اللي كتب هذة المعلقة والله انه عارف معاناتنا من جد
معـلقـة الـراتـب
حلوة القصيدة ووزنيتها متعوب عليها
مانـي متابع للسيـاسة والأخبــار
ولا همـني أوباما ولافوز ماكـــيـن
ولا همني وش قال حسني وبشار
وما همني لو زادوا الهند والصين
وما همني لو سوق الأموال منهار
وماهمني لو كان خسروا ملايـين
ماهمني الا راتبي ذا الشهر طــار
كله صرفته يوم خمسة وعشرين
بعثرت مدخولي على يمين ويسـار
وقعدت وعيالـي نصفّـق بـكفــين
1300 عـلـى طـــول فــ إيــجــــار
و400 مصروف جوال في زين
و 1150 في شــركـــة إعـــمــار
قرض ٍ أخذته وشفطـوه الشياطين
و1100 تجديد وأتعـاب سـمــسار
عندي استمارة مطوفة حول عامين
و400 فــاتــورة المــاء والأنـوار
حـتـى ولـو كـنّـا للأنــوار مـطـفـيـن
وأمــا 800 بـســوي بها الــكــار
سـيارة ٍ جـربـا ثــلاث وثــمـانـيــن
لا شـمـة الراتـب يجـيها كـما الزار
تنـفض مكيـنتها كما نـفض بوكليـــن
وام العيال تـصـيح يا زوجي البار
هذا الشهر عندي في القصر عرسين
احتاج انا فستان من عشرة امتـار
وأفصـله يا فـالح الـراي بـألفــــيـــن
وأخرى مئة بتروح في جيب كومار
الحارس الهندي عسى فـاله الشـيـن
ويقـول ما تـكفـيـه للفـلفـل الحــار
زعلان يبغى فوقها زود خـمســـيــن
وزادت معانـاتـي مع زود الأسـعار
أصبح مثل ما قيل طاق ٍ بطاقـيــــن
أزمة مسـويها مــداهن وتــجـــــار
وراحوا ضحيتها الضعوف المساكين
منـحاش من نـار ٍ وطـبيـت في نار
ويا ويل حـظ اللي وقــع بيـن نـاريـن
وإن الجمل صابر على الضيم صبّار
وان طاح تكثر في جنوبه سكاكـين
أبديت ما في الصدر من هم واسرار
بأقولها واخلي الخافي يــبـيــــن
يا شيوخنا لا لا تغضون الأبصار
صار المواطن يشكي العسر والدين
وانتم به ادرى ياطويلين الأعمار
بالله عليكم شوفوا الوضع بالعين..
فتى القنفذه صح السان رفيقك
بس اكيد راتبه زاد الحين وتحسنت اوضاعه لأنه كان يستلم 5150 قبل فتره الحين اكيد وصل 6000ههههههههه
صح السانه وسلمت بنانك على النقل <<الله ذكرتني يوم فوز اوباما على ماكين قسم بالله كنت بوقتها في مراكش بالمغرب ذاك الليله سقاها الله من ديره وعادها من وناسه الله عليك يالوقت!!!
اخوي هلابك اول شي ولكن يالغالي القصائد المنقوله حتى لو من اخو الشخص مكانها المناسب هو قسم المنقولات الادبيه لأن قسم همس القوافي لايقبل الا ماكان من ابداع العضو نفسه لذلك اسمح لي بنقلها للقسم المناسب لها
وتقبل تحياتي وتقديري
اخوووووووووووك
أســــ الغنج ــــير
والله حالته حاله
اسير ماشاء الله عليك حسبت راتبه قبل الزيادة وبعدها>>>>>>والله من الفضاوة عندك
مشكور يالغالي ع النقل
!!!تحياتي!!!
على الاختيار الرائع
ننتظر جديدك الجميل
الاصيل