السلام عليكم ورحمة الله وبركاته …
يغنيك عن كثر الحكي مجمـل ابيـات
ومن ياخذ المضمـون يلقـى الادلـه
تدري وش اللي يقتل الحـب بسكـات
لاصرت فـي بوحـك تحـس بمذلـه
وتدري وش اللي يكسر الظهر حزات
لامن عطيت احسـاس ماهـو محلـه
وتدري متى تستاهل الطعـن مـرات
لا من خطيت الـدرب وانتـه تدلـه
لا تتبع المقفـي علـى كـل حـالات
بعض الوجيـه اللـي تقابلـك علـه
ولا تسال الغالي عن الجرح لا فـات
نبـش الحكـي يـزود الطيـن بلـه
طالع فمن حولـك وتاخـذ شهـادات
مانلتهـا لـو تـدرس الدهـر كلـه
ناس(ن) تجر من اسود الضيق ونات
ونـاس(ن) تقضيهـا وناسـه وفلـه
هذاك شال همـوم غيـره ولا بـات
وهذاك مايدري عـن احسـاس خلـه
احدن يهين اصلـه علـى كـل زلات
واحـدن ترومـه شيمتـه ماتـزلـه
لا تقول حظي من عنا الوقت قد مات
قل مات حـظ اللـي عنـاه استحلـه
ولا ضاقت الدنيا وعلى الكيف ما جات
اطلق احجاجك ثـم توكـل علـى الله
تحيتي
لا هنت
بس اذا انت الي كاتبها ضيف اسمك ^^
مشكوره ع المرور
وجزاك الله الف خير
قصيــدهـ رااااائــعـــهـ …. وأكثر
دمت بـ حفظ المولى
قصيدة حلوة
تعبر عن معاناة
وطرح يفوق الروعه
حروف من ذهب سلمت يمين شاعرها ولاهانت يمين ناقلها
والسموحه اخي الكريم لابد من نقلها للقسم الانسب ~ المنقولات ~
لذلك تم النقل
تحيتي ~
لا تقول حظي من عنا الوقت قد مات
قل مات حـظ اللـي عنـاه استحلـه
ولا ضاقت الدنيا وعلى الكيف ما جات
اطلق احجاجك ثـم توكـل علـى الله
شكرا لك على هذا
الاختيار الراقي
واهنئك على هذا الذوق الجميل
ننتظر جديدك
تقديري
ايها المبدع بنتظار جديدك
كلك ذوق بإختيارك
نقل موفق
//