ماني من اللي يخضع الـراس للنـاس
أهون عليّ أمـوت والـراس عالـي
وماني من اللي يشرب الخمر بالكـاس
ويعيـش بيـن الخايفيـن الـذلالـي
كيفٍ يكيّف بك وهو شـرب الانجـاس
وتحسبنّـه مـن طـبـوع الـرجـال
من كيف راسك صرت معدوم الاحساس
وتبيـع عرضك..وانتبـه مـا تبالـي
وكل يـومٍِ ضيّـق الصـدر منحـاس
ومن باع ماي الوجـه بـاع التوالـي
وماني من اللي يعتذر ساعـة البـاس
ويهاب من سرْيـا الوهـن والليالـي
أنا بدوي ولـي قبيلـة ولـي سـاس
أشـب نـاري فـوق ذيـك الجبالـي
أقـرّب الدلّـه ونـجـرٍ ومحـمـاس
والكهربه عندي القمـر لـي صفالـي
وبعد المطـر هبايـب الجـو نسنـاس
والبرق من بيـن الساحـب الثقالـي
جوٍّ يزوّد راعـي العشـق هوجـاس
ويحتار مـا بيـن المهـا والغزالـي
وكـل رجـلٍ فيـه للطيـب مقيـاس
ولله علـى خلـق الوفـا والكمـالـي
أهدي تحياتـي لكـم فـوق قرطـاس
أشـرح معانيهـا واجـاوب سؤالـي
ويسلم بنانك على النقل
واسمح لي انقلها للقسم الانسب
المنقولات الادبية
دمت بكل خير
يعطيكم العافية على مروركم والموضوع منور بوجودكم .. همس هذا ترا من ذوقك الاروع ،،
تقبلوا تحياتـــــــــــــــي ،،
يعطيك ألف عافيه
كلمات رائعه
سلمت يمينك وسلم منقولك
//
الله يعافيك وتواجدك في الموضوع هو الاروع ..
دمت بحب ومودة ،،