عمري بدونك يالذ ّرا ويش أبي به
يابوي تسأل عن شفاك المراقيب ,,,
طلعة سواتك للنّوايف غريبه
ليه المرض مايعرف الزّين والعيب,,,
مايدري انك للمخاليق هيبه !!
أبسألك وش به غزا وجهك الشيب ,,,
والقلب لايع والنواظر شحيبه
وش بك تحاتي لانوى الموت تغريب ,,,
تخشى علينا بالليّالي الكئيبه
خذ دلّتك واركى على مسند الجيب ,,,
وعطني شماغك بلثمه وأحتمي به
ونروّح لأرض ٍ بها العشب والطيب,,,
وتسمع كلام ٍ يالغلا تحتفي به
يابوي بنتك لاانحكى بالتّجاريب,,,
كل ٍ يشق لهيبه الصّيت جيبه
يابوي ماني من سوات المخاريب ,,,
اللّي تجيب لعليَة القوم خيبه
وماني من اللّي لامشت حفّها الرّيب,,,
أنا من اللّي مايدنّس حليبه
مرفوع شاني عن غرام المكاتيب ,,,
وأكبر من انّني أرتضي بالحبيبه
أنا غرامي لاابتدوا بالتّراحيب ,,,
نفوس الأوادم في وجودي رحيبه
((وان كان زيني فتنة ٍ للمصاويب ,,,
حط وجهي بالحريق ولهيبه
زيني أبيعه وأشتري سمعه الطّيب ,,,
اسم ٍ ينومس بالصّروح الذ ّهيبه))
وان كان عندي ( بالحلا) شي ٍ اصعيب ,,,
عندي جدود ٍ مارضت بالغليبه
دموع القبايل في لقانا مساكيب ,,,
كن المقابر لاحضرنا قريبه
خضّبت لك كفّي من العز تخضيب ,,,
ورفعت راسي للنّجوم الصّعيبه
والله لأسدّك بالفعول المصاليب ,,,
والله لأشيلك بالرخا والمصيبه
طلع المعالي ماانحكم للشّواريب ,,,
بنت ٍ وأناطح فارس القوم طيبه
وياشيخي إبشر لوتدور الدّواليب ,,,
بنتك إلا منّه عوى الذّيب ( ذيبه)
منقووووووووووولـ
أبيات قووية
صح لسان شاعرتها
ويسلم بنانك على النقل
ولكن اسمحي أنقل القصيدة للقسم الأنسب المنقولات الأدبية
لاهنتِ
ويسلمووووو على المرور
خوذي راحتكـ فديتكـ وانقلي على كيف كيفكـ
يسلم ذوقكـِ الجميل
روعة إختياركـِ
دمتِ بكل خير
قصيده أكثر من رائعه
كلمات قويه ومضمون رائع
سلمت يمينك عالنقل الجميل
//
وهذا من ذوقكم ثااااااانكس….
بنت ٍ وأناطح فارس القوم طيبه
** *** **
الله الله
ذوووووق وربـــــــي ذووووووق اختي // مهـرهـ وبنت ح ـــــصان //
(( بنتــــك إلا منّه عــــوى الذّيـــب ( ذيبـــــــــه) ))
واسعدني مروركـ ياعسل
>>>>> يسلم يمين من كتبهاا
خالص ودي دلوعة اهلهاا
تسلمي ياعسل