مسيت بالخير 2024.

ان جاتني ذكراك مسيت بالخير

وايضا صباحك خير لِن جات ذكراك

وان طالت الغيبه بليا معاذير

اقول عل الخير صبحك وممساك

طبعي كذا. ماشيل حقدٍ على الغير

وشلون وانته غير والقلب يهواك

اهواك لو بيني وبينك مشاوير

هذا شعور القلب لوكان يخفاك

ياللي جمالك فاق كل التعابير

والله مال القلب فرحه بلياك

فتنتني ماكن غيرك غنادير

وكن السعاده كلها ملك يمناك

اسرت قلبي ثم اسرت التفاكير

حتى لساني صار أسيرٍ لطرياك

واللي خلقك وصوّرك خير تصوير

لوغبت عن عيني مدى الدهر منساك

تبقى ويبقى الحب من دون تغيير

ويبقى الامل في رجعتك عقب قرقاك

في كل صبح وليل بذكرك بالخير

يعني ترى (دايم على البال ذكراك)

صح لسانك00
قصيدة جميلة
واكثر00
ابداع

تبقى ويبقى الحب من دون تغيير
ويبقى الامل في رجعتك عقب قرقاك

نديم القصيد صح لسانك
قصيدة جزلة من شاعر جزل
يسعدني ان اكون من اول المعلقين على هاة الجزلة
لقد كنت هنا ارتوي
شكراً لقلمك الجميل

ماشاءالله

امتعتنا ياشاعرنا

شي طبيعي منك جمال القصايد وروعتها

دمت بكل رقـــــــي

احترامي وتقديري

أحاسيسـ

شآعرنا الراقي

نآيف العتيبي

صح لسآنك ودآم إبدآعك المتميز

تحيتي لمحبرك الثري شآعرنا ../~

تبقى ويبقى الحب من دون تغيير
ويبقى الامل في رجعتك عقب قرقاك
في كل صبح وليل بذكرك بالخير
يعني ترى (دايم على البال ذكراك)

صح لسانك أخوي
قصيدتك رائعه بكل ما فيها
سلمت يداك
كتبت فأبدعت

نديم
صح السانك ابدعت وامتعت
وماهو غريب عليك الابداع
مااقول الاصح السانك
وتقبل تحياتي وتقديري
اخوووووووووووك
أســــ الغنج ــــير

صح السانك اخوي
والله يعطيك الف عافيه
تقبل مروري

اقتبست القصيده كامله لروعتها

صح لسانك ومن طول الغيبات جاب الغنايم

تحياتي اخوي نديم