(لارفضت ولا عطيت)
قلت احاول اني انساك وتعبت
والصحيح اني تعبت ولا نسيت
قلت احبك واثر في حبك نشبت
وش اسوي دامني فيك ابتليت
كل مامني من عيونك هربت
في عيوني كل رسم(ن) لك لقيت
غير حبك ياحياتي ما طلبت
والمصيبه لارفضت ولا عطيت
(ياصاحبي)
ياصاحبي كيف العمل والطريقه
في بعض صدقان الرخا والرفاقه
عجزت اميز بالخطا والحقيقه
وعجزت اميز بالأمور الدقاقه
يظيق وقتي والصدر فيه ظيقه
والوقت يسرق من سنيني سراقه
(عيونك السود)
اليا متى وانت تجرحني ولا تهتم
وعيونك السود لاترحم ولا تاوي
عجزت لا القى مكان بقلبك المظلم
الوصل والظلم والهجران متساوي
ياما رجيتك حبيبي بس ماترحم
وأثرك علي ماحصل في صاحبك ناوي
تبي الصراحه وانا ادري فيك ماتفهم
(سود الليالي)و(حبك)و(انت)بالهاوي
(الوفا والعز)
الوفا والعز والمجد التليد
والكرم والطيب والمرقى سنود
كبرياء النفس في وجه الفريد
والسحاب اليا انتثر عقب الرعود
وصملة الوقفات باليوم الشديد
وفزعة اللي ليا فزع يبري الكبود
وحكمة الحاكم مع الراي السديد
ودمعة اللي خاشعن وقت السجود
ذكرتني شامخ الراس العنيد
سيد السادات فالموقف يسود
(انتهيت)
كم بيوت(ن) كل ماشفتك كتبت
وكم دموع(ن) كل مارحتي بكيت
ما أقول اني ولا مره كذبت
ولا أقول اني ولا مره خطيت
ولو عرفت اني اذا حبيت شبت
والله اني لاعرفت ولا هويت
من هواك ومن غرامك وش كسبت
راح عمري من سبايبك (انتهيت)
(خذني ولاشي)
سجل على مر الزمن ياشقايا
واكتب على صدري معذب وهو حي
اللي جهل بالحب سبب عنايا
ببديله المكنون ويفهم بلا غي
جاني يقول اليوم….خذني بقايا
ون مابقابي شي…(خذني ولاشي)
يانور عيني دوك كل الخفايا
حبك حياتي ياغلا واكثر شوي
(اشتاقلك)
خليني اكحل عيوني بشوفك
لاصار ماعقب المفارق تلاقي
وابحر بزينك واتأمل وصوفك
مادام باقيلي من الوقت باقي
ياشمس عمري ماقويت لكسوفك
دنيا بدون اطلالتك ماتطاقي
(اشتاقلك) وانتي عيوني تشوفك
وشلون لاغبتي يصير اشتياقي
مبدع
وتسلم على المقاطع
ناصر الدويش
صح السانك صح السانك
ويعطيك العافيه
على الأبداع
وعلى هذي المقتطفات
من جد تعجبتني
وهي من شاعر معروف ومبدع
وليس على قلمه غبار
واعتقد انك شاركت بشاعر المليون
أو اني اعرفك لأن الصوره والاسم ماهي غريبه علي
عالعموم اخوي
لاعدمتك وبيض الله وجهك
والقصايد هذي بغض النظر عن اني اعرفك او اني مشبه الزبده ان القصايد والمقتطفات هذي
وراها شاعر لايستهان به بس على الله انه مايكون يبخل علينا بجديده
لاعدمتك اخوي
وتقبل تحيات
وتقدير اخوووك
أســــ الغنج ــــير
بس انا نزلت الموضوع خبر توقيعي لخدمة صدى ومن ضمنها كتبت المقاطع الشعريه اللتي سجلتها
ولم انزل الخبر على انه مقتطفات من قصائدي فقط
ولكن الادارة عدلت الخبر كما هو واضح دون الرجوع لي!!!!!!!!!!!
عموما شكرا هذا المنتدى ملك لهم وهم احرار
وانا اعتذر عن الاستمرار
معليش اخوي لاتفهمنا خطأ
لأن هذا اسمه قسم همس القوافي
وهو مختص بالشعر وانت تعرف هالشي
وليس مختص بدعايه لجهه معينه
سوءأ صدى اوغيرها
<< بعدين على فكره مانبي نخسر اعضاء المنتدى بالمشاركه في صدى خخخخخ
عالعموم اخوي حبيت مزح معك
وحبيت انوه ان الدعايات لها اماكن غير قسم همس القوافي
لاعدمتك اخوي
وحنا نفضل استمرارك معنا هذا اذا امكن واذا ماأمكن فتأكد انك في قلوب اعضاء وادارة غرام
لاعدمتك وتقبل تحيات وتقدير
اخوووووووووووك
أســــ الغنج ــــير
صـ ح لسانك
مقتطفات رائـ ع ـة
يعطيك ألف عافية
ماننحرم يارب
:
خوش مقاطع تسلم يمناك اخوي
تحياتي