ميني كنافه بالقشطة [من مطبخي] 2024.

السلام عليكم و الرحمة

صباحكم / مساكم
…………………………. رضا من الرحمن و توفيق

* المقادير :

– للكنافه :

علبه كنافه مطحونه
1 زبدة

– للقشطة :

كوب حليب
4 ملاعق طعام طحين ( طحين المعجنات "رقم 1" )
ملعقة صغيره ماء ورد ( حسب الرغبه )
ملعقتين طعام سكر
2 قشطة

* الطريقة :

1- نذوب الزبده على نار هادية

2- نصب الزبده على الكنافه و نبدا نخلطها لين ما نتاكد ان الكنافه كلها تغطت بالزبدة

3- نرص نص الكمية في الصينيه و ندخلها الفرن على حراره 200 لين ما يصير لونها ذهبي

4- نحط الحليب فالقدر و نضيف الطحين بالتدريج و نحن نحرك .. و اذا صار عندنا كور من الطحين بالحليب ممكن نستخدم المضرب الكهربائي .. نحط القدر على ضو هادية و نكمل تحريك لين ما يثقل عندنا الخليط .. نضيف السكر و ماي الورد و نشيله من الضو .. نكمل تحريك لمده خمس دقايق ( نخفف حراره المزيج و نضمن انه ما يتكتل لما يبرد ) و نضيف بعدها القشطة و نرجع نحرك لين ما تختفي القشطة بالمزيج

5- نطلع الصينية من الفرن و نلاحظ ان الكنافه صارت حمرا .. نحط القشطة .. و نرجع نحط الباقي عندنا من الكنافه و ندخلها الفرن على حراره 200 مده 20 دقيقه
او لين ما تصير حمرا

6- نحط كوبين ماي و 8 فنايين سكر .. و نحطه على الضو و نبدا نحرك لين ما يصير ثقيل شوي عندنا .. نرفعه عن الضو و نخليه يبرد

7- نصب عليها القطر و نخليها تتشربه .. " اذا حسيتوا ان كمية القطر وايد لا تحطونه كله " .. نقلبها و نزينها بالفستق المطحون ..

و بالعافيه