مركب الشوق

يا مركب الشوق دوك البحر وأمواجه
في هكبة الود تنطر من يحاتيها
شقه ونور القمر في ليلك سراجه
نصف الشهر قمرته تحلى مساريها
أعبر وفل الشراع الزوم تحتاجه
في دفعةٍ تسحب البعده وتطويها
بحر الموده يهني قلب من داجه
حمله ووخزاته الخرسى يوليها
حوريته طبه المفقود وعلاجه
لو من وراء سبع الابحر واصلٍ فيها
أبحث وما ينبحث الا على حاجه
من حث همته لا بده يلاقيها
ما هو بيثنيك قرصانه ومزلاجه
لا صار دفتك تعنا يد راعيها
صحيح وجه الحقيقه صعب دبلاجه
والقلب للقلب شاهد في تواليها

بقلمي ~

أنا أبي أكون عضو فعال في المنتدي
للا أذا كان المشاركات محدوده على مشرفين^^ داعبه
كل ما أكتب موضوع يا ينقل يا مدري وش يصير له

صح لسانك

ونبض إحساسك

رااااق لي مانسجته يمينك

وطاب لي المكوث هاهنا

فـ تقبل مكوثي

كل الشكر لك

دمت بحفظ المولى

..( شنب طفشان)..
صح لســآنكـ
دمت بخير ..

تحيااتي ..

اخوي الغالي
شنب طفشان
صح السانك وانت فعال ومايحتاج من عقب ذا القصيده حتى لو تبي مشرف وانا اخوك لايهمك ههههههـ
عمومآ صح السانك واكيد ان القصيده هذي لها ربع معها بس لاتقطعنا من ابداعاتك وانا اخوك
وترى حنا ياربعك فينا شوي طمع بس لاتستغرب منا

اي والله في هكبه .. الود والشوق لامنه هكب يتعامس المشتاق من هكوبه
صح السانك يالسنافي واعرف ان اغلب الموجودين بيستغرب كلمة هكبه وياكم من واحد مر عليها وهو ماردها من دربها ههههههه
عمومآ يالسنافي صح السانك وتقبل
تحيات وتقدير اخووووووك
أســــ الغنج ــــير

واااااااااااااااااااااو
صح لسأأأأأنك
مشاركه ولا أروع قلبؤؤ
فري البرى