تقول فهد المساعد حيل يعجبهآ 2024.

ولكن ../

يا ليتني مـا تعبـت أكتبـك يـا شِعـري

ما دام ما جبـت كلمـة حـب ّ تجذبهـا

محبوبتي صارحتني .. واقصمت ظهري

تقول " فهـد المساعـد " حيـل معجبهـا

يا ليتني " فـهـد " لجل تجوز عـن قهـري

ويا ليتني " فهـد " لأجـل أقصـد وأطربهـا

" يا اللّه " يا كثر ما هي دايمـا ً تطـري

اسمه ولا فكّـرت فـي قلـب صاحبهـا

دايـم تـردّد قصيـده دون مـا تــدري

وأموت غيرة وساكت لجل مـا أغضبهـا

والمشكلة وش عجبها فيـه أنـا مـدري

قصايـد الشعـر .. وإلا ّ وجـه كاتبهـا

إذا على الوجه _ عذرا ً _ وأطمح لعذري

مـا لـي سـوى خلقتـي والله مهذّبهـا

وإذا على الشعر ما شاعر علـى خبـري

يقدر بكـل ّ المعانـي وصـف حاجبهـا

لو كان يقدر أحدهـم كنـت مـن بـدري

كتبت فيهـا القصايـد دون مـا أحسبهـا

لكن ْ لها وصف ما يخطر علـى فكـري

لو جبت أحلى القصايـد .. مـا تناسبهـا

حتى " فـهـد " لو يناظر وجهها السحـري

يـروح يجمـع دواويـنـه ويشطبـهـا

أنام وأصحى وأنا محتـار فـي أمـري

وش راح أسوّي لها مـن شـان أعجبهـا

حيرة وغيرة وعشق وشوق في صـدري

متبعثـرة كلّهـا .. وشـلـون أرتّبـهـا

يا رب ّ زدني صبر لا قل ّ بي صبـري

وسامح " فـهـد " من طعون ٍ في ْ مسبّبهـا

وأجبر كسور القصايد لو علـى كسـري

يمكن مع الوقت لا ضاقت تحـس ّ بهـا

وإلا ّ تـردّد بعضْهـا لا طـرى ذكْـري

مع ْ أنّي ما اعتقـد .. وإبليـس راكبهـا

محبوبتـي هـذي الأشعـار يـا عمـري

فدوة عيونك مـن أرداهـا إلـى أعذبهـا

لكن تريني ولو مـا جـاز لـك شعـري

لو بـس قلتـي " فـهـد " والله لأخرّبهـا