يقود الروح قدامه / بقلمي 2024.

( $ ) تكبرني بسنوات عمرك , وأكبرك بكل شيء .. فأنا كنت الأكبر حباً,
والأكبر حنيناً , والأكبر إخلاصاً , والأكبر خيالاً , أنا كنت أكبر منك هماً ,
وأكبر منك عذاباً , وأكبر منك حزناً , وأكبر منك احتمالاً …..!

.•.* الغصــة الأولــى *.•.

أنا المدعوة "غـبـيـشـة" وبكامل قواي العقلية أكشف لك أوراقي وأسلمك زمام الأمور لحياتي أن رغبت تتبعها للنهاية لتحكم بنفسك علي!! هل فعلا كنت أستحق الذي نلته من هذه الحياة؟! أم كنت أستحق أكثر؟! أم أقل؟! علماً بأن ما سأرويه عليك وبين بيديك حدث بزمن ليس مخالف عن زماننا, ومازالت تحدث في واقعنا المرير, لك كامل الأحقيه في نقدها أن كانت تستحق ذلك, سواء أن كان نقد إيجابياً,سلبياً,بناءاً,هادم, لايهم ذلك, لكل منا عقلية مختلفة, ونمط خاص ومختلف فالتفكير( الجينات تتختلف ) الذي عاش فالرخاء ولم يجرب العسر من هذه الحياة( من وجهة نظري لا يوجد شخص على الكرة الأرضية لم يذق الأمرين من هذه الحياه ولكن لنقل ذلك ) سيرفض رفضا قاطع ما سأرويه وقد يستنكر ويتعجب وقد يصل الى عدم التصديق وسيعترض على أمور من منظوره الخاص استحالة حدوثها,أما الذي مر بتجارب ربما أقسى من تجربتي سيبكي قليلاً ويضحك كثيراً, فـ لكل منا نظرة مختلفة لأمور عدة..
الفرق بين القصة والغصة حرف واحــد ولكل منهما معنى أكبر من أن أفهمه أنا شخصياً لن أطيل عليك أكثر, فـ ها أنا أمنحك الترخيص لعبور بحاري والدخول إلى عالمي…
~
~
.•.* أعرفك على أفراد عايلتي*.•.
عايلة "الصقر سهيل الـ ……."
– الصقر: كان قايد هالعايله وعنده الخير اللي عيشه وعيش عياله في خير وسهالة , إنسان ذو خلق عظيم وذو مباءئ أعظم وله فالحياة خبرة واسعة , روحه سلمت لباريها بسبب حالته الصحية المتدهورة كان يعاني من المرض الخبيث(بعيد الشر عنك)وقد وصل من العمر الـ 70..
– لطيفه: كانت زوجة الصقر لكنهم تطالقوا قبل ماتوافيه المنية بسبب مشاكل عايلية , عمرها 56 سنه لو تشوفها تعطيها بنت في الـ 20 من كثر ماتعتني بنفسها , جمالها منفرد اللي ولا واحد من عيالها ورثته هالجمال (عيني عليها بارده) تقدر تقول أنها أحتفظت به لنفسها , تشتغل وكيلة في مدرسة , طيبة و عصبية في نفس الوقت..
1) مهير: بكر هالعايلة, أكبرهم وأشدهم غضباَ عمره 40 سنة, معرس بـ صبحه بنت عمي عمرها 38 سنة سنة وعنده…
الصقر عمره 23 وأزقره "أبوويه" لانه مسماي على باباتي الله يرحمه..يشتغل فالاتصالات..
أحمد عمره 20 فكلية الشرطه..
رويه عمرها 17 ثاني ثانوي طبعا علمي دووم أنا وهي ضرابه..
صالح عمره 15 ثالث اعدادي ..
شمسه عمرها 13 ثاني اعدادي..
العنود آخر العنقود 9 سنين رابع ابتدائي..

2) خالد: عمره 38 هااادي وطيب وااايد بشكل ماتتوقعه, معرس ماخذ وحده من عايلتنا اسمها نورة وعنده…
عبدالله عمره 15 ثالث اعدادي هو وصالح أبدا مايتفارقون..
شهد عمرها 13 ثاني اعدادي تؤام شمسه..
شهاب عمره 11 سادس ابتدائي ..
المها آخر العنقود عمرها 8 ثالث ابتدائي ..

3) سهيل: عمره 28 فالشرطه , أعتزل العرس عقب ماتوفت حرمته (عقب بدخل فالتفاصيل)..
4) نهيان: عمره 25 عااد هذا مزوحي من العيار الثقيييييل فنان وربشه..
5) غريب: عمره 23 ماله خص فـ حد عايش حياته لنفسه..
6) سعيد: عمره 21 أخويه من باباتي أمه متوفيه عايش عندنا,يدرس فـ كلية التقنية..
7) غوية: عمرها 20 نور بيتنا هي ولية العهد الأولى "البنت الاولى عقب شلة الأنس" تدرس فـ كلية التقنية , مالج عليها واحد من عايلتنا "راشد"..
8) غبيشه: هذي أنا يالله كم وكم كررررهت اسمي مسبب لي عقده, عمري 17 وعقب ثلاث شهور بدخل الـ 18 أحم أحم أدرس فـ نفس المدرسة اللي تشتغل فيها امايه, طبعا هالسنة ثانوية عامة ومستواي الدراسي متدهور لأبعد حدود وأنا مب مهتمه لذاك الزود لأنه وبكل اختصار تبخرت كل آمالي بعد وفاة باباتي الله يرحمه ويبيحه..

عايلة " حارب سهيل الـ ……"
_ حارب سهيل: انسان طيب وحنون بدرجه فظييييعه رفض فكرة الزواج من وحده ثانية بعد فاجعته بـ زوجته "هند" وفضل يحترم ذكراها ع فكرة الزواج عشان يتفرغ لعياله..
1) صبحه: عمرها 38 ماخذه مهير خويه, طيوبه وحنووونه عكس مهير.
2) مايد: عمره 28 عقب ماحملت حرمة عمي بـ صبحه تأخرت واايد لين حملت ثاني مره , معرس وماخذ بنت
يارنا اسمها مهره عنده منصور عمره 5 شهور..
3) طحنون: عمره 25 يشتغل فالشرطه , يخطط لمشروع زواج مستقبلا انشالله..
4) راكان: عمره 23 يدرس فالتقنية آخر سنه وبيتخرج..
5) رايه: عمرها 17 مثل عمري , تدرس عندي فـ نفس المدرسه..
6) كنه: عمرها 13 سنه اول اعدادي عندها نفس عقدتيه واللي هي (اسمها)..
7) اليازيه: آخر العنقود عمرها 10 ابتدائي ..
~
~
* هيه صح قبل ما أنسى , ترى بيوتنا عدال بعض , يعني بيتنا وبيت عمي وبيت مهير وبيت خالد الباب بالباب اللهم يفصل بين البيوت اليدار, مايد له ملحق فحوش بيت عمي , أووه صح نسيت بعد أخبرك أنه عندي عمه وحده بس ساكنه فـ رماح , كنا كلنا ساكنين فـ رماح عقب انتقلنا للعين عدال بيت عمي , بيوتنا اللي فـ رماح بعدها موجوده يعني فالأجازات أحنا هناك , العرب يسافرون برا أحنا لا لازم نفتتحها فـ رماح كمن يوم عقب نسافر إذا كان فيه مشروع سفر…
~
~
*) تخيل قمت أهوجس بك وقت ماوزعوا الأوراق…وأنا أدري من يجي طيفك يلخبط لي امتحاناتي…كتبت اسمك على الورقه بدل ما أكتب اجاباتي…أحب اذكرك وأنسى الكل تصور موقفي المحرج..! أنسى المسأله والحل مسكينه خويه لي وعدت إني اغششها…عطتني أوراقها بسرعه بشعري قمت أخربشها…قصايد حب لعيونك أطرشها…في الأحياء شفت سؤال عن الصرصور وتشريحه…كتبت الله ثم الله لن أرضى بتجريحه دخييل الله ياأبله تخلي نفسه مريحه…دخيلج لا تهينونه تخيلته يحب مثلي خبله مدري مينونه…حتى إني دعيت الله يرده للّي يحبونه شفت أشلون يا خلي…خذاني الحب وجنونه!! ألا ياساكن فؤادي أنا أشهد امتحاني بوادي…و عقلي وفكري بوادي بس عاد لو تييني كعكه حمرا في الشهادة…عندي الكعك الأحمر صار عااادي…!!!!

المعلمة: غبيشه..غبيشه..غبيشه..
غبيشه: ( لا حياة لمن تنادي )..!
المعلمة: غــبــيــشــه..
غبيشه: ( رفعت راسي وعطيتها هذيك النظره اللي تنبع منها رومانسية العالم ) ..
المعلمة: وين وصلتي آنسة غبيشه..؟؟!
غبيشه: هــــــــــا؟؟!( جاوبتها وأنا بعدني مب مستوعبه الموقف )..
المعلمة: وعــــصـــــاااااه..( عاد هني بدن بنات الصف يضحكن عليه أما المعلمه كملت رمستها ) العرب مايقولون "هااه" يقولون "نعم" وبعدين حبوبه شوه قاعده تكتبين؟؟!
غبيشه: ( ياااهي بلشه اسميني توهقت بس لازم أظهر عمري من هالموقف البايخ) ياأبله ياأبله من حلاااااااااااات حصتج نزل عليه الوحي فما كنت أبى اضيع اللي فبالي فقلت الازم اكتبه تراكم انتوا تشجعونا ع تنمية المواهب وانا عندي من المواااهب كثاار لكن للأسف محد اكتشفهن ( وابتسمت لها ابتساااامه غبيه )
المعلمة: يحاااااافظ عليج ياغبيشه غاديتلنا شكسبير العرب؟!!
غيشه: لا لا ياأبله سمحيلي أسكشبير البدوو ( قلتها بتواضع مزيف )..
المعلمة: يالله يا أسكشبير البدو ع قولتج أتحفينا..
غبيشه: ( عني بلاها تبى توهقني ) آســـفــــه يــا أبـلـــه خــصــوصــيــات (شددت ع كل كلمه عمدا)..
المعلمة: أقولج هاااتي الدفتر ( وهي تحاول تشل الدفتر عني وأنا أوني شاقه الحلق بكل غباء )..
غبيشه: مب لازم ياأبله تحرجيني قلتلج خصوصياااااااااات ( قلتها وأنا أمدها لان المعلمه استحوذت عالدفتر وأنا خلاص توهقت )..
المعلمة: حاااااافظ عليج يا أسكشبير البدو ( قالتها وهي بعدها تقرا المكتوب )..
غبيشة: ( أنا خلاص منتهيه من الفشله وبنات الصف ناقعات من الضحك ع شكلي لأنه خويتكم ويهها لوح ماتخيل أبدا أبدا )..
وحده من بنات الصف: بناات حد يصور غبوش وهي مخيله تراها فرصه لا تعوض..
الثانية: والعرض محدود لفترة زمنية وجيزه..( بنات الصف عاجبتهن السالفه قاعدات يضحكن أما أنا ما أهتميت وايد بالبنات ولا خيلت منهن كان همي الوحيد المعلمه اللي قاعده تقرا )..
غبيشه: شفتي ياأبله يرضيج يعني يرضيج أحين استويت مضحكه للبنات..( سويت عمري زعلانه )..
المعلمه: بــــس يابنات وأنتي يا أسكشبير البدو اسمحلنا لانا أهنا شعورك المرهف والأدبي بس لوو سمحت انتبه للحصه لأنك ثانويه عامه وهالسنه مهمه واايد..
غبيشه: انشالله يا أبله بس ممكن تردين لي الدفتر ( مديت لها ايدي عشان تناولني دفتريه الحبيب )..
المعلمه: أندوج بس هاي آخر مره لو عدتيها سلمي ع الدفتر لانج هب شايفتنه موول..
غبيشه: انـــشـــالـلـــــه من الفوقيات..(وأنا أشر ع عيوني, مسكت دفتريه الحبيب اللي ماحب افارقه وماحب اي حد يقرب صوبه)..
ردت المعلمه تشرح الدرس وأنا رديت لعالمية أعرف أعرف ماأتووب بس شوه أسووي؟!المهم ألقيت نظره ع بنات الصف اللي يالسه تاكل بالدس واللي ردت تكمل رقادها عقب مادعت عليه ليش قطعت حلمها يوم احتشرت الابله واللي يالسه تكتب استكر وتطرشه لوحده فالقسم الجنوبي من الصف واللي منتبهه بذمه وضمير ابتسمت ع غبائنا أحنا البنات , رديت بكل شووووووق لعالميه "فز قلبي وقال هاونه"..

مر اليوم مثله مثل اي يوم فالسنه الدراسيه تدخل معلمه وتظهر معلمه وأحنا ياغافلين لكم الله وأخيرا يت أحب لحظه لحظة ردتنا للبيت.. عقب مارتبت اغراضي وحطيتهن فشنطتيه يتني بنت عمي الغاليه رايه اقرب انسانه لي من عقب باباتي الله يرحمه..
رايه: يالله غبوووش قوم رويه يترينا برا..
غبيشه: يالله خلصت توكلنا..

ظهرنا انا وبنت عمي المصون وتلاقينا بقوم رويه عند بوابة الاداره الداخليه لبسنا عبينا وظهرنا للساحه الخارجيه نترياء الدريول يشرف..المهم خطف الوقت ووصل الدريول ودعنا ربيعاتنا على أمل لقاهن باكر وطبعا مستحيل مانخطف عالمطعم ناخذ لنا غدا ونرد بيوتنا.. نزلنا وودعنا بعض وكل وحده سارت بيتها كالعاده بيتنا فاضي خالي من أي حركه كلهم ف قيلولة الظهر.. ماهمني وايد وضع البيت وعمره ماراح يهمني عقب روحت الغالي..رحت لمملكتي عقيت شنطتيه ع طول ايدي..دخلت الحمام (عزك الله ) تسبحت ع السريع وتلبست وظهرت اصلي صلاة الظهر وعقب ما خلصت أكيد أكيد الأكل برد شليته بكل كسل وممل ورحت للمطبخ عشان أحرره بالمايكروويف..أكلت وشبعت وحمدت ربي ع النعمه وأنه اذن آذان العصر تغسلت وتوجهت لمملكتي صليت العصر وعقيت عمري عالشبريه عشان أرقد وأرتاح من هالروتين اللي كرهته بس ما بأيدي اي شيء اسويه عشان افتك منه..قعدت أتقلب وأتقلب ( أتـقـلـب على جـمـر الغضا) مستحيييييل أرقد سيده لازم أعاني من الأفكار اللي يتسابقن ع مهاجمة عقلي قبل مايثقل رقادي( أفكار عن باباتي الله يرحمه + ماماتي + بيتنا المزعج واللي أكرهه + حالتيه النفسيه + نسبة الثانويه العامه اللي الكل متوقع مني أييب نسبه ترفع الراس الا انا + وضعنا كعائله + الروتين اللي ناوي يذبحني + "فز قلبي وقال هاونه") كرررررهت هالأفكار اللي مالها نهايه و…..و…..و…..ورقدت أخيرررررررررررراا..

…….: طــــــق طــــــق طــــــق طـــــــــــــــــــــــــــــــق ..
غبيشه: ( وأنا طاااف منخمده أو تقدر تقول إني نشيت من أول طق لكن غيااااااض ماااباااا أنش لأني ماحب اسلوب الدفاشه وأعارضه بشده يوم يوعوني من الرقاد لأنه وبكل بساطه يعكر لي مزاجي)…
غويه: غبووووووش ياللـــــه نشي ( ترمس كنها فكوكب وأنا فكوكب)..طــق طــق طــق غبووووووش يالله عاد ايدي عورتني من كثر الدق..
غبيشه: ( أحسلي أنش قبل ماتكسر باب مملكتي هالهمجيه ) هــــــــــا هـــــــا نشيت ( قلتها وأناا طفراااااانه)..
غويه: أنزين يالله فتحي الباب..
غبيشه: ( الله ع ذا الليل ما أطول مسراه, نشيت وفتحت لها الباب) الله يعين راشد عليج ويصبره اكيد أمه داعيه عليه يوم خذج ( يتني ضحكه يوم شفت ملامحها اللي تحولت من الابتسامه الى غيض بس ماضحكت مافيني أتكفخ )..
غويه: أصالن هو ياحـــظـــه يوم ضواني, الدور والباقي على "فز قلبي وقال هاونه" ( قالتها وهي تقلدني )..
غبيشه: ( سويت عمري مب فاهمه هي شوه تقصد ) انتي بعدج قابضه عليه هالجمله بلاج انتي ماتفهمين أنا ما أعني أي حد بها مجرد أنها تعجبني هالجمله ودوم ع لساني..
غويه: هيه صح أمرررره صدقتج ( قالتها وهي ناقمتني ) عالعموم يالله سيري تسبحي وصلي المغرب ونزلي تحت..
غبيشه: ( نقعي علج ماصدقتي ماهمني ) أوجيج..

رقعت الباب بالقوووووووو من القهر لهدرجه أنا مفضوحه عند غويوووه أف أف أف أحسلي أضرب لي شاور وأريح عمري من التفكير , عقب ماظهرت من الحمام ( عزك الله ) صليت وقعدت أدعي ربي وأدعي وأدعي وأستغفر وعقب قعدت اقرا سورة ياسين متعوده اقراها دوم عقب صلاة المغرب عقب مافرغت من الصلاه نشيت سحيت كشتيه ورتبت شكلي ونزلت تحت عندهم , شفت ماماتي ونهيان وغويه قاعدين عند الفوايل وغريب قاعد أروحه ع صوب …

غبيشه: سلاااام ياعرررب الله.. ( ورحت صوب ماماتي حبيتها ع راسها يوم رفعت راسي أشوف نهيان يلعب بحواجبه كنه يقولي وأنا وأنا , ورفعت وحده من حواجبي وعقب توجهت صوبه , نزلت حبيته ع راسه وأنا أتـذكـر معاناتي بس عشان أتعلم كيف أرفع وحده من حواجبيه وأنزل الثاني كان نهيان دووم يغايضني ويطنز عليه ويقول…
نهيان: بعلمج بشرط من أخبرج الطريقه أسبوع كامل تلبين لي طلباتي؟؟
غبيشه: اسميك مذله يا نهيان, أنزززززين تم بس يالله خبرني كيف أرفع واحد وعقب علمني كيف أصفر..
نهيان: بخبرج اول شي كيف ترفعين حاجبج والتصفير خليها لعقب لكن شـ يضمني أنج ما تخلفين بوعدج عقب مابخبرج؟؟؟
غبيشه: الضمان لله لكن انتي تعرفني أنا قد رمستيه..
نهيان: ونعم بالله, وأنا أشهد أنج قدها, أنزين سمعي قبل ماخبرج تراني اقولج من احين اذا اخلفتي برمستج بعذبج..
غبيشه: بسم الله منك تووك شـ حلاتك ..
نهيان: أنزين سمعي..
غبيشه: كلي آذان صاغيه..
نهيان: الله يسلمج قبضي واحد من حواجبج بايدج ورفعيه فوق والثاني خليه طبيعي تمي جذي مده وخلاف بروحهن حواجبج بيتعودن وبس..
غبيشه: بـــس؟!
نهيان: هــيـــه..
غبيشه: أنزين وأن طلعت تقص عليه الا تبى تستغلني شوه أسويبك؟؟؟
نهيان: بعطيج رشووه..
غبيشه: شووووه؟!
نهيان: بوديج الدكان
غبيشه: الــدكــان !! اللي يسمعك بيقول شي شي آخر شيء طلع الدكان..
نهيان: حمدي ربج..
غبيشه: لااااا مابااا الدكان أباك تعزمني ع كشري..
نهيان: صار..

أنا الغبيه صدقته وتميت أحاول وأحاول وأحاول وتميت ع هالحاله أسبوع وهو طول هالاسبوع استغلني استغلااااال كامل ماقدرت اقوله لااا عشان ما اتعذب المهم يأست من المحاوله وسرت له……
غبيشه: أفففففففففففففف نهيان شوووه هذا ماطاعت تستوي عندي شكلك كنت تقص عليه..
نهيان: بلاج تتحرطمين؟؟! ( الحبيب ناااسي )..
غبيشه: من اسبوع وشيء وأنا احاول أرفع واحد من حواجبيه وأنزل الثاني لكن ماااقدرت..
نهيان: هههههههههه هههههه أنتي ههههههه أنتي هههههه بعدج ههههه أنتي صدقتي هههههه ( الاخ من كثر الضحك مارام يرمس )..
غبيشه: ( مت من القهر طلع الأخ يطنز عليه وأنا خبر خير) سخييييييييف..

ظهرت من عنده وأنا حاطه فبالي لازم أسويها الحركه لاااازم ع قطع نهيان الدب رديت للمحاوله بشتى الطرق يوم وراء يوم لين ما يأس حاجبيه مني وانصااع لي , ع طووول سييييده توجهت لـ نهيان وقفت قدامه وعطيته نظره رد لي النظره جان أرفع له سيده حاجبيه تعجببببب وعقب ابتسم لي ….
نهيان: صراحه يعجبني فيج اصرارج..كنت واثق بقدراتج..
غبيشه: أعجبك..أووونه..
أنتشلني صوت أمايه من ذكرى الماضي لواقعنا الحالي وهي تقول..
أمايه: العرب يوم يحدرون يقولون السلام عليكم مب سلااام ياعرب الله ( قالتها وهي تقلدني )..
غبيشه: ولا تزعلين السلام عليكم ورحمة الله وبركاته..ولا تبيني أظهر من أول ويديد وأرد أحدر وأسلم عشان بس رضاج..
أمايه: لا .. قري فـ بقعتج ..
غبيشه: ( قريت فـ بقعتيه وانا ساكته ) ..
قعدوا ساكتين يناظرون فـ بعض شويه ويسولفون شويااااات ويرد الصمت يعم ع الجوووووو..
شفت قدامي مجلة زهرة الخليج , قعدت أتصفحها أدور على "شواطى" للكاتبة (شهرزاد) أموت ع هالكاتبة , تعجبني كتاباتها وأعشق أسلوبها , المهم وصلت للي أباه أندمجت بالقرايه ……

( $ ) الـعــظـيـم الـذي لــن نـنـســاه ..
أعتذر..لا أقصد إيقاظ الحزن من جديد , ليقيني أن حزننا عليه لم يغفُ ولم ينم..لكني أشعر برغبة في الكتابة عنه الان..إنه زايد..العظيم الذي لن ننساه.
(1)
برغم مرور عدة أشهر على رحيله
إلا أننا مازلنا نعيش حزن اليوم الأول
وصدمة اليوم الأول
وذهول اليوم الأول
ومازال في خواطرنا انكسار عظيم
ومازلنا لا نملك قدرة الحديث عنه بلا دموع..
(2)
حتى أحداث يوم الرحيل
مازالت عالقة بذاكرتنا
مازالت واضحة كالحقيقة
مازالت مشرقة كالشمس الغاضبة
مازالت تراودنا وتعاودنا وتؤلمنا
مازلنا عاجزين عن التعامل معها كمجرد ذكرى حزينة
(3)
فهناك أحداث ووجوه وأصوات
ارتبطت بالحدث الحزين
وهذه الوجوه حين نراها تذكرنا بحدث رحيله
وتعيدنا الأصوات إلى تفاصيل اليوم الحزين
وعلى اختلاف الوجوه والأصوات في ذاكرة كل منا
إلا أن الحزن هو ذات الحزن
والذكرى هي ذات الذكرى
(4)
من الوجوه التي أصبحت تثير في الذكرى الحزينه
وجه المذيع جابر عبيد
الذي ظهر في الثاني من نوفمبر
على شاشة التلفاز ليعلن علينا نبأ رحيل الوالد القائد
بوجه لفه الحزن واليتم والذهول
ولا أعلم أي قوة وأي قدرة مكنته في تلك اللحظة
من إعلان نبأ يتم شعباً بأكمله
(5)
وكذلك مذيع قناة دبي الفضائية
الذي كان يقرأ النبأ بصوت متقطع بسكين الحزن
صوت متضخم بحزن الفجعية
ولم يتمالك نفسه
وهزمته عاطفته تجاه الوالد القائد
فبكى على الهواء , وأبكى معه الملايين

قعدت اقرا واقرا واقرا , شعر يمبي وقف من كلماتها اللي تهز يبال فما بالك أنا؟؟! ذكرتني بالشيخ "زايد" الله يرحمه ويغمد روحه الينه ( قول آمييين) , خنقتني العبره , دموعي بدن يهددن بالنزول إلا إني حاولت أتمالك عمري , فريت من ايدي المجلة ع الطاوله بقوووه كأنه صوت المجله يباهم ينتبهون لي..
غويه: بسم الله شياج؟؟!
غبيشه: ( رسمت ع شفاتي أحلى ابتسامه مصطنعه) ماشي بس مليت..!
أمايه: سيري لبنات عمج بس إذا بتسيرين لا تبطين..
غبيشه: ( أممممم..قعدت أفكر فـ عجبتني الفكره بضرب عصفورين بحجر) خلااااص أنا قررت أسيرصوب بيت عمي ( قلتها وأنا ناشه من بقعتيه) ..

سرت فوق أييب الشيله طالعت شكلي فالمنظره ورشيت رشت عطر صغنونه , وظهرت من مملكتي متوجهه لـ بيت عمي..وأنا ظاهره فـالحوي تلاقيت بـ سهيل ع طول من طاحت عيني عليه ابتسمت له الأبتسامه من اللي يحبهن قلبه..
سهيل: ويــن بها؟؟!
غبيشه: إلا هني ( قلتها وأنا أأشر ع بيت عمي )..
سهيل: هيه ياحيج..
غبيشه: بتسير ويايه؟! ( يااارب يسير عندي أبااه يسير عشان المخطط اللي اخطط له فـ بالي يارب يارب)..
سهيل: هممممم..يالله من متى عديبي ببيت عمي..
غبيشه: الحمدلله ( طالعني سهيل مستغرب ع شوه أتحمد الله تهربت من نظرته مسكته من ذراعه وسحبته) يالله يالله سرنا تراني خست من الحر..

مشينا فـ حوي بيتنا خطفنا ع الباب الأسود وأنا ماشيه عدال سهيل ألقيت نظره ع ملتقى الأحبه و ع العرش وابتسمت ع كل الذكرى الحلوه اللي تمر قدام عيني بمجرد ووجودي فهالمكان (أكيد أنك مافهمت شي بفهمك خلاف كل شيء) المهم دخلنا بيت عمي يوم وصلنا عند الباب الرئيسي للبيت…
سهيل: هـــود هـــود ( وأنا مرتزه عداله شاقه الحلق ) ..
عمي حارب : هــدى أقرب أقرب..
دخلنا أنا وسهيل وسلمنا: السلاااام عليكم..
عمي + طحنون + البنات : وعليكم السلام ..

توجهنا صوب عمي أنا وأخويه سلمنا عليه بالخشم وحبيناه ع راسه أحترام له , سهيل توجه صوب طحنون وتخاشموا..أما أنا سرت ويلست عدال عمي طبعا البنات خزني بنظره ليش ماوايهتهن..
سهيل: شحالكن يابنات؟؟!
رايه + كنه + اليازيه: بخير يعلك الخير .. من صوبك؟؟
سهيل: بخير وسهاله..
نشيت أنا بأستهبال أوني توني أنتبهت إني ماوايهت البنات عقب ماذبحني بعيونهن..
غبيشه: أووووه ثرني نسيت أوايهكن..( تقربت منهن)..
رايه: مب كنا تونا مفارقينج.. (أدريبها الهرمه تبى تفشلني..ماعليه دواج عندي)..
غبيشه: ماااالت اسميه الشووق بااارد..
كنه: أمررره يشبه شووقج بالضبط..
غبيشه: كن كما كما كن كماكم وشرواكم ( تراني كل ما أشوف كنه أغنيلها هالأغنيه وهي تفوووول)..
كنه: غبوووش اصطلبي وخلينا بنات عم حلووين( شددت ع هالكلمه)..
غبيشه: صخي صخي صدق أنكن تسد النفس أنا لو يالسه فبيتنا أبرك لي..
عمي: بلاج غبيشه تتحرطمين؟
طحنون: أبويه غبيشه متى ما تحرطمت أحس حياتها كلها تحرطيمه..(ضحكوا عليه كلهم وبالأخص كنوووه كنها تقولي اخويه خذ حقي منج سباله وحده)..
غبيشه: ( طالعته بنظرة إجرام) هـ هـ هـ هـ مايضحك..

قعدنا نطمش ونسولف وأنا عيني ع الباب أتمنى أنه يدخل فـ هاللحظه لكن ليس كل ما يتمناه المرء يدركه.. المهم إني قعدت أراقب حركات أخويه سهيل يوم تطيح عيونه ع أحم أحم أحاول ألقط منها أي معنى وشوي أنتبه ع رايه تأشر لي بعيونها أنها تباني بس أنا غياااض لها سويت طاف محد قالها تضحك عليه عندهم هذا واونها صدقتيه الصدوقه..حسيت بها عصبت بس من يقول أرحمها ..وقفت..
غبيشه: سهيل يالله نسير البيت ( فخاطريه أضحك ع رايه )..
عمي: ويــن يلسوا تعشوا ويانا..؟!
سهيل: لا عمي مره ثانيه أنشالله..( نــش )..
عمي: ع راحتكم ياعيالي تراني مابتم أعازمكم ترى الدار وحده..
غبيشه: صحيح صحيح ( وابتسمت ابتسامتيه المشهوره بالغباء)..
طحنون: أونــــــــــــــــها ..

طلعنا من البيت أنا وسهيل عقب ماترخصنا أول ماتخطيت عتبت بيت عمي ضحكت بصوت عالي وأنا ماسكه أيد سهيل وأسحبه عشان يتحرك بسرعه..
سهيل: بسم الله سكنهم فـ مساكنهم بلاج أستخفيتي؟!
غبيشه: سهيل دخيلك تحرك بسرعه قبل ما تظهر لنا رايوه وترشنا بالماي..( قلتها وأنا بعدني أضحك)..
سهيل: له له له .. ليش أنزين؟!
غبيشه: ماشي ياغير أنها من الصبح تأشر لي شكلها تباني فـ سالفه وأنا غياااض سويت طاااف فتغيضت وبس..
سهيل: بــس تقولينها ببساطه أصالن هي خبله يوم بس فكرت تلجأ لج..
غبيشه: ( دزيته) كيفي كيفي..أنا وبنت عمي نتفاهم أنته شو لك تتدخل..؟!
سهيل: أنزين ماقلتلج شيء عشان تهبين عليه جذي حشى مااتتكالم هالبنيه..
غبيشه: رياييل ماتيبهم غير العين الحمراء.. طوف طوف أحينه تأخرنا ع البيت..

ردينا البيت ويلسنا فالصاله متجمعين حطوا العشا وتعشينا , كلن راح يسوي شغله وعدت الليله ع خير..
نشيت من الرقاد وأنا أحس بعمري مب صاحيه شيء فيني غير… أفففف مدرسه وما فيني أسيرلها , رديت أنسدحت شوي…مرت دقايق و …..

غويه: غبوووش يالله بتتأخرين وبتأخرينا..(طبعا بصريخ غويه ماتعرف ترمس بدون ماتصارخ الله يعينك ياللي بتاخذها)..
غبيشه: ( نشيت وأنا معصبه وعاضه ع شفايفيه من الغيض , أعترض وبـ شده ع هالأسلوب الهمجي من صباح الله خير) أنــــزين أنـــزين ناااااااااااشه ( قلتها بنفس مستوى صريخها)..
تسبحت وتلبست وصليت وشليت شنطتيه وظهرت من مملكتي متوجهه للصاله , لقيت أمايه تتقهوى وسهيل واقف بيروح الدوام, ونهيان ياي طيران يتريق وهو واقف وبيظهر لدوامه لانه متأخر لكن مستحيل ومن سابع المستحيلات يروح دوامه وهو مش متريق حتى لو كان متأخر , وغويه حاطه ريل ع ريل وقاعده تتريا حضرة سموي..المهم عقيت شنطتيه بدفاشه وقعدت..

أمايه: أصبحنا وأصبح الملك لله..
غبيشه: بعدني ما قلت شيء..
أمايه: حافظه اسطوانتج فإذا بتقولينها أحسن شيء تنطمين..
غبيشه: ( قعدت مبوزه شووو هاا من صباح الله أنغث وأنا بعدني ماتنطقت بكلمه) شـــمــــس شــمــس شــــــــمــــــــس ( أزقر الخدامه أباها تسوي لي نسكافيه ماعرف أسير بدون ماشربه) ..
شمس: هذا النسكافيه مالج ( الحبيبه مشتغله فالكويت 8 سنين فترمس عندنا كويتي مكسر)..
شليت منها النسكافيه توني يايه بقول لـ غويه يالله ماشفتها قاعده فبقعتها يعني الأخت سارت فوووق
غبيشه: غوووووويوووووه يالله بتتأخرين وبتأخرينا ( قلدتها بالصوت والصوره طبعا إني أتقاضى منها )..
يت غويه وخزتني بنظره , شلت قشارها ورحنا ركبنا السياره وعندنا الخدامه وأنا أتمنظر فكل شيء فالشارع والبيوت وأشرب النسكافيه وأنا متلذذه فيه..وصلت مدرستيه عطيت الخدامه الكوب ونزلت عقب راحوا بيوصلون غويه الكليه..
داومت دوام عادي جداً وبارد جداً وأنا أحس بخمول فضيييييع فـ جسمي , خلص الدوام وردينا..طبعا طبعا رايه مابتم معصبه لأنها وبكل بساطه ماتصبر عني وأنا ماصبر عنها.. فالسياره…
غبيشه: دخيلكن الشيييمه ردني البيت أمرره مافيني ع الحواطه بموت من التعب ..
رايه: ياحسره أي حواطه اللي يسمعج بيقول مقطعات العين من كثر حواطتنا ماكنا الا نخطف عالمطعم ناخذ غدا ونرد البيت..
غبيشه: الـــشــيـــمــه ردني البيت ..
كنه: بنردج لا تصيحين علينا..
غبيشه: (حطيت راسي ع كرسي السياره وأنا أحس بتعب مو طبيعي مب تعب دوام لا تعب شيء ثاني)..

أول مارديت البيت ع طول سرت لـ مملكتي لا لفيت لا يمين ولا يسار عقيت بعمري ع الشبريه غضت عيني شوي خلاف فزيت تذكرت إني ماصليت الظهر دخلت الحمام ( عزك الله) تيددت وبدلت و عـ السريع صليت وأنخمدت دفنت ويهي فالمخده..
أسمع صوت مب غريب عليه بس أحس بثقل ع عيني قاومت وقاومت لين فتحت عيني وأنه غويه زين ما كسرت باب مملكتي..
غويه: غبووووووووووش تراج آذيتيني من كثر مادق وأنتي بلا حس..
غبيشه: ( يالله يالله نشيت من الشبريه وزين مني فتحت لها الباب واتساندت عليه وأنا مدوخه) شو تبين غويه؟
غويه: بسم الله بلاج غبيشه ميهوده؟ّ
غبيشه: شوي..
غويه: (حطت ايدها ع راسي) خييييبه غبوش فيج حمى لازم تسيرين العياده..
غبيشه: مافيني شي الا شووية تعب ( قلتها تهربا من طاري العياده)..
غويه: يالله ياغبوووش يعني لازم تسيرين العياده وأنتي طايحه روحي من أحينه أنتي ماتوبين..
غبيشه: أوهوووه يا غويوه قلتلج مب رايحه شووو تبين أحينه؟؟!
غويه: نقعي أنزين مب منج من اللي يخاف عليج..(وراحت)..
غبيشه: ( رقعت الباب وأنا تعبانه حييييييل رديت أنسدحت ع الشبريه وما حسيت بعمري الا وأنا راقده)..

مر اليوم بكبره وأنا فنفس الحاله ومحد يدري بحالي غير غويه تطرش لي الخدامه عندها الأكل والدوا وأنا أردها مثل مايبتها الخدامه ماشي فايده..ومر اليوم الثاني وغبت عن المدرسه طبعا محد يدري الا غوويه اللي تحلفت لي من ترد من الكليه بتخبر امايه .. وسوتها صدق خبرتها ويتني أمايه لين عندي تمت تحايلني عشان أروح العياده لكني ماطعت عندي عقده من اي شيء يخص المستشفى يوم يأست مني خلتني , يتني رايه وكنه ورويه ويلسن عندي شووي وراحن , يوم يىء اليوم الثالث ماتحملت المرض أكثر رحت لـ غويه..

غبيشه: غويه وديني العياده..
غويه: وأخيرا مابغيتي؟!
غبيشه: أحين بتقومين ولا أغير رايي.
غويه: ياويل منو؟؟!
غبيشه: أوهووووه خلاص مابااا أسير..(يايه أقفي سمعتها تقول)..
غويه: يالله سيري تلبسي وأنا بخبر الدريول..
تلبست وقعدت فالصاله اتريا الشيخه غويه , يت الشيخه ونزلنا تحت وركبنا السياره ويانا الخدامه وتوجهنا للعياده , المهم دخلنا العياده وخذت غويه بطاقتيه والملف وقعدنا نتريا دورنا, المهم دخلت ع الدكتوره وتمت تتحرطم ومادري شووو تقول هذا كله وانا قاعده ساكته يوم قعدت تكتب الدوا فزيت اسئلها ..

غبيشه: دكتوره..
الدكتوره: ( استغربتني من الصبح ساكته واحينه تنطقت) نعم؟!
غبيشه: كتبتي الأدويه حبوب ولا شراب؟؟!
الدكتوره: ( زاد استغرابها) حبوب..
غويه: (ضحكت بصوت واطي)..
غبيشه: لاااااااااااا دخيلج دكتوره بدليه كتبي لي شراب شراب (وأنا خلاص بمووت من طاري الحبوب)..
الدكتوره: ليش أنتي ماتقدرين تشربين الحبوب؟؟!
غبيشه: لااا ماقدر..
الدكتوره: أنزين كسري الحبه وشربيها؟؟!
غويه: ( تدخلت غويه لانها تعرف نتيجة الحوار) دكتوره لو سمحتي كتبيلها شراب وخلصينا لان غبيشه مستحيل تشرب الحبوب..
الدكتوره: أنا عادي بكتبلها بس عشانها هي مب صغيره عشان تشرب الشراب واذا بتشربه لازم تشربه مرتين عشان يساوي الحبه..
غبيشه: بشربه لو عشر مرات أنتي ماعليح كتبي الدوا شراب وبس..
الدكتوره: أوكيه..
رحنا أنا وغويه عند الصيدليه عشان ناخذ الدوا , يوم عطت غويه الصيدلانيه الوصفه قرتها وطالعتنا ..
الصيدلانيه: هذا حق من؟!
غبيشه: ( صدق طفرت ) أوهوووووا علينا غويوه خليها تخلصنا..
غويه: ( تبى تضحك بس ماسكه عمرها) عشان هذي (وهي تأشر علي)..
الصيدلانيه: كم عمرها ( قالتها وهي مبتسمه)..
غويه: 17
الصيدلانيه: أنتي كبيره ليش ماتشربين الحبوب؟؟!
غويه: ( ضحكت بصووت واطي ع الاسطوانه اللي تعودت تسمعها) ماتقدر حاولت كم مره بس ماشي فايده..
غبيشه: (خلااااص أنا وصلت حدي) غويه انا بسير السياره يوم بتخلصين من المتعبله تعالي..
الصيدلانيه: ( تمت تعطي غويه الادويه وتشرحلها)..

خلصنا من العياده وردينا البيت ع طول سرت لمملكتي ولحقتني غويه عشان تعطيني الادويه..
غويه: أنا أمرت الخدامه تيب لج عيشه حطي شيء فـ بطنج وخذي دواج وأرتاحي..وأنا بيي كل شوي اطمن عليج فلا تقفلين الباب..
غبيشه: انزززين..
يت الخدامه وحطت الأكل كلت شووي وخذت الدوا , شليت الصينيه وحطيتها عدال باب مملكتي وبندت الباب وقفلته متجاهل رمسة غوويه حطيت راسي و رقدت….
~
~
نلتقي ـآلِـغَـصُـه ـآلِـثَـآنِـيّـه ..
‏نشع قلبيے من آعظآمـہ

,’

بسم الله
و عليكم السلام و رحمة الله

يعطيك العافية
موفقة إن شـــاء الله

القوانين ، تحديث جديد ؛

,’

-اا آلزعيمه اا-

مشكوره آلشيخه عالمرور ..

~> أفاااااااااااا وين آلردود صرآحه حطمتووووني ..
حدرت آلمنتدى توقعت شيء لو كمن رد يفرحني ..
>< صرآآآحه زعلتوني ..

يُــــــغـــــلــــق