………………….. لقيته جــــالس ايهذري سوالف تكسر وقاره
لقيته يم باب البيت يشكي قسوة الأزمـــان
…………………..ويصـــرخ يا زمن خذني لبنتي وامها وداره
ويقطع صرخته بونه رهيبه ونة الحرمان
…………………وتـنــــــــثـر ونته دمعه تحاول تجبر اقداره
تموت(البنت)في لحظـه ويبقى للألم عنوان
………………….ويـــــــاخذ(امهــا) معها وطل الحزن باخباره
تزوج في شهر واحد وعاش بزيجته فرحان
………………….ويدعي ربـــــه الخالق بطفل يضحك جواره
ومضت اعوام ودعواته تناجي ربه الرحمان
…………………ورب الكـــــون مـــاخيب رجاه وجابله ساره
يا فرحت كل هالديره بساره بنت ابو سلطان
…………………يــــــــا سعد الأب وياالأم عقب أعوام جباره
نمت ساره في هالحاره وصارت وردة البستان
………………..وصــــــــارت تحلم بحب ٍ يشع بقلبها انواره
وتحقق حلمها الوردي بطلة جارهم سلمــــــان
……………….ياحلو البسمه في وجهه يا بخت اللي يجي جـاره
وصارت كل يوم تعيش في حلم وهوى فـتــــان
……………….وتــــــــرسم بإيدها قلبين وسهم الحب باسواره
يمر اليوم تستنى بكل شوق وهوى وألحــــــان
………………..ويــــروح اليوم ولا شافت خيال الجار والجاره
وصدفه شافها سلمـــــان وصار بشوفها هيمان
………………..وحـــــــــــاول ينطق بكلمة ولكن تاهت افكاره
جلس يومـيــــن والثـــالث وفكره تايه ٍ حيران
……………….وجـــــــــا في يومه الرابع وشد الفكر باعماره
وفجاه شــــــــافها صدفه تغنى بصوتها الرنان
………………..تغنــــــــــي للزهر وتقول:ألا يا قلبي شخبـاره؟؟
وناجي صوتها سلمان ألا يا قلب يا ضميـــــــان
………………..ابيـــــــــك توصل أحلامي وحبي ياهوى لساره
وصل صوته ووناته لســــــــاره والتقا القلبان
………………..وصـــاروا أسعد وأبهى يا زين العشق وازهاره
ومضت اعوام ورى اعوام وصوت الحب فيهم زان
………………..والى من شــــــافهم إنسـان تمنى الحب لو زاره
ونمت ساره وكبر سلمــــــان وعهد الحب والايمان
………………..يقول إن ســــــاره لسلمان وَلهْ سلمان في سـاره
على ذاك النهر حطوا عبــــــــــاره والعهد عنوان
………………ياغيــــــــــر القبر ما يفرق جسدنا والجسد داره
ولو دارت لياليـــنــــا وذقنا بهمهـا الحرمــــــــان
………………حشـــــــــى ما ننسى ايامن ٍ كتبها الحب واسراره
خطبها اليوم والفرحه بدت تقرب من العرســـــــان
……………..بقى يوميـــــــــن بس يومين ودار الوقت بادواره
عجيب الوقت والأقسى تـــصـــاريف الفرح احزان
……………..تجــيــك ايـــــــــــــام طربانه بعدها ايام غداره
غدر هالوقت في ســــــــــاره ذبحها والغدر نيشان
……………..يقـطـــــع قلـب من صـــابه يموت القلب باسواره
فــــي لـيـلـة دخـلتـــه حـــادث توفى بسبته سلمان
……………..تــــــــــوفى قبل ما يحظن كفوف اللي تبي جواره
يـمـــــــــــوت ويهتف بكلمه تزلزل كلمته الاركان
……………..قـــبــــــل لا يلفظ انفاســــه ينادي ويــنها ساره
وصل علمه ووناته لساره بنت ابو سلطان
……………..وصــــــارت تشهق وتبكي يا شين الحزن واخباره
تنــــادي يمه يا يمه ابيكي تقولي ذا بهتان
……………..ابـيـــــكي تكذبي القصــــــه يا يمه ماتت ازهاره
دخيـــــلك يمه قوليلي دخيلك اطلبي سلمان
…………….قوليله تكفى يـــــــــاسـلمـــــان تعال ونِورالحاره
يايمه ضاقت انفاسي واحس إن الجسد ذبلان
…………….يــــــايمه وش بلا عيـــوني تضيق بشوفها انواره
يايمه قربي مني يايمـــه صدري به نيران
……………يا يمـــــــه اسمعه ينـــــادي يقول إن العهد زاره
وصارت تهتف تنادي انا يمك بجيك الآن
……………وطاحــــــــــت وردة ٍ حمرا .. اظنها وردة الحاره
على ذاك النهر قبر ٍ حوى في داخله سلمان
…………..علــــــى شطه على ترابه كفن يحظن جسد ســــاره
للشاعر /~~ ماجد الزهراني
كلمات رائعه
يسلموو ع الذوووق
ارق تحيهــ
|
المشاركة الأساسية كتبها ذابحني غرورك
 كلمات رائعه يسلموو ع الذوووق ارق تحيهــ |
وبمرورك انرتي لي صفحتي
تنقل لقسم المنقولات ..ْ~
حزينه موتة اسليمان
بصرحه قصيده تحكي واقع صعب
والله يخرجنا من هازمان
وتسلم اخوي عن ماكتبة يداك
وشكرا لك
وتقبل مرور اخوال
يعطيك ألف عافيه
كلك ذوق بإختيارك
سلمت يمينك وسلم نقلك
//
يسلموو ع النقل الرائع
تحياتي
اريعه
أهلاً بكـ معنا
شكراً لكـ على الإختيار الموفق
والنقل الرائع
دمت بخير