بسم الله الرحمن الرحيم
السلام عليكم و رحمه الله و بركاته
كيف حالكم ؟
إن شا الله تكونوا في أتم الصحه و العافيه يا رب 
طبعا راح يكون عندنا
كبسة
بيتزا
فطاير
حلا سولي
برب 
,, الي يعرفون يطمرونه
مقاديرها
1 بصله كبيره
2-3 طماطم
شوي زنجبيل مبشور
1 فص ثوم
دجاج
أرز
مويه مغليه
معجون طماطم
زيت
بهارات – ملح
الطريقه
-طلعي الدجاجـ/ـه من البراد مسبقا و نقعيها في مويه و غيري المويه من فتره لفتره
-خذي رز قد ما تحتاجون و بنفس المقياس الي متعودين تاخذونه ك مثال احنا في صحن صغير عندنا ع عدد الي ياكلون نحسب لكل واحد صحن واحد
-جهزي اغراض الطبخ جنبك مثل الصوره و كل شي جاهز من (زيت – ملح – بهارات – معجون طماطم ) و قطي ما يحتاج الي تقطيع ( بصل – زنجبيل – ثوم – طماطم )
-جيبي قدر الضغط حطي فيه الزيت و اضيفي الزنجبيل و الثوم و حمسيهم شوي و بعدها اضيفي البصل و استمري بالتحريك إلى أن يحمر
-اضيفي معجون الطماطم على البصل
-اضيفي الطماطم و ضعي الغطاء و كل شوي بملعقه الخشب حركيه
-^^ سر الطبخه في الطماطم اذا تسبك و انطبخ صح يا سلااااااااام
-اضيفي الملح و البهارات
-حطي الدجاجه و خليها شوي مع الطماطم عشان يطلع طعمها لذيذ
-اضيفي الماء المغلي قد ما تحتاجين
-نسكر قدر الضغط و نخلي الدجاج من ربع الى ثلث ساعه
-بعد ربع او ثلث ساعه لما نفتح عن الدجاجه و نحطها بصحن تيفال و نحطها في الفرن و مولع من فوق عشان تتحمر
-و نصفي مرقه الدجاج و بعدين نضيف للمرق الرز المنقوع مسبقا و مغسول
-و بعدين نخلي النار مولعه الين نشوف المرق تغلي هنا نسكر ع القدر و نقصر النار ع اخر شي و نخليه ثلث ساعه
-اذا الدجاجه تحمرت نطلعها
-و بعد ثلث ساعه نطفي على أحلى و ألذ كبسه في الوجود حطو الرز و الدجاج و قدموه بالعافيه
ملحوظات الطبق : 
اذا كنتي بتطبخين لحم مو دجاج فلا تكثري زيت لان اللحم يكون في دسم كثير يطلع مع الطبخ.
اهم شي في الطبخه معجون الطماطم و البهارات و تسبيكتهم لانها هي سر الطعم
حركه مفيده : 
طبعا الطماطم لما يجيبونه لنا يكون كثير واحنا ما نستخدمها الا 3 حبات يوميا او 5 و يبقا كثير و يعفن
فافضل طريقه تتجنبين انه يعفن انك تفرمينه و تحطينه باكياس صغيره ع قد حاجتك له كل يوم و تحطينها بالفريزر
و كل ما احتجتي تطلعينه ينقع قبل بوقت و بس
طبعا عجينتهم وحده و بنفس المقدار الي سويته تحت
6 حبات فطاير على عددنا
قل حيلي و بيتزا صغيره و بيتزا كبيره
مقادير العجينه
نص كاس زيت
3-4 م ك حليب بودره
1 م ك خميره فوريه
1 فنجال قهوه سكر
1 م ص ملح
كاس و نص ماء
يبقى الدقيق انا مكتوب عندي 3 كاسات لكن بالامانه انا ما اقدر لدقيق
فلذلك بعد ما اخلط كل الي فوق ابد اضيف الدقيق تدريجيا الى يصير عندي قوام عجينه فطاير ممتازه
و حطينا المقادير
و حركناها و طبعا توصل لقوام يسهل علينا كلنا اننا نتاكد من كل شي تجانس و نتاكد ان كل السكر ذاب
و خلصنا العجينه نغطيها لمده ربع ساعه تقريبا
و غالبا انا احب اسوي هالحركه اني اولع الفرن الكهربائي من فوق الين يحتر و اخلي العجينه فوقه
و هنا خلاص راح نبدأ نشتغل فيها
و نبدا نعمل الفطاير
عشان الفطاير نحتاج الى مفرده و سكين و هذاك الشي حق السمبوسه مدري وشسمه
و الحشوه زي ما تبغون وانا اخترت جبنه مالحه
ناخذ قطعه من العجينه و نفردها نصها نسويه بالسكن او حقت السمبوسه زي ما انا مسويه
و مو لازم نسويها مثلثه العجينه عادي و نحط الحشوه و نلفها
و نحطها بالفرن
و هذي النتيجه
عفش البيتزا ( كشنه و فلفل رومي و زيتون اسود و الجبنه و العجينه )
البيتزا الملفوفه
فكرتها تشبه فكرة السنيبون بس للامانه كمان اني ما احس عطيتها وقتي بذمه و ضمير
لذلك احس لو اشتغلت عليها اكثر ممكن تطلع احلى ولا تتعبني 
لان اللف تعبني و تقططيعها اكثر :/
نجيب العجينه ع قد الي نحتاج
نفرش العجينه و نفردها زين
نحط الكشنه
و نبدا نلفها
و نقطعها و نصفها في صينيه الفرن و نحط عليها الزيتون و الفلفل الرومي و الجبنه
و اعتذر اني ما صورتها لما خلصت :/
امي الله يخليها لي من النوع الي تحب البيتزا رقيقه و مافي اوسع من الصاج عندنا
ابد جبته و حطيت العجينه
و الكشنه
نص فلفل رومي و نص لاء لان اخوي ما يحب الفلفل الرومي
دخلتها الفرن و يوم قربت تخلص رشيت الجبنه و دخلتها مرا ثانيه الين خلصت و رحت اصلي رجعت الا لقيتهم قطعوا منها مرا عصبت :/ قايله لهم لحد ياكل الين اجي اصورها
نجي للحلى الاختراعي ههههههههه جد جد مدري شلون طلع معي رغم ان وحده ساعدتني فيه اسمها سولي ربي يسعدها اذكر انها ساعدتني اكثر من مره
و عطتني اختراعات لكن قمت اسويه بما موجود عندي
المهم سميته باسمها سولي ,,
المهم هذي
المقادير ( الجود وقتها من الموجود )
نوتيلا
قشطه او ممكن احسن تستخدمون دريم ويب معها
كيك امريكانا
بسكوت ماكفنز < كذا نسميه
و الهيرشي
و حليب ( نسيت احطه مع الحبايب الي بالصوره )
الطريقه
نحط النوتيلا في جميع ارجاء القالب و نوزعه زين زين
نقصص كيك امريكانا و نرصه
نحط قشطه و نرجع نغطيك بكيك امريكانا
نغمس البسكوت في حليب و قبل نغطي فيه القالب نحط شويه هيرشي عشان يمسك الكيك بالبسكوت و نرصه تمام
نحطه بالفريزر اطول مده ممكنه
و بالهناء و الهافيه
منقول لعيونكم.gif "Graaam (21)")
يا هلا وغلا أخت "queen of charm"
الحمد لله نحن بخير
وكيفك أنتِ يالغلا؟
إن شاء الله بخير؟
طمنينا عنك؟
منورة والله 🙂
ماشاء الله عليكِ
مميزة ومجتهدة زي العادة ربي يحفظك
دائماً تقدمي لنا أشياء جديدة
أطباق رووووعه تسلم الأيادى أختى دائما متميزه فى أطباقك .
يعطيك العافيه فى أنتظار جديدك تحياتى لك .
أختك Reem Algla .
البيتزا لاني مره احبها
والكبسه شكلها شهي جدا
ام الحلا انا مو قد كذا فيه
الله يعطيك العافيه يا بطه
وتسلم انمولتك على الطرح