السلام عليكم ورحمه الله وبركاته
في الحقيقه ووالواقع كتبت عده روايات اردت ان تكون بين الاوراق سجينه … طفت معظم مدونة الروايات وجدت الجيد الذي يستحق القراءه ووجدت الردىء الذي لايستحق حتى رؤيه عنوانه …للامانه لم اجد اكثر من منتدى غرام يحتضن اكبر عدد من الروايات…
سأطرح روايتي الأولى بأذن الله لتكون بين أيديكم……اعتمدت ان تكون روايتي على قالب اجتماعي والقليل من الكوميدي……اتمنى فعلا ان تحوز على رضاكم….انتقاداتكم,تعليقكم على روايتي وقود يدفعني لأن اكمل…..
قبل ان ابدأ بروايتي….هو طلب صغير لمصلحتكم انتم حبيباتي….(الصلاه وماملكت ايمانكم) ….
ان اعجبكم ماطرحت عزيزاتي فستكون روايتي كل جمعه في الساعه العاشره بأذن الله تعالى….
.
.
.
.
.
.
.
.
.
.
.
.
.
.
.
.
.
.
.
.
ساره-جده تكفين اسمعيني مايصير الي عايشينه حرام عليهم,حمدان ينكرف
بالشغل وانا بالجامعه وانتي بالبسطه,مايصير كذا كلمي ابوي والا خالي
الفلوس عندهم كثر التراب(طالعت ساره بالجده الي معطيتها اكبر طاف)جددده
انا اتكلم اسمعيني تكفين..
الجده وهي ترشف من فنجال القهوه-اصنجتي اذني يامال رجل يلمتس ويفكني
من لسانتس.
ساره وقفت بزعل-يارررربي دايم تقولين كذا له تصرفيني, بعدين صادقه
ان شاء الله يجيني واحد ويفكني من هالعيشه(نقزت ساره لداخل البيت بعد ماشافت
عصى الجده تلحقها)
الجده بصوت عالي-تعالي ياقليله الحياء يالي ماتستحين تقولينها بوجهي
هين ياسوير هين(وبصوت عالي)تعاااااالي جيبي عصاي لاأقوم اكسرها فوق
ظهرتس.
ساره وهي مطلعه نص وجهها من باب البيت الداخلي-انا صادقه ياجده ماقلت
شيء حرام..ترى حرام عليكم انا ملييييييت..فهود ورنيمو معيشهم ابوي احلى
عيشه وانا مأكله هواء والا امي بعد ماولدت من بران القصيم صارت من اغنياء
لندن(خنقتها العبره)جده ترى اتكلم من جدي انا مليييت مليييت افهميني..
الجده بصوت صارم-وانتي وش عليتس منهم احمدي ربتس على النعمه الي انتي
فيها..(بصوت حاني بعد ماشافت دموع ساره)تعالي وانا امتس تعالي جيبي عصاي
وتقهوي معي واتركي البربره الزائده عنتس وربتس بيرزقتس.
ساره وهي تمسح دموعها-(اعطت الجده العصى بعد ماجت عندها)لا مابي قهوه بروح
اسوي العشاء حمدان بيجي بعد شوي.
الجده وهي تمسح شعرها-بعدي اي والله بعدي هذي البنت السنعه ها روحي وانا
امتس وسويه وتعالي شيلي القهوه بصلي العشاء.
ساره والعبره خانقتها-ابشري ان شاء الله.
بعد صلاه العشاء…بمطبخ الجده..
ساره قطعت السلطه واملحتها وحطت عليها ملح مثل ماتحب هي وتؤام روحها
حمدان الي هو عمها عمره 26 وهي عمرها22 قريبه جدا من عمها ويتوافقون
بأشياء كثيره بالرغم من انها بنت وهو ولد…سكنت عند جدتها بعد طلاق امها
وابوها..طبعا هي ماسكنت الا بعد زواجهم الأثنين..امها تزوجت واحد اسمه ريان
وسكنت بلندن مع عائله زوجها الغنيه..ابوها بعد زواج امها انقهر منها ورمى
بنتها على امه واخوه…ساره تدرس بالجامعه قسم لغه انجليزيه بالرغم
من انها ماتبي هالقسم لكن ربي كتب لها هالقسم..ساره كشخصيه قويه جدا
وعصبيه وماترضى احد يدوس لها على طرف..لكن من الداخل شخصيه رخوه ولينه
وتحاول قد ماتقدر انها ماتظهر هالجانب..
اما حمدان مثل ماقلنا انسان حنون جدا على امه وساره ويحاول يلبي لهم الي
يبونه وهو الأن بانتظار ترقيه من وظيفته العسكريه الي رح يكون راتب
الترقيه كبير جدا ورح يساعدهم ويلبي اشياء كانت ناقصتهم..
الجده ام خالد..عندها ثلاث اولاد..خالد(ابو ماهر)فهد(ابو ساره)وحمدان..
الجده كشخصيه مثل ساره..ساره طالعه عليها بالشخصيه..لكن الي يفرق بينهم
ان الجده حكيمه بقراراتها وتفكر قبل ماتقرر عكس ساره المتسرعه بقراراتها
الساعه10:30 في الصاله …
ام خالد بانتقاد لاذع-ماش ماش الرز سامط(التفتت بعصبيه لساره)انتي
ماتعرفين تسوين شيء بكره بتروحين لرجلتس وانتي خبله رفلا.
ساره بقهر-جده والله اني املحته بس ماظبط معاي(ساره التفتت وهي بتقهر الجده)
وانتي ياجده ليه تمدين يدك وحمدان ماجاء..
الجده بعصبيه- قومي طقيني ياخبز يدي قومي(مسكت العصى وضربتها على فخذ
ساره)..
نقزت ساره بقوه ووقفت وهي تتألم وتفرك فخذها-جده جده حرام عليك ضربتك
قويه وتعور وبعدين انا صادقه ليه تأكلين وحمدان ماجاء؟؟
الجده بعصبيه وهي تلوح بالعصى..انا بنت ابوي بنته انتي ترراديــ..
حمدان وهو عند باب الصاله بمقاطعه وبضحكه- ياذا الهواش اللي ابلشتني فيه
وش فيـــ..
الجده بعصبيه- وانت وراك ماتسلم ياولد بطني…هاه تكلم وراك ماتسلم؟؟؟
حمدان بضحكه-ههههههههههههههههههههههه سوري يمه نسيت السلام عليكم(حب رأسها)
وش لونك ياحلوه اللبن؟؟ووراك ضاربتن ساره المسيكينه؟؟
الجده بصرامه-تعش انت وياها وانتم ساكتين اقلقتوني(التفت لساره الي جالسه
على الكنبه وتفرك فخذها)وانتي وراتس جالسه تبيني اجي ابلعتس بيدي؟؟
ساره- لا بس ضربتكــ..
الجده وهي معطيتها اكبر طاف- حمدان وش سويت بشعلك اليوم؟؟
حمدان انفجر ضحك على وجه ساره المصدوم-ههههههههههههههههههههههههههههههه.
حمدان بضحك
.
.
.
.
.
.
.
.
.
.
الساعه12:30 في المقلط
ساره-اليوم جدتي متسلطه علي مره..تخيل العصر كنست الحوش وقالت لي ارجعي
اكنسيه مره ثانيه (وهي تقلدها)كنستس ماش ماهوب نظيف(تكلمت بقهر)والا اليوم
الظهر بعد مارجعت جائبه معاي اكل من الجامعه بطاطس وكاكاوات وعصائر
وشاورما وعلك وحلاو وقلت لها جده تعالي تغدي معاي(وهي تقلدها)قومي عل حيلتس
وسوي لي رزازه(رز)وطلعي اللبن من الثلاجه…وانا تغديت لحالي..
حمدان بحنيه-ساره ياقلبي نتي تعرفين ان امي ماتأكل هالأشياء انتي تعرفينها
تأكل رز وعصيده ومرقوق ومطازيز والأشياء الشعبيه..المشكله انتي معصبه
من شيء ثاني..(مسح على شعرها)ساره انا عارف انتي مقهوره من الحال الي انتي
فيهــ..
ساره بمقاطعه وهي تبكي-عمي انت عارف ان مايهمني الأكل والشرب واللبس
انا مقهوره من ابوي وامي الي تاركيني ومعيشين عيالهم بحب وحنان
انا بنت واحتاج حنانهم وحبهم..انقهر يا حمدان والبنات مع امهاتهم
بالعزائم وانا لحالي..
حمدان-وامي وينها ماتعتبرنها مثل امك ياساره؟؟؟
ساره ودموعها تنزل- حمدان انت ماتفهمني ابدا مافيه احد يفهمني.(سكتت بعد
مالبكاء خنق صوتها)
حمدان بحنان-ساره انا عارفك زين وعارف ليه تبكين..وانا قلت لك عن امي
ابيك تكونين قريبه منها بالعزائم…ساره امك وابوك بيندمون على انهم
تركوك..ساره اكثر من مره اكرر كلامي ليه ماتفهمين..
ساره ببكاء اكثر-مو بيدي ياحمدان وربي موبيدي..بس اتذكر فهد ورنيم
وعيال امي الي مادري عنهم متنعمين بحنانهم وحبهم..
حمدان-ارحمي نفسك من البكاء انتي المتضرر الوحيد من هالسالفه ارحمي نفسك
ساره وهي تمسح وتحاول تهدأ- طيب خلاص بروح اسوي لك شاهي واجي(قامت بدون
ماتسمع رده)…
حمدان وهو يتأملها بعد ماراحت مع باب المقلط(الله يرحم قلبك من هالتعب)
بعد نص ساعه_لا ارجعي كان ماسويتيه..تراه شاهي مو بذبيحه يوم انك تأخذين
نص ساعه(وهو يناظر بساعته)؟؟؟
ساره بهدوء-اسكت بس تدري اني اكفكف دموعي لاتستهبل وتصير لي مثل جدتي.
حمدان بضحكه-ههههههههههههههههههه طيب ياعمود الأشاره تراي عمك احترميني
ساره وهي تصب الشاهي-طيب طيب خلاص اشوف.
حمدان وهو يمسك الكاسه-شوف الي تصرف..المهم ترى صار لك اسبوع ماسويتي لي
حلا ولا كيك ولا من هالبقايط(الحلويات الي مايعرفها)الي تسوينها..
ساره بفجعه-ياكذاب قبل يومين مو مسويه لك حلا سمسم..
حمدان-هذاك الي قد يدي..اها احسب انه خبز وحاطه عليه سمسم(كتم ضحكته على
شكل ساره المنصدم)تراي اقوله صادق..
ساره منصدمه-الله يعين مرتك عليك..الحين الخبز الي على قولتك حاطه عليه قشطه
وجبن كيري وعسل وانت تقول خبز..
حمدان-ههههههههههههههههههههههههههههههههههههه وانا وش يعرفني بخرابيطك
المهم سوي لي بكره شيء ابرد به قلبي الي احتر من الشغل..
ساره وهي تتذكر-ايه على الطاري وش صار على الترقيه؟؟
حمدان وهو ينزل كاسه الشاهي على المركى-الى الان ماصار شيء بس ننتظر ونشوف
(وهو يتذكر)الا انتي ماعندك بكره جامعه وراك ماتروحين تنامين..
ساره ارتفع ضغطها من ذكر الجامعه-اوووووف ياربي لا بكره ماعلي شيء بغيب
حمدان بنص عين-عيني بعينك ياسوير اعرفك تسذوب على قوله امي..
ساره بضحكه-هههههههههههههههههههههههههههه وربي ماعندي وربي هاه حلفت.
في الحوش عند الجده الي كان قدامها سفره عليها فطور شعبي مسويته هي
بأيدها مثل قرصان وخبز بيدام سمن ومراصيع وشاهي وقهوه وحليب بزنجبيل..
الجده وهي تمتم بأذكار الصباح-اصبحنا واصبح الملك لله..لا إله الا الله…
حمدان طلع للحوش وجلس عن امه بعد ماصبح عليها-كيف اصبحتي يمه؟؟
الجده وهي ترشف من القهوه- بخير ونعمه كيف اصبحت انت؟؟؟
حمدان وهو يصب لنفسه قهوه- الحمد لله على فضله..
بعد صمت دقائق..
حمدان-يمه ساره وينها ماشفتها من بعد الفجر؟؟
الجده بهدوء وهي تأكل-قومتها تصلي بعدها راحت ترقد..
حمدان بتوتر-يمه,ساره تتعب من كلامك شوي شوي عليها امس بكت وقطعت قلبي..
الجده بذات الهدوء-شايفني اطقها واظلمها(التفتت لحمدان)انا عارفه انها
تبغى قرب امها وابوها والي تبغاه ماهوب عندي وانا كلامي على شأن اسنعها
قبل تروح للرجال وتفضحنا عنده..
حمدان ابتسم من تفكير امه-يمه الله يهداك ساره سنعه ومافي منها وهي خبز
يدك بس هي تراها تتحسس وهي تشوف البنات مع امهاتهم وخواتهم يعنــ..
الجده بمقاطعه-مانيب عايده لك كلامي مره ثانيه هي تبغى امها وابوها
وانا ماهوب عندي الي تبيه..
حمدان سكت لأن الظاهر كلامه مع امه مافي اي فائده وندم على انه كلمها
بالوقت هذا لأنه وقت فطور ووقت فجر بس وش يسوي ساره مقطعه قلبه ومحزنه
وضعها وحالها..
.
.
.
.
.
.
.
.
في بيت ابو فهد(عذرا في البارت الماضي قلت ان اسم ابو ساره فهد وهو اسمه
اساسا محمد وابنه اسمه فهد)
على طاوله الفطور الكبيره والفخمه والمليانه باصناف كثيره وطاوله تشهي
الي ماله نفس يأكل…
ابوفهد-اسمعي يارزنه اليوم ابيك تجهزين نفسك والعيال وتأخذون معاكم
حلويات واي شيء بنروح لأمي..بعد المغرب وبنتعشى هناك..
ام فهد بقهر-ايه بس اليوم بروح للعنود من زمان مارحت لها وانا لازم اروح
لها..
ابو فهد- يوم ثاني ان شاء الله تدرين صار لي عن امي شهر وانتي والعيال شهرين
ويمكن اكثر عيب مايصير لازم نروح لها..
ام فهد وهي منقهره(مالت عليك اجل صار لك شهر ما رحت لها مالت ثم مالت)
رنيم بدلع- بابا ابي اشتري لي فستان صار لي اسبوع ما رحت للسوق.
ابو فهد وقف- ياعيون بابا انتي روحي للسوق مع امك بعد العصر واشتري الي
تبينه واشتروا حلويات لجدتكم وساره يلا انا ماشي للشغل.
فهد لحقه- بابا بابا بابا ابيـــ ولحقه لحد السياره وظل يطلب ويطلب…
في غرفه الأكل….
رنيم- ماما ماما مااااااااااما..
ام فهد بعصبيه- ووجع وش تبين انتي اقلقتيني…
رنيم بغرور-يمه من جدك بتروحين لجدتي؟؟؟ وع قرف قرف دايم اشم من رأسها
ريحه حنا والا ساره وع ملابسها كلش مو حلوه..
ام فهد بغرور اكثر- اناداريه بتعلميني انتي…وابوك يبيني اجيب لهم حلويات
هم حدهم مطازيز ومرقوق…المهم ماعلينا روحي لمدرستك اخرتي السواق…ابي
اروح للسوق بأخذ لي شويه اغراض منه…
رنيم وهي تبوس امها-طيب ماما انا رائحه يلا تشااااااااو…
ام فهد بصوت عالي-فهوووود خليه يروح معاك لا يغيب….
.
.
ابو فهد(طلق ام ساره بعدها تزوج رزنه انسان يعشق الفلوس عشق..ويحب يدلع
عياله ماعدا ساره بحكم ان امها تزوجت غيره..مستواه المادي اعلى من المتوسط
ولايصل للغني الغني)
ام فهد(رزنه انسانه حقوده مهتمه بمظهرها وبمظهر عيالها..مثل زوجها تعشق
الفلوس عشق…تحاول تتمصلح مع سيدات الأعمال على شأن زوجها..تكره اهل زوجها
كره العمى)
فهد(انسان مستهتر وعايش على دلع امه وابوه..ونفس الوقت حساس جدا اي
كلمه تجرحه..يدرس بأولى ثانوي وعنده سياره فخمه اخر موديل..على اساس اذا
تعلم السواقه تكون موجوده عنده)
رنيم(تدرس بثاني متوسط..انسانه مغروره ومتكبره جدا عكس اخوها مافي
للمشاعر مكان عندها..تهمها المظاهر وماتمشي بالمدرسه مع اي بنت..لازم
بنت وغنيه بعد على شأن تشبك معها لصالح ابوها)
.
.
.
.
.
.
.
.
نهايه البارت الأول..بأذن الله اذا وجدت تفاعل منكم سأكمل.
رأيت ان البارت الأول لم يكن فيه من الحماس والأثاره ليجعلكم تقرأونه..لذا بأذن الله تعالى سأقوم بتنزيل
البارتات الثاني والثالث والرابع وكل بارت مقسم الى اربع اجزاء وسأعمل على ان يكون فيه من الأثاره والحماس ومايصل الى
ذائقتكم
….
……..
في المجلس الخارجي-الرجال-بعد المغرب
ابو فهد-الحين انت ماعندك اخو تسأل عنه وتزوره وتشوف احواله..
حمدان-العذر والسموحه ياابو فهد بس تعرف استلاماتي كثيره هالأيام خصوصا
اني على وجه ترقيه.
ابو فهد من سمع ترقيه يعني فيه راتب اكبر نط عنده-كم بيعطونك؟؟
حمدان التفت لباب المجلس بنص ابتسامه-ليه السؤال ياابو فهد؟؟
ابو فهد يتمصلح-تعرف اخوك مقبل على مشروع كبير وبيدر عليه فلوس كثيره
وخير وانا من لي غيرك ياعزوتي؟؟
حمدان بضحكه-هههههههههههههههههه ايه عزوتك..ماعلينا من هالكلام صار لك
نص ساعه من جيت ماسلمت على بنتك.
ابو فهد عصب من طاري بنته وان حمدان غير السالفه-الحين من المفروض يسلم
انا ولا هي تجي تسلم علي؟؟
حمدان بضحكه عاليه-ههههههههههههههههههههههههههه صادق مالها حق ماسلمت عليك
(وقف)بروح اناديها لك..وطلع
ابو فهد عصب من طريقه حمدان(هين ياحمدانوه والله لأوريك هالبيت بيصير ملكي انا
وراتبك ملكي هين يالبزر بتشوف وش اسوي(وتذكر ساره)وهالحيوانه هاذي وش
اسوي فيها لازم الصقها بواحد يفكني منها..وراك مشوار طويل ياابو فهد لازم
تشيل هالهمج عن طريقك على شأن تمشي صح)…
-السلام عليكم..
ابو فهد رفع رأسه-هلا وعليكم السلام هلا بخالد وينك يارجال مانشوفك
سلموا على بعض..
ابو ماهر بابتسامه واسعه-العذر والسموحه يابو فهد اشغلتنا الدنيا عنك
الله لايشغلنا الا بطاعته علومك ياعساك الجنه..
ابو فهد عصب-كأنك تدعي علي بالموت؟؟
ابو ماهر مستغرب مع ضحكه-وش فيك ياابو فهد ادعي لك بالجنه..كلنا بنموت
ابو فهد بعصبيه اكبر قام يصرف-هالحماره هذي وين راحت ماجت تسلم علي..صدق
انها ماتستحي اربي كأني مااربي..
ابو ماهر حط يده على فخذ ابو فهد-اذ كر الله ياابن الحلال وش فيك..انت تعبان
ابو فهد بعصبيه-انت شكلك بتجنني اليوم مره تدعي علي بالموت ومره تقول عني
مرضان..
ابو ماهر سكت مستغرب من اخوه…
ابو فهد ظل يهز رجليه بعصبيه..
-السلام عليكم..
ابو فهد نقز واقف بعصبيه-عساك للمرض الي يشيلك انا صار لي ساعه جاي
ولا كلفتي على عمرك تجين تسلمين علي.
ساره هزتها الدعوه-كنن ننت مـم مـ شغوله بالمطط طبخ.
ابو فهدانجن من العصبيه-بتعلميني انك ذربه سنعه مالت عليك بس انقلعي سلمي
على عمك خالد..
ابو ماهر مشى لعند ساره المتجمده من كلام ابوها والدموع بوسط عينها-وش
اخبارك ياروح عمك..
ساره بصوت مرتجف-بب بـ بخيرر..
ابو ماهر حضنها وحبها على رأسها-تعالي ابيك بالحوش بقولك شيء..(مسك يدها
وطلع للحوش)
حمدان كان طل الوقت واقف ومتكتف وساند جسمه على الباب ويطالع باابو فهد-
ماتخاف ربك فيها..وهي تبكي عليك وعلى امها..يارجال ربك بيحاسبك على فعلتك
فيها..
ابو فهد كان مرتكي على الكنبه ويتقهوى بعد ماشفى غليله بساره-وانت وش عليك
(اخذ من الحلا)امش تعال اكل من هالحلا الي جايبته ام فهد لكم..وخل ساره
تنطق واولا واخرا تراها بنت يعني ماعليك منها..
حمدان نط واقف عنده بعصبيه-واذا بنت ماعندها مشاعر واحاسيس مالها حقوق عندك
يامحمد خاف ربك فيها ترى ربك بيبلاك..خاف ربك..
ابو فهد من دون نفس-اقول انقلع خل سوير تحط العشاء برجع للبيت سديتوا
نفسي المفروض اني ماجيت هنا..
حمدان بسخريه-انقلع هاه انقلع..طيب على راحتك بنجيب العشاء لك.. وطلع
رجع ابو ماهر بعد ماطيب خاطر ساره بكلمتين..دخل الملحق وسكر الباب-ليه تسوي
كذا فيها وفحمدان؟؟
ابو فهد-ابو ماهر اقول انت العاقل والراكد الحين هذولا بزران وش عليك
منهم..لازم تهاوشهم على شأن يعقلون ويركدون ويصيرون مثلي ومثلك
ابو ماهر بابتسامه صافيه-اي بزران الله يهديك ساره صارت عروس وحمدان رجال
وعاقل وراكد والمفروض تعاملهم تعامل كبار..
ابو فهد بابتسامه-وصلت للي ابيه…ساره صارت عروس,,
ابو ماهر شك فيه-وش تقصد؟؟؟.
.
.
.
.
.
.
في مجلس الحريم..
رنيم بدلع-تصدقين بابي هو بنفسه قال لي رنومه روحي للسوق واشتري الي
تبينه ولا تخلين بخاطرك شيء عاد انا حاولت فيه اقوله يبه مابي شيء بس
اصر وقال لي لازم تروحين للسوق ابيك نفس الأميره واحسن…
ساره وهي الى الان حز بخاطرها الموقف الي قبل شوي-اها حلو طيب..ماودك تتعشين
الحريم تعشوا..
رنيم كشرت بقرف-لا مستحيل انا ماأكل من هالأكل؟؟بعدين انا مسويه دايت..
ساره بسرحان-اها طيب على راحتك انا بروح للمطبخ وانتي طالعي بالتلفزيون
على ماأجي..
رنيم وهي تقلب بالقنوات بغرور-طيب ماعندكم قناه افلام اواغاني؟؟
ساره وهي ماشيه للمطبخ-لا ماعندنا هالقنوات..
رنيم عصبت منها-اوف قرف قرررررف ياربي متى رح نمشي..
.
.
.
.
.
بالمطبخ…عند عيون الفرن..
ساره تنظف الفرن وهي متضايقه وعيونها مليانه دموع(انا متعوده على ابوي وكلامه
لكن مو قدام عمي خالد مو قدامه(نزلت دموعها)ياربي تفشلت منه)
قطع سرحانه يدين حضنت كتفها-وش تسوي الحلوه؟؟
لفت ساره وعيونها مليانه دموع-هلا منيره..
منيره(ام ماهر)بخوف-ساره وش فيك؟؟تعبانه؟؟
ساره ماقدرت تتكلم من البكاء..
منيره حضنتها بخوف- ساره حبيبتي وش فيك تكلمي..
.
.
.
.
.
.
.
.
نهايه البارت الثاني-الجزء الأول
في المطبخ..
ام ماهر بحنان-يلا امسحي دموعك خلاص انسي ياقلبي وماعليك من احد..
ساره وهي تمسح دموعها-طط طـ يب خلاااصـ ص..
ام ماهر وهي تمسح دموع ساره-ماكنتي كذا ياساره كنتي قويه وش الي غيرك؟؟
ساره تحاول تهدأ-لأن نن عمي خالد موجـ ود واستحيت من نـه..
ام ماهر بضحكه وهي تحضنها- ياقلبي لا تستحين منه ولا شيء هذا عمك المفروض
ماتستحين منه..
ساره-وش اسوي اثرت فيني دعوه ابوي(عيونها امتلت دموع)
ام ماهر- لا لا لا بلاش دموع خلاص امسحيها(بحنان اكبر)خلاص ياساره لاتبكين انسي
الي صار..(تبي تغير السالفه)شفتي عمتي(الجده)تطالع فيك بنظرات صاروخيه
لأنك ماتعشيتي تحسب انك بتسوين دايت مثل رنيم..هههههههههههههههه
ساره بضحكه والدموع بعيونها-ههههههههههههه لازم اروح اكل ولاتسوي فيني شيء..
ام ماهر بضحكه-يلا يلا خلينا نروح نأكل قبل التوأم يزعجوني..
.
.
.
.
.
.بمجلس الحريم..
على السفره..
ام فهد وهي تسوي نفسها مو متعوده على جلسه الأرض-وش فيك ماتعشيتي؟؟؟
ساره بقهر من سواه ابوها قبل شوي-تحقيق هو؟؟؟مو امي ولا ابوي على شأن تسأليني..
ام فهد بقهر منها-معليش مو امك ولا ابوك بس تراني زوجه ابوك احترميني على الأقل..
ساره وهي مستانسه انها قهرتها-الي مايحترمني مااحترمه(واشرت لها باستصغار)خصوصا انتي..
ام فهد شطشطت من القهر-تشوفين ياعمه بنت ولدك وش تقول..خليها تحترمني انا
بمثابه امها..
ساره سوت نفسها منصدمه-انتي امي..مستحيييييل تصيرين امي..(مدت يدها تأكل)
رجاء خلينا نتعشى برواقه..
ام ماهر جالسه بجنبها نغزتها وبهمس-انتبهي تراها بتقوم عليك شوفي عيونها
كأنها نيران..
ساره بضحكه عالييه-هههههههههههههههههههههههههههههههههه مره ضحكتيني يامنوره
ام فهد بعصبيه-احترمي مره عمك وش منوره..والاهي ماتحترمك…
ساره بضحكه وهي تحضن ام ماهر وتبوسها بقوه-اختي وبدلعها ياأم فهد مابي
اكبرها واقولها ام ماهر.(باستها مره ثانيه على شأن تقهرها)
رنيم(هين ياسوير ان ماوريتك شغلك مااكون رنوم صبرك علي بس انتي تكلمين امي
كذا وتستغرينها هييييين هييين)
.
.
.
.
.
.
.
.
.
طول هالوقت والجده ساكته وساكنه وكلامها قليل…على شأن ابو فهد
سلم عليها وجلس معاها خمس دقائق ورجع للمجلس عند حمدان(اه يامحمد
الحين قليبي متوله على شوفتك شهر وانا ماشفتك وماتبى تجلس معاي
ياحر تسبدتس ياشيخه ياحر تسبدتس ولدتس مايبي يشوفتس ولا يدانيتس)
ام ماهر باستغراب ويدها على رجل الجده-عمه..عمه وش فيك؟؟؟
الجده انتبهت- وش تبغين يامنيره؟؟
ام ماهر بابتسامه-ام فهد راحت وخالد بيجلس عندك..
الجده-راحوا متى راحوا؟؟
ام ماهر باستغراب-قبل عشر دقائق..ام فهد سلمت عليك ماشفتيها؟؟
الجده وخاطرها تكدر-لا لا ماشفتها خلي خالد يجيني بجلس معه؟؟
ام ماهر-ابشري الحين بناديه لك.
.
.
.
.
.
.
.
الجده وهي ترشف من القهوه-ولا يكون بتبيعها؟؟
ابو ماهر-الشور شورتس يمه الي تبينه بسويه..
الجده-جعل عيني ماتبتسيك..ان كانها بتجيب سعر طيب وبينفع ويسد حاجتك بعها
كود انها تنفعك دريهماتها..
حمدان-طيب وراك ماتعرضها شهر بالمعارض ان جابت لك سعر بعها ولاتعرضها على
زملائك مارح يعطونك سعر طيب ترى حالهم من حالك وما رح يعطونك سعر كبير..
واستمر الحديث بينهم عن سياره خالد الي بيبعها..
.
.
.
.
.
.
بغرفه ساره..
ساره-وليه طلبت الطلاق كان جلست معه دام انه يبيها؟؟
ام ماهر تقشم حب-علمي علمك هو بينهم شيء اكبر من كذا لكن ماعلموا فيه
الناس..(لفت بسرعه لساره)انتبهي ياساره ترى هو ولد خال ابوك..يعني يمكن
يجي لأبوك ويخطبك يبي وحده قريبه منه..
ساره برعب-يمه يامنيره لاتخرعيني تكفين..وش يبي فيني؟؟؟
ام ماهر-انتي بس اذا صار شيء ارفضي وش تبين بواحد يبي طليقته..وانا اذا سمعت
شيء بقولك..
ساره وهي خائفه-تراك ارعبتيني يعني هو مرعب وخواته وامه قشر..
ام ماهر-وش عليك منهم اهم شيء ارفضي لاتقبلين فيه..
ساره بانتباه-مادري بس احس من كلامك انك عارفه شيء(بنظرات شك)منيره
انتي تعرفين شيء ومخبيته عني؟؟؟
منيره بتردد واضح-وش اخبي عنك..لا ماعرف شيء بس اذا عرفت شيء بقولك..
ساره تأكدت ان فيه شيء اكيد-تكلمي تكلمي خلاص كشفتك مافيها كلام يلا بسرعه.
ام ماهر قامت تصرف-يوه منك اقول لك ماعرف شيء(قامت تشيل ماهر وجواهر)قومي
شيلي معاي التوأم ثقيلين علي..بنزلهم تحت.
ساره اخذت ماهر وهي تطالع منيره بنظرات-بكره انا مسنتره عندك لحد ماتعلميني
ومن بعد العصر وانا عندك(ومشت وتركتها مع جواهر)
ام ماهر(يامصيبه لو درت..بتأكلني..خليني امشي بس)وطلعت من الغرفه..
.
.
.
.
.
.
.
.
نهايه الجزء الثاني-البارت الثاني
بعد العصر..بيت ابو خالد
الجده-وراه طلقها..عيال هالأيام الطلاق عندهم مثل شرب الماء
مايخافون ربهم بالبنات؟؟
ام ماهر بتوتر من نظرات ساره-والله مادري ياعمه انا كنت اكلم حصه اختي
وعلمتني عن طلاقهم..
الجده وهي تأكل من التمر-ورى مزنه ماعلمتنا عن طلاق اختها..حنا امس
قدامها ولا علمتنا..قطع هالوجه الشين ماتبي تعلمنا..
ام ماهر بضحكه-ههههههههههههههه ياعمه شكلها مادرت عن طلاقها..ليه ماتتصلين
على ام اسامه وتسألينها؟؟
الجده استانست من الفكره-ايه صادزه..عطيني الجوال واتصلي لي على
ام اسامه ياساره..
ساره وهي تفتح شنطه الجده الصغيره-طيب ابشري ياجده(مرت دقيقه)تفضلي ياجده..
.
.
.
.
.
الجده-الو سلام عليكم
ام اسامه بنفس مسدوده-هلا وعليكم السلام..
الجده-وش علومتس ياأم اسامه وشلونتس وشلون العيال وشلون ابو اسامه
ام اسامه-شوي شوي علي بسم الله اكلتينا حنا بخير والحمدلله.
الجده انقهرت منها وطنشت كلامها الأخير-سمعنا ان مره ولدتس طلقت هو صحيح
ولا الناس تسذب؟؟
اام اسامه منقهره منها- ايه طلقها اسامه وش عندك؟؟؟؟؟؟
الجده-ههههههههههههه لا ولا شيء بس بتطمن على ولدي اسامه انه طلق هالعقيرب
مع انه مايجيني بس وش اسوي ولد اخوي واعزه واغليه.
ام اسامه بقهر-بغيتي شيء ثاني؟؟
الجده-زين عرفتي السنع ياام اسامه..لا مابغى شيء تيسري وقفلت الخط بوجهها..
.
.
.
.
.
ام ماهر وساره-ههههههههههههههههههههههههههههههههههههههههههههه.
ام ماهر-اوجعتيها بكلامك ياعمه..
ساره وهي ميته ضحك-ههههههههههههههههههههههههههههه جده ترى جد مصختيها معها
الجده نقزت بعصاها لساره-انا بنت ابوي بنته(كبست بالعصى على رجل ساره)
ساره نقزت بقوه واقفه-جددددددددددددددددده حرام ترى مرتين ضربتني هنا
ام ماهر-ههههههههههههههههههههههههههههههههههههههههههههه احس بطني بينفجر
من الضحك ههههههههههههههههههههههههههههههههههه.
الجده بنظرات لأم ماهر- انتي ماحملتي يامنيره؟؟؟؟
ام ماهر بارتباك-هاه وش..لا لا مادري اقصد لا.
ساره-هههههههههههههههههههههههههههههههههههههههههههه تستاهلين احسن مستانسه
تضحكين علي.
ام ماهر تصرف-ايه ياعمه وش تبين على العشاء تبين رز ولا شوربه ولا مكرونه.
الجده تطالع بساره-انقزي لعيال عمتس اجلسي عندهم ابي مره عمتس شوي.
ساره وهي تمشي-هههههههههههههههههههههههههههه الله يعينك يامنيره ههههههههههههههه
.
.
.
.
.
.
.
.
الساعه 12:30 الليل -سياره حمدان
الجده-هاه يابوي وشلون شغلك لاتعبت؟؟
حمدان وهو يسوق-لاندمتي يمه..والله يعني ماهوب مره ..
ساره رزت وجهها بين الجده وحمدان-حمدانو تكفى مر على محل مكسرات وجيب لنا مكسرات
الجده وهي ترفع عصاها-اها بس انزلعي وراتس المحلات مقفله وعمتس تعيبان بيمرح
حمدان بضحكه-ههههههههههههههههههههه لا يمه عادي بجيب لها الي تبي.
ساره وهي تنط على عمها وتبوسه-يالبييييييييييييييييه بس عسى ربي
مايحرمني منك.
الجده بعصبيه-انا الحين مااقولتس تنزلعين ورى الخلا يابنت…
ساره بضحكه-ههههههههههههههههههههههههههههههههههه اوك اوك.
حمدان نزل من السياره وهو يضحك-انتبهي ياسوير لاترميك مع الباب خليك عاقله.
ساره بضحكه-هههههههههههههههههههههه تيب تيب.
بعد ماراح حمدان لفت الجده-اها بس لاتصيرين لي مثل رينيم(تنطقها كذا)..
ساره بضحكه عاليه-ههههههههههههههههههههههههههههههههههههههه جده مو كذا
اسمها رنيم مو(تقلد صوتها)رينيم ههههههههههههههههههه احم احم من زينها
على شأن اقلدها..
الجده-ابلعي لسانتس ولاتفضحينا بخلق الله..
ساره بضحكه مكتومه- تيب تيب.
الجده طالعتها بنظرات ناريه-اذا وصلنا للبيت تروحين تمرحين مابه سهر تفهمين؟؟
ساره وهي ماسكه نفسها عن الضحك-طيب خلاص ابشري..
.
.
.
.
.
.
.
.
.
.
الساعه2:30 -بغرفه ساره
ساره وهي مبحره بأفكارها(يعني اسامه يبي يخطبني..وامه تبي تزوجه بأقرب وقت
على شأن الناس مايتكلمون فيه,طيب الرجال مايعيبه شيء ليه تبي تزوجه وتدبسه فيني..ماعلي
من هالكلام كله..اهم شيء اني مارح اتزوجه لو ايش مايصير..مستحيل اتزوجه
(تنهدت بقوه)اقوم انام ابرك لي بكره وراي جامعه)….
.
.
.
.
.
.
.
الجزء الثالث-البارت الثاني
بعد الفجر-في الصاله..
الجده وهي ترتشف القهوه مع التمر-ومتى تخلص دراستس يمي هالدراسه ماوراها
الا القلق..
ساره بملل-جده باقي لي ترمين واخلص وبعدين وش هالكلام ياجده..الدراسه بتنفعني
وما رح احد ينفعني غيرها بعد الله..
الجده وهي تلتفت بقوه-الله من الخرابيط ياخبز يدي..ماحد بنافعتس غير رجل
يكون عزوه لتس..
تمتمت ساره بكلمات غير واضحه الي عصبت الجده اكثر-اهرجي هرج واضح على شأن اسمعتس
يامال رجل يقبضتس قبض..
ساره وهي تنقز-انا بروح البس عبايتي الباص بيجي الحين..وراحت فوق تلبس عبايتها.
الجده وهي تطالع ساره بعد ماراحت فوق(ايه هين ياساره بتشوفين وش بسوي).
.
.
.
.
.
نزلت ساره وهي لابسه عبايتها ونقابها ومعها شنطتها..
ساره-جده اليوم برجع 1:20 بتأخر..
الجده باستغراب-وراه يادافع البلا ماهوب كل يوم ترجعين 12:30؟؟؟
ساره-اليوم عندي اختبارات ومحاضرات كثيره..طلعت وهي تأشر لجدتها بيدها يلا سلام
جده الباص جاء..
الجده(الله يزين حالتس ياساره الله يزين حالتس كانتس مقطعه قلبي..الله يهديك
يافهد وتلتفت لهالضعيفه..(تنهدت بضيق)الله يهديك)…
.
.
.
.
.
.
.
بغرفه حمدان..
حمدان بعصبيه-السالفه ماهي على كيفك يافهد الظاهر ان البنت لها رأي
هي الي بتتزوج مو انت و..
فهد بمقاطعه-انا ماكلمتك اشاورك انا كلمتك على اساس بجيكم اليوم وبكلم
ساره بالموضوع واعلمها عن موعد ملكتها..
حمدان انفجر بعصبيه-قلت لك ماهو على كيف…طوط طوط طوط طوط(طالع بالجوال)
حسب الله ونعم الوكيل..يارب صبرك..هالضعيفه وش بيصير فيها..
.
.
.
.
.
.
فهد جالس في مكتبه بشركته الصغيره وطرف الجوال على فمه(ساره وبتروح من
طريقي بالغصب ولا بالطيب انا ماصدقت احد يخطبها ويفكني منها واسامه رجال
مايعيبه شيء(وبابتسامه خبث)وفوق كذا قرنقش وساره وبتورثه..
هههههههههههههههههههههههههههههههههههههههههههههههههه هههه والله وانفتحت
الدنيا بوجهك يافهد)..
.
.
.
.
.
.
بغرفته الكئيبه المظلمه..
اسامه كان منسدح على سريره ويسترجع ذكريات العنود الحلوه والمره..
(اخ يالعنود الدنيا من بعدك ماتسوى شيء..ماتسوى شيء..ياليتك جلستي..
رح اعيشك بنعيم اكثر من الي انتي كنتي عائشه فيه..قطع تفكيره دق الباب..
-تفضل..
طلت احلام من ورى الباب-هاه كيفك اليوم..
اسامه قام من على السرير وراح للتسريحه-شايفتني تعبان على شأن تسأليني؟
احلام وهي تفرك يدينها وواقفه بجنب التسريحه-لا بس اسأل..(طالعت فيه بنظره)
من بعد طلاق العنود وانت مو عاجبني..
اسامه لف عليها وهو رافع حاجب وببرود-وانتي وش عليك اتوقع انه شيء يخصني..
احلام بعصبيه-وشلون مالي دخل انت اخوي واخاف عليك وبعدين ماتنلام العنود مافي
منها جمال دلال واخلاق..وانت العوج يوم انك تطلقها..
اسامه بعصبيه-البنت راحت بخيرها وشرها وهي الي ماتبيني(وطالع لها بنظرات
ناريه)واللي مايبيني مابيه..حتى لوكان الثمن هذا(واشر بقوه على قلبه)اهم
شيء كرامتي ياأحلام(اخذ نفس طويل)اطلعي برا مابي اشوف احد.
طلعت احلام وهي تتكلم بصوت عالي وعصبيه-مالت عليك وعلى قلبك فيه احد يعيف
العنود مالت عليك بس..
.
.
.
.
.
.
بالصاله الداخليه الفخمه..
كانت ام اسامه جالسه بالصاله بتوتر تنتظر احلام(نقزت لما شافت احلام)
-هاه وش قال لك..
احلام بعصبيه-ولدك هذا استخف وانجن تخيلي يمه يطردني انا..مالت عليه بس
(وتكتفت بعصبيه).
ام اسامه بعصبيه-ماعلي منك انتي..قلتي له عن نيه ابوه بخطبته للعقرب
سوير..ابيه يقول لأبوه انه مايبيها..
احلام-اقولك يمه طردني..اكلني بقشوري ماخلاني اتكلم بحرف..اووووووووووف
انا رايحه لغرفتي قولي له انتي بيسمع منك..وراحت تاركه امها بقهر على
حال ولدها..تشتت نظرها بأنحاء الصاله وطاحت عينها على التلفون وركضت له..
.
.
.
.
.
-الو السلام عليكم..
ام خالد(ام العنود ومزنه)-هلا وعليكم السلام..حي الله ام اسامه..
-ام اسامه بتوتر-الله يحيك ويبقيك(وبعد السؤال عن الأخبار)ماعليك امر يأم خالد
ابي اكلم العنود ..
ام خالد بحزن-ابشري يأم اسامه..بس ترى الي صار مايفرق بيننا…..
ام اسامه بمقاطعه-اكيد اكيد ياأم خالد.
ام خالد-دقيقه يالغاليه وتكلمك.
.
.
.
.بصوت ناعم-الو
ام اسامه بلهفه- العنود ياقلبي.
العنود بتصنع للشوق-هلا خالتي وش اخبارك وحشتيني كثيير..
ام اسامه-وانتي اكثر ياقلبي كيفك ..
العنودوهي تتصنع البكاء-مو بخير دام اني بعيد عنكم..
ام اسامه-ياقلبي انتي واحنا مو بخير دامك مو معانا..(بدون مقدمات)ارجعي
لأسامه يالعنود الولد مقطع نفسه عليك.
العنود(طحت وماحد سمى عليك ياأسامه)بتصنع الحزن-ودي ياخاله بس اسامه
رافض طلباتي..انتي قلتي لي من حقك فله وسواق وسياره وخدامه وهو ماوفر
لي الا الخدامه(وبتصنع بكاء)يرضيك ياخاله يرضيك..
ام اسامه برجاء-مايرضيني والله مايرضيني بس انتي ارجعي وبخليه يسوي الي تبينه
انتي ارجعي بس…
العنود بخبث-طيب بس اول ينفذ طلباتي..
ام اسامه بلهفه-ايه خلاااا..
-ومين قال اني راضي على رجعتها؟؟؟
.
.
.
.
.
.
.
.
.
.الجزء الرابع-البارت الثاني..