رسمته من صغر سني وانا للحين ألونها
بقى فيني ألم غربه بقى فيني ضياع انسان
بقى فيني شتات اوراق أشوف الحزن ساكنها
بقى فيني دموع اطفال تهيض فيني الأشجان
ولا منه طغى حزني رجع لهمومي افطنها
أمانه وش تبي تعرف من الأحزان والحرمان
تعبت اذرف لك دموع(ن) شتات الوقت زابنها
تعال وإحتظن لوحه مسمى احزانها عنوان
تعال وضمها تكفى قبل للموت يحظنها
ولاتسأل عن الصوره ولاتسأل عن الألوان
لأن الصوره بقلبي متى ما اشتقت أحضنها
في عيني صورتك لليوم ولا خنته بأي انسان
ما دامك ساكن(ن) قلبي عيوني أنت موطنها
تعال وناظر الصوره كفاني من الزمن ماكان
تعال ولون الصوره وفي ايدك انت وازنها
طغى فيني الحزن والضيق وشوفه زهب الأكفان
أخاف آطيح من طولي إذا هالبعد كفنها
إذا ودك تعرف الوقت وش سوى بعد يافلان
ترك فيني ألم ودموع بوسط اوراقي أدونها
وإذا ما كفاك كل اللي أقوله ناظر الأعيان
أبيك تشوف وش سوى غيابك كيف حزنها
تعال وإسأل الدمعه إذا الإحساس بك قد خان
وإذا حسيتها تكذب بإسمك بس أمنها
بعد مارحت كل اللي بقى فيني ألم واحزان
وصوره من بعد عينك قضيت العمر الونها
يعطيك العافيه على هالنقل
على الرغم من وجود النص مسبقا بالقسم ولكن بتاريخ قديم …
نترقب جديدك….