هات الورق يا عقاب وادن المعاميل

واحمس من البن المنقى المصاميل
……………………. واعدل مزاج الهايم اليوم يا عقاب

يا وجد حال الي خذوه المداهيل
……………………. كنه صويب الموت .. لو خافقه طاب

على عشير(ن) لا مرق بـ المهابيل
……………………. ونّو وكل(ن) فـ الهوى خافقه ذاب

ابو عيون(ن) للالتفت كنه الخيل
……………………. ابو جديل(ن) فوق الامتان لعّاب

واكتب على بيض الورق .. ( للمظاليل
……………………. نرسل سلام وسؤال(ن) عن احباب )

فان كان ردو ، بسري الليل .. ( يا ليل
……………………. هون ترى دربي لـ نهاب الالباب )

وان كان ما ردو ترى صاحبك حيل
……………………. مهموم وبين الربع كنه مع اغراب