بالأمس أحبك وأعزك وأعشق ترابك 2024.

تشرَه على وقتكْ وتشرَه على أحبابكْ
وإلا على حلمكْ اللي صعب تفسيره ؟
❀❀❀

ياللي شعوُر التكبّر .. دوم ينتا بكْ
أنت أصغر مْن الولَه والحُب والغيره
❀❀❀

دام إنْ شال الوفا ما يَستر غيابكْ
ما همنّي قلبكْ ، وظلمكْ ، وتبريره
❀❀❀

ومن يوُم ما صَد وقتكْ وإنغلق بابكْ
ما يحتوي مشهدكْ منفى ولا ديره
❀❀❀

يَكفيني اللي ذبَح قلبي من أسبابكْ
يَكفيني مقابِل الضيقات .. والحيره
❀❀❀

بالأَمس أحبّك وأعزّك وأعشَق ترابكْ
قَصرك ( وفا ) .. دايم تغرّد عصافيره
❀❀❀

يهمّني حَكيك الجذّاب .. وإعجابكْ
أقوُل حبّك ( دفاي ) وما أبي غيره
❀❀❀

واليوُم ملّيت أدوّر بك ولا ألقى بكْ
غير الغيابْ وقسا قلبكْ وتقصيره !
❀❀❀

ما هزّك تشوُف قلبٍ كان يحيا بكْ
يستنشق الضيق لو ضاقتْ تعابيره
❀❀❀

مْجرّد إحساس ماني حاسِب حسابكْ
مثلك خطا عيب لو أرجَع بـ تكريره
❀❀❀

والحين عادي لَو إن الوَقت ما جابكْ
بأكتِبْك ماضي قفا بالصَفحه الأخيره !