ) يلا خل نسير العزبه
حمد : انزين ( و حركنا و شوي ووصلنا العزبه )
انا : ( نزلت و دخلت داخل بسرعه )
هيا : ( أتي و تحظني بقوه ) شهوود خلاص ما بتتزوجينه
انا : هيه و اخيرا ( ابتعدت عنها )
أبويه : ( اي عندي ) أميه جان قلتيلنا انج ما تبينه ..
انا : ( انزل راسي ) ما اقدر مب متعوده أكسر كلمه اللي اكبر عني
أبويه : هيه صح ليش ما قلتيلنا ان فيج فقر دم ؟
انا : ما أباكم تخافون علي
حمدان و حمد و احمد و زايد : ( كلهم دخلوا ويا بعض)
انا : ( صديت لهم شفت زايد و حمد و نزلت راسي في قلبي : اكيد حمد قاله شي )
أبويه : انزين أبويه سيري شوفي امج من متى و هي تصيح
انا : ( أصد له ) تصيح ؟ ليش ؟
أبويه : امج و تعرفينها
انا : ( ركضت عند غرفه اميه و يوم فتحت الباب شفت كل الحريم موجودين بس ما شفت اميه .. سرت عند ام هيا ) خالوه وين أميه ؟
ام هيا : سارت تغسل ويها
انا : اوكي ( يلست لين ما تخلص و شوي و طلعت سرت لها و حظنتها ) اميه ليش تصيحين ؟
اميه : اميه فديتج بخير انتي ؟
انا : هيه فديتج انا بخير ( ابتعد عنها ) اميه خلاص لا تصيحين انا بخير والله ( امسح دموعها )
اميه : سيري ارتاحي شوي
انا : ان شاء الله اميه ( بست رأسها و طلعت و انا طالعه سمعت حمد يقول )
حمد : عمي انا ابا بنتك شهود
أبويه : يا أبويه انا موافق بس خل نشوف البنت اول ( على فكرة زايد طلع اونه سار عند ربيعه )
حمد : انزين
انا : ( فتحت و سكرته بالقو متعمده أسوي هاذي الحركه ، سرت عند أبوي و بسته على راسه )
أبويه تبا شي ؟
أبويه : لا اميه ما ابا شي
انا : تصبح على خير أبويه
أبويه : و انتي من أهل الخير
انا : (صديت و ابتسمت ) تصبحون على خير عيال عمي و عيال خالي
الكل : و انتي من أهل الخير
انا : ( صعدت فوق و انا احس بثجل يوم فتحت الباب شفت البنات كلهم )
اسماء : ( أتي صوبي و تحظني ) شهود حبيبتي انتي بخير ؟
انا : هيه حبيبتي بخير انا
اسماء : ( تبتعد عني ) انا قلت حق زيوود …….
انا : ( اقاطعها ) حصل خير ( ابتسمت )
فاطمه : ( تهمس في أذني ) ما شاء الله نص الأولاد يحبونج
انا : هههههه قولي ما شاء الله ؟
فاطمه : هههههه ما شاء الله
انا : فطووم هيوي وين ؟
فاطمه : ما ادري اسألي شوق
انا : ( اسير عند شوق ) شوق حبيبتي وين هيوي ؟
شوق : ما ادري والله اخر مره شفتها كانت ويا ندوي
انا : اها ( سرت عند ندى ) ندووي ؟
ندى : هلا ؟
انا : وين هيوي ؟
ندى : سارت تحت
انا : اوك ( نزلت تحت تميت أدورها بس ما حصلتها طلعت برع جان احصلها يالسه على المريحانه سرت من ورآها ) بووو
هيا : ( نقزت ) بسسسم الله
انا : هههههههههههه تستاهلين
هيا : شهوود لا تضحكين والله مب متفيجه
انا : ( سكت ) بلاج ؟
هيا : ( تدمع ) شهوود والله كنت خايفه عليج وايد
انا : ( احظنها ) هيوو والله ما فيني والله
هيا : ( تبتعد عني ) صدق ؟
انا : هيه ( ما ادري شو اللي خلاني أشوف فوق عند جامه حمد ) بس في شي واحد يعوررني (اشوفها ) تعرفين شو ؟
هيا : شو !؟
انا : هذا ( أشار على قلبي )
هيا : شهود انتي متضاربه ويا حمد ؟؟
انا : قلتلها كل اللي استوى من يوم طلعنا لين يوم سمعت حمد يوم كان يكلم أبويه ( دمعت )
هيا : ( تمسك ايدي ) شهود ما عليه هو سوا جي لانه هو كان خايف يخسرج
انا : ( نزلت دموعي ) عيل انا شو اقول انا كنت بموت من الخوف والله كنت خايفه اخسره
هيا: ( تحظني ) خلاص حبيبتي ما عليه كل شي بيتصلح ان شاء الله
انا : ان شاء الله ( ابتعدت عنها ) هيو صح شو استوى هذاك اليوم !؟
هيا : اي يوم بعد ؟
انا : يوم كنتي في الإسطبل وياج حمدان عقب اغمى علي
هيا : هيه صح ( ابتسمت و نزلت رأسها )
انا : ( ابتسمت ) يلاا قولي تحمست
هيا: ( نرجع عند هذاك اليوم يوم كانت هيوي زعلانه من حمدان عقب سار لها يوم هي كانت في الإسطبل عقب اغمى علي ! تذكرون و لا )
( يوم طلعنا انا و حمد )
حمدان : هيو انا والله ما كنت اقصد والله
هيا: ( منزله رأسها )
حمدان : تدرين ليش انا سويت جي تبين تعرفين !؟
هيا : ( ترفع رأسها )
حمدان : عشان انا احبج والله اني احبج ويوم قال لج هذا اللي يتسويلج الحب انا انقهرت
هيا : ( تطالعه بصدمه .. المهم عقب سمعوا صوت حمد و هو ساروا )
(نرد عدنا و هيا )
انا : هههه تدرين ان حمد بعد يعرف !؟
هيا : ههه قولي والله ؟
انا : والله ( شوي سمعنا شي يطيح انا صديت جاااان أشوف حمد ) أمم ( اصد حق هيا ) انا بسير داخل ( وركضت )
حمد : ( يسير عند هيا ) هيو الله يخليج سيري قوليلها اني كنت خايف اخسرها بس والله انا عمري ما شكيت فيها والله و يوم سألتها منو هذا ؟ كنت بس ابا أتأكد اذا هي صدق تحبني والله ما شكيت فيها والله
هيا : انزين بقولها بس انته لا تحاتي
حمد : كيف ما احاتي ؟ كيف ؟
هيا : لا تخاف اكيد بتسامحك
حمد : ان شاء الله
هيا : يلا انا بسير أشوف شهود وين سارت ( و سارت )
(عندي انا )
انا : ( كنت اركض ما اعرف وين اسير ما حصلت عمري الا وانا في مكان كنت انا و احمد كنا دوم نسير له يوم كنا صغار ، يلست هناك و يلست اصيح و اصيح )
(عند هيا )
هيا : ( سارت الحجره تمت ادورني ما حصلتني طلعت برع و تمت أدور ما حصلتني سارت مره ثانيه عند المريحانه بس ما حصلتني حصلت حمد يالس مكان ما انا كنت يالسه ) حمد ؟
حمد : هلا ؟
هيا : اممم ما اعرف وين شهود
! حمد : شووو ؟؟ ( يقوم ) انزين دورتيها في حجرتكم ؟
هيا : هيه و دورتها في العزبه كلها ما حصلتها !!
حمد : انزين سرتي شفتيها عند حمدان ؟
هيا : لا
حمد : تعالي خل نسير ( و ساروا .. طبعا حمد ما خلا هيا تدخل لان كل الشباب داخل نادى حمدان ورجع )
حمدان : ( كان لابس وزار و فانيله كت .. يتثاوب ) حمد خلصني شو تبا ؟
هيا : ( تصد حق حمد و تبتسم ) اممم ما شفت شهود ؟ ما نعرف وينها ؟ ( تبتسم )
حمدان : ( يصد لها ) هاا ؟ ( قفط ) لا لا ما شفتها ليش هي وين ؟
هيا ( قالت له كل السالفه ) وجي السالفه
حمد : ( ينزل راسه )
حمدان : انزين بسير ببدل و برجع ( سار و رد بسرعه ) يلا ؟ ( و يلسوا يدورني لين ما اذن الفجر )
هيا : تعالوا خل نصلي اكيد الحين بتي عشان تصلي ..
حمدان : اوكي يلا ( يرمس حمد ) لا تخاف ان شاء الله بنحصلها
حمد : ان شاء الله ( و ساروا و يوم ساروا قوموا الشباب كلهم ) شباب يلا قوموا ..
احمد : ( فتح عيونه ) انزين الحين بقوم ( و قام سار تغسل و توضأ و صلا )
حمد : تقبل الله
احمد : منا و منكم صالح الاعمال .. ما شاء الله حمد قايم اول واحد !؟
حمد : اصلا انا ما رقدت
احمد : افااا ليش ؟
حمد : خل نسير برع بقولك ( و طلعوا برع و حمد قال حق احمد السالفه كلها ) وجي السالفه و لين الحين ما حصلنها
حمدان و هيا : ( توا كانوا مخلصين صلاه ) تقبل الله
حمد و احمد : منا و منكم صالح الاعمال
احمد : ( يفكر ) صححح تذكرت ( يركككض )
حمد و حمدان و هيا : ( يشوفون بعض عقب كلهم ركضوا ويا بعض )
احمد : ( وصل و تم واقف متصنم )
انا : ( كنت يالسه عند النافوره و احرك بيدي الماي و دموعي على خدي )
حمدان و حمد و هيا : ( توا وصلوا و تموا واقفين يطالعوني )
هيا : ( يت عندي و حظنتي و صاحت ) شهود خوفتينا عليج ..
انا : ( اصيح و اقول بصوت محد يسمعه غيرها ) اكيد حمد ما خاف علي صح ؟
هيا : لا والله هو كان اكثر واحد خايف ( تبتعد عني ) خلاص حبيبتي لا تصيحين
حمدان : ( اي عندي و يحظني ) اختيه حبيبتي خوفتينا عليج
انا : ( أهمس ) شو أسوي قلبي يعوررني واايد واايد
حمدان : سلامة قلبج اختيه ( يبتعد عني ) خلاص لا تصيحين
حمد : ( اي صوبي ) شهود ترا انا أسف والله ما كنت اقصد والله و انا ما شكيت فيج والله بس كنت ابا أتأكد اذا كنتي تحبيني و لا ؟ والله !!
انا : ( امسح دموعي و ابتسم له ) مسموح ولد عمي
حمد : ( يبتسم ) والله شكلج يوم تضحكين أحلى
انا : ههه انزين ( ابتسمت و صديت وراي و شفت احمد جان اسير له ) ولد خالي .. تذكر هذا المكان ؟
احمد : كيف ما اذكره و انا قضيت أحلى أوقات حياتي اهنه ( يبتسم )
انا : والله كانت طفوله حلوه ( ابتسمت)
احمد : هيه .. يلا خل نسير عند الأهل
انا : يلاا ( سرنا انا و هيا الغرفه .. يوم وصلنا توضيت صليت عقب بدلت و رقددت )
تتوقعون شو بيستوي ؟؟
( تحت عند الأهل )
حمد : ( يسير عند ابوه و يهمس في أذنه ) ابووي ؟
ابو حمد : خير أبوي ؟
حمد : ابا أتزوج ..
ابو حمد : و هاذي الساعه المباركة .. و منو هاذي حزينه الحظ ؟ ههههه اقصد سعيده الحظ
حمد : هههه شهد بنت عمي
ابو حمد : ما شاء الله والله كنت ناوي اخطبها لك
حمد : خلاص انا موافق الحين يا ابووي نسير اخطبها لي قبل ما حد يأخذها عني ( يبتسم )
ابو حمد : ان شاء الله ( قام و سار عند ابويه ) بو ناصر ؟
أبويه : هللا اخوي !؟
ابو حمد : انا ياينك أقولك ان ولدنا حمد يبا بنتكم شهد
ابويه : و هاذي الساعه المباركة .. البنت بنتكم و الولد ولدنا .. بس خل اشاور البنت اول
ابو حمد : خذوا راحتكم ( يبتسم و يسير عند حمد )
حمد : ها أبوي بشرر شو قال ؟
ابو حمد : هو موافق بس بيشوفها شو تقول ( يبتسم ) ان شاء الله توافق
حمد : ( يبتسم ) ان شاء الله ( و طلع سار على الند لان البنات و الأولاد كلهم هناك ) سععيدوه تعال بقولك شي !؟؟
سعيد : ( يا صوبه ) هلا حممود ؟
حمد : ( يسحبه بعيد شوي ) أقولك انا خطبت ؟
سعيدد : شوووو !؟ ( يزقر الشباب ) شبااااااب الحقوااا حممممد خطبب
البنات : ( كلهم شهقوا ع بالهم ان حمد خطب وحده غيري ، مب كلهم بس اللي يعرفون اللي بيني و بين حمد )
الشباب : ( كلهم ساروا عن حمد )
حمدان : منوو هاذي حزيييينه الحظ ؟؟ ( يبتسم )
الشباب كلهم : هههههههه
حمد : ( يبتسم ) لأنك قلت حزينه الحظ ما بقول
احمد : بدون ما تقول نعرفها البنت نعرفها ( يغمز له )
زايد : اييه عااد قولوا ؟ الفضول ذابحني !؟ يعني وحده من بناات العايله ؟
حمد : هيه ( يبتسم )
زايد : أنزين قوول ؟ ندووي ؟
سعيد : نععم نعععم مااا سمعت عيد عيد !! قال ندوي قال ؟
حمد : ( يقرصه ) هيه ندووي ( يبتسم )
سعيد : (يصارخ ) ندووووي تعاااالي
( عند البنات )
ندى : بسسم الله الرحمن الرحيم شكله معصب ( تعدل وقايتها و قامت و نزلت عندهم ) هلا ؟
حمد : انا خطبتج ( يغمز لها )
ندى : ( ابتسمت لانها فهمت عليه )
سعيد : لا توافقين هذا خريط و مغازلجي كل يغازل حتى ما خلا بنت من البلاد ما غازلها
الشباب و ندى : هههههههه
ندى : انزين تعال تعال خل نسير عن تذبحه ( ترمس حمد بصوت خفيف عشان ما يسمعها سعيد ) ما عليك بتوافق ( ابتسمت )
حمد : دومج فاهمتني ( يبتسم )
سعيد : يلااا ندووي
ندى : يلاا يلا يايه ( سارت له و يوم تزلوا تحت ) اسمع حمد ما خطبني خطب اختيه و هو قال جي عشان زايد ما يشك في شي ( تبتسم ) و اصلا كيف يتزوجني و هو يدري اني حبيبة اخوه
سعيد : هيه والله صدقج ( يبتسم ) تعالي خل نسير له
ندى : يلاا ( ساروا و يوم وصلوا )
سعيد : ( يحظن حمد ) فددديتك أخوووي
حمد : ( يبتسم ) ههه وأخيرا فهمت
زايد : ( ف قلبه : اففف هذيلا بلاهم ؟ شسالفه ؟ توا معصب من اخوه شو اللي غير حاله ؟ )
( عند البنات )
اسماء : بناات تتوقعون منو اللي خطبها حمد ؟
حمده : ( بغرور ) اكيد خطبني انا لآني أحلا وحده
ندى : ( يت عند البنات و سمعت اللي قالته حمده ) انتتي ع كيفج ؟ تراج وايد شايفه عمرج ! اقول فطوم و هيوي تعالوا أباكم شوي
هيا و فاطمه : انزين ( و قاموا و نزلوا تحت )
ندى : بناات تعرفون حمد منو خطب ؟
هيا : منووو ؟
ندى : ( تقول بصوت خفيف ) خطب شهود بس لا تقولون حق حد لان حمد جذب ع الشباب و قال انه هو خاطبني انا عشان زايد ما يشك ف شي
هيا : واخيرااا وحدده منا نخطبت .. يلا تعالوا نسير نقوم شهود ( تبتسم )
البنات : يلاا ( و يوا عندي )
انا : ( من الأساس قايمه .. كنت يالسه ارسم عيوني بلايلاينر خلصت و سرت الكبت و طلعت لي كعب عالي و لبسته انا كنت لابسه فستان طويل و أيده طويله و لون تركوازي جان لهم و ابتسمت ) هاا شرايكم حلو و لا ؟
هيا : اووو ماااي قاااد تخقين
ندى : ما شاء الله عليج مستويه كيووووت ( تبتسم )
فاطمه : انزين نحنا ياين تقولج شي وايد حلو ( تبتسم )
انا : شوو قولوا تحمست ؟ ( ابتسم )
ندى : حممممد خططبج
انا : قوولي والله؟ ( ابتسمت)
ندى و فاطمه و هيا : والله ( ابتسموا )
انا : ( حمريت ) هه انزين خلونا ننزل تحت
فاطمه : لا ماشي عشان تشوفين خطيبج ( تبتسم )
انا : هههه لا والله ما فكرت ف الشي حتى ( ابتسم ) ايييه عاد ابا اسير عند الأهل من متى و انا اهنه
هيا : خلوها خلوها تبا تشوف حبيب القلب ( تبتسم ) يلاا
انا : جبب انزين ( و نزلنا تحت و يوم نزلت شفت الأهل كلهم يشوفوني و يبتسمون جان أرد لهم الابتسامة سرت عند ابويه بست رأسه عقب جان اسير عند اميه و بسته رأسها ) شحالج اميه؟ عساج بخير ؟ ( ابتسم )
اميه : انا الحمدالله بخير ، ( تبتسم ) تعالي غرفتي اباج في سالفه
انا : ان شاء الله اميه ( صديت للبنات ابتسمت و هم ردوا لي الابتسامة ، سرت غرفه اميه و يوم وصلت ) خير اميه ؟
اميه : ( تبتسم ) تعالي اميه يلسي
انا : ان شاء الله ( سرت يلست جريب منها ) خير اميه ؟
اميه : انتي يا اميه الحين كبرتي ( تبتسم ) يا اميه حمد ولد عمرج خطبج اذا ما تبينه قولي عادي ؟
انا : لا اميه ( ابتسم ) انا مواقفه عليه و بعدني ليش ارفضه ولد عمي اولا من الغريب
اميه : كلووووش كلووووش ( تحظني ) مبروك يا اميه
انا : ( ابتعد عنها ) ووي يا اميه بعدنا ما تتزوجنا لا بس خطبه
اميه : ( تبتسم ) ولد عمج ما ادري بلاه مستعيل ياب المليج شكله يعرف انج بتوافقين
انا : شووو ياب المليج ؟ اميهه بسم الله (الحريم يدخلن و من بينهم ام حمد )
ام حمد : ( أتي صوبي )اميه اذا ما تبينه عادي قولي ؟
انا : ( انزل راسي و ابتسم )
ام حمد : ( تبتسم ) يعني موافقه ؟
انا : ( بعدني منزله راسي و ابتسمت) هيه
الحريم : كللللللوللللش
هيا و فاطمه و ندى و شوق : ( يدخلن )
هيا: ( أتي صوبي ) وافقتي ؟
انا : ( انزل راسي ) هيه وافقت
هيا : ( تحظني ) مبررروك
انا : ( ابتعد عنها ) هيوو ياخي بعدنا ما تزوجنا و انتو مبروك مبروك
فاطمه : لا اميه خلاص انتو الحين متزوجين بس باقي توقيعج ؟
انا : كيفي يعني ما فهمت ؟
فاطمه : تدرين ان حمد ياب المليج صح ؟
انا : هيه ادري انزين ؟
هيا : ( تكمل عنها ) من سمعنا الزغاريط قلنا اكيد وافقت و حمد ما صدق سيده وقع و قال لنا نسير نتأكد و نرجع و اذا وافقت نسير نقول لهم عشان حد ايب لج الكتاب عشان توقعين
! انا : ( ايلس ) انزين حد يسير يقول لهم
فاطمه : ( تبتسم ) يلاا انا بسير ندوي تعالي وياي
ندى : انزين ( و ساروا )
هيا : ( تيلس حذالي و تمسك ايدي ) شهود بلاج ؟
انا : ( أصد لها ) هيو احس كل شي استوى بسرعه مب قادرة استوعب شي ؟
هيا : ( تحظني ) ما عليه حبيبتي من اي حمد بتنسين كل شي
انا : ( ابتعد عنها و ابتسم ) هيو انا اول وحده من البنات بتزوج
هيا : هه حسيت انزين
ابويه : ( يدق الباب ) هووود هووود
اميه : هدا هدا
ابويه : ( يدخل و في أيده الكتاب )
انا : ( اسير صوبه و ابوس راسه )
ابويه : ( يعطني القلم ) يلا اميه وقعي
انا : ( أخذ عنه القلم و انا ارتجف .. ووقعت )
الحريم : الف الصلااااه و السلاام عليككك يا حبيب الله محمد كللللللوش
ابويه : ( يبوسني ع راسي ) الف مبروك اميه
انا : الله يبارك فيك ابويه
ابويه : ( ابتسم و طلع )
اميه : ( أتي صوبي ) الف مبروك بنتيه
انا : ( احظنها ) الله يبارك فيج اميه
الكل : الف مبروك
انا : ( ابتعد عن اميه ) الله يبارك فيكم
فاطمه و ندى : ( يدخلن ) الف مبروك شهود
انا : الله يبارك فيكم
ندى : ( تبتسم ) شهود سيري حمدان يترياج برع
اناا : انزين الحين بطلع بس انتو اطلعوا قبلي
ندى و هيا و فاطمه : انزين ( وطلعوا )
انا : ( أخذ نفس و طلعت .. ابتسمت و سرت صوب حمدان )
حمدان : ( يحظني ) الف مبروك شهوود
انا : ( ابتعد عنه و ابتسم ) الله يبارك فيك و ف حياتك ( اطالع هيا ) عقبالك اخويه ( اغمز له )
هيا : ( استوى ويها احممممر )
حمدان : ( يطالع هيا و يرد يطالعني و يبتسم ) جريب ان شاء الله ( يطالع وراي ) عييييب ما يستوي تشوفها يلاا مناك لين العرس ما بتشوفها
حمد : ما يخصك ياخي حرمتي و كيفيي
انا : ( استوى ويهي احمر و نزلت رأسي .. انا كنت عاطيه حمد ظهري )
هيا : ههههه طاعوا الويه كيف استوى
انا : جب انزين
حمد : اووف فديت الصوت و اخيرا رمست
سعيد : ( اي من ورانا ) انتو بعدكم ما عرستوا جي عيل كيف لو عرستوا ؟ ( يغمز حق حمد )
انا : ( ارمس ندى ) ندوي عادي ؟ ( أشار ع الكلينكس )
ندى : هههه هيه
انا : ( أشل الكلينكس و أصد وراء و افره على سعيد ) خايس واحد
حمد : ( مفهههي )
سعيد : حمد شوف مرتك ضربتني ( يهز حمد ) اييييه انته يا الحبيب وين سرحت
حمد : فديت ها الويه ( يصد يرمس حمدان ) خلاص ما بنسوي عرس ( يبتسم بخبث )
حمدان : هيه احسن والله وفرت وأخيرا بنفتك منها و من حشرتها
ندى : هيه والله و اخيرا
انا : ( صديت لهم و اطالعهم لا إرادياَ حطيت ايدي ع خصري ) لا والله اوكي ما عليه ( جان اطلع برع سرت عند المريحانه و يلست هناك )
احمد : ( اي من وراي ) بووووو
انا : ( أنقز ) بسمممم الله ( أحط ايدي على قلبي ) خوفتني يا الخايس
احمد : ههههههههه لو تشوفين شكلج !!
انا : ( ايلس مره ثانيه ع المريحانه ) هههه ايلس ايلس
احمد : ( يلس ع المريحانه اللي عدالي ) اوووه محلوه بنت عمتي هيه كل من الحب
انا : ( اطالعه وابتسم ) هههه شفت عاد يلا عقبالك
احمد : ( يطالعني ) وين الزواج ووين انا .. بعدني ما شفت وحده دخلت قلبي
انا : ( اغمز له ) جريب ان شاء الله بتشوف وحده طرر ما بقولك منو هي انته بروحك بتعرفها
احمد : انزين قوليلي متى بشوفها ؟
انا : يوم بنسير الشاليه اتوقع يعني ( ابتسم )
( عند قوم حمدان )
حمد : ايييه انتو ما تستحون جي تقولون حق أختكم ؟
سعيد : هيه والله حراام عليكم لازم تسيرون تعتذرون لها
حمدان : انزين نحنا ما كنا نقصد كنا نستهبل
حمد : ( عصب ) حد جي يستهبل اكيد الحين جرحتها
حمدان : ( عصب ) اووووووف بس عااااد خلها تولي دلوعه هاي
انا و احمد : ( كنا تونا داخلين ف سمعناه )
انا : انا الحين استويت دلوعه اوكي عادي ( و سرت الغرفه )
احمد : شسالفه ؟
حمد : ( يقوله السالفه ) و هذا اللي استوى
احمد : اييه حمدان انته ما تستحي جي تقول حق أختك تدري ان شهود فيها فقر دم يعني لو استوى لها شي بتكون انته السبب
حمدان : خلللها تزوول دلوعه هااذي ( و سار برع )
هيا : ( لحقته ) حمدان أصبر اصبر
حمدان : ( يصد لها و يتنهد )
هيا : حمدان بلاك ؟ ليش جي معصب ؟
حمدان : اووف مافيني شي
هيا : ( ترمسه بهدوء ) حمدان ليش جي تعامل أختك ؟ تدري ان شهود كانت وايد خايفه ؟ و تدري انها بتتزوج و هي بعدها صغيره؟ و هي اول وحده من البنات بتتزوج ؟ حرام جي تعاملها!
حمدان : ( يطالعها )
( في غرفه البنات )
انا : ( كنت يالسه ع السرير أكلم ابويه ) الووو
ابويه : الوو
انا : هلا ابويه شحالك ؟ ابويه : هلا اميه انا الحمدالله بخير و انتي ؟
انا : دوووم ابويه .. انا الحمدالله بخير
ابويه : عساه حالن مديم
انا : اممم ابويه ابا أرد البيت ترا ما باقي شي عن العيد و انا ما اشتريت شي
ابويه : انزين اميه .. انتي حطي اغراضج داخل الشنطة و يوم بتخلصني قوليلي
انا : ان شاء الله ابويه
ابويه : يلا مع السلامه
انا : مع السلامه
اسماء : ( كانت يالسه عدالي ) شهوود بلاج ؟ اول مره انتي تقولين ابا اروح من العزبه ؟
انا : ( انتهد ) مافيني شي
اسماء : ( تطالعيني ) زايد سوا لج شي ؟
انا : لا ما سوا لي شي ( أقوم من السرير و اسير عند الكبت )
اسماء : ( أتي صوبي ) انتي زعلانه من اللي قاله حمدان و ندى ؟
انا : ( اطالعها و انزل راسي)
اسماء : يعني زعلانه منهم صح ؟
انا : يعني ( نزلت دموعي ) كيف ما تبيني أزعل انتي ما شفتيهم كيف كانوا يكلموني جني مب أختهم
اسماء : ( تحظني ) اكيد كانوا يستهبلون
انا : ( ابتعد عنها ) بس شو يستهبلون حد جي يستهبل ؟ يستهبلون و يضحكون و اخر شي انا اللي انجرح
اسماء : ( تطالع وراي و تعدل وقايتها ) شهود انا بسير تحت عقب بيج
انا : انزين ( سرت عند السرير و تميت اصيح )
حمد : ( يلس ع السرير و يمسح على شعري ) حبيبتي خلاص لا تصيحين ما عليه اكيد ما كانوا يقصدون
انا: ( ارفع راسي و دموعي على خدي ) شو كانوا ما يقصدون ( أحط راسي ع صدره ) اول مره حمدان يكلمني جي ( نزلت دمعه حاره من عيوني )
هيا : ( تدخل و هي منزله رأسها و يوم وصلت جريب من سريري رفعت رأسها و شهقت ) سوري سوري ما ادري أنكم هني
انا : هههههه تعالي حبيبتي تعالي
حمد : ( يبتسم ) لو ادري انج جي بتضحكين حبيبتي جان ناديتج من متى تدرين ما يهون علي أشوف حبيبتي جي تصيح
انا : ( ارفع راسي و ابوسه ع خده و عقب خشيت ويهي )
هيا : هههههههههه انتو بعدكم ما تزوجتوا جي عيل كيف لو تزوجتوا
انا : ( شليت المخده و فريتها عليها ) جب انزين
حمد : ( سرحاااان )
( نسيت أقولكم انا و هيا نعرف نرمس فرنسي لان نحنا في الإجازات كل نسير فرنسا و نحنا عندنا بيت هناك )
انا : ( بالفرنسي ) انا عقب شوي بسير دبي
هيا : ( بالفرنسي ) ليييش ؟ عشااان حمدان و ندى ؟؟
انا : ( بالفرنسي ) مب بس .. انا ما اشتريت شي للعيد و العيد عقب أسبوع
! هيا : هيه صح انا بعد بي وياج عادي و لا ؟
انا : هيه حبيبتي عادي
حمد : ( رجع من سرحانه ) فديت البوسه و صاحبتها ( يبتسم )
انا : تفداك
حمد : ( ترا حمد بعد يعرف فرنسي ) هيه صح ليش بتسيرين ؟ عشان حمدان و ندى ؟
انا : مب بس جي بعد انا ما اشتريت شي حق العيد و تدري العيد عقب أسبوع ( ابتسمت)
حمد : اهاا .. انزين عادي انا بوديج ! ( يبتسم )
انا : ترا هيوي بتي ويانا
حمد : هيو عادي حد ثاني لا
انا : بس اول لازم تقول حق أبوي و صح بقول لكم شي عقب ما نرد من دبي ما بني العزبه بنسير البيت
حمد : هيه اكيد بقوله ( يكمل ) هذا كل عشان ما يشوفونج
انا : هه حبيبي بعدك ما شفت شي
حمد و هيا : ( مستغربين ) كيف يعني ؟
انا : عقب بتعرفون المهم ( ابتسمت ) اووف و أخيرا
حمد : شو اخيرا ( يطالعني باهتمام )
انا : ( اطالعه عيني بعين ) و اخيرا حبيت و اللي احبه تزوجته و جريب ان شاء الله بيكون حقي انا بس ( ابتسمت و انزل راسي)
حمد : ( يحظني بقوو ) فديتج شهوود والله ما تتخيلين كيف انا احبج
انا : ( حسيت بشي حار نزل على رقبتي .. ابتعدت عنه جااان أشوفه … )
تتوقعون شو شفت ؟