,
’
بسم الله الرحمن الرحيم
سمعيني كويتيه وخليجيه وعربيه شوفي طريقتي الخاااصه والخطيره للتنظيف والتسنفر والتفرك والنظااافه
اول شي غسلي شعرك عادي ولفيه
المرحلة الاولى
صابونة الغار والليفه الطبيعية ( للنظافة العميييقه)وبعدين اخذي صابونة الغار تلاقونها بالجمعيات + الليفه الطبيعيه اللي بالحواي ( العطار)
ونقعيها في طشت صغير وماي حار ورغي الصابونه بالليفه وماي دافي فركي جسمك كله عدل مدل تفريك حلو ومحترم بس عاد مو تسحكينه تسحك في فرق بين التسحك والتفرك التفرك يكون الماي دااافي والصابون وااايد والتسحك الماي بارد والصابون مايرغي عرفتوا قصدي
بنات ترا هالطريقة تستاهل موضوع كااامل فيها لانها تنظف بشكل ووواااايد حلو
==================================
المرحلة الثانية
صابونة البابايا( للتبييض والتقشير)
اخذي صابونه البابايا وفركي فيها جسمك كله مع الوجه لحد ماتتكون رغوة ناشفه بيضه تصير مثل الطبقه البيضه
كنها كريم ناشف وخليها كم دقيقه على بشرتك يعني 3 او 4 دقايق وبعدين غسلي جسمكوطبعاً صابونة البابايا ما تخفى عليكم تبييض ملحوووظ للجسم والوجه
=================================المرحلة الثالثة
سنفرة المشمش( نظااافة وتقشير وازالة الجلد الميت)
بعد ما تغلسين جسمك من البابايا وجسمك رطب مسحي جسمك بسرعه باييدك من الماي بس بايدك وبعدين فركي سنفرة المشمش على جسمك كااامل و خليها دقيقه وبعدين ييبي الليفه المغربية السودة وخصصيها للسنفره بس وفركي فيها جسمك واهو عليه السنفره فركيه بالليفه
وبعدين غسلي جسمكهالطريقة عجيبه تحسين بنظافه ما حصلتشي وتحسين الجلد نظيييف
=================================المرحلة الرابعة
سنفرة العروسة ( تبيــــــض)والحين بعد ما خلصنا من سنفرة المشمش اخذي الفوطه ونشفي جسمك عالسريع يعني موتنشيف كامل عالخفيف وحطي كريم العروسه على جسمجك كااامل وخليه من 4 الى 5 دقايق وبعدين غسليه
وشوفي البيااض
================================المرحلة الخامسة
الصابون المغربي (تبييض ونظافه)
والحين اخذي الصابون المغربي ومسحي فيه جسمك كله ودلكيه عالجسم عالخفيف وخليه دقايق وغسليه ( وهالطريقه مو حمام مغربي لا بس صابون مغربي بدون ليفه وتفريك )طبعا يبيض وينظف عدل
=================
المرحلة السادسه ( مومهمه الا للمتزوجات )
شور جل عالسريع يعني على الصدر والرقبه والايدين لان بعضهم ما يحبون تبقى فيهم ريحة أي صابون غير الصابون المعطر واستخدمي نوع خفيف مثل اللي للطفال انا شخصيا احاول اني ما استخدم هالمرحله لاني بتعطر بعدينوالحين نجي لمرحلة التنشيف والنعومه واللبس والتعطير
نشفي جسمجك عدل مدل وحطي مسك العروس في اماكن النبض عندك مثل ورا الاذن على الرسغ وعالرقبه اشويه خفيف لانك توك متفركه وما تحتاجين عطور وايد والجلد نظيييف وخفيف وعطي ديودرنت وبسسسس
وبعدين اخذي كريم جولسليد او اتركس او جلسرين ودهني فيه ركبج وكوعج والارداف والايدين والرجول وابتعدي عن كريمات اللي تكون معطره
ولبسي ملابسكوعطريهم وتبخري ومشطي شعرج وبخريه
الااااااااااااااااااه
شوفي اشلون النظافه والنعومه
انا شخصياً احسن اني خفيفه ونظيفه وملابسي تتزحلق على من النظافه والنعومه
انا ما ابي اقولكم كم مره اسوي هالخطوات بالاسبوع اخاف تقولون مزيونه وشقره ما تطلع من الحمام خخخخخخخخخ او فيها هوووس نظافه مو طبيعي خلوني ساتره على نفسي احسن
انتوا سووها مره بالأسبوع عالاقل ولاتقولين لا مالي خلق ويبيلها طولة بال ووقت والا برد بالعكس سويها مره وحده وغصبي نفسك مره ثانيه بتلاقين الاستحمام ممتع وناسه وما تقدرين تستغنين عن هالطريقه
انطر رايكم وتجاربكم وردودكم
وما أبي غير دعواتكم لي
,’
انا تقريبا نفس الطريقه بس مو مره
بالنسبه للصنفره اللي بالمشمش مررره روعه
وانا راح اضيف لك
ملح الحليب اليوكو واو روعه يعطيكي نعووومه نعووومه متتصورينها
ع العموم يسلمو حبوبه ع الطريقه وان شاء الله راح استخدمها
ويسعدني ان اكون اول رد
ودي
.,’!&*
لكِ وديِ
يعطيك الف عافيه
تحياتي
تسلم ايدك بالتوفيق يالغلا
يسلموووووووو ياقلبي
ربي يعطيك الف عافيه
خطواتك مررررتبه واهم شي عندي الترتيب عشان مااخبص
عساك ع القوه
وربي يحقق مرادك
يستحق التقييم
..