انا مسجله بس عشان اكتب لكم قصه من تاليفي
وعليكم انت تجدون لها عنوان
ونهايه القصه راح اخذ لها عنوان من افضل العناوين اللي كتبتوها
اتمنى لكم طيب الاقامه
اوبس اقصد قراءه مفيده
بس وين القصه
انتظرك ياالغاليه
تحياتي
ملاكـ
في المدرسه
أماني : ياربيييييييييه اخيرا اليوم اخر يوم اختبارات يعني الحين انا اعتبر نفسي بنت جامعه
لا لا كلش مو مصدقه
ناهد: سكتي يرحم امج اللي يسمعج الحين جايبه شهادة الدكتوراه ترى كلها ثانويه عامه
أماني : اي حبيبتي انا مو اي ثانويه عامه انا علمي مو زيج ادبي
ناهد: بترفرق بشنو علمي ولا ادبي اخرتج عند رجال يهد حيلج بشغل البيت وعيال
ولويه وعوار راس
أماني : قطيعه منج من بنت محطمة الامال والطموحات توفي وينها ؟؟ كل هذا تحل اختبار
ناهد : تحل طل تلاقين عندهم مراقبه منكده عليها عيشتها
أماني : لا تلقين سؤال صعب عليها وقاعده تعصر مخها تطلع الاجابه
ناهد: عشتو ما بغيتي الا توفي تعصر مخها على شان اجاابه سؤال ما تعرفه بتعديه عاتي
من ابسط ما يكون
توفي جايه من بعيــد تركض
توفي : هايز شله
اماني وناهد : هاي خمه
توفي : الحين انا خمه يا جليلات الحيا
أماني : شفيج تاخرتي بشري شسويتي بالاختبار
توفي : اي اختبار اللي تتتكلمين عنه انتي
اماني تطالع توفي بنظرات استغراب
ناهد : توفي مير يسلمج امووون قصدها المكان اللي كنت فيه
توفي : اها قصدج المعتقل ابد طال عمرج حبيبة قلبي انتي اموون
انا من ناحية هالاختبار بالذات اضمن لج
اماني وعلامات الاستبشار على وجها
تكمل توفي كلامها : ان السؤال الاول كله غلط والسؤال الثاني فقرتين الصح
والسؤال الثالث تاركته على حطت يد المدرسه
يعني باذنه تعالى ناجحه على الحفه
ناهد: ههههههههههههههههههه
اماني والشرار يتطاير من عيونها : انا ابي افهم شي واحد انتي شدخلج علمي
توفي : رميه من غير رامي خلاص يا اختاه فكيني من الدراسه
ناهد : ترجعون معاي البيت
اماني : لا انا برووح البيت تعبانه
توفي : انا اللي مو قادره استوعبه شلون هذا الشي وتاشر على اماني مرافقنا لمدة 8 سنوات
اماني : اووووه منكم يلا باي شله
ناهد وتوفي : باي خمه
ناهد : يلا انابعد باي
توفي : نطريني انا بجي معاج بس وصليني بيتنا
ناهد : يلا سرينا
خلوني اكلمكم عن بطلة قصتي توفي اسمها لطيفه ويدلعونها توفي
عمرها 19 سنه
امها وابوها مطلقين وعايشه هي واخوانها
تركي 29 سنه يشتغل بشركه راتبه حلو
و خالد 25 سنه يدرس بكندا محاماه
وفواز 22 سنه يدرس هندسه
كلهم عايشين عند جدتهم ام امهم
توفي كانت قصيرونه شعرها لنص ظهرها وناعم بس كيرلي اشقر عيونها فاتحه مايله للرمادي على الزيتي تتلون على حسب المكان والجو شفايفها زغار بشرتها بيضه
كل من كان يشوفها يظن انها اجنبيه بس كانت على بعضها جذااابه وما انسى انها حيييل دلوعه ونعومه بس هبله ومرجوجه وبايعتها
ناهدوتوفي بالسياره
ناهد : اقول توفي تتوقعين لسقطنا شنو راح يكون مصيرنا
توفي : اقول نهود حياتي انتي
ناهد: سمي
توفي : سقطنا نجحنا هو هو نفس المصير قعده بالبيت لا محاله
ناهد : وي لا تقولين غلقه قعدت البيت بيتنا يجيب المرض
توفي : الحمدلله يارب ان امي وابوي مطلقين وقاعده عند امي العوده واي فديتها
وفديت شاااااي العصر وجمعة العجايز شنو احلى من هذي الحياه فهميني
ناهد : توفي
توفي: ها خير
ناهد: نزلي نزلي بيتج امج العوده لا ارتكب فيج جريمه
توفي: وي يمه لا يحوشك لا حبيبتي انا في ناس تفقدني وتبيني يلا بااااي
ناهد : باي يا خمه بينا تلفون اوكيك
توفي: اوكيك يا كيك باي
تدش توفي بيت جدتها على اطراف اصابعها عشان ما تخضع لاستجواب ماله نهايه
بس جدتها باستقبالها
الجده : ها يمه توفي
توفي : هلا هلا هلا بامي هلا بقلبي هلا بحياتي تصدقين يمه حيل تعبانه من الاختبار تصبحين على خير
الجده : تعالي تعالي بس قصي علي بهالحجي الفاضي قولي لي شسويتي بالاختبار
توفي : ميه ميه تصدقين يا يمه ليتني ما ذاااكرت الاسئله حيل سهله حسافه ليل سهرته على..
تقاطعها جدتها : على التلفزيون وعلى القرقه بالتلفون طول الوقت معاهم بالمدرسه وبالبيت قرقه تلفون ما تزهقون من بعضه
توفي : يا يمه الحين انتي ورفيجاتج كل يوم تجتمعون العصر ويطلعون من عندج التلفون ما يسكت تزهقون من بعض
الجده : تقلعي تقلعي غيري هدومج على ما انشب الغدا
بهالوقت تركي توه راجع من الدوام وداخل بالبيت
تركي : السلااام ها شطابخه لنا الغاليه
الجده : وهذا همك انت بطنك وبس
تركي : يايمه حدي جوعان طول اليوم كرف بالدوام واجي بعد تذليني على لقمه اسد فيها جوع يوم كامل
الجده تتجاهله متجههه للمطبخ وتتحلطم : حسبي الله عليكم من عيال كل واحد لسانه اطول منه ما ادري على منو طالعين
فواز توه صاحي من النوم على تحلطم جدته :لسانا طويل طالعين عليج يا ام الخير
توفي من وراه : الناس تصببببح مو تتحلطم مو كايف جدتي تتحلطم
فواز :ابي فيس حلو اصبح عليه اول ما اصحى من النوم ياربي متى اتزوج واصبح على فيس يرد الروح
تركي : يا عيني واثق ان زوجتك حلوه
الجده من المطبخ : منو بيتزوووج
فواز وتركي : ما احد بس الغدا الغدا
حطت الجده الغدا وتغدو طبعا طبااخ الجده لا كلااااام عليه ياكلون اصابعهم وراه
بعد الغدا دخلت توفي غرفتها تنام
دخلت عشان تسولف مع نفسها
توفي : الى متى بتظلين لنا يا جدتي شايلتنا ما ترضين علينا بالكلمه
هل راح نقدر نرد لج ولو شوي من اللي عطيتنا اياه
وينج يا يمه وينك يا يبه من هذا كله رميتونا عليها ورحتو ولا كلفتو نفسكم تشيلون جزء من المسؤووليه
ليه يايمه مو كافي شالتج وربتج جايه الحين تقطين عيالج عليها
الله يكون بعونج يا جدتي ويطول عمرج ويخليج لنا ويقدرنا نوفي لج جمايلج علينا
كانت جدتها معطتها كل شي ممكن تحتاجه عوضتها عن امها وابوها
انتظروني بالجزء الثاني
وانتظر رايكم
ياعالم ياهو
مووووفقه اختي رويتك خطيرة بمعنى الكلمة
تقفل لـحين طرح عنوان من الكاتبه..,
.
.
و
لتـأخر الكاتبه..,
.
.