وشلون ماتشتاق عيني لعينه
أنا أدري إني حيل أحبه وأهواه.
وأنا أدري إن القلب صار بيدينه
أموت أنا به في غيابه وأحياه
وشلون أجل لو صافحتني يمينه
حاولت أنا اكتم عبرتي يوم فرقاه.
وألملم جروح الزمان الطعينه
واعطيه من قلب المعنّى معاناه.
وآخذ من جروحه ولو هي دفينه
وأضيع به في زحمة الناس وأنساه.
وأنسى معه ذكرى السنين وحنينه
لقيت نفسي كل ما حل طرياه.
عروق قلبي كلها تقول وينه
يامر على قلبي ولا شك ينهاه.
كلي أنا تحت الإشارة رهينة
ما كل من يضحك سعيد بدنياه.
وما كل من يبكي دموعه حزينه
أحدن بكى .. والكل يدري عن بكاه.
وحدن مع الضحكه تحس بونينه
ياشين فرقى الحب وياشين بلواه.
والمشكلة دنيا بلا حب .. شينه
والزين ما يكمل ولو كان ماحلاه . .
إلا حبيبي ماتغيّر بزينه
ماجيت أسولف عن حلاه ومزاياه ..
يكفي أحاسيسي وقلبي عارفينه
الشعر يعجز وصفها في قفاياه.
لكنها بعيني تساوي كل زينه
كن الفضا في غيبته ضاق مسعاه.
وكني غريقٍ ينتظر له سفينه
شف دنيتي ياصاحبي عقب فرقاه.
مثل الظلام اللي حصل بالمدينة
باكتبه أنا في صفحة الشعر واقراه
وباذبحه بزود الغلا دون سكينة
وبارسمَه في لوحة الشعر وانعاه.
وبادفنَه بين الضلوع الحنينه
بوسط الحشا في داخل الصدر مثواه
إما يسار القلب وإلا يمينه
(( صحيح إن الحي يعطيك الحياة.
مير البلا حيٍ وزادك غبينه ))
وما كل من يبكي دموعه حزينه
أحدن بكى .. والكل يدري عن بكاه.
وحدن مع الضحكه تحس بونينه
الله الله
ابدعت برقي طرحك وربي السماء
قصيده تقبل هام السماء بروعتها
كل الشكر لهكذا طرح
لكن ولاعليك امر ياليت توضح ما إن كان النص بقلمك او منقول ؟!
وذلك وفاقا لقانون القسم وحفاظا للحقوق الادبيه
لاهنت اخوي
عوآآآآفي ~
وما كل من يبكي دموعه حزينه
أحدن بكى .. والكل يدري عن بكاه
وحدن مع الضحكه تحس بونينه
ياشين فرقى الحب وياشين بلواه
والمشكلة دنيا بلا حب .. شينه
إنتقاء أكثر من راااائــع
سلِمت يمينك
دمت بـ خير
ياهلا ويامرحبا بكم وبمشاركتك يالغالي
وحياك الله اخوي انت ومشاركتك
وبما انك جديد فأسمح لي بتوضيح نقطه لك وهي ان قسم همس القوافي لايقبل الاماكان من ابداع العضو نفسه اما من ناحية مايعجبك من القصائد او الخواطر وتقوم بنقله فمكانه المناسب هو قسم المنقولات الادبيه
لذلك اسمح لي على نقل المشاركه للمكان المناسب
وتقبل تحيات وتقدير اخوك
أســــ الغنج ــــير
من عبق احساسك
صح لسان شاعرها
وسلم ذوق ناقلها
إستمر بـ اتحافنا بكل ماهو جديد
تقديري
كلمات رائعه وإختيار ذووق
سلم الناقل والمنقول
//