ف يصحيك الحاضر على مستقبل ميئوس منه
ف تتمنى ان يرجع الزمان قليلًا ليكون ليس لك وجود
تردد دائما , سوف ياخذني الزمان الى حاضرٍ جميل
ف تتعثر لتعيش يومك باحزانه او بافراحه
في الشرقيه تحديدًا في احيائها القديمه
بيت تعتقت جدرانه بفعل الزمن
هناك في زاويه الصاله تلفاز وجد ملئ رأسه الشيب ممسكًا برادوِه الذي عانقه منذ زمن
و في المطبخ عجوز تعرعرت يداها بفعل الزمن ممسكةً عصاها
وفي اخر المنزل في احدى الغرف فتاه تحلم بمستقبل وردي لكن لا تعرف معنى القدر
وفتاه تجلس ف غرفه ابيها تحلم بفارس احلامها وهي لا تعرف من هو المجهول
وفتاه تجلس بقرب جدها خائفه من مستقبلٍ مجهول
وفتى خارج المنزل ممسك بكوره يحلم بان يصبح لاعب مشهور وفتى ذو اهميه
انفال : يمّه متى يجي ابوي " انفال اولى جامعه بنت طموحه تحلم تدخل طب وتساعد عائلتها "
ام طلال : بعد ربع ساعه يجي ان شاء الله
طلال : يمّه افف جوعان ترا مليت وانا انتظر" طلال ثالث متوسط يحب الكوره , هدفه بالحياه يكون لاعب"
ام طلال : اصبر شوي ويجي ابوك وناكل كلنا
طلال : لا ماراح اصبر
الجده : هو عيب وانا امك اصبر يجي ابوك وكلنا بناكل ان شاء الله
طلال : وععع من زين اكلمك عاد عيش حتى بدون دجاج ولا لحم
خلاص م ابي اكل مخليه لكم
الجده : احمد ربك على النعمه بس
ام طلال : لا تاخذين بخطرك على الولد مراهق وتعرفين تفكيره
الجده الله يصلحه ..
فتون : ماما …. ماماتي
ام طلال : نعم ؟
فتون : يمّه اف طفشنا نبي نروح للبحر " فتون ثالث ثانوي طيبه وتحب تساعد كثيرو رحومه "
نورا :أي يمه من زمان م رحنا للبحر تكفين " نورا ثاني ثانوي بنت مرحه وتحب تستهبل على اخوانها كثير "
ام طلال : لا اخاف ابوكم جاي من الشغل تعبان وما له خلق
ابو طلال : يالله جهزوا اغراضكم خلونا نروح للبحر
انفال : يبه جيت … صدق بنطلع ؟
ابو طلال : أي وانا ابوكم 10 دقايق لكم
البنات راحوا يجهزون انفسهم وابو طلال راح لخاله
ابو طلال : هلا والله
الجد : هلا والله باولدي شلون طيب ؟
ابو طلال: الحمد الله بخير … الا اقول يبه اللحين بنطلع للبحر تروح معنا ؟
الجد : متى اللحين ؟ … لا والله ما راح اروح تعيبان شوي
طلال : افا نروح ونخليك … تكفى تعال معنى
ابو طلال : يالله وهاذا طلال يبيك رح معانا
الجد : ان شاء الله .
في زاويه بعيده وبمكان ثاني وبمدينه ثانيه
الرياض :
في بيت كبير او نقول قصر كبير
في احدى الغرف فتاه ذو الثامنه عشر تتحدث في هاتفها مع احدى الذئاب البشريه ….
وفي غرفه يحيط بها الظلام فتى ذو السابعه والعشرون يعمل على حاسبه لينجز بعض اعماله ….
وفي الغرفه المقابله فتى ممسك بهاتفه يحادث احدى صديقاته بمسماه ولا يعرف قبح الذنب اللذي ارتكبه ….
نزل نظارته واخذ بعض الاوراق نزل دق باب الغرفه
…. : تفضل
تميم : يبه هاذي الاوراق اللي طلبتها …. تامر بشي ؟
ابو تميم : لا سلامتك …. بس لا تنسى اليوم الجمعه عند ابو راشد
تميم : ان شاء الله
ابو تميم : وعلم هالحمير اللي عندك يجون لا يفشلون عند الرجال
تميم : هههه ان شاء الله يالله عن اذنك
ابو تميم : الله يصلهم يارب ويخليهم لي
تميم طلع من الغرفه وراح لاخته
طق الباب وفتحه
تميم : هيتاف
هيتاف : هلا تميم ادخل
تميم : اممم قلت اكيد طفشانه وخلني امر عليها اقول اذا تبي طلع معي
هيتاف : أي والله طفشانه بس لا طلعنا وين نروح
تميم : نروح لمطعم ويالله العشاء على حسابي
هيتاف : اممم اوك يالله " مو هامها اذا على حسابه او لا لانها شبعانه فلوس"
نرجع للشرقيه تحديدا الخبر
انفال : الله من زمان عن البحر
فتون : الجو يجننن
طلال : اففف ودي اسكن عند البحر دايم
نورا : عشان تخيس حر هههههههه
طلال : هاذي م فكرت فيها
الجد : اههه ي زين البحر
ابو طلال : عمّي كم لك سنه وانت هنا ؟
الجد : لي 36 بالشرقه
ابو طلال : طيب ليه تركت الرياض ؟
الجد : وانا ابوك كنت انا واخواني شركاء بشركه , وكنت واثق باخواني
بس اخواني مو قد الثقه وطلعوني من الشركه وباعو بيتي اللي ساكن فيه
ف قررت اهاجر من الرياض وسكنت هناء ف الشرقيه
ابو طلال : واخوانك لك علاقه بهم اللحين ؟
الجد : لي 18 سنه م كلمتهم ولا شفت واحد منهم
ام طلال : يبه محمد تعالو للغداء
ابو طلال : انشاء الله …. طيب عمي م قررت انك بيوم تكلمهم
الجد : لا واذا كلمتهم وش بقول رجعوا حلالي ؟
ابو طلال : لا بس كلمهم يمكن يحنون لك ويتراجعون
الجد : م اتوقع وانا ابوك
نورا : فتون لما تتزوجين وش تبين يكون زوجك ؟
فتون : ابي نفس ابوي بالضبط ….
نورا : وعع تبينه فراااش ؟
انفال : عيب استحي تراه ابوك عيب تعيبين على شغله . والشغل مو عيب
نورا تفشلت وطاح وجهها وقامت : يالله الغداء
فتون : ههههههههههههههه بدت تصرف
انفال : ماعليك منها قومي نتغداء
تميم : هاه .. عساك استانستي ؟
هيتاف : أي والله استانست "قالتها بدلع" يسلمو خيّو
تميم : أي احكي لي عنك وشنو مضايق …. "تنهد" حالك مو عاجبني
هيتاف : وليه موع اجبك ؟
تميم : طول الوقت بغرفتك … ووقت الاكل م تكونين موجوده .. ونايمه ؟
هيتاف وهي تتدلع : افف انتو حديتوني ع كذا ..!!
تميم : حنا ؟
هيتاف : ايه انتم م تخلوني اطلع م تخلوني اسافر افف طفشت
تميم : بس انتي عارفه خايفين عليك … ابوي بعمره م قصر عيك بشي
هيتاف : ابي اسافر مليت من اجواء السعوديه الكئيبه …
تميم : هيتاف … حبيبتي تعالي ننزل للبحر شوي ونقعد نسولف
هيتاف : اووف طيب
انفال : فتون تعالي نتمشى
فتون : طيب امشي من هناك
انفال " طويله شعرها اسود كثيف , لون عيونها سوداء وكبيره , وشفايفه متفوخه وورديه "
—
تميم : هيتاف … " انسدح ع الرمل" شرايك نلعب
هيتاف : نلعب ؟
تميم : ايه نلعب …. امم شوفي نلعب لعبه انا اسالك وانتي تساليني
هيتاف : طيب
تميم : يلا بسالك …
هيتاف : اوك يالله اسال
تميم : تحبين ؟
هيتاف : احب ؟
تميم : ايه تحبين … عادي هيتاف تكلمي
هيتاف : لا م احب بس يمكن مجرد اعجاب
تميم : اها طيب الاعجاب هذا يوصل للحب ؟
هيتاف : لا م اتوقع يوصل للحب
تميم : اها …. يالله اسالي
هيتاف : امممم …. ليه لهذا الوقت م تزوجت ؟
تميم وقف : انا كم مرره قايل لكم م ابي سيره الزواج
فتون : اوووه انفال … تخيلي عندنا قصر كبير وخدم
انفال : بلاش هاذي الاحلام عيشي الواقع وفكري بالمستقبل
فتون : اوووف ليش انتي كذا !!
انفال : انا اصحيك ع الواقعع
فتون : الله شوفي هناااك …. " راحت فتون لسياره الايس كريم"
انفال : "وهي تتمشى صقعت بواحد " افف عمى م تشو….
تميم : اسف " تميم انبهر بجمال البنت اللي قدامه بس استغفر ومشى " اسف اختي حقك علي
انفال :" افف والله حاله بس والله انه جميل … استغفر الله وين فتون بس ذي , وراحت تدورها "
" تتوقعون بيصير شي بين انفال وتميم ؟
وفتون بيصير لها شي لما راحت ؟
ادري البارت قصر , بس خليته قصيرعشان يحمسكم للبارت الجاي
هيتاف : تميييم … تمييم اوووف انتظرني … خلاص اسفه
تميم ما لقى لها بال مشى وركب السياره
هيتاف فتحت باب السياره وجلست : افف تميم اسفه
تميم : صكري ع الموضوع
في احياء الرياض الراقيه قصر
عائله مجتمعه لا يوجد بها استحقار للطبقه الادنى منها
اب في بدايات الخمسين وام في بدايات الاربعين
وفتاتين في بدايه مشوارهن في يبلغن التاسعه عشر من عمرهن
وفتى ذو الخامسه والعشرين وفتى اخر يبلغ من العمر ثلاثه وعشرون
بيت متواضع متاحب متهادي يطمح في مساعده الاخرين
بيت لا يمليه الحقد بل يمليه الحب والعطف
ابو خالد : الا م ودكم تتزوجون وافرح باحفادي
متعب : اوهو يبه ردينا ع سالفه الزواج انا عن نفسي ماعندي نيّه
خالد: ولا انا يبه تونا ع الزواج والمسؤليه
ام خالد : وش توكم بتوصلون الثلاثين وتقولون توكم ؟!
خالد : وش فيك ي نبع الحنان أي تونا خلينا نفلهه عزاب م ورانا شي
نوف : انت اصلا وجهك موب وجه زواج
خالد ناظرها بنص عين : نعم ؟!
نوف خافت : لا ولاشي انا قلت شي ؟!
خالد : أي عبالي ….
نوف التفت لوصايف : يمّه يخوف
وصايف : هههههههههههههههههه
متعب : ياالتوأم المرح ضحكونا معكم
وصايف : خير وش تبي ؟
متعب : يمه تروعون
ام خالد : اليوم الجمعه عند ابو راشد بتروحون ؟
خالد : ايه انشاء الله
متعب : اوهو وانا اللحين مواعد الشباب , جمعه شيبان وش لي فيها
ابو خالد : شيبان بعينك
متعب : اقصد هم شيبان الا انت يبه وكذا يعني
ابو خالد : م تعرف ترقع
متعب قام باس راس ابوه : افا يالغالي انا الشايب وانت الشاب
ابو خالد : ههههههه
نروح للشرقيه وتحديدًا احيائها القديمه
انفال " اففف شفيني ما غير افكر بالرجال , افف سلب تفكيري يمه منه يجنن , بس باين انه اهل عز اصلا من سيارته باين , وش يبي يفكر ببنت الفقر انا "
فتون : وجعع انفال اناديك شفيك م تردين ؟!
انفال : هاه شتبين
فتون : اميي تبيك " وراحت"
انفال راحت لامها تساعدها
في الشرقيه في احدى البيوت المتواضعه
لمار : رتيل محتاجه السوق
رتيل : اوك 10 دقايق انتظرك
لمار طلعت فوق تجيب عبايتها
اما رتيل لبست جاكيت اسود وبنطلون بيج وشوز اسود
لمار ركبت السياره ويا اختها
رتيل : وين أي مجمع تبين ….؟
لمار : مجمع …….
رتيل : اخبار الجامعه معك ؟
لمار : ماشي حالها ….. أي وش صار معك بالجامعه ؟!
رتيل : م في شي جديد
لمار : كم باقي وتخلصين !!
رتيل : هالسنه اخلص ان شاء الله …. يالله انزلي وصلنا
نزلو رتيل ولمار
كت " لمار 19 سنه بالجامعه متوسطه الطول شعرها بني فاتح طبيعي
عيونها عسليهه فاتحه جدا ومكحله شفايفها صغيره , اما لمار طويله شعرها بوي بني عيونها رماديه ورموشها كثااف لها غمازتين "
لمار وهم ف المجمع الانظار عليهم
…: شوفي .. شوفي يخققق
..2 : بنااات شوفو اللي لابس اسود اههه يا حظ زوجته
..3: بروح ارقمه
..2: خيير متزوج
..3: واذا متزوج يععنيي ؟
..2: لا بس فشله
..3 : عادي
لمار : هههههه يا حضك يا خيّال مجنن البنات
رتيل : ههههههههه .. م يدرون اني مثلهم
..1: اههههه شوفو غمازاته
تقدموا بنات من جهه رتيل وقفت وحده قدامها
..3 : يا حلو جم الرقم ؟!
رتيل وتخشن صوتها : اسفه حبيبتي م تشوفين المدام ؟
..1: اووووه متزوج
…: فشللهههه
..3: حقييير
لمار : ههههههههههههه انا المدام اجل ؟
رتيل : شساوي شفتي كيف !!!
في قصر من قصور الشرقيه
مشاري : مشععععللل شعوووول مشاااعللل
مشعل : نعععممم !!!! ياخي خلني اناااام
مشاري : قووووم لا اكب عليك ماااي بارد
مشعل : هاااه هااااه شتبي
مشاري : احبك "كتم ضحكته"
مشعل : مقومني وصاجني بقول سالفه بقول سالفه واخرتها احبك
مشاري : امززح ويااااك اسمع بنطلع انا والشباب وخيّال تجي
مشعل : دام الطلعه فيها خيّال مشينا
مشاري : انتظرك اجل تحت
مشعل قام وراح للحمام وانتو بكرامه وغسل ولبس بنطلون جينز كحلي
وتيشيرت ابيض وجاكيت جينز , ومشاري كان لابس ثوب وجاكيت اسود "
مشاري نزل تحت
وصايف : غالييه وخري عني لا ارتكب جريمه فيييك
غاليه : ما ابي … بليييز خلينا نطلع طفشانهههه
وصايف : مااابيي …. ياخي وخرييي
مشاري : انتو دووم تتهاوشون ؟
وصايف : بلييز خيّو ابي اطلع
مشاري : كان ودي يوم ثاني انشاء الله
وصايف : وين بتروووح !!
مشاري : انا وخيّال والشباب بنطل
وصايف من سمعت اسم خيال قلبها دق بقوه : هاا !!
مشاري : وش فيككك
وصايف : لا .. لا لا ولا شي
نزل مشعل : يالله مشاري
يتبع
باآرت قَقمِيلَل قِقداً .. .gif "Graaam (210)")
تِحمسَست صَصراحٌهه , بِـ إنتظَاآر البااَرتت القَادِمم .gif "Graaam (190)")
Dodz. .gif "Msn (2)")
بيت ابو راشد الكل مجتمع
ابو راشد : خيّال وش وضيفتك الحين ..؟!
رتيل ارتبكت : احم .. اءءءء
متعب تدخل بسرعه : يشتغل بشركه ابوي … ايه بشركه ابوي
رتيل شدت ع يد متعب , ومتعب ابتسم لها
ابو راشد : أي زين مشاء الله …. الا خالد متى ناوي تتزوج
متعب : مو اللحين توه ع الزواج والمسؤليه
ابو خالد : تعبت وانا اقنعه يتزوج بس ماهو راضي
راشد : أي ويين توه ع الزواج
ابو راشد : هههههههههه من يقنع راشد يتزوج ودي افرح باحفادي
راشد : قريب قريب يبه
رتيل جاها اتصال وارتبكت : اءء استأذن انا اللحين
ابو تميم : وين بدري
رتيل : لا بس ععندي شغله بخلصها
مشعل قام : بروح مععك
رتيل ارتبكت : هاه …. لا م يحتااج
مشعل : اقول امش
رتيل : خلاص طيب تعال
رتيل ركبت سيارتها وساقت بتهور
مشعل : هيييه …. خيّال شفيك تسوق كذا ناوي تودينا لحم مشوي
رتيل : مشعل اسكت احسن لك
مشعل : اوك اوك طيب …. يمه بسرعه قلبت نفسيه
رتيل وقفت عند قصر قديم وفتحت درج السياره اخذت السلاح
مشعل مصدوم
رتيل قربت السياره من الجدار ونزلت
مشعل نزل : هيييه شتسوي
رتيل : م عليك اول م تشوفني طالع من البيت جيب السياره وحاول
محد يشوفك
وراحت تغطي لوحات السياره
مشعل وقف بعدين استوعب وركب السياره وبعدها شوي بحيث يشوف كل البيت
ينتظر رتيل تطلع
دخلت رتيل البيت وهي حافظه كل زاويه في هالبيت
توجهت لغرفه وصكرت الباب وراها واخذت الاوراق اللي تبيها
وتلمح اسم صالح خالد اليوسف وقفت شوي تشوف صوره
لابوها وامها وسيارته ابوها بعد الحادث سمعت صوت اخذت
الاوراق وطلعت
مشعل كان مرتبك شوي جاه واحد
….: نعم اخوي عندك شي هنا ؟
مشعل : هاه ….. لا بس انتظر خويي
….: زين اخوي لا تطول وانت واقف هني
مشعل : ان شاء الله
مشعل سمع اطلاق نار خاااف
شاف رتيل طالعه وبسرعه راح توجه لها وركبت السياره
انصدم لما شاف شكلها
مشعل : شفييك لييش كذا
رتيل : اصصص الله يخليك لا تكمل روح لشقتي
مشعل مو مستوعب صوت انوثي : بنت !!
رتيل : مشعل الله يخليك وصلني بسرعه وبعدين اسال
رتيل اتصلت ع الدكتور وقال يقابلها ف شقتها
شوي شوي رتيل بدت تفقد وعيها
تميم : استأذن
ابو تميم : وين وانا ابوك !
تميم : والله كان ودي اقعد معكم بس عارف المستشفى
ابو تميم : روح الله يحفظك
تميم : يالله مع السلامه
عند الشباب
مشاري : أي م شفت خيّال لما تهاوشنا مع شباب صراحه قواهم
راشد : بس جسم خيّال ضعيف
مشاري : أي ضعيف بس قواهم مشاء الله عليه
خالد : وش صار بمشعل …؟
مشاري : هههههه المسكين انجلد شاله خيّال على طول للمستشفى
متعب : مشعل مهايطي وهو م عنده م عند جدتي
خالد : أي والله ايام ناديته يفزع معي يهايط بالاول وبالاخير انجلد
مشاري : ايي وانا اخوه يهايط وبعدين انا اللي اكلها بسبته
عند عائله احمد ابو طلال
انفال : يبه ….. كيف الشغل معك ؟!
احمد : زين الحمد الله
انفال : الحمد الله
احمد : متى افرح واشوفك دكتوره
انفال : ان شاء الله قريب
سمعو دق جرس البيت
فتون : انا بفتح
…..: فتون …. فتون
فتون : هلا سامي ؟
سامي : طلال طاااح وما ادري ايش فييه م يرد تعالي تعالي
فتون بسرعه قالت لابوها
انفال لبست عبايتها وراحت تشوف ايش فيه
ابوه بسرعه شاله للمستشفى و انفال راحت معاه
خلص البارت حاولت يكون طويل
تتوقعون انفال تصادف تميم بالمستشفى ؟
رتيل وش صار فيها ؟
و مشعل ممكن يفضح رتيل ع انها بنت ؟!
2 : لاكن هل تتوقعون انهم راح يكشون فينا ؟
3: لا مستحيل لهذا يعتبر فشل لنا وبهنا راح ننمسك
4: لازمم تتم الصفقه على خير لازم تتسرب معلومات لهم بان الصفقه راح تتمم قبل بيوم ويكون كل شي وهمي
5 : هاذي خطه راح تكون ناجحه لازم لها تخطيط مسبق
1: أي صحيح لازم ندرسها قبل م نقوم باي خطوه
3: بس تتوقعون راح تنجح ؟
2: اذا قمنا بكل خطوه على وجه صحيح راح تتم
1: انا وضفت كم رجل من رجالي يسرب لنا معلومات عنهم
5 : لازم عبد العيسى يطيح سوقه
4: واخوه يوسف بعد
1 : بس كيف ؟
2 : بالغش والاحتيال نخسره
4 : لازم يكون شخص يكون قد الثقه ويروح يشتغل عنده
وبكذا يكسب ثقه رجال من رجالنا ويخسر
2 : بكرا تكونون موجودين !! نتفق صح !
3 : ع الساعه 12 تماما في بيتي
5: اوك خلاص اتفقنا
,,,,,,,,,,,,
رتيل وصلت البيت ساعدها مشعل ودخلت شافت الدكتور
على طول الدكتور دخلها الغرفه ودخل مشعل
شاف اختها لمار
لمار : انت مشعل صح ؟
مشعل : شالسالفه ؟
لمار : اتوقع م يرضى خيّال اني اقول لك
مشعل : احكي اوعدك م ابين له اني عرفت باي شي
لمار : امي وابوي توفو بحادث قبل 4 سنوات , واخوي اختفى من بعد حادث امي وابوي
م ندري وينه , ف اضطرت رتيل تتنكر باسم اخوي وتدرس
عشان نقدر نعيش من بعد حادث ابوي اظطرينا نتنازل عن حلالنا
ومن يومها رتيل تحاول تمجع ادله ع مجموعه عشان توقعهم وترد حلالنا
مشعل مصدوم مو مستعوب خيّال له سنتين وهو يعرفه ولا مره
حس انه بنت وبالعكس يحس انه رجال
مشعل : لا …. لا مستحيل خيّال ولد
لمار : مشعل لا تقول انك عرفت كل شي والله ان تذبحني
مشعل قام وراح لها شاف الدكتور طلع رصاصتين خااف
مشعل : كيفها اللحين
الدكتور سامر : بخير والحمد الله كانت بالكتف , طبيعا جدًا بترتفع حرارتها
مشعل : يعطيك العافيه
طلع سامر وظل مشعل عندها مو مستوعب اما لمار سالت الدكتور وقال انها بخير وراحت غرفتها مع انو خايفه ع اختها
""""""""""
كت نعرفكم ع عائله طلال ومشاري " طلال ومشاري توأم 22 سنه
يشبهون بعض بس مشعل له غمازه في خده اليسار عيونه عسليه
اما مشاري عيونه رماديه وشعورهم توصل للكتف , وصايف 18
و غاليه 20 وصايف طويله شعرها اشقر يوصل للكتف ناعم عيونها بنيه اما غاليه
شعرها بني فاتح كيرلي طبيعي يوصل لنهايه الظهر "
"""""""
نروح شوي بعيد للرياض
اخذ جواله بعدها اخذ مذكرته
" من جديد عاودت ان اكتب لك همي
لعلك تمتصين همومي وغضبي
لعلي الاقي من القي له ما بي داخلي
وترتاحين من همّي اكتب لك م يجول في داخلي
من غضب من ظلم من هم من فقدان ام من فقدان حنان
من امان اب تجاوزت الـ 26 من عمري وانا تحت احتلال
متى سوف يفك اسري واذهب طليقًا "
قام ولبس بلوفر اسود وبنطلون كحلي اخذ جواله وطلع
: على وين يا أخ
…: هلا يبه
: سلطان بكرا رايحين لشرقيه في كم شغله بتسويها انت
سلطان : بس يبه …
ابو سلطان : انا لا قلت شي تقول سم وجعع
سلطان تنهد : ان شاء الله
ابو سلطان : الساعه 7 رحلتنا ع الشرقيه
سلطان : طيب … وطلع من البيت
ركب سيارتها واتصل
….: حي الله هالصوت
سلطان : الله يحيك … شلونك نادر
نادر : بخير الحمد الله
سلطان : تعال نروح لمكان …….
نادر : اوك مسافه الطريق وانا جايك انشاء الله
سلطان: اوك مع السلامه
…: يمّه نادر من كنت تكلم
نادر : هلا يمه اكلم سلطان
ام نادر : وشلونه يا وليدي
نادر : بخير الحمد الله طيّب
ام نادر : بتطلع ؟
نادر: أي يمّه تامرين على شي
ام نادر : لا سلامتك انتبه لنفسه فمان الله
باس راس امه وطلع
بالشرقيه تحديدا بيت رتيل
صحت رتيل وشافت مشعل نايم ع الكرسي
قامت وغطته وراحت اخذت شاور
ولما طلعت حس فيها مشعل
مشعل : خيّال …. كيفك ان شاء الله احسن
رتيل : الحمد الله
مشعل : خيّال
رتيل : هلا !
مشعل : ابي افهم كل شي
رتيل : اوك تعال نروح للكورنيش نفطر
بدلت رتيل ملابسها ولبست جاكيت ابيض وبنطلون ازرق
رتيل وصلت الكورنيش
رتيل : يالله شتبي تعرفه
مشعل : من متى وانتي متنكره ع انك ولد ؟
رتيل : من وفاه امي وابي قبل 4 سنوات
مشعل : بس انت قلت امك وابوك عايشين
رتيل : متوفين
مشعل : طيب ليه سويت كذا
رتيل خانتها دمعتها ونزلت : لما يعرفون الناس انو البيت م فيه رجال
راح ياكلون حقنا وما راح نعيش سالمين , وكيف اصرف ع اختي
ف قررت اتنكر كولد باسم اخوي خيّال صالح اليوسف نزلت
راسها وكملت بين دموعها
اختفى بعد وفاه امي وابوي بيومين ولهاذا اليوم م نعرف وينه هو حي ولا ميت
رفعت راسها وضمت مشعل
مشعل مو عارف يتعامل معها لاول مرهه استوعب وحاوطها بيدنه
قام يمسح ع شعرها ويهديها بعد شوي رتيل
رتيل : اتمنى هالشي م يطلع وتحافظ على هالسر
مشعل : طيب في بالي كم سؤال
رتيل : مع الوقت بتعرفها …. قامت رتيل ولحقها مشعل
رتيل ركبت ابتسامه والتفت لمشعل : وين تبي نفطر
مشعل بادلها ابتسامه : اللي تبي
رتيل : نروح ……
مشعل : اوك يالله
خلص البارت
تتوقعون سلطان راح يكون له دور بالروايه ولا لا ؟
رتيل راح تواصل تنكرها بانها ولد ولا لا ؟
تسلمين ياعمري كلك ذوووق
توقعاتي:سلطان رح يكون له دور بالرواية اتوقع رح تصير له قصه مع فتون او نورة
ورتيل:اممممم احتمال مشعل يتزوجها عشان لاتواصل تنكرها ويحاول يحميها بعد الله
تقبلي مروري يالخفوق
وانتظر ابداعاتكـ