لالالالايفوتكم قمة الرومانسية
النشيد العاطفي
بسمك سولفت حتى العصافير
ونشيد إسمك صبح بحلوك الزغار
إشتهتك روحي يابو شفايف التين
ويالدورة ركبتك جنها جمار
إذا بشارع تطب كلهم يغنون
وموالك يسلمه الجار للجار
النشيد العاطفي لشخصك يعزفون
وخبر حسنك تصدر نشرة أخبار
شباب شكد تمنوا لويصيدوك
وبخزرة عيونك صفوا طشار
زلم واجهت موت وإنت لوجيت
من شدة جمالك طبوا إنذار
لأن ثورة جمالك هزة الكون
وحدر بيبان صدرك شفت ثوار
لاتصفن علي يالصفنتك سيف
وإذا تذبحني ياهو يطالب بثار
يالمطشر اليحبني واليكرهوك
وصفيت إلوحدي وماعندي أنصار
ونسيت إلي إجوا ولي يردون
وبقت بس صورتك بعيوني تذكار
وي غيري أشوفك بارد تصير
بس وياي أحسك تشتعل نار
وأخافن لاأحضنك روحي تموع
لأن من شمع روحي إوواهسك حار
عالي روج صدرك والشعر ليل
والحاجب سفينة وآنه بحار
أغمض حته بلكي أنساك وأرتاح
وأشوفك بالخيال وأبقى محتار
وتمنيت آنه أكدر أوصفك زين
وجبت دفتر حياتي الينزف أشعار
وياشاعر يوصفك حته يوفيك
وجمالك موطبيعي يطير الأفكار
يابوعيون سودة وتمطر دموع
وبساتين أعله خدك تشتهي أمطار
أحبك من زغر وأحلامنه بيوت
شجاك اليوم تبعد عني وشصار
آنه إوياك جنه شكد مجانين
جنه زغار بس أحلامنة كبار
عله شباج حسنك طافت الروح
وذنوبي أعله شفتك إجت زوار
بحضن أمك تنام الليل مرتاح
وأنه مكابل خيالك وأنزف أشعار
عتبة داركم لوتملك حساس
جاعنك تسولف عتبة الدار
من تعبر عليها تسودنت بيك
لأن شافت نهر مو مثل الأنهار
معجب مدري مغرم مدري أهواك
مدري تسودنت مدري العقل طار
من تضحك أحبك تبجي أهواك
لأن بالحالتين آنه أشتعل نار
هلابك وبتواجدك
وحياك الله معنا في قسم همس القوافي
بس يالغالي ياليت توضح لي هل انت سعدون التميمي والا مو انت؟؟؟
لأني ابغى اعرف هل المشاركه بقلمك او منقوله؟؟
لاعدمتك تقبل تحياتي ولي عوده بأذن الله
اخوووووووووووووووووك
أســــ الغنج ــــير
يعافيك ربي .. ~ْ
يعطيك ألف عافيه
كلك ذووق بإختيارك
نقل موفق
//