مدخخل # . .
وقفت بأشواقي وغمرة نحيبي
على حدود الدين و حكاية العرف
كنت أتمناها تجي من نصيبي
وصارت نصيب الليل والبال والحرف .!
.
.
مابقى من عقلي الا هالرماد
واخره بيطير لا هب العمر
كل فشل اصنفه "كبوة جواد"
والفشل يبقى فشل عند البشر
ورحت اتأمل عسى ألقا بلاد
فالوجيه العابره واكتب شعر
وفالمكان الشاعري كان الجهاد
بيني وبين الضمير المستتر
هادي "المقهى" مثل صمت الحداد
وانا مابين التأمـل والحبــر
الذنوب تمرني كثر الجراد
واللي مثلي مالهم الا الصبر
كان قلبي حيّ والباقي جماد
وكل شي اشوفه بعمق وفكر
الاضاءه والموسيقى اللي بـ بركاد
وسحبة الكرسي / و بخات العطر
كنت ادور ملهمة تأسر بلاد
وتاخذ ايامي على درب الجمر
وشفتها تختال بأغواء العباد
واصطياد الناس فالماء العكر
كنها الشيطان في موسم حصاد
ليين صار لساني يلهج بالذكر
ايـيه… انا شفت العبايه والسواد
وشفت كل شي / بس ماشفت "الستر"
.
.
مخخرج # . .
يارب هذا [الحزن] جا قلبي منين؟!
و اللي خذوني ليه ماياخذونه؟!
الصمت مايستر عذاب المحبين
ومصيبة العاشق سوالف عيونه .!
| مخخرج # . .
يارب هذا [الحزن] جا قلبي منين؟! |
وربي يسعدك ويعطيك العافيه …
نترقب الجديد…
انتقآآآء اكثر من رائع
يعطيك العافيه
في انتظار جديدك
ودي