(أكتب لكم وآمل ان ألقى ردودكم لتشفي غليلي وغليلهما ولو بالشيء البسيط..)
عنود ونورة فتاتان في سن الزهور اعمارهم في العشرينات ، حياتهم حلوة في وجود امهم وابوهم ، عندهم اخوان ( بنات واولاد ) متزوجين وساكنين برا البيت طبعا ، وعندهم اخوان اولاد مو متزوجين وعايشين وياهم في البيت … كانت حياتهم مليئة بالفرح والسعادة … لكن هالحالة ما استمرت كثير ، بسبب مرض ابوهم اللي انتهى بوفاته … لأنه طيب القلب خاصة مع البنات … لا يسمح لأي أحد أن يضايقهم سواء كان اخوانهم او حتى امهم ولا يرضى لأحد يطلب منهم أي طلب حتى لو كان صغير … كان يدافع عنهم بقوة … كانت امهم تحبهم لكن تفضل الأولاد عليهم … ولكن بعد ان اختار الله الوالد الى رحمته … بدأت المعاناة مع البنات … وبدأت حياتهم تدهور بسبب معاملة امهم … وبعد سنة تقريباً تزوجوا اخوانهم الكبار في ليلة وحدة … امهم كل يوم تزيد قسوة على البنات … ولا أحد يدافع عنهم الا اخوهم الكبير … مع انه مايجي الا قليل لهم بالرغم من انه ساكن وياهم في نفس البيت … لكنه مستقل لوحده هو واخوه الثاني بعد … بس امه كانت تدعي عليه من وراه لأنه ما يرضى على خواته … اما اخوه الاصغر منه المتزوج يتحكم فيهم في كل شي ولا يرضى لهم يطلعون ولا مع أحد حتى اخوانهم الكبار ولا خواتهم ولا عيال احد من اخوانهم بعد … ولا حتى اخوانهم الصغار مع انهم في العشرينات بس ممنوع يطلعون مع اي احد منهم … ولا هو يطلعهم بعد … تمر تقريباً اكثر من ستة شهور مايطلعون من البيت ولا احد يزورهم الا بالنادر … ولا يرضى لهم يطلعون بيت احد من اهلهم حتى اخوانهم … يعني الطلعة ممنوعة عليهم … ولا حتى السوق الا في الاعياد ويوم واحد بس وبسرعة بسرعة … اخوهم يساعد امه في التحكم في البنات … حتى هي نفسها ماتطلع الا باستئذان منه اا وافق والا ماتطلع … تخاف منه … اي شي يقولونه لها او يطلبونه منه او احد يعزمها … تقول خليني : لازم استشيره … لازم تستشيره في كل صغيرة وكبيرة … واذا تقدم احد لخطبة البنات امهم ترفض بدون مقدمات وبشدة … في مرة من المرات اتصلت وحدة على التليفون … كانت وحدة ودها تخطب … قالت للام : انا سمعت ان عندك بنات للزواج ؟ قالت لها : لا ، من يقول ؟ انا بناتي صغار وحدة عمرها عشر سنوات والثانية ثمان سنوات … وقفلت في وجهها الخط … وظلت معصبة وتصارخ … منو اللي عطاها الرقم ؟ انا ما ابقى ازوج بناتي … اانا ما ابقى اظل لحالي في البيت … محد يبقى معي … وهي تعاملهم اسوا معاملة وتنكر افعالهم مع انهم قايمين بكل اعمال البيت من غسيل وطبخ وتنظيف ووو وكل شي على احسن وجه … لكنها تنكر افعالهم … واي احد من اخوانهم يجي البيت تصارخ على البنات في وجودهم وتحرجهم تحط فيهم عيوب الدنيا … وتذمهم … وكيف انهم ما يشتغلون ولا يسوون ولا شي … واذا احتاجوا اي شي او فلوس تعطيهم سلف بس بشرط يرجعونهم لها بزيادة يعني الضعف بما يسمى الرباوكل ما تقدم احد لاخوانهم يرفضون بشده واعذارهم العمل والعائله وأعذار وأعذار لا تدخل العقل والبنتان مايعرفون وش يسوون في هذه الحياة المليئه بالمعاناة سواء من والدتهم اومن إخوانهم ؟عندهم أخت قريبه من امهم حاولت اكثر من مره تقنعها وبطرق كثيره على انها توافق انها تزوجهم بس لا حياة لمن تنادي مرات ومرات يجون حريم لتخطب وحده منهم لكن امهم ترفض مقابلتهم كعادتها… ووترفض مقابلة أي ضيف يجي بيتهم …. ولا تزور أحد ولا حتى أهلها..وترفض مقابلة أهلهالو جاءوا لزيارتها..وتجلس مع أولادها وتعاتب أهلهاوالناس انهم مايزورونها لا ..وتصب الويل والعذاب على اللي يرد عليها ولو بكلمة حق..فضلا عن الكلام البذيءالذي ترميه على بناتها..كلام السوء اللي يخجل عن سماعه كل من لديه غيره…وهي تدري ان بناتها مايطلعون إلا نادرا ومعها فقط..
((مابي اطول عليكم لكن يكفي ها القدر..ولو انطلقت في الكلام مايكفيني شي من معاناة هذه البنتان وما تعيشانه من مراره وعذاب..وماخفي كان أعظم ..هذه قصتي ..ما اعرف ليه كتبتها لكم..ولكن عندي أمل فيكم ..وكلي رجاء لأقرأ ردودكم في مساعدتهم على مواجهة ماتعيشانه .. ))
أختكم
بنوتة زي العسل
ما اقدر اساعدكم غير بدعاء الله يفرج همكم ويحنن قلب امكم واخوانكم عليكم ياااااااااارب
مالنل غير الدعااء زي مااسلفت اختي
الله يفرج همهم وكربتهم اللهم آمين
ياربي ياربي يفرج عليكم بقدر قآآآآآآآآآدر ياحي ياقيوم يلي ما تنام عينه
مهما تسوي فيكم ابد ابد لا تزرعون بذره الكره اتجاهه في سبب يلي خليها تسوي كذا يمكن مالقت حنان من امها وهذا السبب يلي تخليه تسوي لكم كبنات
حاولوا تووددو لها تكلموا معها روووحوا ضموها ابكى بحظنها قولوا لها يمه نحنن محتآجين لك ما نبغى الا ارضاك
ودعوا ربكم دووم سوو يلي تبغآه هي منكم حآآآولوا لا تيأسوا ابد
طيب وين عمامكم خلانكم غريبه ابد ما يعرفون عنكم شي بنات العمات والخلات ما يسألوون عنكم كيف كذا حآآآآولو تكلمونهم على الاقل تتواصلوا معهم
دووم قولو لها كلام حلو يمه حنى مالنا غيرك نحبك من هالكلام لمن القلب يلين
احس نفسي ودي اقوول كلام نفسي اساعدكم وربي بس اضعف شي وهو أني اسويه و الدعاء
يارب يارب يارب أن ربي يفرج لكم همكم ويزيل عنكم ضيقكم
ويهدي امكم
وير سل لكم شخص يقدر يساعدكم بقدره الله يارب
كثروووا من الاستغفار والدعاء وصلاه الليل
الله يحفظكم يارب من كل شر يارب
ويهدي أمكم
الله يوفقكم لمافيه الخير والصلاح
على مواساتكم لهم
ولا تنسونهم في دعاكم
تراهم محتاجين لكم
بنوتة زي العسل
من تأليفي
وأبقى ردودكم عليها بكل صراحة
واذا فيها اي تقصير في التعبير او السرد
ياليت تساعدوني للمرة التالية
لأني أول مرة اشارك في منتدى
واخترت هذا المنتدى اللي اتمنى يكون لي مشجع
لاستمراري في الكتابة
بنوتة زي العسل
مالنل غير الدعااء زي مااسلفت اختي
الله يفرج همهم وكربتهم اللهم آمين