ما يشوف الخلف من عدا الدروب المستقيمه ما يشوف الخلف من عدا الدّروب المستقيمه

وكان مرسلها لشعّار المنتدى على كلامه عشان يكتبون له بيتين على هالصّوره
وما كان لي شرف الاختيار بصراحه ،، وهذا شي يرجع للعضو نفسه

على كل حال
جذبني عنوان الموضوع
واوّل ما شفت الصّوره سوّيت اقتباس لموضوعه وابيت الا أشارك قبل ما أشوف مشاركات الشّعراء
فحبّيت اترك لكم صورة المشاركه والقصيده اللي كتبتها بعد هالسّالفه

[ الصّوره ]

صورة غزال يركض << ما قدرت احمّلها بسبب عدد المشاركات !!

] المشاركه [

شدّني موضوعك اللي فيه بيتينٍ وصُوره
قلت ويش الصّوره اللي حرّكت بالشّعر خيمه
شاركوك من البشر شعّار كلٍّ جا بـ دَوره
وجيت اشارك يا متجدّد علّ به معنى وقيمه
صورتك راحت بفكري لجل يثبت لي حضوره
وصّلت بي للمشاعر ضحكه وفرحه يتيمه
وانا شاعر ماني ناقص .. بس جا فالنفس ثوره
واستثير من السّحاب اللي يجي بالجو ديمه
الشّعر بَيتك وانا جَارك عسى مااشوف جوره
خايف انفى من ديارٍ به مها وظبيه وريمه
عدّني مثل الغزال اللي قفز بالحصْن سُوره
وانتهز قمّة حضُوره فالغيابات الكريمه
ركضتي ماهي مخافه أو مواجه به خطوره
ما يشوف الخلف من عدّا الدّروب المستقيمه
رحت اسابق بالشّعر ، والشّعر كلٍّ له شعوره
مقصدي علمٍ يجمّل والمعرفه لي غنيمه
مير يا صعْب الحياة المطْلعه لانسان طوره
لو يواجه من يواجه صابته بالعزّ شيمه
حيّرتني دنيتي من بعض اوادم لي حقوره
همّهم شيٍّ نعرفه ،، يا قسى الناس العديمه
ودّي اني لا طلعت النجم يتميّز ظهوره
وان أَفَلْتْ افلّ بالخيرات والذكرى القديمه
مثل نجمٍ بالسّما (لو هو بعيد) يشع نوره
وان ضوى ضي النهار .. الشّمْس ما هي مستديمه
هكذا الدّنيا تدور بهالفلك وتدور دَوره
سنّةٍ من خالق الكون اللي له قدْرَه عظيمه
والختام اصكّ باب البيت للي جا يزوره
والشّعر مثل البيوت اللي لها ستر وحريمه
ومن بغى يقلط يطق الباب لا تكشفه عوره
وان اذِن له مرحبا به يا عسى الله لي يديمه
بندرالخنيفر(هبوب)

:
.

بانتظار تعليقاتكم على الموضوع والابيات
وأتمنى تعجبكم الابيات

اقتباس:

المشاركة الأساسية كتبها دنيتي hd صح لسانك يابندر وتسلم يمينك ع الطرح الحلو وانتظر جديدك ان شاء لله

صح بدنك يا دنيتي

وبإذن الله نقدّم لكم الجديد اللي يليق لكم

اقتباس:

المشاركة الأساسية كتبها لمحـة شجـن ..~ الله الله حيّ الصورهـ والفكرهـ اللي إستثارت هذا الشعر وحرّضت حرفك للكتابهـ مُبدع إلى أبعد مدى صح نبضك وحرفك وإحساسك , يعطيك ألف عافيهـ إحترامي وتقديري

الله يسلمك يا لمحة شجن

صح كلك

شاكر لك المشاركه

ومقدّر الحضور الجميل

#poem_558dcb5b6757b td { font-family: ‘traditional arabic’, arial, helvetica, sans-serif; font-size: large; font-weight: bold; }

عدّني مثل الغزال اللي قفز بالحصْن سُوره

وانتهز قمّة حضُوره فالغيابات الكريمه

ركضتي ماهي مخافه أو مواجه به خطوره

ما يشوف الخلف من عدّا الدّروب المستقيمه

صح السانك مليون ولا يسدون

قصيده رائعه راقتني الفكره واقحام البيتين بهذه الطريقه

حقيقه مبدع الله لا يضرك

وفي انتظار جديدك

كل احترامي وتقدييري

اقتباس:

المشاركة الأساسية كتبها ((الغــ روح ــضي )) #poem_558dcb5b69687 td { font-family: ‘traditional arabic’, arial, helvetica, sans-serif; font-size: large; font-weight: bold; } عدّني مثل الغزال اللي قفز بالحصْن سُوره وانتهز قمّة حضُوره فالغيابات الكريمه ركضتي ماهي مخافه أو مواجه به خطوره ما يشوف الخلف من عدّا الدّروب المستقيمه صح السانك مليون ولا يسدون قصيده رائعه راقتني الفكره واقحام البيتين بهذه الطريقه حقيقه مبدع الله لا يضرك وفي انتظار جديدك كل احترامي وتقدييري

صح بدنك بليوون

الله يسلمك

الابدااع مصدره متاابعتكم وتقييمكم

شاكر للجميع