المعذره
من يرقّع لك كلامك يالحكيم
ومن يصدق لك سخيف المعذره
جبتها لكن ماهي بالصميم
كل مدة جود راحت بعثره
اشهد ان بعض البشر طبعه لئيم
لارتفع لك شان كنك تقهره
والمصيبه كان لك قلب سليم
والنوايا السود تطعن بظهره
والمطمه كانها جت من نديم
يكبر المنقود ويزيد الشَرَه
لا تشيل الهم يالكف الكريم
ولاتحسب حساب شخصٍ ينكره
بذل كفك في سبخ قاعٍ عقيم
مايضيع الفضل عند الله تره
الحزن يصحب فوادي من قديم
والفرح طفلٍ زماني ينحره
والشعور اللي من اسبابك رميم
من صوابي كل شي يذعره
والنهاية والطريق المستقيم
جنب العالم وخل الثرثره
ضاق بك صدر الفضا وانته حليم
مال بعض الفكر ثوب يستره
نقل موفق
شكرا لكِ عزيزتي
ويحول لقسم المنقولات الادبية
ودي
صبــاح النور
ابيات جميــــله وصح لسان قايلها
طـــرح جميــــــــل
يعطيـــك العــــافيه ع النقــل
وبانتظــــــار جديــدك
ابيات جميله
يعطيك العافيه ع النقل
بانتظار جديدك
….! في غيـــاب الشمس تعلم أن تنضج في الجليد $: