روايتي الاولى ان شاء الله تنال إعجابكم ☺️❤️
هي روايه رومنسيه وجريئه شوي وفيها اكشن ومغامره بشكل كبير وخياليه
اتمنى اشوف فيه تفاعل وحماس
اسم الروايه(كفايه جروح والم وكنت احسبها بدايه جديده) ما احلل احد يأخذ مجهودي بدون مايذكر اسمي
للكاتبه المميزه{صاحبه الكلمه}
~~~~~~~~~~~~~~~~~~~~~~~~~~~~
(البــــــــــــــــــ1ـــــــــــــــــــــارت)
.
.
.
.
.
.
.
.
.
.
.
.
كانت نايمه وقامت من هواش امها الساع10:54 فصخت بجامتها وراحت لم امها اللي قاعده تهاوش عليها
~عائلة رزان تعيش في حي قديم ومليان هنود يشتغلون فيه~
طبعا رزان يعاملونه كشغاله في البيت
<رزان هي بطلة الروايه عمرها19سنه جميله جدا خجوله بما تعنيه الكلمه شعرها أسود مايل للبني لنص ظهرها بيضا عيونها
كبار رموشها كثيفه طويله وجسمها فاتن طالبه ثنويه تحب صديقاتها تعطيهم الأولويه دايم☺️
ام سلمان سعاد عمرها51سنه تكره رزان ما تحبها ابدا<راح تدرون وش سبب كرهها طبعا مو بس امها كل عايلتها إلا اخوها الصغير في الاحداث الجايه>فيها مرض السرطان براسه بس زوجها اللي يدري بالمرض عصبيه تحب
الفلوس حب مو طبيعي تحب عيالها
ابو سلمان محمد عمره56سنه دكتور اسنان ما يعطي عيالها ولا زوجته ولا ريال يحب الفلوس بس لنفسه
عصبي به مرض السكر والضغط قليل يجلس بالبيت ما يدري عن عياله
سلمان عمره27سنه يدرس بالخارج بفرنسا جسمه وسط مو نحيف ولا سمين بشرته حنطيه عيونه صغار
وشعره اسود وخشن يحب وحده اسمه نارمين
شهد عمرها 22سنه نحيفه قوه وطويله شعرها اسود وخشن عيونها صغار سمرا ودها تعرس في اقرب
وقت ممكن تغار من رزان لانها كانت مخطوبه قبل على رجل حلو وتاجر بس شهد من الغيره قالت لأمه ترفض ورفضت
عنود عمرها21سنه سمينه وشعرها اسود ناعم وقصير عيونها صغار سمرا تغازل شباب بس ما احد يدري إلا شهد
طلال عمره9سنه سمين وابيض وشعره ناعم واسود عيونه صغار يحب رزان هو الوحيد اللي يرحمها ويحبها>
رزان تحب راس امها:صباح الخير
امها:روحي زيني لخواتك الفطور وحطيه بغرفتهن
رزان:سمي
راحت رزان تزين الفطور بعد ما خلصت راحت وطقت الباب على غرفتهن ماسمعت في رد دخلت شافت شهد حاطه
سماعات تسمع اغاني
عنود تناظرها بستحقار:عطي الفطور وروحي ولا تنسين تسكرين الباب وراك
رزان زينت مثل ما تبي وعلى طول راحت لغرفتها
ام سلمان سمعت صكت الباب:جيت يابوسلمان
ابو سلمان:تعالي خوذي الاغراض اللي بيدي
ام سلمان: والله رجلي توجعن ناد رزان تجي تشيلهن عنك
ابو سلمان:رزان يارزان وينك الله ياخذك وارتاح
رزان سمعت ابوها وراحت تركض لمه علشان ما يزعل حبت راسه:سم يبه
واخذت الاغراض منه وراحت بهن للمطبخ
ام سلمان:رزان يالله زيني الغدا اليوم وراك شغل كثير
رزان وهي تتنهد من التعب:طييب
راحت رزان تزين الغدا وجا طلال من وراها:تعبانه رزان
رزان بفزع:بسم الله هبلتن*وضربته بخفه مع راسه وهي مبتسمه
طلال رحمها لأن رزان باين عليها التعب:رزان ابروح اقول لأمي انك تعبانه وأنك منتب مزينه الغدا اليوم
رزان بخوف من امها:لا لا تقوله شي خلاص طلال��
طلال وهو طالع من المطبخ:طيب ما راح اقول شي بس إذا تعبتي ارتاحي لا تجهدين نفسك
رزان ابتسمت بألم:ياليت اقدر كان ازين الغدا وأرتاح شوي بغرفتي
~اذن الظهر وطلعوا الرجال من الصلاة~
ابو سلمان ماسك بطنه جوعان:رزان وين الغدا بسرعه ترانا ورانا اشغال
رزان خلاص بطنه مو راضي يخف من الوجع:طيب انت ارتاح الحين وكل شي راح يكون جاهز
ابو سلمان جالس ينتظر الغدا وينتظر هنا عاد عصب:رزان وين الغدا عساك للمرض سعاد شوفي بنتك وينه
ام سلمان معصبه على رزان اللي للحين ماحطت الغدا:اووووفف*وراحت تشوف المطبخ
شافت رزان فاقده الوعي على ارض المطبخ انهبلت:ابو سلمان وينك تعال شف بنتك وش صار له
ابو سلمان قام بتكاسل:وش به بعد ذي الله ياهو مو وقته
راح ابو سلمان للمطبخ وشاف رزان على الارض:رزان قومي لا تدلعين تدرين اني ما احب الدلع *ماسمع رد
شالها لغرفتها ونزل يتغدا سمع طلال السالفه كلها وراح يركض لغرفتها وهو يقول:والله اني حاس
دخل طلال غرفتها بستغراب:رزان وينك وين رحتي رزان
طلع طلال من غرفتها وراح يقول ابوه أن رزان مو بالغرفه
طلال:يباه وين رزان
ابوسلمان بدون نفس يأشر بيده:بغرفتها
طلال:توي جاي من غرفتها بس مالقيتها
ابو سلمان:وين بتروح يعني
شهد بكذب وخبث:يباه تراي سامعتها امس تقول اني بس ابقعد شهر في هالبيت وإذا صار بالليل ابروح
ابو سلمان قام بعصبيه وقامت معه شهد ومستانسه راحت مع ابوها لغرفة رزان اللي توها طالعه من الحمام<اكرمكم الله>فتح الباب بقوه:وينك ياكلبه وين تروحين بنص الليالي
رزان بألم وخوف من ابوه اللي ماتدري ليه معصب: و و وشو يباه ل ليه معصب
ابو سلمان يشد شعرها:اجل بتقعدين شهر وتروحين هاه
رزان تتألم وتبكي:والله اني ما قلت شي يبه والله اهئ اهئ
ابو سلمان يأشر بيده الثانيه على شهد:اختك تقول انك بتطلعين بالليل
رزان تناظر شهد:والله اني ما قلته شهد حرام تكذبين ترا الله يشوف
شهد بعصبيه: يباه ترا رزان بعد تسبك وهي تزين الغدا اليوم
ابو سلمان بدا يضربه بقوه:تسبين ابوك ياكلبه انتي ناقصك تربيه
شهد طلعت من غرفة رزان وراحت لغرفته تعلم عنود اللي صار
ابو سلمان تعب من الضرب وتركها وهي تبكي من قوة الألم
~في احــد الأحــــيــاءالراقـــــــيـــه~
الجد ابو محمد: تهاني وينك ترا اليوم بنجتمع بالأستراحه العصر قولي للحريم كلهن
الجده ام محمد:سم الحين اقولهن
<الشـــخــصــــيات>
الجد ابو محمد عمره75 اسمه سالم ال سليمان له شركات وأراضي بكل مكان طيب وحنون يحب عياله واحفاده كثير بس إذا عصب الكل يسكت لأن ما يقدر احد يواجهه او يقاطعه بالكلام يحب عياله واحفاده قوه ويحب يحرج الواحد ويمزح كثير
الجده ام محمد عمرها70 اسمها تهاني طيبه وحنونه خجوله تحب عيالها واحفادها تحب البنات اكثر من العيال لان العيال دايم يحرجونها
ابو معاذ اكبر عياله اسمه محمد عمره60 حنون يحب عياله مايفرق بينهم يدلع بناته ويحب زوجته مدير شركه وله ارض بالرس وارض بعنيزه وهو ساكن بالرياض يروح لبريده علشان يزور ابوه وأخوته
ام معاذ اسمها خوله عمرها58حنونه وشوي عصبيه تحب زوجها وعيالها وماتحب تقعد بالبيت دايم وده تطلع<هع
،،عيالهم
[معاذ34 متزوج يحب زوجته حنان وولده حسام عمره 6)(سلطان30خاطب بنت خالته الجوري)(هاني28 سمين وابيض مايهتم بجسمه ابداً مهب اجتماعي كل الأطفال يخافون منه)(البتول20بشرته بيضا شعرها لأخر ظهرها جسمها فاتن تحب تجلس مع فتون)(غلا18عيونها كبار حنطيه جسمها فاتن تحب الهدوء)(فهد9نحيف واسمر مايحب المشاكل وطيوب يحب ريان وعبد الرحمن]
ابو فيصل اسمه حاتم عمره50 له ارضين ببريده مدير شركه وفيصل نائب المدير نظرته حاده إذا عصب ما يهدِيه إلا فيصل مايحب احد يقاطعه وهو يتكلم يحب عياله وزوجته حنون وطيوب
ام فيصل اسمها جواهر عمرها44عصبيه شوي طيبه وحنونه تحب عيالها وبناتها
،،عيالهم
[فيصل عمره28وسيم جداً عيونه كبار وشعره اسود بشرته حنطيه ومعضل نظرته حاده طالع على ابوه وجده إذا عصب الكل يسكت ودايم عند كلمته يشتغل عند ابوه بالشركه يكون نائب المدير يحب يجلس مع فراس ومؤيد الروح بالروح)(رائد25 نحيف وبشرته حنطيه يفتخر بأخوه فيصل دايم يتكلم عنه)(فتون 19بشرتها حنطيه عيونها كبار جسمها فاتن شهرها اسود لنص ظهرها تحب الهواش وتدخل بأي مشكله)(رواد15 وسيم عيونه كبار وبشرته حنطيه يحب اخوته فيصل ورائد دايم وده يصير نفسهم)(ساره9تحب اخوه فيصل]
ابو فراس اسمه خالد عمره48له ارض كبيره ببريده ومدير شركه عصبي بعض الاحيان بس حنون وطيب ما يرفض طلب من بناته وعياله
ام فراس اسمه منيره عمرها43 عصبيه شوي بس طيبه وحنونه مع عيالها
،،عيالهم
[فراس27شعره اسود بشرته حنطيه معضل وسيم يحب اخوه مؤيد وفيصل )(مؤيد26شعره اسود وبشرته حنطيه معضل وسيم يحب اخوه فراس وفيصل ولد عمه دايم يقعدون مع بعض)(ترف عمره20بيضا عيونها كبار جسمها فاتن تحب تدلع تناظر الناس بستحقار ماتقعد مع احد تحب تجلس مع الحريم وتحب فيصل قوه)(ريان9 سمين واسمر يحب يجلس مع فهد ولد عمه وعبد الرحمن ولد عمته]
ام سامي عمتهم اسمها هدى عمرها34مطلقه وله ولد اسمه عبد الرحمن عمره9 يحب يجلس مع فهد وريان
~نكمل~
الكل متحمس للأستراحه
في بيــــــــت ابــو فــراس
ابو فراس:مؤيد وينك تعال جب الاغراض معي
مؤيد يتثاوب توه قايم من النوم:طيب طيب
ترف معها شنطتها وتتدلع عند مؤيد:مؤيــد حبيبي حط شنطتي بالسياره
مؤيد بعصبيه:منب اصغر عيالك انا
ترف تكشر:اوف منك بس
مؤيد:انقلعي يالبزر
ترف راحت لم ابوه:يبه شف مؤيد يقهر
ابو فراس يناظر مؤيد:اترك اختك وجب الاغراض لسياره
مؤيد وهو رايح:طيب بس يباه وين فراس
ابو فراس:قلت له يروح للبقاله
دخل فراس وراح لسياره: وهاذي الاغراض جبتهن
فراس متحمس يناظر مؤيد: فيصل وانا بالبقاله دق علي يقول وينكم
مؤيد تحمس : الحين هم بالاستراحه
فراس:يقول تونا واصلين
مؤيد راح يركض:ابروح اغير ملابسي اللي بيركب معي يجي
~بالأستراحــــه~
الكل جاي ويسلمون ع بعض
الكل جاي ويسلمون على بعض
~عند الحريم~
ام فيصل:هلا والله يام فراس
ام فراس: ياهلابك
ام فيصل: وشلون بنتك ترف والله ماشفته وينه تجي تسلم علي
ام فراس تنادي ترف:ترف وينك تعالي سلمي على ام فيصل
ترف تتدلع:هلا مرة عمي وش لونك
ام فيصل:الحمد الله بخير تعالي اقعدي بجنبي يابنيتي
راحت ترف عند ام فيصل
جن البنات كلهن وجلسن عند الحريم
فتون بهمس:بنات شوفن ترفوه تتدلع عند امي الكلبه
البتول بنفس الهمس:الحين انتم من جدكم تزوجونها فيصل
فتون بضيق:وانا وش بيدي اسوي والله مااحبها بس امي الله يهديه تبيها لفيصل
غلا تهمس لفتون:وانتي وراه ماتقولين لأمك
فتون:قلت لها بس ماسمعتن حتى فيصل نفسه مايحبها ولا يبيها
البتول بستغراب:يعني بتغصبونه عليها
فتون تنهدت :مادري،اقول بنات سكرن ع الموضوع
اسكتن البنات وفتون تناظر ترف بحقد وكره
الجدة ام محمد تعلي صوتها:ياحريم تغطن جو الشباب يبون يسلمون
الكل تغظا ماعدا الجدة والبنات لبسن لثمه
الشباب:ياولد
الجدة ام محمد:ادخلو ياعيال ترا الحريم تغطن
دخلو العيال وجلسو ع الارض عند جدتهم ام محمد
مؤيد يحب راسها:وش لونك ياجدتي العزيزه
الجدة مستانسه:الحمد الله وش لونك انت
فيصل جلس عند جدته ام محمد وحط ذراعه ع كتفها ويهمس بذنها:ياهلا والله بجدتي
الجدة ام محمد خجلانه من حركته بعدت ايده بقوه وحط عصاها بصدره:اشبك تتحرش بجدتك يالي ماتستحي
الشباب:ههههههههههههههههههههههههههههههههه ههههههههههههههه هههههههههههههههههههههههههههههه
هاني جا حب راس جدته:يازين اللي يستحون ياناس
الجدة ام محمد يقالها زعلانه وتناظر بالجهه الثانيه:روحوا خلاص مابي احد
فراس جلس بجنب فيصل:حرام عليكم تدرون ان جدتي من النوع اللي يستحي
معاذ حب يطول السالفه:جدتي حبيبت قلبي الحين اتصل ع زوجك يراضيك
الجدة ام محمد بفزع:إلا ابو محمد لا تتصل عليه إلا هو
الجد ابو محمد كان واقف عند الباب:وراه وش بي انا مهنا ملحي
الجد ابو محمد راح لم الجده ام محمد وجلس بجنبها وباس خدها:وش رايك بي الحين
الجدة ام محمد خجلانه قوووه:وخروا عن خلاص وه
جلسوا الشباب وجدهم ابو محمد يضحكون ويسولفون
جت ام فيصل همست بأذن الجدة ام محمد انها تخلي ترف تصب لهم القهوه
الجدة ام محمد:ترف حبيبتي تعالي صبي لنا القهوه
ترف بسعاده وهي تناظر فيصل وتطول صوتها:من عيوني
بدت ترف تصب القهوه وهي تمده لفراس:سم
فراس يناظر اخته ترف بشمئزاز:مابي
ترف تقول بقلبها خيره وهي تكشر مدت القهوه ع مؤيد بس مؤيد بحركه سريعه قام وانكبت القهوه ع فيصل لأن فيصل كان
جالس بجنب مؤيد اسكت فيصل وهو يناظر بنطلونه بقرف
ترف صرخت وجتها الصيحه راحت للمطبخ تجيب مناديل يوم رجعت لقته واقف وفيصل شبه معصب راحت تركض لمه
وهي معه المناديل وجلست ع الارض وتمسح بنطلونه
فيصل ابعد عن ترف وناظرها بسخريه:يالله امشو يا عيال
طلع فيصل ومؤيد وفراس
عاد باقي الشباب يسولفون
~عند الحريم بعد ما طلعوا العيال~
ترف صاحت وراحت للغرفه ولحقتها ام فيصل
ترف جلست تبكي وجت ام فيصل وضمت ترف ع شان تهديها
ام فيصل:خلاص حبيبتي لا تبكين قطعتي قلبي
ترف تبكي بقوه:بـ بس انا كبيت القهوه عليه الحين ماراح يتزوجن يحسبن قاصده اني اكبها عليه
ام فيصل:لا يهمك فيصل ماراح ياخذ غيرك
ترف شهقت من الفرحه:صدق *وتحب راسها
ام فيصل تبعد عنه:ترف حبيبتي يالله انزلي قبل مايحسن البنات
ترف كشرت:وع كسسل كل وحده اشين من الثانيه
ام فيصل تناظرها وهي مبتسمه وتغمز لها:اجل تبينن اقول للبنات انتي وفيصل ان شاء الله
ترف استحت:لا لا الحين اروح لمهن
تحمست على قصة فيصل كثيييير…ورزان خييييييييير ايش هذا الظلم..
اتوقع ابوها يزوجها واحد غني من هذي العايلة عشان فلوسهم..
واختها الكرييييهة..راح تغار ويمكن تحاول تفسد فعلا قههههر..
اتمنى ان رزان تبقى مثل ماهي..يعني طيوووووبة..بدون وقاحة..
بالمختصر الشديد..روايتك رووووعة..وانتبهي لهذي النقاط..
١_البطله ينقلب مزاجها فجاة ضعيفة وفجاة قوية
٢_اذا صارت قوية ماتصير ذكية ومخادعة بالعكس بس تحبس دموعها..
واذا تقدرين حبيبتي حطي صور للازياء او الاشكال البيوت السيارات الابطال..
هههههههههههه..شكلي ماتركت شيء ماقلته..هههههه…انا متابعة ان شاء الله..استمري..
حطي افكار جديدة اذا حابة يكون في تفاعل بروايتك لان افكارك مستهلكة ومكررة في روايات كثيرة اغلبها البطلة جميلة وخواتها شينات ويغارو منها ويعذبوها لاسباب غير مقنعة ولا هي قوية .. ومستغربة من تفريق الاب بين بناته وفي تناقض دكتور اسنان يعني متعلم ومثقف وفاهم الدنيا ومستواه يخير ماراح يتصرف التصرفات الي ذكرتيها ولو كان متحجر بيعامل بناته وحتى زوجته نفس المعاملة اما يكره وحدة ويحب الباقي هالشئ مومقنع
ايضا سالفة ترف وفيصل مافي ام بالدنيا ماتحب السعادة لعيالها ولا بتفضل الغريب على ظناها فكيف ام فيصل تحب ترف وتلبي رغباتها غصب عن ولدها لا وفوق كل هذا الولد عنده شخصية ماحد يقدر يفرض عليه شئ مهما كان فمابالك بزوجة هو موراغب فيها ..
اخوان ترف كيف يرضو ان اختهم تقوم تستعرض نفسها قدام الكل بينما في رجال يقدرو هم يقهوو نفسهم بدل ماتجي بنت وسط كل هالشباب تتميع وين غيرتهم على محارمهم مافي اخ يرضى ان اخته تعرض نفسها على اي شخص مهما كان
عزيزتي لازم تنتبهي لحبكة الرواية اذا كانت مظبوطة ومقنعة بتجذب القارئ وبتنجح الرواية اما اذا كانت فيها مبالغة وغير مقنعة بتكون ضعيفة ومنفرة
القوانين / الإطلاع هام و الإلتزام ضروري
وهذا الموضوع راح يفيدك ياليت تطلعي عليه
.
.
.
.
.
.
.
.
.
.
.
.
~عند العيال بعد ماطلعوا من عند الحريم~
فيصل يناظر بنطلونه بقرف: ابروح ابدل ملابسي واجي
راح فيصل يغير ملابسه وصار فراس ومؤيد لحالهم
فراس معصب: انا اوريك به الكلبه فشلتنا الله ياخذه
مؤيد:اي والله ياخزياه من فيصل
فراس مقهور:انا اللي قاهرني انها جايه وتمسح بنطلونه
مؤيد:اي حتى فيصل يناظرها ومصدم من تصرفها وكانت مقربه منه قوه
فراس:اقول مؤيد قفل ع الموضوع الحين يجي فيصل
فيصل يناظرهم من بعيد ومبتسم:ياعيال جدي يقول تعالوا ابيكم
فراس ومؤيد قاموا وراحو لجدهم ابو محمد
الجد مستانس وقدامه عياله واحفاده:اقول هاني قم صب لنا القهوه
هاني يتثاوب ماله خلق:طيب طيب
الجد ابو محمد:الحين انت وشبك قاعدلي بذاك وراه ما تقعد معنا
هاني كسلان:الحين اقعد بجنبك
الجد ابو محمد:لا لاتقعد عندي انت تجيب الكسل
ريان وفهد وعبد الرحمن جالسين عند جدهم ابو محمد
عبد الرحمن:ياحول جدي مايبيك يا هاني
ريان يضحك ومستانس:هههههههههه وين جبهتك ياهاني وينه
فهد مكشر:مع انه اخوي إلا اني ما احبه
هاني عصب وهو معه زمزمية القهوه جا لمهم:وش تقولون
فهد وريان وعبد الرحمن يضحكون:هههههههههههههه هههههههههههههه ههههههههههههههه
هاني قرب لمهم:تعيدونه والله لأجلدكم *وعطاهم ع كف
فهد وعبد الرحمن وريان راحوا عند الحريم وهم يصيحون
~ عند الحريم~
الجدة ام محمد:تعالن ياحريم وانتن يابنات وراه ماتروحن تسبحن بالمسبح
البتول راحت تلبس ملابس السباحه متحمسه:يالله بنات وراه ما نطب
غلا قامت:انا ابسبح بس شوي
فتون يوم شافت بتول بتسبح قامت:انا بعد ابسبح
قامن كل البنات اللي بيسبحن
ام فراس:ترف بنتي وراه ماتسبحين مع البنات تغيرين جو
ترف كشرت:لا كسل ماودي ابقعد بذا
~في المسبح~
البنات صراااخ وفله البتول:فتون تعالي طبي معي
فتون متحمسه:طيب طيب جيت
طبن البتول وفتون مع بعض فتون صبخت غلا بالغلط
غلا صرخت:آآآح ماتشوفين انتي وجهك
فتون عصبت:انتي السبب كان ابعدتي
غلا كشرت:اصلاً انا ابطلع
فتون:ازين انتي بس زود عدد
~عند الرجال اللي قاعدين يسمعون صرااخ البنات~
ابو فيصل:يازين البنات مستانسات
ابو معاذ:اي والله ماشاء الله عليهن
الجد ابو محمد قام:ابروح اسبح معهن ازين لي
راح للمسبح اللي عند الرحيم
الجد ابو محمد يفتح الباب حق المسبح:الحمد الله بنياتي مستانسات
فتون طلعت من المسبح وراحت لم الجد ابو محمد ومسكت ايده:وراه ماتطب معنا
الجد ابو محمد فرح: اصلاً انا جاي اسبح روحي قولي لجدتك ابي ملابس
فتون مستانسه:طيب
راحت فتون لجدتها:جدي يقول ابي ملابس السباحه
الجدة ام محمد:بيسبح معكن
فتون تناظر جدتها:اي وراك
الجده ام محمد:وانتن عادي عندكن
فتون:اكييد هذا جدي حبيبي
الجدة ام محمد مستحيه:وش حبيبك
فتون تغمز لها:تغارين
الجدة ام محمد تناظر الجهه الثانيه وماده بوزها:وش اغار صدق بنات هالوقت، شوفي الشنطه السوداء فيها ملابس السباحه حقاته
فتون راحت وهي تضحك:ههههههههه ههههههه طيب طيب لا تزعلين
فتون اول ما دخلت للمسبح قالت لجده عن جدته وهي تضحك
الجد ابو محمد يضحك:ياحياتي هي
سبح الجد ابو محمد مع البنات ومبسوط
~مر الوقت بسرعه والكل راح لبيته~
في بيت ابو فراس
فراس اول مادخل البيت سحب ترف من شعرها:انتي ما تستحين ع وجهك تقربين لم أرجال
ترف وهي تبكي من شدة الوجع:آآح وخر عن انت ما لك دخل بي
فراس معصب قوه:انتي مابك ولا ذرة حياء انتي وجهك يالكلبه
ترف صرخت:ابعد وخر عن انت مالك دخل
ابو فراس سمع صراخ ترف وجا لمهم وهو معصب
ابو فراس بعصبيه:فراس ابعد عن اختك
فراس ترك شعرها:انقلعي الله ياخذك
ترف راحت تركض لغرفتها وتبكي:اهئ اهئ اهئ
ابو فراس معصب:الحين انت وراه تضربه وش مسويه
فراس يحاول يهدي ابوه:خلاص يبه اقصر الشر
ابو فراس تنهد:طيب ياوليدي لاتعيده روح ارتاح بكرا وراك شغل الله يهديك
فراس:سم يبه
……………..،…………….
~في حي قديم مليان عمال~
ام سلمان فرحانه:العنود شهد وش رايكن بكرا نطلع لسوق
شهد اعجبته الفكره:صدق يالله اولاه
العنود تحمست:بس يمه منين لنا الفلوس
ام سلمان جت في بالها فكره ابتسمت بخبث:الحين ابوك نايم انتي يا العنود وشهد ادخلن الغرفه فيه درج عند راسه في 1000 جيبن منهن اللي تبن
شهد وعنود فرحانات:ماطلبتي شي
راحت العنود وشهد فتحن الباب بهدوء وراحن لدرج اللي عند راس ابوهن وأخذت العنود300وشهد200 و150لأمها وطلعن من الغرفه وراحن لأمهن مستانسات
~من بكرا بعد أذن الظهر~
ام سلمان تنادي رزان:رزان تعالي اليوم بنطلع لسوق
رزان فرحانه:صدق الله ابي شوي ملابس لي
ام سلمان بستحقار:انتي منتب شاريه شي بس شيلي الاغراض عنا
رزان اختفت الابتسامه:طيب
ام سلمان تنادي ابو سلمان:ابو سلمان تعال ودنا لسوق بسرعه ورانا اشغال
ابو سلمان:يالله جيت
اخذهم وحطهم بالعثيم وراح لشغله
~في العثيم~
ام سلمان فرحانه بس تشري ورزان كل إيدينها مليانه اكياس
ام سلمان:بنات فوق في محل يبيع فساتين
شهد والعنود:صدق يالله نروح لمه
رزان كانت قاعده تناظر المحلات ودها تشتري يوم شافت ان امها وخواتها اختفن خافت
رزان تناظر يمين ويسار:يمه وين راحوا وخلوني*تذكرت رزان ان امها تقول فيه محل فساتين فوق ابتسمت رواحت لاصنصير
دخلت لقت فيه شاب بس هو لحاله
الشاب:انتي وين تبين
رزان خافت:ا ا ابي ادور اللي بعد ذ ذا
الشاب ابتسم:طيب
يوم فتح الباب وجت تطلع وطت عبايتها وطاحت هي والاكياس
الشاب ضحك ع شكلها:هههه قولي بسم الله*مد يده علشان يساعدها
رزان خافت قوه:لا انا اقوم بنفسي*وقامت رزان
الشاب يأخذ الاكياس اللي طاحن من رزان
فجأه جت بنت معها اكياس تركض عند الشاب
تنادي:فيييييصصصل تعال بسرعه امي تقول يالله بنمشي
فيصل:طيب انتظري عند امي الحين اجي
راحت البنت ورجع فيصل يناظر رزان
فيصل:وهاذي الاكياس
رزان:شكراً
فيصل ابتسم:الحين ترا بيسكرون المحل قولي لزوجك يجي ياخذك
رزان:ا ا انا ما تزوجت
فيصل يناظرها:اجل دقي ع ابوك يجي ياخذك
رزان:مامعي جوال
فيصل رحمها:طيب تبين جوالي تكلمين امك
رزان بخوف من امها:لا لا لا الله يعافيك انا اروح ادور عليها
فيصل بستغراب:طيب ما تذكرين اخر مره شفتي امك
رزان:مادري اذكره تقول فيه محل للفساتين في الدور اللي فوق
فيصل ورزان راحوا لدور اللي فوق
فيصل مسك ايدها:تعالي ادورها معك لأن المحل بيسكر ماتشوفين الشرطه فيه
رزان بخوف:وش جابهم الشرطه هنا
فيصل:يقولون فيه إلتماس بالكهرباء
رزان سحبت ايدها وراحت:ابدور امي واقولها نطلع من هنا
فيصل رجع وسحبها من ايدها:خليك معي طيب وان فقع الكهرب بيبتل يأنبني ضمير عشانك
رزان جتها الصيحه: بـ بس اخاف امي تشوفن معك بعدين
فيصل قاطعها:لا تخافين انا اعلمها
دخل فيصل محل للفساتين وفيه حريم كثار:اكييد بذا تعالي نشوف
دخل فيصل ورزان بالمحل وفيه ع جنب ملابس نوم كثااار كلهن عاريات مره
رزان وقفت تناظر ملابس النوم وخجلانه لأنها تدري ان امها تحب هالاشكال
فيصل يناظرها لانها وقفت وشاف اللي هي تناظر وابتسم
فيصل:وش تناظرين
رزان خجلانه:لـ لابس يمكن تصير امي بالجهه هاذي
فيصل: طيب روحي شوفي انا ابنتظرك هنا لان ما اقدر ادخل بين الحريم
جت رزان بتمشي بس وقفت وجتها الصيحه من اللي هي تشوفه
فيصل بستغراب:وش فيك
رزان صاحت:ا ا ا امي هنننا
فيصل بفرح:صدق وينها
رزان كانت بتتكلم بس وقفها كف ع وجهها
ام سلمان معصبه:يابنت الحرام الله ياخذك وارتاح منك يارب
فيصل بستغراب:ياخاله بنتك هاذي*ويأشر ع رزان
ام سلمان بعصبيه:اي هاذي بنتي وش تبي انت
فيصل مستغرب من تعاملها:لا بس قلت اوصلها لأهلها لأنها ضاعت
ام سلمان واصله حدها تكلم رزان:انتي ماتربيتي زين،قاعده تتمشي مع شباب ياللي ماتربيتي شوفي بنات ماشاء الله عليهن
رزان تبكي بقوه:اهئ اهئ اهئ
فيصل مستغرب من تعامل امها:ماله داعي ياخاله انا جايب اهلي والحين ابروح بس قلت اوصل البنت لأهلها وإلا هي ماسوت شي
ام سلمان:انت وش دخلك هي راح تخرب بناتي بس تغازل شباب
فيصل انصدم ان رزان تغازل يعني هي كانت معه مهذبه
ام سلمان سحبت رزان من عند طرحتها وهي تشد طاحت الطرحه وطلع شعرها رزان حضنت امها علشان محد يشوفها بس ام سلمان فهمتها غلط ورمتها ع الارض
ام سلمان ترمي الاكياس ع رزان،اللي شرتها قبل ماتجي:شيلي الاكياس ذولي بعد وبسرعه امشي وراي
عنود وشهد يضحكن بأقوى ماعندهن ع شكل رزان بس اسكتن يوم شافن فيصل انجنن عليه
العنود تهمس لشهد:شوفي اللي مع رزان يخقق
شهد:صادقه الله ياهو حلو ابـ
ماكملت كلامها لأن ام سلمان سحبتهن معها
راحت ام سلمان والعنود وشهد وتركن رزان وراهن
فيصل مايدري وش يسوي وهو يشوف اطراف شعرها
رزان منزله راسها وشعرها مغطي وجهها وتشاهق:و و وي وين ط طرحتي
فيصل بدا يدور طرحتها
فجأه طفا الكهرب
الكل اسكت وظلااااااااااااام
رزان استغلت الفرصه علشان تدور ع طرحتها
فيصل:وينك انتي الحين لا تبعدين ع شان ما
قطع كلامه صراخ رزان اللي يملا المكان
فيصل عصب وبصراخ:وينك انتي الحين
سمع فيصل صراخ رزان تقول:يماااااه فيه واحد اخذني يماه تعـ
فيصل فتح جواله وينور ع الكان اللي تصارخ فيه رزان شاف 3شباب ماسكين رزان رايحين لاصنصير
ركض فيصل لاصنصير ودخل جواله بجيبه ع شان ما احد يشوف وجه رزان فيصل ضرب كل واحد بدون ما يتكلم
راحوا الثلاثه ورزان تبكي وتشاهق:يماااه الله يعافيك والله خفت الله يخليك لي
فيصل رحمها بقوه وتذكر تعامل امها لها وطيبة رزان
فيصل كان بيتكم معها بس تفاجأ
.
.
.
.
.
.
.
.
.
.
.
~اتكمله في البارت الجاي ان شاء الله~
.
.
.
.
.
.
.
.
.
.
.
.
فيصل رحمها بقوه وتذكر تعامل امها لها وطيبة رزان
فيصل كان بيتكم معها بس تفاجأ ان رزان حضنته تحسبه امها وبسرعه ابعدت لأنها شمت ريحت عطر رجالي
رزان جت تروح بس فيصل مسك يدها من جديد
فيصل:وين تروحين الحين تضيعين مره ثانيه
رزان ودمعه ع خدها: ابي طرحتي قبل ما يشتغل الكهرب
فيصل:اي صح نسيت تعالي ندورها
رزان سحبت ايدها منه:انا ادورها بنفسي
وجت تروح بس الكهرب اشتغل
رزان من الخوف ماتحركت من مكانها كانت هي قدام فيصل وفيصل وراه باضبط
فيصل ماتحمل احد يشوفها مسكها مع ايدها ودخل داخل الصنصير
رزان كانت منزله راسها وهي مصدومه
فيصل:وش لون الحين انتي تطلعين برا وانتي بهالحال
رزان جلست ع الارض وحاضنه ركبتيها وتبكي
رزان من شدة خوفها نست ان فيصل معها تبكي:ياويلي انا وش اسوي ابوي بيموتن خلاص اهئ اهئ
رفعت رزان راسها ويدينها تدعي ربها وتبكي من قلب:ياااارب ان امي ماتزعل علي يارب ابوي مايضربن اهئ اهئ يارب تسهل علي إذا رجعت للبيت
فيصل شاف وجه رزان ومنصدم من جمالها واستغرب فيه احد يعاملها كذا وهي بهالجمال ورحمها انها تدعي من قلب ع شان مايضربونها اهلها
رزان حست بنفسها وع طول نزلت راسها:اهئ خلاص اطلع ابي اصير لحالي
فيصل توتر:ط طيب اخاف احد يشوفك كذا
رزان بحده:انا ادبر نفسي خلاص إذا شافون معك احتمال اموت
فيصل اوجعه قلبه ومن غير شعور:بسم الله عليك
رزان ماسمعته لأنها كانت تبكي:ياربيه وش اسوي اهئ
فيصل متوتر يحس انه هو السبب طلع جواله ودق ع فتون اخته
فيصل:هلا وغلا فتون وينك انتي الحين
فتون:هلا فيصل انا وامي الحين عند بوابة2
فيصل:فتون حبيبتي تعالي عند بوابة1 وروحي لصنصير انا هناك انتظرك
فتون بستغراب:وراه حنا خلصنا
فيصل:انتي تعالي الحين واعلمك بعدين
فتون:طيب الحين اجي يالله مع السلامه
فيصل:مع السلامه
ودخل جواله بجيبه فيصل يناظر رزان:الحين تجي اختي فتون إذا جت راح اطلع انا خلاص
رزان ما تكلمت
~عند الباب رقم2~
ام فيصل:وش يقول فيصل
فتون:يقول تعالي بسرعه عند البوابه1 ينتظرن عند الصنصير
ام فيصل بخوف:وش به بسم الله عليه
فتون:يقول اعلمك بعدين يالله يمه ابروح بسرعه الحين يعصب علي
راحت فتون للبوابه رقم1
ووصلت لاصنصير وشافت فيصل واقف عند الباب
فتون تعبت من المشي:آه آآه وه تعبت
فيصل ابتسم يوم شافها
فتون:يالله وش تبي ترا امي خافت عليك
فيصل ابتسم:الله يخليه لي يارب
فتون:يالله علمن وش اسالفه
فيصل:فيه بنت بالصنصير ماعليها طرحه
فتون:طيب انت وش جابك عندها ابـ…
فيصل قاطعها:انتي ادخلي وشوفي انا الحين ماادري وش اسوي
فتون:طيب
دخلت فتون وانصدمت من اللي هي تشوفه قدامها
شافت رزان نايمه وهي حاضنه الاكياس ع الزاويه
فتون مصدومه:فيصل تعال شف انا ماادري وش اسوي
فيصل دخل شاف رزان بالزاويه
فيصل من غير شعور:قومي بسم الله عليك
فتون سمعته وابتسمت وقربت فتون لم رزان ورفعت راسها شافت دموعها ع خدها فيصل قاعد يتأملها
فتون:وين اهلها الحين.*ماسمعت رد وشافت فيصل اللي قاعد يتأمل رزان له شوي فتون حضنتها عشان مايشوف بس انصدمت يوم شافت رزان رفعت يديها وحضنت فتون وهي نايمه
فتون:فاقده حنان هالبنت
رزان وهي نايمه تتمتم:ي يم يماه ا ا اسففه
فجأه قامت رزان مفزوعه من الحلم الشين:يماه اهئ اهئ وين وين امي ابوي بيذبحن وينهم اهلي
ابعدت فتون عنها وعجزت رزان تكمل كلامها من البكاء
فيصل رحمها قوه:فتون وش تناظرين احضنيها خففي عنها شوي
فتون يوم حضنت رزان حست برجفتها وايدينها بارده
رزان بدت تسكت ع شوي شوي
فتون بعدتها عنها:وشي اسمك انتي
رزان تناظر فتون وابتسمت:اسفه ازعجتك معي،انا رزان
فتون ردت لها الابتسامه:وانا فتون
فيصل ابعد نظره عن رزان:فتون الحين وش نسوي
رزان:اسفه سببت لكم مشاكل
فتون:لا عادي انا الحين ابروح لقسم العبايات واشتري لك طرحه
رزان استحت لأنها ما معها فلوس:اسفه انا مامعـ
فيصل قاطعها:لا ماعليك،يالله فتون روحي بسرعه ولا تتأخرين
فتون قامت:طيييب
راحت فتون لقسم العبايات وشاف رجل متوجه لصنصير عندهم
فيصل بحركه سرعه لدرجة ان رزان اندهشت مسكها مع ايدها وحطها في الزاويه واخذ الاكياس وارجع ع رزان ودخل الرجل الصنصير
الرجل:عن اذنك انا ابي الدور الخامس
فيصل ابتسم:خذ راحت*وتراجع خطوتين زياده لدرجة ان فيصل حس بحرارة جسم رزان
رزان كانت خجلانه جداً وهي تناظر الارض شافت صارور خافت وجت تصرخ بس فيصل ارجع زياده عليها ع شان تسكت وما تصرخ(طبعاً فيصل منتبه لصارور من قبل) رزان تحاول ما تناظره لأن إذا ناظرته ثانيه راح تصرخ بكل تأكيد رزان حطت وجهه للجهه الثانيه وتمسكت بكل ايدينها ع ثوب فيصل لأنها تذكرت الصارور فيصل جازله الوضع
انفتح الباب ع الدور الخامس وطلع الرجل هنا فيصل ابعد عن رزان وجلس يناظرها
ورزان بلشه بالصارور خايفه منه فجأه سمعت صوت الصارور من وراها ألتفتت بسرعه وجت تطيح بس فيصل مسكها مع ظهرها
صار وجه رزان قريب قوه من وجه فيصل قعد الوضع كذا لمدة30ثانيه رزان بسرعه ابعدت وتناظر ع الجهه اللي يمين وخجلانه قوه
فيصل ابتسم:تأخرنا الحين اختي تنتظرن تحت
رزان من شدة الخجل ماتكلمت
نزلوا تحت وشافوا فتون واقفه تنتظرهم
دخلت فتون وعطت رزان الكيس:يالله الحين البسيها
رزان بفرح:شكككراً
فتون:عفواً
لبست رزان الطرحه وشكرتهم:يالله انتم خلاص روحوا الله يساعدكم
فتون:طيب تدرين وين اهلك الحين
رزان:مو مشكله انا ادور عليهم الحين
فتون:يالله اجل مع السلامه
رزان:مع السلامه
راحوا فتون وفيصل وراحت رزان تدور ع أهلها والحمد الله لقتهم وطبعاً ماتركوها من دون ضرب
~في سيارة فيصل~
كل الطريق فيصل يفكر برزان هل هي رجعت لأهلها ولا لا
يوم رجعوا للبيت فتون اخذت امها للغرفه وصكت الباب عليهم فيصل ما اهتم وراح ع طول لغرفته
~داخل الغرفه~
ام فيصل بعصبيه:وش تقولين
فتون ببرود:عاد تبين الصراحه البنت حلوه
ام فيصل:اهم شي فيصل شافها ولا لا
فتون تهز بكتوفه ومبتسمه:مادري عنه
ام فيصل قامت وطلعت من الغرفه رايحه لغرفة فيصل
ام فيصل تحاول تهدي نفسها وهي تطق باب غرفة فيصل:فيصل وليدي تراي ابدخل
دخلت ام فيصل وتناظر الغرفه
[طبعاً غرفة فيصل كبيره ع اليمين سريره نفرين لونه بني وبجنب سريره درج صغير وفرشه صغيره لونها ترابي وع اليسار دولابه اللي يحط فيه ملابسه لونه بني وفي الواجهه يعني قدام،شاشة بلازما تحت الشاشه طاوله كبيره لونها بني وكنب متوسط الحجم لونه ترابي قدام الشاشه]
ام فيصل:فيصل وليدي
فيصل كان قاعد ع الكنب وماعليه إلا بنطلون جنز اسود
ام فيصل توخر العصبيه ببتسامه:فيصل حبيبي وش سويت انت وفتون خفت عليك ابي اسمع السالفه منك
فيصل ما له خلق:ادخلي يمه
ام فيصل:طيب
راحت ام فيصل للكنب عنده وجلست بجنبه وتناظر صدره
فيصل يناظر امه اللي قاعده تناظره:تفضلي يمه اسألي
ام فيصل بجديه:ابيك تعلمن من يوم اتصلت ع فتون إلى يوم طلعنا
فيصل يقول بقلبه*الله يعين_علمها فيصل كل السالفه بس ما قال انه شاف رزان لأن امه ماراح تتركه سالم
ام فيصل:اهااا طيب تعرف اسم البنت
فيصل تذكرها وابتسم:رزان *ومن غير شعور تنهد
ام فيصل عصبت يوم تنهد:طيب ذي الكلبه وشي عايلتها
فيصل بستغراب:يماه وش فيك عصبتي
ام فيصل:طييب وش عايلتها علمن
فيصل عصب شوي ع تعامل امه:وانا وش دراني عنها
ام فيصل :طيب تدري وين بيتها هاه
فيصل خلاص وصلت معه:مادري اقولك انا ما اعرف إلا اسمها بس يمه ترا بكرا وراي دوام وانا الحين بي نوم
ام فيصل من غير شعور:تراك ماراح تاخذ إلا ترف بنت عمك
فيصل يوم سمع اسم ترف عصب زياده:ما احبه ولا راح اخذها لو الموت
ام فيصل وقفت ومعصبه قوه:انا اقولك ماراح تاخذ غيرها وانا علمتك
دخل عليهم ابو فيصل:وش فيكم
ام فيصل:انا زعلانه عليك يافيصل* وطلعت من الغرفه
ابو فيصل:وش فيها امك معصبه
فيصل تنهد:يباه تراي تعبان ودي انام الحين اعلمك بعدين
ابو فيصل:اي صح بكرا عندك اشغال كثيره يالله تصبح ع خير
فيصل :وانت بخير
طلع ابو فيصل من الغرفه وسكر الباب وراه
قام فيصل وراح لسريره وحضن الوساده وإلا الحين رزان بباله
~نرجع لبطلتنا رزان~
رزان مروقه لأن بكرا اخر يوم للمدرسه ع شان تودع صديقاتها
ابو سلمان طلع من غرفته معصب:من اللي اخذ فلوسي من الدرج اللي عند راسه
ام سلمان جت لمه وبخبث:انت عارف ان مافيه غير رزان
ابو سلمان:وينه الكلبه ذي
وراح لغرفتها وفتح الباب بأقوى ما عنده
ابوسلمان سحب شعرها:يالكلبه وراه تسرقين فلوس ابوك الله ياخذك وارتاح
رزان تبكي:والله ماسرقت شي وهذاي احلف لك
ابو سلمان:وكأني ابصدق إذا حلفتي لي
يضربها ويضربها إلا ان فقدت الوعي ورماها ع الارض
~مر الوقت ورزان فاقده الوعي ع الارض واذن الفجر~
رزان قامت وهي تتألم من الوجع صلت وفرشة اسنانها ولبست مريولها وزينت شعرها وراحت تفطر وخلصت مفطره ولبست عبايتها وراحت للمدرسه مشي
دخلت المدرسه شافت ميسان وراما عند الباب توهن جايات وراحت تفصخ عبايتها عندهن
[ميسان عمرها19سنه ناعمه وجميله شعرها اسود يوصل لنص ظهرها بيضا عيونها كبار ونحيفه وطويله
راما عمرها19سنه جميله شعرها اسود يوصل لنص ظهرها بيضا عيونها كبار وطويله وجسمها فاتن]
سلمن ع بعض ومستانسات طبعاً رزان ماتخفي ع صديقاتها شي
علمتهن بسالفة فيصل والصنصير
راما ومسيان يناظرن بعض ويضحكن
ميسان تضرب رزان ع خفيف:احلى
راما تغمز لها:تخيلي تقابلينه ثانيه
رزان خجلت من كلامهن:خلاص غيروا السالفه بنات ابي ارقامكن ع شان لو احتجتكن اتصل عليكن*اخذت رزان ارقامهن
~مر الوقت واذن الظهر ورجعت رزان للبيت وغيرت ملابسها وراحت للمطبخ تزين الغدا
تغدوا اهلها وراحت لغرفتها مبسوطه وفتحت جوالها وحفظت ارقامهن
دخل عليها ابوها وهو مبتسم
ابو سلمان:رزان بنتي ابيك بموضوع مهم
رزان خافت منه:وشو يبه
.
.
.
.
.
.
.
.
.
.
.
~اتكمله في البارت الجاي ان شاء الله~
.
.
.
.
.
.
.
.
.
.
.
.
~مر الوقت واذن الظهر ورجعت رزان للبيت وغيرت ملابسها وراحت للمطبخ تزين الغدا
تغدوا اهلها وراحت لغرفتها مبسوطه وفتحت جوالها وحفظت ارقامهن
دخل عليها ابوها وهو مبتسم
ابو سلمان:رزان بنتي ابيك بموضوع مهم
رزان خافت منه:وشو يبه
ابو سلمان تغمره الفرحه:والله يابنيتي انتي مخطوبه من صديق صديقي ابو سليمان عمره 65سنه
رزان تنرفزت:لا منب قابلته كبير اكبر منك انت نفسك
ابو سلمان:يابنيتي ارجال عنده اراضي وبنوك وعنده كل شي ازين لك من العيشه ذي
رزان بتبكي:ما ابي اقضي عمري عند شايب
ابو سلمان عصب:ماراح تاخذين غيره انتي بنتي وانا اختار وش يكون زوجك
رزان قامت وتبكي:لا لا ما ابيه انا ما لي دخل وبعدين انا اختار وش يكون زوجي
ابو سلمان سحبها مع شعرها ورماها ع الارض:انا اصلاً عطيت ارجال كلمه وبعد اسبوع راح يجي ياخذك بدون عرس وقصر ولاشي وطلع من غرفتها
رزان تبكي بقوه:اهئ اهئ اهئ اهئ
اذن العصر اسكتت رزان وكان وجهها يملاه اليأس صلت العصر واخذت جوالها وتصلت ع صديقاتها وعلمتهن باللي صار
ضاق صدورهن ع حظ رزان
كانت رزان ماتنظف ولا تسوي شي صار لها ثلاث ايام ع هالحال
~في اليوم الرابع~
دخلت شهد غرفة رزان بخبث:احلا باقي 3ايام ويجي زوجك ياخذك
رزان ماردت عليها لأنها لو تكلمت بتبكي
شهد:شوفي انا ماتزوجت وانتي ع طول ماشاء الله رجل له اراضي وبنوك وكل شي
رزان بهدوء:اطلعي عن غرفتي
شهد:ابطلع بس قلت اعلمك ان زوجك عنده زوجه وماتت وعنده الحين بنتين و3اولاد يعني بتخلصين عمرك بتربيتهم
رزان ما قدرت تحمل وبكت:اهئ اهئ اهئ
شهد طلعت مستانسه من غرفتها وسكرت الباب وراها
~في بيت ابو فيصل~
بغرفة فيصل كان يزين شماغه ويتعطر ويلبس كنادره ع شان يروح هو وابوه لدوام
فيصل وهو ينزل من الدرج:يباه يالله تراي مشيت
ابو فيصل يزين شماغه بمراية الصاله:انتظر شوي
فيصل شاف امه قاعده بالصاله لحالها ما تحمل زعل امه وراح لمها بالصاله وحب راسها
فيصل:اسف يمه حقك علي*ويحط ايده بصدره
ام فيصل:طيب شف ماراح تاخذ غير ترف هاه ياوليدي
فيصل كشر يوم سمع اسم ترف ماعطاها رد
ام فيصل:هاه اروح اخطبها لك يا وليدي والله البنت حسافه
ابو فيصل يناظر ام فيصل:ياحرمه خليه براحته
ام فيصل عصبت:وش الكلام ذا إلا متى هالولد بيتزوج البنت راح تروح علينا
ابو فيصل ببرود:وإذا راحت فيه بنات ثانيات
ام فيصل قامت وراحت لغرفتها وهي معصبه
ابو فيصل يناظر فيصل اللي إلا الحين بمحله واقف:امش يا وليدي ما عليك
فيصل ابتسم بوجه ابوه:سم يالله نروح
~في الشركه بمكتب فيصل~
فيصل قاعد يكلم فراس له شوي
فيصل: عندي سالفه تعال انت ومؤيد ودي افضفض
فراس:طيب انتظر الحين اجي انا واخوي
فيصل:يالله انتظرك مع السلامه
فراس:مع السلامه
حط فيصل الجوال ع المكتبه ورمى نفسه ع الكرسي وتنهد تنهده طووييييييييييله
وجا طيف رزان بباله وابتسم ع دخلت مؤيد وفراس
مؤيد:وش تتبسم عليه
فيصل بجديه:مؤيد سكر الباب وتعال اجلس وانت يا فراس
قام فيصل وجلس معهم بالكنب
فراس:يالله فضفض نسمعك
فيصل ابتسم:ماادري معين ابدا
مؤيد تحمس:يالله تكلم تحمست
فيصل قال لهم كل شي عن رزان بس ماقال اسمها بس قال بنت الله يستر عليها وانه إذا تذكرها ابتسم
مؤيد بفرح يغمز لفيصل:حبيتها ياولد
فيصل:لا وين وش احبها
فراس:ياحليلك يافيصل
ورا الباب كان فيه احد يسمعهم من بدايت كلامهم وابتسم
عند فيصل ومؤيد وفراس
فراس يغمز لفيصل:إلا حلوه البنت اللي انت قاعد تتكلم عنها
فيصل تذكرها وابتسم ابتسامه عريضضه:عيب يارجآل استح ع وجهك ولا تتكلم عنها
مؤيد بدهشه:وتغار بعد يافيصل والله منتب هين
فيصل تذكر الموقف اللي يوم يرجع ع رزان عشان الصارور وناظر فراس ومؤيد وهو خجلان:خلاص اطلعوا ترا عندي اشغال اليوم
فراس ومؤيد قاموا وهم يضحكون ع فيصل اللي مبتسم من يوم يقول السالفه وستأذنوا وراحوا
فيصل قاعد يزين الاوراق اللي في مكتبه ودخل عليه ابوه وسكر الباب وجلس بالكنب
ابو فيصل مبتسم:تبيها يافيصل
فيصل بستغراب: وش اللي ابيها
ابو فيصل للحين مبتسم:البنت اللي تتكلم عنها
فيصل انصدم:سمعتن يباه وانا اتكلم
ابو فيصل مبتسم:من الاول إلى الاخر
فيصل رد له الابتسامه:يعني وش
ابو فيصل مبتسم:تبين اخطب البنت اللي تبيها
فيصل من دون مايفكر:طيب تعرف البنت وين هي عايش ووشي هي اصلاً
ابو فيصل ابتسم:ادبرها لك اهم شي ترتاح ياوليدي
فيصل ابتسم ابتسامه عريضضضه وبصوت جهوري:ابييييها
ابو فيصل اعجبته ابتسامت ولده وابتسم له:اجل اسمها رزان هاه*ويغمز لولده
فيصل خجلان:بس وش لون يبه نوصلها
ابو فيصل جا بيتكلم إلا ودخل عليهم رجل
ابو فيصل:بغيت شي يا ابو سليمان
ابو سليمان مبسوط:لا سلامتك بس قلت ابتغيب عن الشركه ايام
ابو فيصل ابتسم:طيب فيه سبب لتغيبك
ابو سليمان:والله ابتزوج من بنت صديق صديقي
ابو فيصل فرح له:ماشااء الله من راح تاخذ
(طبعاً ابو سليمان وابوفيصل اصدقاء بس في الشركه يعني ماراح يخفي عليه شي):انا ماعلمتك راح اخذ بنت ابو سلمان اللي اسمها رزان اذكر اني علمتك
فيصل يوم سمع اسم رزان فز قلبه ومن غير شعور قال:لا رزان لي انا وبس انت وش جابك لها
ابو فيصل ناظر فيصل يعني انتبه لكلامك ابوسليمان سمعه بس اسكت ما قال شي
فيصل اخذ جواله وطلع من الشركه وراح للبيت وع طول دخل غرفته وطاح ع السرير بدون مايغير ملابسه
~مر الوقت واذن العصر~
عند فيصل قام بتعب وشاف نفسه ما غير ملابس وتنهد طلع له تي شرت برتقالي وبنطلون جنز اسود إلا ويسمع جواله يرن📲شاف الاسم فراس
رفعها ع طول بتعب وهو يمشي رايح لمرايه:هلا
فراس:وش فيه صوتك كذا فيصل فيك شي
فيصل وهو يناظر شكله بالمرايه:لا مافيني شي بس احس راسي يوجع
فراس خاف عليه:بسم الله عليك ماتشوف شر ان شااءالله
فيصل:فراس اكلمك بعدي يالله مع السلامه
فراس:مع السلامه
اول ماسكر الجوال فيصل رماه ع السرير وراح يتلبس وخلص وطلع يتمشى بين الشوااارع
راح لشارع قديم
شاف بنت عندها 2رجال يتحرشون فيها
وقف سيارته بعيده عنهم إلا ويناظر الولد اللي قدامها سحب نقابها والثانيه يمسك ايدها
فيصل ماتحمل الموقف ونزل من السياره وراح لمهم
فيصل معصبيه وبصراخ لأن كان بعيد ويمشي بخطوات مسرعه:ابعدوا ما تستحون ع وجهكم
يوم شافوا فيصل انحاشوا لأنهم يعرفونه من قبل
فيصل وهو يقترب لم البنت:عسا ماجاك شي يابنت
البنت مصدومه:ا ا انت اللي بالعثيم
فيصل انصدوم انها البنت نفسها اللي بالعثيم
رزان تبكي بقوهه ماتدري وش تسوي
فيصل:انتي ر ر رززاان صصحح
رزان ماردت عليه من شدة البكاء
فيصل:وش فيك راحوا العيال اللي كانوا عندك
رزان بخوف وتبكي:بس راح يرجعون
فيصل عصب:لا ماراح يرجعون وانتي وش دراك يمكن مايجون
رزان بخوف:واحد منهم شافن وانا اغسل الحوش حق بيتنا
فيصل بعصبيه: وين بيتكم وبعدين اللبسي عبايتك إذا جيتي تغسلين الحوش
رزان برجفه:اللي شافن اغسل الحوش قالي ابرجع واسوي فيك* وتبكي بقوة
فيصل عصب قوه:هذا ان قدر يسوي شي الكلب،متى قال انه راح يرجع
رزان:م م مادري ع ععنه بسس قالي انتظرين ويغمز لي اهئ اهئ
فيصل معصب ومسك ايدها:تعالي معي
رزان بخوف:و و وين
فيصل للحين معصب ويمشي بخطوات مسرعه وماسك ايد رزان بقوه:ابروح اوديك لمكان تقعدين فيه فتره لمين يروح
رزان سحبت ايدها:واهلي
فيصل رجع مسكها:اقولك امشي معي راح اوضح لأهلك
رزان تمسح دموعها وبحزن:انا مخطوبه
فيصل ترك ايدها وبصدمه:م م منن اللي خطبك
رزان بحزن شديد:واحد عمره65ابوسليمان
فيصل مققهور:طيب قبلتيه
رزان بحزن: ابوي عطى ارجل كلمه وبعد بكرا بيجي ياخذن بدون عرس ولاشي
فيصل رحمها:طييب انتي ما
رزان بكت بقوه وتناظر قدام ورا فيصل:يمااااااه لا لا يمااااااااااه لااا
فيصل ألتفت ورا وشاف رجل معه عقاله وجاي معصب
رزان بصياح:لا لا اهئ اهئ يماااه
…….:ياكلبه حتى وانتي مخطوبه تغازلين
رزان:يباااه سامحن اهئ اهئ و والله ماكنت اتغزل انا كن
ماكملت كلامه إلا بكفع وجهها من قوة الكف طاحت بالارض
فيصل ماتحمل يشوفها بهالوضع ومصدوم من ابوها
فيصل برحمه:انتظر لا تضرب البنت بدون سبب
ابو سلمان ترك فيصل وراح لم رزان وسحبها مع شعرها بقوه:انتي مخطوبه لأبو سليمان ع شان تاخذين الورث وتعطينيه ابوك ع شان ازين البيت فاهمه
فيصل مصدوم من ابو سلمان يعني طامع بالورث ولا اهتم لبنته
ابو سلمان ترك شعرها وبدا يخقلها برجله ع بطنها
فيصل ما تحمل الموقف وبحركه سريعه سحبها وصارت ورا فيصل بس انصدم يوم حضنته رزان بقوه وتبكي فيصل اعجبه الوضع