———————————————–
السلام عليكم ورحمه الله وبركاته
يــــــــــــــا الله ما احلى جو رمضان ومحلى لمتنا ع السفرة
بس اليوم ايش رايكم نعمل اشي جديد ؟؟؟
بجد راح نحس بطعم تاااااااني لرمــضــــــــــــآـآـآـآـآـآـآـان
كيف؟؟
تعالوا احكيلكم
ويمكن جزء اليوم شغله للشباب اكتر منشغله الصبايا بشويه
والله يا شباب بجد اللي بضيع هالاشي بروح عليه طعم ولا اروع
اكيد اكيد يعني بما انكم من اهل الحارة او من اهل هالحي من كم سنه الكم اصحاب كتيييير حتى لو بس بالسلام بتعرفوا بعض
ايش رايكم تتفقوا ع يوم كلكم
وتعملو افطار صائم بنص الحي او ع اطراف الحي؟؟؟؟
هتسالوني كيف؟ وايش بتحتاجو صح؟
تعالو احكيلكم
الموضوع جدا جدا جدا سهل لاصحاب الهمم العاليه
انتو كم شب 5 6 7 10؟
حلو لو واحد كويس برضوة
ّّّ اللي بتحتاجوه:ّّّ
1)تعرفوا انتو كم واحد بهالموضوع وطبعا العدد قابل للزياده في اي لحظه2)تحتاجو لانكم تحددو اليوم المناسب والمكان المناسب
3)لو كان الموضوع بتطلب انكم مثلا تاخدو اذن من احد لو كان المكان يعتبر ملك لاحد
4) قطعه قماش
5) خشبتين طوال شوي ومسامير وشكوش
6)قلم فلومستر عرييييض
7)طوبتين (بلوكتين)
8) كم مفرش من البيت
اكيد تسالو ليش القمشا والمسامير والقلم والخشب والطوبتين او البلوكتين؟
القماش زي الشاطرين اكتبوا عليه (إفــــــطــــــــــــــــار صــــــــــــــــــــــائــــــــــــــــــــم)
وبعدين خدو القماشه وثبتوها بين الخشبتين والخشبتين اسندوهن بالطوبتين
هيك عملنا اول خطوه
تعالو لتاني خطوه
انتو طبعا ماشاء الله عليكم فيكم البركه كل واحد يجيب مفرشين او ع قد ماعنده مفارش بالبيت ويتعالو افردوهن
خلص زبطتو الوضع؟؟ حلو
هيك خلصنا الخطوه التانيه
الخطوة التالته
اكيد اكيد لا يخلو بيت من السفر ومن تلاجات المي تاعت الرحلات وكم شاف(جك ماء)
اذا عندكم حلو
جيناكم يا صباااااايا والكرة سارت عندكم ^_*
زي الشاطرات خدوا تلاجات المي وعبوهن نص بميه بارده
ونص التلاجات التانيه بعصير اذا بتحبو
خلصتو تعبايه؟حلو
يلا يا شباب خدو التلاجات ونزلوهن عند المفارش
حلو خلصنا الخطوة التالته
تعالو للرابعه والاهم
ان شاء الله كلكم مقتدرين؟
لفتين سمبوسه لفوهن يا صبايا وخدو الاجر
واعملو كل واحده طنجرة شوربه
واكيد عندكم تمر ولبن صح؟؟
حلوووو
قليتو السمبوسه؟
والشوربه استوت؟
حلو برضوة
تعالو يا شباب خدو من الصبايا السمبوسه والشوربه والتمر واللبن اذا فيه
واكيد عندكم صحون وملاعق وكاسات بلاستك لان لو اخدتو اغراض البيت البنات هينجلطوا لان هيعملو حفله جلي هههههههه
كويس رتبو كل اشي بس اللي تحطوة الحين ع السُفر هو صحون التمر والسمبوسه
وخلو الباقي لقبل الادان بــ5 او 10 دقايق
وانا متأكده ان باقي اهل الحي راح يساعدوكم
وبما انكم حاطين لوحه اي واحد كان ماشي ومش ضايل وقت للادان راح يميل يفطر عندكم
قرب الادان
بسرررعه صبو مي بالكاسات ووزعوهم ع الموجودين والعصير
وحطو الشوربه
بس انتبهو من العجله تكبوا صحن ع واحد ههههههه
اذا مشينا لهان وكلو تمام فاعروا ان كل شي تمااااام التمااام وبرافو عليكم شباب وصبايا الحي
ادن وبدا الكل يفطر صدقو كل اللي موجودين وقت الادان دعولكم وهما بفطروا
ولو قدرتو تعملو شي طبق رئيسي وتحطوه كمان بكون الوضع من الاخر
اذا افطر الكل والكل شبع
بس زاد شوربه وعصير ومي والاشياء اللي حطيتوهن مش تكبوهن
اوعكو=انتبهو
بفضل تقسموهن وتوزعوهن ع البيوت الفقيرة
او بترجعوهن ع بيوتكو وبتسخنوهن بكرة للفطور
وبهيك بكون انهينا سفرة رمضانيه
نيجي لايش اجر هالاشي اللي عملنا وتعبنا فيه النا كم يوم بنرتب الوضع
ايش اجرو؟
1) عَنْ زَيْدِ بْنِ خَالِدٍ الْجُهَنِيِّ رَضِيَ الله عَنْهَ قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ:"مَنْ فَطَّرَ صَائِمًا كَانَ لَهُ مِثْلُ أَجْرِهِ غَيْرَ أَنَّهُ لَا يَنْقُصُ مِنْ أَجْرِ الصَّائِمِ شَيْئًا"أخرجه أحمد (4/114 ، رقم 17074)
2)قال العلامة المباركفوري في "تحفة الأحوذي بشرح جامع الترمذي": ( مِثْلُ أَجْرِهِ ) أَيْ الصَّائِمِ : وَقَدْ جَاءَ فِي حَدِيثِ سَلْمَانَ الْفَارِسِيِّ: "مَنْ فَطَّرَ فِيهِ صَائِمًا كَانَ لَهُ مَغْفِرَةٌ لِذُنُوبِهِ وَعِتْقُ رَقَبَتِهِ مِنْ النَّارِ , وَكَانَ لَهُ مِثْلُ أَجْرِهِ مِنْ غَيْرِ أَنْ يُنْتَقَصَ مِنْ أَجْرِهِ شَيْءٌ" : قُلْنَا يَا رَسُولَ اللَّهِ لَيْسَ كُلُّنَا نَجِدُ مَا نُفَطِّرُ بِهِ الصَّائِمَ , فَقَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : "يُعْطِي اللَّهُ هَذَا الثَّوَابَ مَنْ فَطَّرَ صَائِمًا عَلَى مَذْقَةِ لَبَنٍ أَوْ تَمْرَةٍ أَوْ شَرْبَةٍ مِنْ مَاءٍ , وَمَنْ أَشْبَعَ صَائِمًا سَقَاهُ اللَّهُ مِنْ حَوْضِي شَرْبَةً لَا يَظْمَأُ حَتَّى يَدْخُلَ الْجَنَّةَ"الْحَدِيثَ رَوَاهُ الْبَيْهَقِيُّ .
3) كسبت دعوه من صائم ممكن تكون بوقت استجابه ومن شخص محتاج وكسبت افطاره ودعوته اللي ممكن تدخلك الجنه او تهديك للطريق الصح
اضن ان هالــ3 نقط كفت لتشجع الكل ع هيك عمل
تنبيه: يا شباب ويا صبايا لا تحكو انا عاصي ولا انا عاصيه كيف بدي اعمل خير ولا هل ربي راح يتقبله او لا؟ لا تخلو الشيطان هو اللي يحركم ،ربك بقبل كل عمل خالص لوجهه
لا تخلو الشيطان هو اللي يحركم الشيطان برمضان مصفد بالسلاسل تقربواا من ربكم واعمل خير لتلاقوه باخرتكم
خلصنا الجزء التالت
مين اعجبته الفكرة وناوي يكون معي بهالحمله ؟؟؟
يعيطك الف عافيه
جلعه في ميزان حسنتك يارب
ودي واحترامي
تحياتي
ويسلمو كتير
فكره حلوه كتير
امين يارب
يــعــطـيك الـعـافـيـهـ
^_^
بارك لله فيكِ
بارك لله فيكِ
بارك لله فيكِ
يلا يا اخواني شدو الهمي وجهزو لتنفيذ العمل
وان شاء الله ربي يبارك فيكم