..
روايتي الاولى [ ما اعاتب حظي العاثر , أعاتب البشر إلي أجبروني عليك ]
ب قلمي * معشوقتي *
//
نبدأ ب تعريف ب شخصيات
بيت أبو فارس [ وهم من عائلة متوسطة مادية . عائلة لا تخلو من المشاكل ليل نهار هواش و صراخ ]
عندنا أبو فارس و أم فارس و العيال
فارس 24 سنة [ طول نقدر عنه جميل آسمر وشعره اسود كثيف ]
سارة 21 [ آجمل وحده بين خواتها طويلة جسمها رشيق عيونها وساع وخضرا وسمرا لكن مثل ما يقولون السمار هيبه ]
الجوري 17سنة [ بيضة وجسمها رشيق بالحيل عيونها وسط عسليه وشعرها اسود طويل قلبها أبيض وحساس .. آخلاقها فوق كل شي .. وللمعلومية خواتها آحلى منها بكثير بس هي جميله ]
سديم 15 سنة [ بيضة و طويلة وعيونها مثل فنجان و لونهم أسود وشعرها لنص ظهرها ]
***
عائلة آبو نواف // عبد الرحمن * أحد هوامير السعودية *
نواف 25 سنة [ استلم ادارة اعمال ابوه بعد وفاته * و عنده آختين
ندى 20 سنة [ تخصص طب ]
منار 18 سنة [ خلصت ثنوية عامة وهي ناوية تخصص ادارة اعمال ]
فهد 21 [ يكمل دراسته في بريطانيا ادارة اعمال ]
***
عائلة أبو خالد * عبد العزيزر آخو عبد الرحمن
خالد 25 سنة [ وهو كذالك ادارة اعمال و صاحب نواف ]
جمانه 21 سنة [ تخصص كيمياء ]
شهد 18 [ خلصت ثنوية عامة وتفكر تدخل لغات ]
***
العمة منيرة و زوجها متوفي
غادة 21 سنة [ قاعده في البيت لا شغل ولا مشغلة ]
فيصل 24 سنة [ يشتغل في شركات خاله عبد الرحمن و عبد العزيز ]
..
ملوحظة : قد يتهيأ للقارء انه الرواية ك بقية روايات .. لكن في مضمونها سوف تجدون انها مختلفة تماماً عن غيرها
واتمنى تنورين صفحتي
معزوفتي الأولى : جرعات الموت
وزي ما انتو عارفين ادنيا رمضان وسامحوني على اذا بدر مني اي تاخير
ومشكورة على مرور حبي
موفقه بروايتك ..
لاكن البارت ذا مافيه غير تعريف شخصيات ..
ياريت ماتتاخري بتنزل البارت الاول ..
ان شاءء الله من متابعينك ..
تحياتي
..
شدون الحربي
..
الجوري و بنفسها : يا ربي لمتى على هالحال .. في ليل هواش و ضرب و في النهار كمان صراخ والله تعبت متى اموت وافتك ..
أبو فارس : الجوري يا الجوري
الجوري : ها يبا
أبو فارس : و صمخ أن شاء الله صار لي سنة اناديك وينك
الجوري : كنت نايمة
أبو فارس : وجع ما منك فايدة طول عمرك نايمة .. أقول بلا كثرة حكي و روحي سوييي لي أكل
الجوري : حاضر يبا
" شوي و جا فارس وجلس جمب ابوه "
أبو فارس : خير وش تبي انت ثاني
فارس : يبا ابي فلوس
أبو فارس : و أنت هاذا حالك فلوس فلوس مع خشتك ذي كنها عنز
فارس : يبا راتبي وانت تأخذه وش تبيني أسوي , آسرق مثلا ؟
أبو فارس : تخسي الا أنت .. عشان توطي روسنا بين الناس
فارس و بنفسه { على اساس انت الي رافع راسنا }
أبو فارس : هاك ومن هنا ل نهاية شهر لا تطلبني ولا فلس ..
" هنا جات الجوري حطت الاكل و مشت وهي تسمع ابوها يقول "
أبو فارس : يلا ذلفي عن وجهي الله بلاني ب ثلاث بنات مدري شابسوي فيهم ..
الجوري حزت في خاطرها هاذي كلمة لكنها مشت وشافت امها جالسة تبكي : يما وش فيك هاذي ما هي اول مرة ابوي يشرب و يسهر وينام عند الحريم المفروض تعودتي خلاص ..
أم فارس : وبعدين مع هالحال لمتى راح نفضل كذا .. يلا قولي لي بكرا من بيجي وبيخطبكم على سمعة ابوكم الزينة
الجوري : يما وانتو كل همكم تزوجنا
ام فارس : يا ربي وش هالحظ ثلاث بنات وش اسوي فيهم مع البلوه ابوهم .. مير انكم غير تقعدون على قلبي طول العمر ..
" الجوري تضايقت من هذا الكلاالم وراحت عند خواتها "
سارة : الفستان يجنن غلي .. جد انا ملكة جمال لو معي فلوس اكثر كان صرت مثل الي يطلعون بتلفزيون ..
سديم : اي والله وانتي الصادقة ..
الجوري : وانتو كل همكم فلوس ما فلوس ومكياج وثياب روحوا شوفوا امي وش بلاها
سارة : يعني بالله شي جديد خلص كل يوم كذا .. بطقاق الي يطق الكل ليه اوجع قلبي صح سديم
سديم : صح سارة ..
***
في بيت ابو نواف
منار تركض ورا ندى وتصارخ : يا ندى جيبي الاكل حقي
ندى : احلمي نفسي فيه , ليه ما قلت لي انك رايحة سوبر ماركت
منار : مو حضرتك يا شيخة كنت نايمة
ندى : و اذا يعني .. مابي ما راح اعطيك الاكل
" منار و للحينها تركض ورا ندى و فجآت أصدمت ب آخوها نواف الي توه جاي من سفر "
منار : نـواف وآخير رجعت الحمدلله على سلامتك و حضنته
نواف ويشيل منار ويلف فيها كل الصالة : اي رجعت وحشتوني يا البزرين
ندى وتلف راسها ما تشوف الا منار بحضن نواف ويدور فيها بكل صالة : نـواف أنت متى جيت
نواف : الحين رجعت .. بعدين اول شي يقولون الحمدلله على سلامة يا شيخة
ندى و تجي تركض بسرعة وتحضن اخوها : الحمدلله على سلامة يا ضي عيوني
نواف : الله يسلمكم , وين آمي ؟
ندى : فوق في غرفتها
نواف : يلا هذاني طالع اريح و مرة وحده اسلم عليها
" مشى لين وصل على غرفة امه وقف وطق الباب "
ام نواف : ادخلي يا بنتي
نواف : هالمرة ادخل يا ولدي
ام نواف وقفت عشان تستقبل ولدها ضناها نور عيونها : حي الله يا ولدي يا عسى عيني ما تبكيك متى رجعت من السفر
نواف راح لآمه وباس راسها و ايدينها وجلس جمبها : هاذي جيتي من المطار
ام نواف : الله يرضى عليك يا ولدي
نواف : امين يمة . يلا يمة انا أستأذن طالع اريح تأمرين على شي
ام نواف : ما يأمر عليك عدو .. يلا ريح يا ولدي و اول ما تقعد راح اجهز لك الاكل على طول
ملامح عن شخصيات عائلة ابو نواف
نواف : أستلم ادارة اعمال ابوه من عمه الي كان ماسكهم من توفى اخوه الله يرحمه ولين كبر نواف استلم مشاريع ابوه وشركاته .. وهو طيب و حنون لابعد الحدود الى جانب جماله البدوي طويل معضل خفيف رموش كثيفة والعيون وسع الفنجال
وآسمر … لكن هنا بحكم قصة راح تبدل شخصيته
ام نواف : ام حنونة ربت عيالها احسن تربية من بعد وفاة المرحوم .. قلبها ابيض على نياتها وتحب عيالها بالحيل وخصوصا نواف لنه وصية الغالي
منار : مخلصة ثنوية عامة .. جماله ما ينحكى عنه شعره صابغته
شوكلت الى جانب بياضها والعيون عيون المها العربية ورشاقة جسمها
ندى : كنه ندى بس اكبر لاكن الفرق انه شعرها اسود تدرس
طب لكنها ما تخصصت في قسم معين
****
في بيت أبو خالد * عبد العزيز *
أبو خالد : ها يا ولدي وين كنت ؟
خالد : كنت مع شباب في الاستراحة
أبو خالد : آلا اقول نواف رجع من السفر
خالد : آلا رجع و توه مكلمني
أبو خالد : يلا اجل جهز نفسك بكرا نروح لهم
خالد : جاهز ولو تبي الليله ما في مشكلة
"شهد وتوها صاحية من النوم "
شهد : جاهز حق ايش
خالد : سلمي بالاول
شهد : السلام عليكم .. يلا اخلص وش وراك
ابو خالد : بكرا رايحين لبيت اخوي ابو نواف عشان نخطب ندى ل خالد
شهد و بفرح : احلف .. منت هين يا خويلد
خالد : كيف أعجبك ؟ صح
"فجأة و دخلت جمانة "
جمانة : وش صاير
نطت شهد : بكرا رايحين نخطب ندى ل خالد
جمانه : وامي تدري
ابو خالد : ايه تدري وهي اول وحده درت في الموضوع
جمانه : اجل طابخها من زمان يا خالد والله خير من اخترت
خالد : احم احم خلاص احرجتوني ادري انه ذوقي حلو .. طيب وينها امي
جمانه : في عرس ابو صالح
خالد : اها طيب
//
خالد : صاحب نواف الاول و يعتبر اخوه رجال بمعنى كلمة
ما يرضى على غلط الشهم وما يحب الظلام .. شاف ندى بالصدمة عند اخته جمانه حبها وقرر يخطبها
شهد و جمانه : شهد مكملة ثنوية عامة و جمالها عادي سمرا وعيونها سوود متوسطين وشعرها لنص ظهرها
اما جمانه بيضة وطويلة وعيونها متوسطين عسلية
وشعرها قصير مصبوغ ب شوكلت
أبو خالد : انسان يسمى بي آبو طيبة ربي عيال اخوه كنهم عياله ومسك حلال اخوه وبعد كذا سلمه ل نواف من دون ولا فلس ينقص
***
عند العمة منيرة
منيرة و بصوت عالي : غادة يا غاده يلا جهزي نفسك
غادة : على وين
منيرة : بكرا رايحين على بيت خالك ابو نواف
غادة : يمة وش فيك تدرين انه نواف مو هناك
منيرة : الا رجع اليوم وابيك من الحين تجهزين نفسك لبكرا ابيك تكونين زي القمر
غادة : افا عليك يمة انا قمر من دون هاذي السالفة كيف لا اكون تعدلت عشان عيون نواف
منيرة : عفية على بنتي
غادة : تربيتك يمة
منيرة : عمتهم الي تكبرت على خلق الله وكان سبب في طلاقها دايما كانت تشوف نفسها صحيح هي حلوه لكن اندعام الاخلاق كان سبب في طلاقها من رجلها وللاسف ربت بنتها على طمع وتكبر والغرور
غاده : نسخة طبق الاصل عن امها .. غادة جميلة رشيقة وشعرها مصبوغ عسلي فيه خصل وجسمها رشيق ولون بشرتها السمار المايل الى فاتح .. لكن وش فايدة جمال من دون اخلاق
فيصل : أخو غادة .. لكن مو ساكن معاهم فضل ان يترك غرور امه و اخته واحتقارهم ويسكن لحاله و يشتغل في شركات خاله ابو خالد
بس اوعدكم انه الجاي يكون احلى
|
المشاركة الأساسية كتبها آلُفَآتٌنْہہ آلُقصٍيَرٍہ
 انا طحت عند حنان نواف … هههههههه … المهم بدايه موفقه اختي وننتظرك
|
هههههههههه .. تسلمين والله
اهم شي برايك استمر او لا ؟
عشان اعرف اكملها او لا !؟
" نواف جالس في غرفته يتذكر كلام الرجال الي كان جالس جمبه ف طياره "
//
الرجال : يا ولدي شكلك ما هو ب غريب علي , ولد من انت
نواف : هلا يا عم انا ولد عبدالرحمن …..
الرجال : الله يرحم آبوك والله انه رجال و النعم فيه
نواف : الله يرحمه , ليش انت تعرف ابوي
عُمر " الرجال " : ايه انا وياه رفقة عمر من ثنوية العامة مير الله يسامح من كان السبب في وفاته
نواف عدل جلسته وناظر الرجال : وش تقصد يا عمي
عُمر : ليه عمكم ما قال لكم ؟ بعد هالعمر
نواف و يركز اكثر في السالفة : لآ وش وده يقول ؟
عُمر بنفسه " شكله عبد العزيز ما علمه عشان ما ينتقم من اهل الرجال حسبي الله عليه .. وانا وش خلاني افتح هالموضوع الحين " : ما يقول شي !
نواف : عمي الي فهمته وفاة ابوية كان له سبب مو مثل ما قالوا عمي وامي بدون سبب توفى
عٌمر وبنفسه أمري لله ما دام اني نطقت خلني اكمل عشان خل يتحاسب رجال على فعايله يتم هالعيال وهم لسه ما شافوا الدنيا : أسمع بس بالاول اريدك توعدني انك ما تأذي أحد
نواف : يا عمي وعدتك بس قل تكفى والي يرحم والديك
عُمر : أمري لله , هاذا يا ولدي
نواف وقطع عليه حبل افكاره صوت منار المزعجة
منار : نواف يا نواف نواااااااااااااافففففف
نواف : اش وشبلاك تصارخين فوق راسي
منار : ما بلاي شي .. وبدلع قالت : حبيبة ئلبك تحت
نواف : نواف وش تقولين انتي حبيبة قلبي ايش اقول بلا دلع ومن الي موجود تحت
منار : تسوي نفسك منت فاهم هاذي الشيفة غادة تحت
نواف : افف وش جابها هاذي كمان
منار : جات مع عمتي يتحمدوا لك بسلامة ,, تراها من جلست وهي تسأل عنك كل دقيقتين وين نواف وين نواف وحنا نقولها نايم تقول قوموا صحوهه من النوم
نواف : لا حول ولا قوة الا بالله .. عمتي من جدها تفكر اني باخذ غاده والله لو انها اخر بنت في الكون ماخذها
منار : تخسي الا هي تاخذك .. وبعدين انا بزوجك ست البنات
نواف : عاد الا انتي من شفت عيشتك وانا غاسل ايدي من ذوقك
منار قامت وتخصرت : لالا والله اصلا انا الدنيا كلها تتمنى اشارة مني
نواف : اقول بلا كثرة حكي وانزلي تحت وهذاني لاحققكك
منار : طيب
في المجلس :
ام نواف : وشخبارك يا ام فيصل
منيرة : تمام وانتي شعلومكم
ام نواف : الحمدلله طيبة الامور .. بس انتي صار لك زمان ما جيتي علينا
منيرة : الظروف وهذاني جيت عشان اشوفكم واشوف ولدي نواف ..
ندى وبنفسها * والله مو جاين الا عشان نواف بس تحلمون تاخذونه * والتفتت على غادة : اقول غادة منتي ناوية تكملين دراسه
غادة انقهرت من هاذا سؤال : لا وليش اكمل الدراسة ما شاء الله الخير واجد وما يحتاج اشتغل وعندي فلوس
ندى حبت تقهرها : عاد تصدقين دايم اخوي نواف يقول المرآة مالها قيمة من دون شغل ومن دون ما تثبت نفسها في مجتمع عشان كذا هو دايم يشجعنا على دراسة واكبر مثال انا ادرس طب وراي منار راح تدرس ادارة اعمال
غاده ووصلت حدها من القهر : اها وسكتت << طبعا لنها معندها رد على فشلها في الحياة
وهنا دخلت منار ووراها نواف المجلس
منيرة : هلا يا ولدي هلا بالوالد الغالي اسهرت وانورت واستهلت واسفرت .. كيف حالك الحمدلله على سلامة
نواف وهم يبوس راس عمته : الله يسلمك والله الحمدلله تمام وانتي كيفك يا عمتي وكيفك يا اختي غادة وشدد على كلمة اختي
غادة انقلب وجهها االوان اصفر احمر ازرق وبغصة قالت : بخير وبنفسها قاعدة اتقول " اختك انا اوريك اذا ما خليتك تحفي وراي حفي * بمعنى ما خليتك تجري وراي *
عمته وارسلت رسالة الى جوال غاده * يلا قومي روحي اي مكان الحمام المطبخ عشان ننفذ خطتنا *
غادة فتحت المسجت وقرته وأستأذنت تبي تروح الحمام
نواف : الا اقول عمتي وينه فيصل
منيرة : فيصل وصلنا ل هنا وراح عن اخوياه لا رجع يقول بينزل يسلم عليك
نواف : حياه الله بكل وقت البيت بيته وفجآة رن جوال نواف << المتصل خالد
نواف : هلا هلا بولد العم كيف الحال
خالد : والله حنا بخير وانت كيفك وكيف الاهل
نواف : كلهم تمام , انت وينك لا تسأل حتى بزيارة ما عبرتنا
خالد : هذانا حنا بطريق انا واهلي اذا ما عندكم حد
نواف : حياكم الله .. لآ ابد عندنا عمتي منيرة
خالد : اجل خلاص مسافة الطريق
نواف : وحنا نستناك ..
ام نواف : ها ي ولدي منو بيجينا
نواف : عمي ابو خالد وعياله
ام نواف : حياهم باي وقت
نواف : يلا يمه انا استأذن بروح ابدل ثيابي واجهز نفسي
منيرة وبحركة سريعة اتصلت على غادة
نواف وهو طالع من المجلس اصطدم ب غاده الي تلقت اتصاال من امها عشان تظهره كاشفه شعرها والعباية مفتوحة
نواف ولف ظهره و جهه للورا : السموحة ما كنت ادري انك بتدخلين
غاده وبدلع : نواف سوري انا الغلط علي
نواف حب يقهرها و : انت كذا بتدخلين فاتحة عبايتك وكاشفه شعرك
غاده وتلعثمت ما تدري وش بتقول : لا كنت راح اغطي شعري و اسكر عبايتي قبل لا ادخل
نواف : انتبهي مرة ثانية يا بنت عمتي
وصل العم ابو خالد وعياله وسلموا وانفصلوا الحريم عن الرجال
الحريم ف صاله و الرجال في المجلس ..
ابو خالد : الحمدلله على سلامتك يا نواف
نواف : الله يسلمك يا عمي ويطولنا بعمرك يا الغالي
ابو خالد : يا نواف انت تعرف انه معزتك من معزت المرحووم الله يرحمه .. وان غلاتك انت و خواتك من غلات عيالي والله شاهد ومثل ما اتمنى الخير ل اولادي واتمنى لكم الشي زين وانا جاي هنا اطلب يد اختك ندى على سنة الله ورسوله لولدي خالد
نواف تفاجأ بصراحة وخصوصا ان خالد ما خبره : تسلم والله يا عمي حنا ما بنلقى احسن منكم ولو جات علي قلت لكم خذوها الحين .. خالد رجال و شهم والنعم فيه وانا عارف راح يحفظها ويصونها بس الشوور اول شي يرجع لوالدة ثمن البنت وبعدين ارد لكم خبر ..
نط خالد : يعني قد ايش ننتظر حتى تردون لنا خبر
ابو خالد ويناظر ولده : ارككد يا ولد خلهم يسئلون عنك في الاول يعرفون خيرك شرك
خالد : يبا وش يعرفون خيري و شري دامني تربيت معاهم
نواف بعث مسج ل خالد ( اجل تخطب اختي وما تعلمني انا اوريك خل رد يكون بعد شهر )
خالد قرا مسج وانقلب وجهه االوان : عاد يا نواف تكفى عجلوا بالموافقه
نواف : والله يعتمد على راي الاخت الكريمة
خالد : الله كريم
***
ونرجع ل الجوري وهي تكلم بنت خالتها حنين
الجوري وهي قاعدة تبكي: اقولك يا حنين ابوية امس ما رجع البيت
حنين : وكعادته ضربكم صح كلامي
الجوري : ايه مسكينة امي 25 سنة مستحمله هالعذاب
حنين : ادعي يا الجوري ادعي مالك الا ربك ..
الجوري : تكفين يا حنين تعالي عند البيت والله مليت من هالجو
الكئيب
حنين : اممم والله مدري خل فارس يجيبك
الجوري : فارس ماهو في البيت وانتي عارفة ابوي لا يودينا مكان ولا يجيبنا
حنين : طيب نص ساعة و اكون عندك
الجوري : وانا انتظرك
//
وصلت حنين عند الجوري وسلمت ووسلم على بنات خالتها سارة و سديم وجسلت معاهم
سارة : حنين الا اقول مع من جيتي
حنين : في فلان اسمه بدر جابني هنا ووصلني وقال لي سلمي على فلانه اسمها ساره تعرفونها يا بنت
سديم : اي نعرفها تكون اختنا
سارة وتوردوا خدودها : اجل انتي كمان سلمي عليه يا حنين
الجوري : يا عيني على عصافير الحب
سديم : الجوري و حنين اقول مالت على حظنا محد
يطالع في وجهنا
سارة : اكيد محد بيطالع من بيشوفنا وحنا طول عمرنا محبوسين بالهبيت
الجوريي : كل شي نصيب ونعم بالله
حنين : اي والله و النعم بالله
نعرفكم على عائلة ام جابرر
ابو جابر : من عائلة متوسطة ويحب عياله وحرمته
ام جابر اخت ام فارس وعندها 3 عيال
جابر 25 سنة : مدرس لغة عربية
بدر 23 سنة : في العسكرية
حنين 17 سنة : وهي صاحبة الجوري الروح بالروح وهاذي سنة ببيتخرجون من الثانوية العامة
***
آنتهى البارت