كيكة محشية بالتوفي ومغطى بالشكولاتة 2024.

كيكة التوفي والكريمة ..
..
المقادير ..
نحتاج ..
لخليط الكيك الجاهز ..وفي العبوة مكتوب طريقة الوصفة ..
نحتاج ..
كريم شانتية . بتلقونه في السوبر ماركات .
نحتاج ..
شكولاتة سائلة . تلقونها في السوبرماركت تنباع جاهزة ..
نحتاج ..
لــ قشطة .. حليب المركز المحلى علبة كبيرة .. نحتاج الا السكر 3 كاسات شاهي ..

الطريقة ..
اولاً .. نصنع خليط الكيك الجاهز بنكهة الفانيليا .. وبتلقى الوصفة بالخلف لكن هم يكتبون لك
ثلث كوب زيت انتي لا تاخذين زيت حطي زبدة ثلث كوب تجي الذ …
في اثناء صنع الكيك بعد مانضعه بالفرن .
نضع . الكريم شانتيه بالخلاط .. وبعدها لين يتكاثف ضعيه بالثلاجة ..
بعدها نضع السكر . في قدر على النار .. على نار هادئة .الى ان تذوب تماماً .بس كوني قلبيه من فترة
للثانية عشان ماينحرق من تحت وياخذ طعم الحرق .
بعد ماتحاولي تقلبيه لا تقلقي بيجي معك زي الكور علي النار وقلبيه بشكل اكبر
الين مايصير لونه ذهبي وسائل .
ضعي عليه حليب المركز المحلى 4 كاسات شاي .
بعدين اخلطي بأسرع ماعندك وياليت بملعقة خشب .
لين ماتذوب كلها خذي القدر وحطيه بعيد عن النار شوي
حطي القشطة فوقهم واخلطي بسرعة ولو ذابت رجعيه للنار شوي . وتاكدي انه ماصار
معك مكور وبعدها طلعيه من النار حطيه على جنب ..
..
بعد ماتخرجي الكيكة من الفرن اقلبيها على شبك او صحن بس يكون فيه مكان للتهوية
المهم حطيه بالفريزر . وبعدها طلعي الكيكة وقطعيها نصفين .
واحشيها بالكريمة الشانتية . وحطي التوفي بالجهة الثانية من القطعتين .
ووزعي الكريمة ووزعي التوفي .. بعدها
حطي القطعتين فوق بعض
..
ابدأي بتنزيينها الكيكة بالكريمة من الخارج حطي طبقة . كاملة
ورجعيها الثلاجة . وبعدها خذيها وضعي طبقة ثانية من الكريمة . عشان يختفي باقي الكيك كله .
بعدها زينيها بالشكولاتة السائلة الجاهزة .
وخذي سكينه ووزعي الشكولاتة راح تطلع معكم مثل ماهي بالصورة ..
وبالهنا والشفا ..
بنات الكيكة تجنن امس مسويتها …

هذا موضوعي .. وكاتبته ومصورة الكيكة ومصلحتها امس
اتمنى تعجبكم .