>علومكم طيبين ان شالله
،،
انا جايبه قصيده المباني
صوت وصوره انتمنى انها تعجبكم
للشاعر حامد زيد
،،
http://www.hamedzaid.com/video/mabani.wmv
^^
الصوت
اما الكلمات:
جابك الله من غياب ضيق صدور المباني
………قبل لا الوحشه تزعزع بيتك الصلب وتبيده
بيتك اللي من رحلت وكل جدرانه تعاني
………ما تحمل ينتظر شهرين وعيونك بعيده
الله العالم لو انك جيت متأخر ثواني
…….ماتشوف الا بقابا من حصاه ومن حديده
من عرفتك وانت تايه من مواني في مواني
…….وتاركٍ قلبي ملوع من وقيده في وقيده
ضاعت سنيني احد بهالليالي واتحداني
…….وانت ما تشبع غياب وما تخاف من النقيده
ودي اتحمد لك الله بالسلامه ما مداني
………….كل ماتوصل برحله ترجع برحله جديده
دام تدري كل وجهٍ غير وجه الله فاني
…….ياخي اكسب لك ثواب وخاف ربك في عبيده
كان فيني عيب قلي..فيني العيب الفلاني
……….كان هرجي مزعلك في شي قلي لا تعيده
عيب تصغر في عيوني وانت بارقاب الغواني
………ليه تستسهل طعوني وانت خابرني وليده
لعنبوك ان مت بيدك وشيفكك من اخواني
………لا احزنو ربعي على فرقاي شلي تستفيده
انت منت اللي عشقته .. انت اكيد انسان ثاني
…………ليه صرت بهالبرود وهالاحاسيس البليده
وين حبك للزعل؟…وين العناد الاولاني
………..وين حنية زماان وفرحة العمر الرغيده
وين ذاك اللي لي اقبل ما يبات الا بأماني
……….وين راح اللي لي اقفى مايروح الا فقيده
واحد من جابه الله بس يآمر ويعصاني
……….الوحيد اللي اخاف ازعله وامشي معه سيده
مابغيت اطيح بيده لين ماربي بلاني
……..ولا انا لو هو بكيفي مابغيت اطيح بيده
ذاك بس ليامن جيت له لخبط كياني
…….اللي بنظره ينشف دم قلبي في وريده.
قبل اشوفه اجمع اله احلى القصايد والمعاني
………وان لقيته ماعرفت اقول له جمله مفيده
الف مرة قبله اعد القصيده من لساني
………..ولعنبوه ان جيت عنده قمت اخربط بالقصيده
امدحه .. وانا ادري انه لو تباطاني نساني
………انطحه وانا اعرفه مجنون وافكاره عنيده
من يسوي بي سواتك يالرهيف الاسمراني
………منهو من الناس مثلك غلطته ترفع رصيده
من يقص جناح طيرك وانت اعز انسان جاني
……….ليه اخاف رماح غيرك وانت ضرباتك سديده
ان تبعتك..اتبعك من طيبي و واسع بطاني
………..ولا انا لا جيت اكيد انسان تدري كيف اكيده
اقدر انزعلك ثيابي والبس ثياب الاناني
………واقدر اطلع من عذابي والعب بدورك واجيده
ومستعد اكسب رهاني لو بغيت اكسب رهاني
…………واخدعك باحساس كاذب واتحدى من يصيده
ابك انا لاشفت خلي حط غيري في مكاني
………….والله اني لاتركه واصد واعشق سيد سيده
جيت مابيك اتحقرني ..جيت ابيك تعز شاني
………….جيت ابي فزعة ضلوعك من مشاعرك البليده
خلني داخل حدودك واجبر بخاطر زماني
…………واكذب بباقي وعودك واصدق بلحظه سعيده
انتشلني من برودك لو تولع بالمحاني
………عطني احساس بوجودك واخذ كل اللي تريده
تكفى واليا قلت تكفى بيع خلق الله عشاني
………لا تضيع من ايديني فرصة العمر الوحيده
يعلم الله شفت منك ومن غيابك ماكفاني
…….كان ما تقدر تخفف هم قلبي لاتزيده
شف غيابك وش مسوي بالصدور وبالمباني
………وانت تدري كيف كانت صدمة غيابك شديده
والله انك لو وصلت البيت متأخر ثواني
………..ماتشوف الا بقايا من حصاه ومن حديده
ان شالله تحوز على اعجابكم
>>والله قويه القصيده
،،
كل الود
على ذوقكـِ الجميل
دمتِ بكل خير
🙂
منورة والله
عنهـ وعن قصايدهـ كلهــا حلووهـ
يعطيكـ العافيهـ
يعطيكِ ألف عافيه
قصيده قمه في الروعه
كلمات رائعه ونقل جميل
منوره بوجودك ياعسل
//
هالقصيده 0يعطيك العافيه يالغلا 000
|
المشاركة الأساسية كتبها Light of.. the.. night
 ابدااااااع من جد ابداااع وحامد زيد هذا الي عرفناهـ
عنهـ وعن قصايدهـ كلهــا حلووهـ يعطيكـ العافيهـ |
ربي يسلمك عالمروور العسل