كيف أتخلص من ألالام الدوره الشهريه؟ 2024.

السلام عليكم ,

كلنا نعرف ألالام الدوره كيف؟ توجع بشكل فضيع خصوصا في فتره المراهقه()، نلجأ للمسكنات والماء الدافي..

أنا أول ما أحس بأعراضها أخذ حبتين بندول، ولما يبدأ ينزل الدم يبدأ معه الألم، واليوم الأول تكون الالام موجعه لدرجه فضيعه()، أخذ مسكنات+ أستحم بماء دافئ + أحط ماء دافئ على أسفل البطن + أشرب شي حار مثل ( الشاي، القرفه ) وبرضوا أحياناً الألم مابيخف..

أحس أطرافي كلها بارده+ ألالام البطن والظهر والأفخاذ + صداع + إضطراب في النفسيه + إستفراغ + دوخه ..

ألبس لبس شتوي وشراريب ثقيله وما أشغل مكيف بالعكس أحاول أكون بمكان دافئ ولحافي معي فِ كل مكان 🙂
وما أقدر أتحرك من مكاني شبر، مع ألم البطن والدوخه..
ومع هذا كله مابيخف الألم أبدا، وإذا أكلت حاجه أستفرغها، الحل الوحيد هو إني أروح المستشفى وأخذ أبره , سويتها كثير وتعودت على الحل ذا، الحل الأول أحاول أتهرب من الألم بالنوم()، بس إذا زاد الألم مقدر أنا فأضطر أروح المستشفى

فأنا أبي حل غير المستشفى لأنو مو كل مره بتتيسر لي الروحه 🙁

دُمتم,

خذي طشت وحطي مويه دافيه وملح وحطي رجولك فيها وكثري السوائل الدافيه

.

هذا الحل لرجلين()*
أوكي يعطيك العافيه,

بس أنا أبي أتخلص من ألالام البطن عشان أرتاح.

لا ياحلوتي هاذا لألم اسفل البطن مو تحسين الم وزي النبض يروح من المويه الدافيه والملح الخشن

.

–

وعليكم السلام ورحمة الله وبركاته

يؤ يؤ انتي حالتك مره صعبه كلنا توجعنا يعني غثيان خمول تعب مغص

بس مو لدرجة كل ما أكلتي حاجه تستفرغينها

اشربي حليب مع عسل + نعناع مره زين لألم البطن + قهوه

وإذا ما نفع معك روحي لدكتوره نسائيه وإشرحي لها حالتك ممكن تعطيك علاج مناسب لك

وقدامك العافيه يا عسل

أهلين ().
أمين غاليتي..

أي وربي يجيني ألم مايعلم فيه إلا ربي,

بجرب حليب مع عسل ماقد سمعت فيها.
يجيني غثيان يصير كُل ما أكل حاجه أستفرغها:(

أنرتِ *

ياهلا فيك وعليكم السلام..
والله من جد حالتك صعبة..انا اعرف وحده مثلك ماترتاح الا لما
تروح المستشفى ،،وتعودت على هالشي..
يعني حاولي تدفين نفسك اكثر..اشربي بردقوش..واشربي يانسون مره مفيد للبطن
في اوقات الدورة..وحاولي ..انك تتجنبين البارد ولو كان بس مويه..لانه يزيد الالم وبقوة
اعتدلي بجلستك..عشان ماتتعبي اكثر..سوي جلسه مريحه «خذي كل مخده ولحاف بالبيت خخخ
وريحي ظهرك..إقرأي قران على نفسك لانه دواء لكل داء ،.وان شاء ترتاحين
ودي لك

قرأت في احدى الكتب ان سبب الام الدوره الشهريه نقص في الكالسيوم

والكالسيوم تحصلين عليه في الحليب واللبن الرائب وياريت يكون طبيعيى 100%يعني مايكون من السوبر ماركت

يعني اذا تعرفين احد يبيع حليب واللبن طبيعي يكون افضل

اوممكن تشربين عشبة المرقدوش تشترينها من العطار تغلين مويه وبعدين تحطين ملعقتين من العشبه في كاس

المويه وتتركينها لمده ربع ساعه وبعدين تشربينها تستمرين عليها دوم يعني حتى قبل الدوره بفتره عشان تستفيدين

وسلامات

كلامك تقريباً كله طبقته(),
يعني أشرب نعناع ويانسون وشاي وحليب دافي وأعتدل بجلستي وأحط يدي على بطني وأقرأ الفاتحه 7 مرات,
بس برضوا مابيخف..

يعطيك العافيه()

نورتِ $.