بكل حب اخطه مع كل حرف اقدم لكم رواية / صــرت اشــوف الدنــيااا فيــــك .. واتمنى انها تعجبكم وتكون دافعا لي للاستمرار في الكتابه في هذا المنتدى الرائع..
تحياتي للجميع
************************************************** ************************************
الروايــــــــــــــــــــــــــــــــــــــــــــ ــــــــــــــــه / البــــــــــــــــــــــــارت اﻷوووول
صرت اشوف الدنيا فيك
تبدأ روايتنا مع الطفل المدلل والعنيييييييييييييييد ( هيثم – 13 سنوات ) الولد البكر لاهله اللي عمرهم مارفضوا له طلب وﻻ قالوا له ﻻ حتى في الغلط يأيدونه .. ابيض وملامحه تجنن يعني جماله مو طبيعي و طالع ﻷمه .. شعره اسود ناعم حيل ومطولته امه شوي يحب دراسته حيل وذكي جداااا واحيانا تصرفاته اكبر من عمره .. له اخت اسمها (ريما- اربع سنوات) دلوعه بس اوقات يعفسها اخوها واﻻ تمشي كلمته عليها ومسوي فيها رجال البيت من صغره .. ريما طالعه حلوه وكيوت من صغرها بس انها تشبه لابوها اكثر ..
اﻷب (ناصر – 39 سنه) تاجر ورجل اعمال له مكانته بالمجتمع بس نادرا يكون موجود مع عايلته ﻻن اغلب وقته مسافر بسبب الشغل .. فيه عناد وصارم وولده هيثم اخذ منه هالصفات ..
اﻷم ( سارا – 33 سنه) ماكملت دراستها ومتفرغه لبيتها وزوجها تزوجت وهي صغيره شوي .. جميله جدا ومن عايله محترمه.. وطيوووووبه حيل ..
صباح الاحد صحت سارا وكالعاده وهي تمشط شعر بنتها عشان توديها للروضه .. كان هيثم جالس على طاولة الطعام يناظر في ريما وهو ماله خلق يداوم ..
اﻷم بعد ماخلصت لبست بنتها شنطتها واخذتهم لباب القصر ..
باسها هيثم وهو طالع وقف شوي وناظر لأخته وراه وهي تهمس ﻷمها وقرب بسبب فضوله يبي يعرف شعندهم؟؟
اﻷم: ﻻ يا ماما ليييييييييه .. اخوك معاك وكلها كم ساعه وترجعين البيت ياقلبي
ريما وهي تحك عينها بدلع : ماما ماابي ارووووح اليوووم
الام : يا ماما ﻻزم تروحين .. انزين قولي لي وش مزعلك وليه ماتبين الروضه ؟ فيه احد زعلك؟
ريما وبدت عيونها تدمع : ايييييه
هيثم بعد ماقرب من امه: ايش ؟؟
اﻷم : خلاص حبيبي انا بجي معاك اشوف وش مزعلك طيب؟؟
هيثم : ماما انا اروح معها طيب (طبعا ملقوف وناوي حرش)
اﻷم : هههههههههه فديت قلبه الرجاال .. ممنوع تدخل الروضه حبيبي انا بروح وبالمره بسلم على وحده من معلماتها
هيثم بطرف عين يناظر اخته : مسويه فيها اللي ماتتحمل
ريما مو فاهمته وباين انها ارتاحت ﻷن امها بتروح معها طبعا السبب من عدم رغبتها انها تروح للروضه .. انها متهاوشه مع بنت من نفس عمرها بس شكل البنت اكبر من عمرها يعني سمينه وضخمه وهالشي يخوف ريما لانها تاخذ منها العابها غصب عنها..
وقف السايق قبال مدرسة هيثم ودع اهله وانتظروه الين دخل مدرسته وتحركوا لروضة ريما..
************************************************** ****************************************
العايله الثانيه اهل ناصر زوج سارا
العم عبدالله – 65 سنه (ابو ناصر) وعنده ولد ثاني وبنت كلهم متزوجين راح نتعرف عليهم
العم عبدالله كبير العايله وكلمته مسموعه يحب عياله حييييييييييل وعنده خير كثييير وعشقه وجنونه هيثم ﻻنه اكبر ولد بالعايله واول فرحتهم
الجوهره ( 59 سنه) مره متدينه وطيبه وصارمه شوي
بنتهم العنود (اوسط عيالهم) 33 سنه ساكنه معهم بعد مامات زوجها بحادث سياره هاديه ومرحه عندها مركز تجميل وهي تديره بنفسها .. ومعها بنتين الكبيره (مشاعل – 14 سنوات) حلوه وملامحها جذااابه حيل كانها مرسومه بدقه .. بشرتها برونزيه ﻷبوها وعيونها لونهم اخضر لجدتها .. شعرها طويل وبني وناعم.. تاخذ دروسها بالقصر لانها مريضه بالقلب .. هادئه جدا وخجوله ..
( جوري 12 سنوات) جميله حيييييييل وجهها ملائكي وشعرها ناعم لونه اسود وعيونها وساع ولونها عسلي .. من صغرها ملكعه وتحب تعاند وجرييييئه وملسووونه .. حقها ما تضيعه مهما كانت النتيجه .. ومتفوقه في دراستها وذكيه
سلمان 26 سنه – اخو ناصر والعنود – طموح وسيم حيل ويسافر برا عشان يتمم صفقات ابوه – خطب صديقة اخته وتعلق فيها وانفصلوا قبل ﻻ يسافر
************************************************** *****************************************
في المدرسه وبعد ماخلص الدوام ركب هيثم السياره ورجع للبيت
اول ما فتح الباب تأكد ان امه موب موجوده وركض لغرفته وقفل الباب
ام هيثم على طاولة الاكل تنتظره هي وبنتها وبعد ربع ساعه ارسلت له الخدامه وشويات ورجعت وقالت لها انه مقفل الباب ومايردعليها
ام هيثم خافت ان فيه شي وشالت نفسها وطلعت للغرفه وطقت الباب بس ما رد عليها
ام هيثم: هيثم؟؟؟؟ انت بغرفتك؟؟
هيثم تبنج من سمع صوت امه وماعرف وش يسوي ..
هيثم : سمي يمه
ام هيثم : وراك قافل على نفسك؟ فيك شي؟
هيثم : ﻻ يمه بس اغير ملابسي
ام هيثم وهي حاسه ان فيه شي : طيب يلا تعال نتغدا انا واختك ننتظرك
هيثم : ابشري (طبعا لو رفض بتصر انه يفتح فاضطر انه يسايرها(
هيثم وهو رايح جاي بغرفته : وش اسوي الحين ..
نزل قبل ﻻ تجيه مره ثانيه
ام هيثم تناظر له بهدوء ومشبكه اصابعها ببعض تحت فكها
جلس وهو مدنق واخذ ملعقه قاطعته امه : هيثم …. ارفع راسك شوي
هيثم ارتبك وحمر وجهه (شعره مغطي على عيونه)
ام هيثم : هيثم؟؟ وش السالفه ياولدي؟؟
ريما وهي تاكل : تكووووووه الولعااان لانه يهاااايت
هيثم بصوت متنرفز : اسكتي انتي
ريما : انت قلت تداا
هيثم : اسكتتتتتي
ام هيثم : وش اللي طقوووك الورعاان ﻻنك تهايط؟؟؟ ارفع راسك !!
هيثم رفع راسه وحده من عيونه عليها كدمه خفيفه وخده فيه خدش واضح انها من اظافر اللي تضارب معهم
شهقت امه : وشوووو ذاااا؟؟؟؟؟؟ وش صااار هيثم ؟؟؟ منو سوى فيك كذااا؟؟؟؟
هيثم ساااكت ووده ياكل اخته اللي ما اعطته مجال للتبرير
نادت امه الخدامه وقالت لها تجيب معقم جروح وقطن طبي ومويه دافيه … مسكت ولدها وهي منقهره عشانه عقمت جروحه وكمدت عينه
ام هيثم : ﻻااا هالوضع ما ينسكت عنه … انا اخلي ابوك يتفاهم مع الاداره وش هالمهزله مابقى اﻻ يطلعون عينك
طبعا هو استانس ان امه معاه وبتظل جنبه بس منقهر ان وجهه راح فيها
************************************************** ****************************************
مشاعل : school
الاستاذه : برافوا عليكي .. والطالب اسمو اييييه؟
مشاعل : student
الاستاذه : شااطره وبكدا خلصنا درسنا النهارده .. ادرسيهم كمان مره وبكره اديكي الجزء التاني
عاوزه حاقه؟؟
مشاعل : نو مس ثانك يو
الاستاذه : قود بااي
مشاعل : قود باي
راحت المعلمه وقعدت مشاعل تقلب الدرس اللي اخذته وما انتبهت اﻻ واختها جوري ناطه بقوه على السرير وخرعتهاااااا
مشاعل : بسممممممممممم الله .. جوووري كم مره قلت لك طقي الباب .. بتموتيني انتي؟
جوري وهي تضحك : بسم الله عليك .. ﻻ ميشوو بس طفشانه وانتظرتك تخلصين اعرف لو جيتك وامنا الغوﻻاا موجوده بتكرشني
مشاعل : اسمها مس سميه مو امنا الغولاا .. عيب يا جوجو
جوري : ههههههههههه طيب ﻻ تعصبين .. سمعت جدي يكلم عمووو .. تدرين بيجون خاله سارا و ريما عندنا؟
مشاعل : وهيثم ؟ موب جاي يعني؟
جوري بعدم اهتمام : اﻻ بيجي بس انا ما احط له اعتبار
مشاعل وهي مبتسمه تذكرت اخر مره لما سافرو قبل اسبوعين للشرقيه كيف ان هيثم غطس جوري في البحر وقال لها ان سمك قرش بيبلعها وكانت تصيح بمووت والكل قعد يضحك عليهم رغم انها قريبه من الشاطئ
وتذكرت بعد انه دايم يحب يلعب معها ويطقطق ويعلق كثييير على جوري وهذا من اﻻسباب اللي تخليها ما تدانيه
جوري : ميشووو؟؟ في شنو تفكرين؟
مشاعل : وﻻ شي جوجو يلا نروح نجلس مع جدو وجدتي
جوري : يلااا
************************************************** *******************************************
ام هيثم : انا مالي دخل ابي اللي سوى بولدي كذا يتحاسب يا ناصر
ابو هيثم على الخط الثاني: طيب اهدي ومالك اﻻ طيبة الخاطر لو تبين ارسل للمدير احد واﻻ انتظري الين اجي الرياض
ام هيثم : ﻻااا .. وش انتظر !! ابيك تدق عليه يا ناصر تكفى ترى قلبي انقطع على ولدي
ابو هيثم : بسم الله على قلبك .. ابشري بعزك بكره الصباح برسل شكوى وبدق عليه بعد ..
ام هيثم : الله ﻻيحرمني منك يالغالي
ابو هيثم : وﻻ منك فديتك
هيثم طبعا سمع كل اللي قالته امه وهو متطمن ان اهله بيوقفون معاه
ام هيثم بعد ماقفلت الخط : هيثم .. كلمت ابوك وبكره بيكلم المدير
هيثم : يمه .. احنا بنروح لبيت جدي؟
ام هيثم : ايه يا يمه ليه؟
هيثم : ابي اروح لصديقي العب عنده .. واجيكم المغرب
ام هيثم ماعجبها الوضع : بس يا يمه جدك وجدتك بيزعلون عليك
هيثم : طيب انتظرو للمغرب تكفييين يمه
ام هيثم ومو عارفه ان ولدها يبي يروح ينتقم من اللي طقه : وﻻ يهمك حبيبي بس المغرب تكون موجود مو تتأخر
هيثم وهو يرتمي بحضنها : اييييييه وعد
العصر اخذ السواق ام هيثم وعيالها ونزل هيثم عند بيت صديقه (خالد) طبعا خويه خالد شراااني وشجاع حيل وراعي فزعه من صغره .. من عايله بسيطه ومتربي صح
ام هيثم راحت مع بينتها والسواق والشغاله عشان تشتري هدايا للعم عبدالله و ام ناصر والعنود وبناتها
هيثم : ارررحب يالخوي
خالد : محسسني ان عمرك 20 ياخي
ضحكوا وقال هيثم : ابي فزعتك
خالد : ابد انت امرني بس
هيثم : ولد المدير تضاربت معاه الصباح وابي اخذ حقي منه
خالد : افا .. خلاص متى وكيف ووين؟؟
طبعا هيثم مادخل البيت لان اخوان خالد بيمنعونهم وما بياخذ راحته مع خويه فجلسوا يخططون برا
************************************************** **************************************************
ام ناصر: الوووو؟؟؟ منووو؟؟
سلمان : انا سلمان يالغاليه مشتاااااق لك موت يمه
ام ناصر : هلا هلا هلا بولدي شخبارك يابعدي طمنني عنك
سلمان : ابد يمه ناقصني انتم والله .. شخبارك يالغلا وكيفه ابوي عساه طيب
ام ناصر : الحمدلله كلنا بخير ونسأل عنك يا قلب ميمتك
سلمان: شخبار العنود وناصر وكيف عيالهم ؟
ام ناصر : مابهم خلاف كلهم طيبين
جوري تناظر لجدتها وتنتظر دورها عشان تكلم خالها اللي تمووووت فيه ومشاعل تسمع المكالمه بين جدتها وخالها بهدوء
نزلت العنود وهي ﻻبسه عباتها بتروح للمركز واشرت لمشاعل زي اللي تسألها منو اللي داق على امها؟
مشاعل تحرك شفايفها بهمس : خااالي
العنود بصوت عالي : والله؟؟؟؟ يمه عطيني سلمان ابي اكلمه
ام ناصر : خذ اختك تبي تسلم عليك
العنود : سلماااان
سلمان : عيوووونه
العنود : بكت غصبن عنها
سلمان وجعه قلبه : افاااا شفيك العنود؟؟؟؟ وجعتي قلبي
العنود : انا .. انا محتاجه اقعد معاك سلمان .. تكفى حاول تجي تكفى
ام ناصر عارفه ان العنود متاثره بوفاة زوجها وكان قريييب حيييييييييل من سلمان وسلمان اقرب للعنود من ناصر
سلمان : العنود ياقلبي انا بحاول اجي بس انتي اصبري شوي كلها كم شهر وانا عندك ياروح اخوك
سلمان بعد المكالمه نغزه قلبه حس ان اخته فيها شي وقرر يستعجل في شغله ويرجع للرياض
************************************************** ************************************************** *******
جات الساعه 7 ولسه ام هيثم ماجات .. 8 – 9 ولسه ما جات ﻻ هي وﻻ السواق
ناظر هيثم للساعه وانتبه للوقت كان منشغل باللي صار بينه هو وولد المدير .. ﻻنه راح وماقدر ياخذ حقه كان مع امه وخواته رايحين المول
المهم اخذ هيثم جواله واتصل على امه ماردت .. رجع اتصل على السواق لقى جواله مغلق .. استغرب
خالد : شرايك اقول لاخوي يوديك البيت؟
هيثم : ﻻ خالد الحين يردون علي
دق على امه واخيرا ردت بعد اتصالات كثيره
هيثم بصوت مرتااااح بعد قلق : يمممه شفيك ماتردين ؟؟ والسواق ما جاني؟؟
رد عليه صوت رجال : انت ولد صاحبة الجوال؟
هيثم بغى يوقف قلبه : منو انت؟؟؟؟؟
…. : معاك الشرطه انت وين مكانك بالضبط بنرسل لك احد او خل احد يجيبك الشرطه وﻻ تجي لوحدك
هيثم وهو مصدوم ومنخرع : الش.. الشرطه؟؟؟؟ لييييه؟؟ وش فيه؟؟ امي وينها؟؟
الشرطي: الجوال مسروق ونبي احد يجي ياخذه
هيثم قلبه ناغزه من صاحب المكالمه
خالد يهز كتف هيثم : شفييييك؟؟؟
هيثم قال له اللي صار وقرروا يروحون للشرطه مع اخو خالد الكبير – محمد 20 سنه
قبل الشرطه راح هيثم للبيت مالقى اﻻ الخدم وسأل عن امه قالوا له انها طلعت له المغرب وما رجعت
راح هيثم لبيت جده ولقاه عند باب القصر يبي يروح وعلمه بكل شي
العم عبدالله اخذ هيثم وخالد ومحمد وراح للشرطه
دخل لوحده عند الضابط وبعد نص ساعه تقريبا طلع وﻻ قال اي كلمه واخذ هيثم للقصر عند جدته وعمته بس اصر انه يعرف وش السالفه
ام ناصر : ابو ناصر وشفيك وجهك ما يبشر بالخير
مشاعل وجوري يناظرون جدهم اللي مسح وجهه بغترته وقال بصوت واطي : سارا وريما يطلبونكم الحل
صار لهم حادث اليوم المغرب وما سلم اﻻ السواق والان بالعنايه المركزه
ام ناصر شهقت وقعدت تبكي ومشاعل غطت فمها وبكت
جوري مو مستوعبه وبكت بحراره
هيثم من صدمته وقف مفتح عيونه في جده وما نطق بأي كلمه تسمرت رجوله بمكانه
قربت مشاعل ومسكت كتفه دفها بقوه الين طاحت وقومتها جوري
وضم جده بقوه .. كانت دموعه تنزل على خدوده من غير لا يبان في صوته مدى صدمته بهالخبر التعيس اللي اخذ منه امه واخته في ليله وحده
مو عارف هو يحلم واﻻ في واقع مر فرضته عليه الاقدار رغم انه في عمر يحتاج فيه حنان امه
يحتاج وجود اخته الصغيره اللي كان يمارس عليها دور الرجال دائما
بدا يحس بمعنى الفقدان لشخص غالي .. بدا يعرف وش يعني انك تعيش باقي حياتك بدون ام او اخت
صرخ بقوووووووووووووه : يماااااااااااااااااااااااااااااااااااااااااااااااا ه .. ريماااااااااااااااااااااااااااااااااااااا
انتم تكذبوووووون .. اي كذابييين .. ابي امي .. ابي ريمااا .. وخر عن جده وطلع برا يركض ويبكي .. جده تركه لانه عارف ان هالصدمه اقوى من انه يتحملها هالطفل المسكين
لحقته جوري وتخبت ورا الشجره وقلبها يتقطع عليه .. كان جالس على ركبته ومدنق راسه للمسبح ويبكي بمراره ويكلم نفسه
هيثم : يمه ليه تركتيني لييه .. من لي بعدك يمه .. وش اسوي بلياك .. رحتي انتي وريما وتركتوني .. ليتني انا .. ليتني انا ..
وقعد يضرب اﻻرض بيده بقوه ويصيح
************************************************** *********
يتــــبع البارت الثاني
القوانين / الإطلاع هام و الإلتزام ضروري
وهذا الموضوع راح يفيدك ياليت تطلعي عليه