اعجبتني قصيده اتمنى ان تروق لكم
؛؛
ياوسع صدري مير للضيق مرهـون
وإن ماتوسـع كلـه يضيـق كلَـه
يمشي تحت رهن الإشاره على الهون
وترمي عليه مـن السلـوك وتتلَـه
وسلوكها ما بين ناشـف ومدهـون
وصدري ليا قامـت تلامـس تعلَـه
أحيان أجامل وأترك السـد مدفـون
وأضحك ما بين الخطَـر المسفهلَـه
وأحيان أجي مشحون وروح مشحون
وأقول مـن يعقـد احجاجـي يفلَـه
ثلاث تحكمني ولا قلـت وش لـون
المعرفـه 00العاطفـه 00والجبلَـه
العقل صاحي لكن القلـب مجنـون
والكـل منهـم نظرتـه مستقلَـه !
ياصاحبـي مـا للمحبيـن قانـون
والحب لغـز 00 ولاعرفنـا نحلَـه
قلبك مثل قلبـي مكبـل ومسجـون
أحـرار ميـر اقلوبنـا مستحـلَـه
عسى الغلا لازال بالحفظ والصـون
والله يبـيـحـه لاتغيـرمـحـلَـه
أهديتني جمره علـى راس غليـون
وأهديتك من العمـر شيحـه وفلَـه
ورغم اختلاف المد لازلـت ممنـون
والشوق ياخذنـي علـى كـل ملَـه
فوحت دمي لين صار أشقـر اللـون
وأخذت مـن مجـراه فنجـال دلَـه
ماغير أغني فيك لو كنـت مغبـون
يامل قلبي من غرامك يامـن لَـه !
دايم ضحايا العشق لإجله يضحـون
كم فاض من كثر الضحايـا سجلَـه
وأنا غديت بحكـم فاتـن ومفتـون
راضي بحكم الحـب 00والحكـم لله
وإن قام يكبر بيننا شاسـع البـون
أرفق علـي وشاسـع البـون قلَـه
عز الله إن الشك ماهـوب مامـون
سيف الجفـا البتـار يمكـن يسلَـه
أقنع لو أن الحال من دون فـي دون
وآخذ الكـلام اللـي عليـه الأدلَـه
لاتشتكي لي والعرب وش يقولـون
شكـوا لغيـر الله تـراهـا مـذلَـه
؛؛
طآبت اوقآتكم بكل خير
.gif "Graaam (276)")
| عسى الغلا لازال بالحفظ والصـون والله يبـيـحـه لاتغيـرمـحـلَـه أهديتني جمره علـى راس غليـون |
مبدع بأنتقاكَ كالعادهـ ..
روعة مرة . . تسلم ايدك وماننحرم . .
| قلبك مثل قلبـي مكبـل ومسجـون أحـرار ميـر اقلوبنـا مستحـلَـه عسى الغلا لازال بالحفظ والصـون أهديتني جمره علـى راس غليـون ورغم اختلاف المد لازلـت ممنـون |
قصيده رائعه
يعافيك ربي وسلمت يمينك وصح لسان الشاعر،،
اختيـــار رااائع
سلمت انااملكـ على هــذا النقــل
| لاتشتكي لي والعرب وش يقولـون شكـوا لغيـر الله تـراهـا مـذلَـه |
صح لسان قايلها
ولاهنت على النقل
إختيار وذوق جميل
سلمت يمينك
//
على الذائقة والانتقاء
شاكره لك مجهودك ، بانتظار جديدك
تحاياي
تسلم ع الطرح القيم ,,
يعطيك العافيه ,,
ماننحرم جديدك الرائع.