الأمير بدر بن عبد المحسن ,,,
أتمنــــــــــــــــى تعجبكــــــــــــــــــــــم !!!!
"" أوراق الزمن ""
ادفن يدي .. تحت الثرى ..
واسقيها من جفني ارق ..
يذبل مابين اصابعي ..
عشب و ورق ..
ادفن يدي .. فوق الثرى ..
يلفها برد وسموم ..
واحس بعروقي يبست ..
ما توصل عروقي الثرى ..
ولا تشرب عروقي النجوم
وينبت على جفني سهاد ..
يذبل ورا صدري الشجن ..
اشقق اوراق الزمن ..
وانام ..
في حلقي الليله جفاف ..
شربت أيامي .. ومضت ..
واللي بقى جرحي الوفي ..
في خاطري باب يرد ..
وسراج دوبه ينطفي ..
اغطي الظلمه بظلام ..
كل ما اشد اصابعي ..
على العيون المتعبه ..
جرحٍ ينام .. وجرحٍ شعر بي وانتبه ..
قام وتبعني لشرفة ظلمه بعيد ..
جاني يقاسمني السهاد .. جاني قصيد ..
ادفن يدي تحت الثرى .. فوق الثرى ..
واعيش انا بباقي يدي ..
نصفٍ يموت .. ونصفٍ درى انه يموت ..
يا سيدي .. ربي انا نقطه فـ بحر ..
علمني كيف اهوى الحياه ..
علمني كيف اهوى القدر ..
علمني بإماني اكون ..
يارب .. اكثر من بشر ..
"" تعبت أسافــــر ""
تعبت أسافر في عروقي ومليت
من جلدي اللي لو عصيته غصبني
ياما تجاوزت الجسد واستقليت
عن الألم .. لاشك جرحي غلبني
أنا سجين الحال .. مهما تسليت
وانا الطليق وكل شيٍٍ قضبني
حريتي لاعل .. يا كود ياليت
اما شفت حيٍٍ جاد لي ماسلبني
وليت يا ليل التباريح وليت
اما محاني الحزن والاكتبني
كل السما في دفتري وان تجليت
مثل الشموس .. غبار قبري حجبني
لي صاحب وان ما تخلى تخليت
لا بد ما نهدم .. ولا بد نبني …
"" زمــان الصمت ""
وتِرحَل ..
صَرخَتي تِذبَل
في وادي .. لا صدى يوصل
ولا باقي أنين
زمان الصمت ..
يا عُمر الحُزن والشكوى
يا خطوة ما غدت تقوى
على الخطوة … على هم السنين
حبيبي .. كتبت اسمك على صوتي
كتبته .. في جدار الوقت
على لون السما الهادي
على الوادي ..
على موتي … وميلادي
حبيبي .. لو أيادي الصمت
خذتني … لو ملتني ليل
أنا عمري .. انتظاري لك
لا تحرمني .. حياتي لك ..
"" عز الكـــلام ""
عز الكلام ..
عز البكا والإبتسام ..
عز العتاب ويا العذاب ..
حتى الندم ذاب والأمل أصبح عدم ..
لما خلت كل الدروب ..
لما إنطوت .. شمس الغروب ..
وضيع معاه قصة هوى ..
وعز الهوى حتى على أهل الهوى
عزت على عينه الدموع .. عند الوداع
سلم يإيده للهوى .. سلم وضاع ..
تحت الليالي ضاع وانتهيت .. يا حب غالي ..
وضيع معاه قصة هوى ..
وعز الهوى حتى على أهل الهوى ..
ياما إبتسامه عاشت زمان ..
في عيون حبيبي .. ذبلت في يوم ..
وياما الملامه .. قست حنان ..
في قلب خايف .. جرحه يهون
وياما الهوى عذب كثير ..
لكن بقي فرحه كبير
إلا حبيبي .. عزت عليه ..
دمعة وداع تملا عينيه ..
"" لا تعاتب ""
لا تعاتب .. ما اقدر أتحملك عتابك ..
قلبي ذايب .. وانت تشكي لي عذابك ..
بس لو تسأل عيوني .. راح تبين لك شجوني ..
لو أغير يوم حياتي .. عن هواكم ما تغير ..
إنت أغلى ذكرياتي .. انت غيرك ما اتخير ..
بس لو تسأل عيوني .. راح تبين لك شجوني ..
لا تعاتب .. لا تعاتب ..
نور حياتي في رضاك .. والسعاده كلمه منك ..
شوف هنايا في هواك .. لما نلتوا بحسن ظنك ..
بس لو تسأل عيوني .. راح تبين لك شجوني ..
لا تعاتب لا تعاتب ..
"" مــاأبـــيـــــه ""
عذبيه.. إسعديه..
داوي قلبي واجرحيه ..
واللي ما مثله ابد .. مثلي ما حبك احد
ولو رضي قلبي بغيرك..
ما أبيه .. ما أبيه
تملكيني لوبـ غيتي .. تملكيني لو رفضتي
تسحريني لو حكيتي .. تسحريني لو سكتي
أنا نجمه في مدار ك ..
ضي عيني من نهارك ..
وانتي قلبي واللي فيه
لو رضي قلبي بغيرك ما أبيه..
انتي اغلى من هجرني .. وانتي اجمل من يغيب ..
والله لو بعدك قهرني .. ما أبي غيرك حبيب ..
سافري والقلب دارك ..
راضي بـ ثلجك ونارك ..
حبي قلبي واكرهيه ..
لو رضي قلبي بغيرك.. ما أبيه
أنا أحبك لا تخافي .. الا قلبك لو هواني ..
هذا ضعفي واعترافي .. بس ما ارضى هواني ..
ابعدي هذا قرارك …
ماني سجنك أو حصارك …
روحي سوِّى اللي تبيه …
لو رضي قلبي بغيرك .. ما أبيه
واللي ما مثله أبد .. مثلي ماحبك احد
"" ليتني معكـ دايـــم ""
ليتي معك دايم .. روحي فـ هواك هايم
واخفيك مع روحي .. آمالي وجروحي
وانت السهر والليل .. وانت القمر وسهيل
وانت سبب نوحي ..
ومالي فـ هواك لايم .. ليتي معك دايم
ليتي معك خطوة .. تمشي لهواك دروب
ونسمة هوى حلوه .. تحيّي الأمل فـ قلوب
ليتي معك وارتاح .. وانسى الضنى اللي راح
واخفيك مع روحي .. آمالي وجروحي
وانت السهر والليل .. وانت القمر وسهيل
وانت سبب نوحي ..
آه .. من الهوى والليل .. فـ عيونك السودا
غربه ومالي دليل .. والخطوه معدودة
والله الزمان غلاب .. والبسمه محسوده
ونور الأمل كذاب .. والراحه مفقوده
واخفيك مع روحي .. آمالي وجروحي
وانت السهر والليل .. وانت القمر وسهيل
وانت سبب نوحي .
الله يعطيك العافيه
في انتظار جديدكــ
وربي يخليك ويسعدك
دمتي لنا بخير وسلامه
" القلم المتميز ’’ الهائم في حبها "
مروركــــــــــــــم أسعدنـــــــــي ..
بارك اللهـ فيك..
وبالتوفيق..
^__^
ننتظر المزيد منك
ذوق رفيع
يعطيك العافيه على حسن الاختيار
بإنتظار جديدك
نقل رائعه وراقي
دمتِ بحب
مودتي
على مروركــــــم حبايب قلبي ,,
دمتـــــم بـــود ..