قصتي مع صديقتي 2024.

اليوم..
بحكي لكم قصتي مع صديقتي !!

قصة صديقة عشت معها ولا ني عارفة الى الآن وش هو الشعور اللي في قلبي لهاا !!
بابتدي قولي وبقول : عرفتها من ايام الابتدائي ,,
مو مهم …
المهم اني عرفتها وحبيتها ,, أو نقوول انجذبت لها من دوون شعور وتمنيت من قلبي لو كنت صديقتها ..
من دون مقدمات و أذكر كيف كان اللقاء ,,
صارت صديقتي وكل دنيتي
وصرت ما أبي غيرها صديقة ..
من كثر ودي وحبي واخلاصي لها .. ما ودي تفارقني
حبيتها وأخلصت بصدق لها
ولو تطلب أي شي ما ترددت أعطيها
ما تتصورون اشكرث كانت مني قريبه
وحيل حيل ارتحت لها
كنا نتمشا بالفسحة دوم ويا بعض
وكنا لو صار يوم مفتوح في المدرسة .. نمشي ونشتري شغلة تجمعنا في بعض وكناا نخطط لمستقبلنا زيي بعضض ..$
ما أنساها .. وكنت افتخر بصداقتي لها قدام كل هالبشر
وحتى حبنا كان مشترك ..♥
حبينا نفس الأبلة كنا نراقبها ودوم نتكلم عنها
باختصار .. كانت علاقتي معها بذيك الأيااام أقوى علاقة اربطتني بأي انسان كانت جزء عظيييم في حياتي
وأحلى لحظاتي هي الي كنت اقضيها معاها
لا غابت صار اليوم سخيييف
ولا داومت صرت أطير من الفرحة
كانت تقول لي انتي أقرب صديقة لي أنا ارتاح لوجودكك جنبي .. أستانس أجلس معاكك أسولف وودي السوالف ماتنتهي ..
كان كلامها يحرجني ..
ماتوقعت في حد ممكن بهالشكل يحبني

المهم ..

الا لما جاء ذاكك اليوم ..
ياااه وياليته ما كان جاء ..
حسيت انها تصدني .. ولا كلمتها تتهرب مني !!
وعلاقتنا تغيرت 99 درجهه عن اول ..
لدرجة اني شكيت في نفسي .. قلت وش سويت انا اكيد زعلتها بشي وانا م ادريي ..
المهم !!
اتصلت عليها بيوم ميلادهاا اباركك لهاا ولمن سالتها عرفتيني قالت لا مين ..<< في هذي اللحظه حسيت قلبي بيطلعع من جسديي والله ثم الله دموعي كانت بعيوني بتطلعع الله الله يادوبب ماسكتهاا ..
يمكن اننا تغيرت وحبيت غيرها او هي تغيرت وحبت غيريي
ححتئ م صارت تحكي لي عن همومها وسبب ضيقتهاا احيانا اكون متضايقه نفسي افضفض لهاا لانها هي الوحيده اللي تريحني ..
انتي لو تدرين انا يوم عرفتكك وشكثر تغيرت حياااتي
كنت وحيدة وأفكاري كلها سلبية
ونظرتي للحياة كانت سودا
انتي من دخلتي حياتي تغيرت
صرت أحس بشفافية وما عدت أحس اني وحيدة
حرااام عليكك انتي بكذا بترجعيني لوحدتي
كيف كنت أنا ما تذكري >> كنت اقول لكك ماحد كان لي صديق محد كان قربي بيوم الحزن ولا حتى بيوم سعيد
انتي غغير ..
لو أقول لكم ما تصدقون .. أنا الى الآن أموووت قهر من أتذكر ..
دخلوو بنات حياتها وحبتهم وحبوها ودخخلو بنات حياتي وحبوني وحبيتهم وعنديي صديقات كثار بس ورب البيت الئ الآنن اححس اني وحيده بدونها اني فاقده اححد وانا عنديي ناس كثارر ..

آءءءء.
من بعدها تغيرت علي حيل
مو شوي اللي بينا كان شي وصااار شي
مو شوي تكوون في يوم عند انسان كل شي
وفجأة تصير بالنسبة له ولا شي ..!
آءءءء. دايمم اسآل نفسي هي تفقدني زيي م افقدها انا هي تشتاق لي زيي هي نفسنا نرجع زي اول مثل م اتمنئ اناا ..

اإلى اليوووم صديقتي هذي ترجع معي مثل الاول ساعات وساااعات أحسها ما تبيني وتبتعد عني شوي شوي
يوم معاي
وسنه ما أشوفها ولا أعرف عن اخبارها شي ..
من بعدها >> حسييييت باكتئاااب وفي ذاك اليووم بكييييت بكييييت لين جفت دموعي والاكل م آكل وعيوني بس تدمع م بكيت عع اححد مثل م بكيت عليهاا ..

انا الحين لهاللحظة وانا
شعوري ناحيتها متضارب
مادري انا للحين أحبها
ولا كرهتها ..!!
مادري ليش الحين كل ما شفتها يفز قلبي وأستحي وانا اكلمها
يارب وش ذا الشعور!! ..
آآآءءء
وييين كنت معها وكيييف صرت ..

عاشت حياتها ولقت غيري توده ويودها
لكن انا …!! ما فكرت فيني من بلاقي يودني .. وهي عارفة ماضي حياتي من صغري وانا وحيدة وما عندي صداقات ..

خلاااص انا تعبت سنتين او ثلاث وانا أفكر وللآن مو لاقية مبررر أو سبب قويي يخلينا كذا نبعد !!

تعبت تعبت من صدها لي والله تعبت

وبس .. هذي قصتي ويا أكثر صديقة اعتبرتها قريبة ..للأسف هذي الحقيقة
مدري بداية ولا نهاية حالي اللي وصلت له ..

اقتباس:

مو شوي تكوون في يوم عند انسان كل شي وفجأة تصير بالنسبة له ولا شي ..!

أن شاء الله تكون نهاية لهذا الحال معها ،
أنا أفضل أن تكون صداقاتنا مع الغير محدودة ،
والصداقة بالوقت الحالي أصبحت للمصالح ،

بالنسبة لوضعك لأحظت أنك متعلقة فيها كثير ، فحاولي تراجعي نفسك ليش تغيرت هذه الصداقة ؟!
اذا ما حصلتي سبب مقنع فصارحيها ليش تغيرت الصداقة وما السبب وكيف ترجع أفضل عن السابق ؟!

وأن شاء الله باقي الأعضاء يفيدوك بآرائهم ومناقشاتهم ،،
ودمتي بخير

يجزاكك ربي الجنه .. دمت بخخير .. شكرا

خلاااص انا تعبت سنتين او ثلاث وانا أفكر وللآن مو لاقية مبررر أو سبب قويي يخلينا كذا نبعد !!
تعبت تعبت من صدها لي والله تعبت

ما شاء الله اكثر من سنتين ماتكلمك والان جايه تبين حل عجب ؟
الحل بايدك مااحد يقدر يساعدك لانك تماطيتي في الزعل
طيب ارسلي شخص ثاني يصارحها ويعرف السبب

اختى لاتجعلى حياتك تقف عند شخص ما فمن الممكن ان تتفرق لاى سبب فيجب ان تجعلى علاقتك متجددة وممكن تكون صديقتك هادى كانت راح تدلك الى طريق الشر فلهايك الله بعدك عنه فلا تحزنى والحياة لاتقف عند شخص واحد والاتوقفت الحياة

هي صديقه رائعه لاككن سبب تغيرها انها تعرفت ع غيري وانا تعرفت ع غيرها

الحل بايدك مااحد يقدر يساعدك لانك تماطيتي في الزعل
طيب ارسلي شخص ثاني يصارحها ويعرف السبب[/color][/size][/QUOTE]
نحنا م صار بيننا زععل

لاتجعي حزنك نهاية ولكن اجعليه بداية
لحياة جديد فلاتقفي هنا وتابعي
عارفة شعورك لاني بيوم من الايام شعرت فيه
بس بالنهاية عرفت انو هذا كان لافضل لي ولها
خذي نصيحة مني
لاتجعلي احد يلون حياتك فقد لايمتلك غير اللون الاسود

صراحة قصة صداقتك ممااعرف ياريت كان اقدر اساعدك بس ماعندي خبرة كثير بالصداقة بس

مافهمت هالجزء ممكن توضيح عشان مخي راح لبعيييد

اقتباس:

وحتى حبنا كان مشترك ..♥ حبينا نفس الأبلة كنا نراقبها ودوم نتكلم عنها

السلام عليكم ورحمة الله وبركاته

بما ان ما صارت مشكلة ولا أي سوء تفاهم

فمعناه هي ما تبي هذي الصداقة ,وبايعتها

وانتي تبكين وحالتك لله ,ليش كل هذا ؟؟

اللي باعك بيعيه , ولا تفكرين فيه ,

وصدقيني بتحصلين اللي احسن منها ,لا تخلين حياتك توقف عشان شخص ..

ونصيحة مني تأني في اختيار صديقاتك ..