نيوتن في المطبخ | تشيز كيك | 2024.

.

،’

السلام عليكم و رحمة الله و بركاته

شلونكم شخباركم من زمان عنكم ؛)

تقبل الله طاعتكم و كل عام وانتوا بخير

،’

وصفه تشيز كيك سريعه

و أحلى شي فيها انها بعيده عن حوسة الفرن ؛)

المقادير :

– زبده ( قالب كامل )
– بسكوت ( النوع اللي تفضلونه مايفرق بس المهم يكون حالي مو مالح )
– جبن فيلاديلفيا علبه كامله .. ( يمكن استبداله بجبن كيري المكعبات جربت الأثنين وما فرق الطعم )
– قشطه علبه كامله
– كريم كراميل ( ظرف واحد فقط )
– حليب سائل ( تقريباً كوب )
– دريم ويب ( ظرفين )
– جيلاتين ( ظرفين )
– كاكاو باودر النوع المفضل لكم .

الطريقه :

هي عباره عن ثلاث طبقات ..

للطبقه الأولى :

نطحن البسكوت و بعدها نخلطه مع قالب الزبده ( بعد إذابته ) لين يسير متماسك
وبعدها نصفّه في طبق التقديم

للطبقه الثانيه :

نخلط كل المقادير المتبقيه في خلاط الكيك ما عدا الكاكاو نخليه على جنب شوي ؛)

الخليط اللي تكوّن لنا نصبّ ( نسكب ) نصّه فوق الطبقه الأولى و النص الثاني يبقى

ناخذ الطبق اللي فيه الطبقتين و نحطه بالفريزر لين تتماسك الطبقه الثانيه

للطبقه الثالثه :

النص الثاني المتبقي نخلط فيه الكاكاو اللي كنا صافينه على جنب ؛)

و بعد دقايق نطلّع الطبق من الفريزر و نصب فوقه خلطة الكاكاو و نرده بالفريزر مره ثانيه ؛)

،’

في هذه الأثناء تردون كل شي مكانه و اذا لكم خلق غسلوا المواعين مره وحده
عشان الخدّامه ما تشرشحكم < عبالها كل الناس مسخره نفسها خخخخ

بعدها طلعوا الإنجاز الخطير العجيب

و زينوه بأي شي تحبونه

و بالعافيه .