حبيت اكتب اول رواية لي بعنوان سماثا
الرواية بتكون خيالية والشخصيات من نسج خيال
وان شاء الله تعجبكم
مرحبا ياللي بقلبي فعلت المستحيل
ياصغير تسكن القلب لك كم من سنه
شيب عيني مازينّ العنق والطرف الكحيل
زايدٍ زينك على العام زينك ذا السنه
ــــــــــــــــــــــــــــ
البلده : بريطانيا
المكان : لندن
الوقت : 7:00 ص
ــــــــــــــــــــــــــ
في غرفة باللون الابيض والوردي بنت بقمة الجمال والرقه نايمه على سريرها تدخل خادمة وتفتح الستاير لتدخل اشعة الشمس وتنير المكان
تحركت بانزعاج وفتحت عينها بكسل
الخادمة : استيقظي انسه سماثا
سماثا : كم الساعه الان
الخادمة : 7:ونصف
سماثا : اين ابي
الخادمه : انه ينتظرك في غرفة الطعام
سماثا : حسنا سانزل
راحت الحمام ( اكرمكم الله ) عسب تتسبح وبعد ما خلصت لبست
ونزلت وراحت عند ابوها
سماثا : صباح الخير
بو سماثا : صباح الخير عزيزتي
باست خد ابوها وجلست بجنبه وبدأت تاكل وبعد م خلصت طالعته
سماثا : ابي
بو سماثا : نعم سام
سماثا : ابي بما انه اننا الان في اجازة … لما لا نسافر
طالعها : نسافر… الى اين
سماثا : الى دبي
بو سماثا : دبي !
سماثا : اجل …… ابي انت دائما ما تحدثني عن دولتك ارجوك دعني اراها
بو سماثا : لكن
سماثا : ارجوووك ابي
بو سماثا : اااه حسنا لكن بشرط
سماثا : ماهو
بو سماثا : بان تتحدثي العربية
سماثا : حسنا
وقفت وركضت لغرفتها عسب تتجهز حق السفره
اتصل بو سماثا ب سكرتيره
السكرتير : مرحبا سيدي
بو سماثا : اهلا … اريد منك ان تحجز لي تذكرتان الى دبي ذهاب فقط
السكرتير : حسنا سيدي
بعد نص ساعه اتصل السكرتير فيه
السكرتير : سيدي وجدت حجز غدا الجمعة
بو سماثا : حسنا احجزه
السكرتير : حاضر سيدي
تقديم الاحداث
في الطيئرة
بو سماثا : سام
طالعته : نعم ابي
بو سماثا : لقد اوشكنا على الوصول ولا تنسي الشرط
سماثا : لن انسى ابي
وصلت الطائرة الى الامارات ونزلت
تنفست براحه : اااه فديييت ريحة ديرة ابوي
طالعها وابتسم
طالعته سماثا : هاا خلاص نفذت شرطك وتكلمت عربي والحين نسير
بوسماثا : يلا نسير
طلعوا من المطار
سماثا : اممم بنسير بالتاكسي ولا حد بمر علينا
ابو سماثا : تريي وبتجوفين
……: راشد
التفت بو سماثا لجهة الصوت وابتسم وراح له
راشد ( بو سماثا ) وهو يحضنه : شحالك يا اخوي
….. : حمدلله وانت اخبارك
راشد : بخير يوم شفتك يا خوي
لف صوب سماثا
راشد : ساام تعالي
راحت سماثا صوبهم
راشد : سالم هاي بنتي سمانثا .. سام هذا عمج سالم ربيعي روح بالروح
سماثا : اوووه هذا الى دوم ترمسني عنه
سالم : ليش شو كان يقولج
سماثا : اممم كان يقول انك دوم تساعده وتوقف معاه وبعد تفهمه يوم يضايق
راشد : اول شي سلمي بعدين رمسي
سماثا : انزين شحالك عمي
سالم : بخير الحمدلله … المهم يلا خلينا انسير
تعريف الشخصيات
سماثا : بنت بقمة الجمال ماخذه جمال من امها المتوفيه بياضها يلفت النظر وشعرها البني المايل للاشقر وعيونها اللي باللون الازرق على لون امها وخشمها سلة السيف يعني عسسسل وربي عمرها 18
بو سماثا : راشد عمره 40 طيب وحنون وكون نفسه بعد ما طرده ابوه يوم عرف انه متزوج اجنبية
ام سماثا : توفت بعد ما ولدت سماثا
نهاية البارت
استخدام الصور طريقة موحلوة ابد ولا تعطي مجال للقارئ يتخيل الشي مثل ماهو يشوفه من خلال وصف الكاتبة ..
في البداية من اسم الرواية توقعت انها رواية اجنبية والشخصية نفس الشي لكن البنت عربية خليجة ومسلمة دام ابوها اماراتي ومسلم ليش اسمها متناقض مع جنسيتها بصراحة ابد مااقنعني انو الاب يتخلى حتى عن اسامي بنات بلده علشان وحدة اجنبية مو كافي انه فضل غضب ابوه وصار عاق علشان وحدة اجنبية انغر بجمالها وبالنهاية ماتت وتركته وهو ضحى بأهله واخوانه مافكر انو بيوم بيموت وبنته بتظل بدون اهل وبتتشرد علشان نزوة
ثاني شي البنت تتكلم عربي بطريقة ممتازة قمة التناقض تتكلم مع ابوها بالانجليزي وهي تفهم وتعرف لهجته بصراحة مو شايفة سبب لهالنقطة وايش الي بتضيفه على الرواية
مثل المواصفات الي منتشرة بالروايات لازم البطلة تكون قمة الجمال والافضلية للملامح الاجنبية واغلب الروايات الام اجنبية والابو مطرود من اهله وكأن هالنقطة شئ هين وعادي ماتغضب رب العالمين ابد
حبوبة لو خليتي روايتك اماراتية بحتة من اسم البطلة لملامحها لتربيتها وتصرفاتها بتكون اجمل بكثير اغلب الروايات الاماراتية الي انكتبت حققت نجاح كبير بسبب تعمق الكاتبة في هالبيئة الجميلة الي مايمل القارئ منها ولا من لهجتهم الحلوة ..
القوانين / الإطلاع هام و الإلتزام ضروري
وهذا الموضوع راح يفيدك ياليت تطلعي عليه