[poem font="simplified arabic,6,black,bold,italic" bkcolor="transparent" bkimage="" border="none,4," type=1 line=0 align=center use=ex num="0,black"]
طاح العلم ثم نكست كل الاعلام = لاجل العديم اللي خصاله حميده
يبكي وطنا من جنوبه ليا الشام = انا اشهد انك يالرياحي فقيــده
صيتك كما بحرن غداله تلطام = وحبك كما دم الفـــــؤاد ووريده
وشعرك يخلد فالعرب عدة اعوام = نبراس واجيال القبايل تعيــده
فخر القبيله دونها درع وحسام = عنيد لزحول الرجال العنيــــــده
ليت الليالي طولت بك والايـــام = مير القدر ياتيك لو ماتـــــريده
ياقلب ابيض من كفن لبسه خام = لولاك ماهلت دموع عـــــــديده
يافيصل العيه تلافو لك زحام = جو لك من اقطار الفجوج المديــده
لك منزله ماحازها فكر الاحلام = ولاحازها غير الصريم الوليـــــده
ولك منزله في نصرتك دين الاسلام = والذود عن طه صفوة عبيده
ولك منزله يفخر بها طفل وغلام = وتفخر بها كل الرجال السديـــده
ولك منزله يجرى بها دمع الايتام = يفطن لها صلب الحجر مع حديده
ولك منزله تبكي لها صحف واقلام = وسطور شعر نزلت بالجريده
ولك منزله عبر الفضاء هزت اجرام = ابكت بحور الشعر قاف وقصيده
تبكيك ماظني من الناس تنلام = لان الادب والشعر ناقص رصيده
يالله ياللي دايم الدوم مانام = تسكنه في عالي جنان رغيــــــــــده
طاح العلم ثم نكست كل الاعلام = لاجل العديم اللي خصاله حميده [/poem]
وسلامتكم
بقلمي
الشاعر / سعد بن هادي الدهيمي البقمي (سهم القوافي ).
شاعر وقدرتك على الكتابة في اي مجال جميلة
عظم الله اجركم في فقيدكم
فبصل الرياحي .. عز الله انه فقيدة
الله يرحمه ويجعل قبره روضه من رياض الجنة
ضاق صدري على فراقه ..
صح لسانك ملايين
في انتظار المزيــــــــــد
ابكت بحور الشعر قـاف وقصيـده
تبكيك ماظني مـن النـاس تنـلام
لان الادب والشعر ناقص رصيـده
الله يرحمه
ويسكنه فسيح جناته
يعطيك العافيه
وصح لسانك مليون
مرثيه تستحق الأشاده
ومن شاعر متمكن
الله لا يهينك
تقبل مروري
عزيزي
سهم
الله يجزاك خير
والله يرحم الشاعر فيصل
وموتنا المسلمين
الله يعافيك
وانت تأخرت ياسعد كنت حسب ان قصيدتك بتنزل من اول او ثاني يوم في فيصل الله يرحمه وكنت اقول وش في سعد الى هالحين ماجاب شي في ابوبدر!!
<< اجل اثرت فيك سالفة الرجال اللي ذاك اليوم خخخخخخخخخخ
لاعدمتك ياابوهادي مبدع وابوبدر الله يرحمه لو ينكتب فيه معلقه كامله ماتوفي حقه
صح لسانك وتقبل تحياتي
اخوووووووووووووك
أســــ الغنج ــــير
عز الله أنها قصيدةٍ جزله من شاعر جزل
والله يغفر لبو بدر ويسكنه فسيح جناته
تقبل مروري ودمت مبدع
صح لسانك سهم القوافي وعلا شانك ..
والله يصبركم ..
لاهنت .. يا سهم
وننتظر منك المزيد
صح بدنك .. والله يجزاك الخير ولايريك مكروه في عزيز
اشكرك على التعزيه والاطراء اللطيف
تقبلي تحياتي وتقديري
صح لسانك وبيض الله وجهك
الله يحسن عزاك في فقيدكم
شاعر له مكانة في الساحة الشعبية
اسئل الله العلي العظيم ان يغفر له ويتجاوز عنه
سهم القوافي ابدعت والله يالقرم وتسلم طال عمرك لاهنت
ويسلم لنا بوحك
واحسن الله عزى الجميع في وفاة الرياحي
اناشهد انه فقيدهـ الله يغفرله ويسكنه فسيح جناته امين
دمت بكل الخير واجمل سلام لك من الله ورحمة منه وبركاته
اخوكم
فهد بن زيد