,
يابوي انا بنتك .. وفيني سجاياك .. اخت الشموخ.. اللي بفيّك تِفيّا..
مغروس في ممشاي .. من طيب ممشاك .. حب النزوح .. من الثرى للثريا..
يابوي جعلك ذخر لي دائم الطيب
.. عمري بدونك يالغلا وش ابيبه
بنتك لها يابوي حلو التراحيب
.. من طيب طيبك كل زينن تجيبه
أشوم نفسي عن هل العيب واغيب
.. ولهل الكرم والجود شفني قريبه
زيني بذكري وذكري اليوم يهيب
.. وقدري رفيع الشاان ماهو غصيبه
يالله عسى لرضاك يابوي انا اجيب
.. وليا حداك الوقت أناطبيبه
حبك يابوي داخل القلب مرسوم
إيه أنت غالي يابعد كل غالي..
يابوي قدرك داخل القلب عالي
افرح ليامن جابوا طاريك بالخير..
يابوي لو تطلب حياتي عطيتك
انا ومالي كلنا ملك يمناك..
طاريك ياابوي في عيني وفي قلبي
ياتاج راس القصيد وفزعة اوزانه ..
يابوي جعلك للبقا والمكاسيب ,,,
عمري بدونك يالذّرا ويش أبي به
يابوي تسأل عن شفاك المراقيب ,,,
طلعة سواتك للنّوايف غريبه
وش بك تحاتي لانوى الموت تغريب ,,,
تخشى علينا بالليّالي الكئيبه
خذ دلّتك واركى على مسند الجيب ,,,
وعطني شماغك بلثمه وأحتمي به
ونروّح لأرض ٍ بها العشب والطيب ,,,
وتسمع كلام ٍ يالغلا تحتفي به
يابوي بنتك لا انحكى بالتّجاريب ,,,
كل ٍ يشق لهيبه الصّيت جيبه
يابوي ماني من سوات المخاريب ,,
اللّي تجيب لعليَة القوم خيبه
وماني من اللّي لامشت حفّها الرّيب ,,,
أنا من اللّي مايدنّس حليبه
مرفوع شاني عن غرام المكاتيب ,,,
وأكبر من إنّني أرتضي بالحبيبه
أنا غرامي لاابتدوا بالتّراحيب ,,,
نفوس الأوادم في وجودي رحيبه
خضّبت لك كفّي من العز تخضيب ,,,
ورفعت راسي للنّجوم الصّعيبه
والله لأسدّك بالفعول المصاليب ,,,
والله لأشيلك بالرخا والمصيبه
طلع المعالي ما انحكم للشّواريب ,,,
بنت ٍ وأناطح فارس القوم طيبه
وياشيخي إبشر لوتدور الدّواليب ,,,
بنتك إلا منّه عوى الذيب } ذيبه
ابوي رباني على قوة الباس
ركز شموخه في ثنايا طبوعي..
ياوالدي قدرك على العين والراس
وقدرك تعلا فوق نجم الثريا ..
يبه خضعت لطاعتك وافتخر فيك
وأفخر بأني فيك ياوالدي بار ..
يابوي لك قيمه بقلبي ومقدار
قيمه ولابه مثلها أي قيمه..
ربيتني يابوي بالعز والطيب
وانا ولدك اللي على الطيب رابي..
علمَمَتني يآبوي معنى آلسعآده
وآهديتني من طيب قلبك وسآده
فيك آلوفآء بلقى وطنه وبلآده
وآنت آلوطن آللي عشت له رآفع آلرآس
يابوي عل المنايا تعداك
وياعل ثوب العافيه دوم كاسيك
ليت المرض فيني ولاجاك يابوي
وعن جسمك الحمى عساها بعظامي
وصني يابوي تكفى وصني
والله أني لنصحك الوافي حريص
ربي يحفظك لي يالغالي
راقت لي وحبيتكم تشاركوني متعة قراءتها
,
نقل رائع وموفق
يعطيك العافية
شكرا لك
تسلم ايدك اختي على الطرح الرائع
الكلمات جميلة ومعبرة
بارك الله فيك
وموضوع رائع
…………….
الله يحفظ لي امي وابوي
ولك يارب وجميع المسلمين
تقبلي مروري
ودي
جزيل الشكر لكم ع المرور العطر
يسعدك ربي يالغلا
يعطيك العااافيه…
دآئما متميزه في آلآنتقـآء
سلمتِ على روعــة طرحـكِ
نترقب آلمزيد من جديــدكِ آلرآئـع
دمـتِ ودآم لنـآ روعـة موآضــيعكِ
لكـِ خآلص آحترآمـي..
والصور والكلامـ آعجبني كثيييييير
يعطيك العافيه حبيبتي
لآعدمنآك ولآعددمنآجديدك
..